ماهوب قهر ..!! العفو عند المقدره يا المرور

[فيلسوف زمانه]

السلام عليكم
خذوا السالفة اللي تبط الجبد
اليوم عند مراجعة عند مكتب وزير الشؤون الاجتماعية
رحت للمواقف متعددت الادوار وبعد ما دخلت المواقف
الا سيارة بتطلع وخلفها سيارة بيك اب تبي تاخذ الموقف
وقفت اعطيه مجال الا ذاك الهرن طاط بشكل وقح ولا احترام
وتكبر مره ثانيه ضغط هرن (هذا كل في اقل من نص دقيقة)
فتحت باب السياره واشرت له صبر المهم طلعنا الدور الثاني الا
الحبيب يمشي عكس السير يبي يحصل موقف قبلي
انا ماحسبت له حساب كملت الا هو طالع لدور الثالث وقف سيارته
مريت ابي المصعد قلت خلني اقول له كلمة يحترم الناس سألته انت
من البلد الفلاني ( بلد عربي للأسف منتشر عندهم الفوضى )
قلت ترا اللي سويته غلط مشيت وركبت المصعد الا هو داخل فيه ناس
موجدين سكت الا بدا وقال ليه تسعأ علي قلت له انا تكلمت ولا صارخت
ثانيا انت ليش تضغط الهرن انت عارف ان هذا الازعاج عندنا فيه مخالفة
قال كمان عندنا مخالفه قلت ليش ما تحترم القوانين بعدين عشان اللي قدامي
هندي ما تبي تحترم ترا احنا نحترم الانسان مهما كان قال بكل غباء بس لجاجه
في الكلام انتوا ( لاحظ انتوا ماقال انت يعني كل القطريين سوا او الاكثر )
ما تحترموا اللي خلفكوا رفع ضغطي قلت لا تخليني اخذ رقمك قال بكل تحدي خدوه
للقصة تتمه

[يوسف0]

انا الحمد لله ما ارجع البيت ضغطي مرتفع ياما كعيت بريكات في وجوههم وينعرفون من السواقة فيه المحترمين الي ماتحصل عليه شئ وفيه الي قليل الادب شكل الي صادفته

وانصحك انك تلعن خيره فالشارع وترجع البيت مرتاح

استمتع احصلي اشكالهم فالشارع

مع خالص احترامي وتقديري

[الرايــق]

انا ما بقولك تلعن خيره ولا شي..

خلك أكبر منه وولد ناس ومتعلم .. وقوله الله يهديك وانا أفضل منك ما برد عليك.. وصدقني هذول قمامة المجتمع وما في داعي تنزل لمستواه مهما كانت الجنسية

[مشاكل]

خذ رقمه وقدم عليه شكوى فالمركز وهناك بيسنعونه