الحل مع شغالة اشتغلت 5 شهور و تبي ترجع بلادها

[أسد الجزيرة]

السلام عليكم

عندي شغالة اشتغلت 5 شهور و تبي ترجع بلادها و انا دافع عليها 11 الف ريال

يا ريت الحل يا اخوان و اخوات

[دايموند]

قولها خل تدفع اتعاب المكتب والله معاها

او
قولها راح اوديج تشتغلين عند ناس ثانيين

واعرضها للتنازل في الجرايد

[Rider]

الحل ياخواي قولها تجيب قيمة التذكرة وسفرها مالك حل ثاني لو خليتها يمكن تسوي لك مصيبة

[حراير قطر]

الله يعينك

قولها عطيني 11 الف اللي دفعتها للمكتب وعقب دربج خضر

وبعد قولها بمسك راتبج حق التذكرة بعد ما تعطيني 11 الف

شوفها شنو اتقولك :secret:

[دايموند]

او خلها تشتغل 3 شهور بدون راتب وعقب سفرها

مع اني اجوف تدور لها كفيل ثاني وتتنازل عنها احسن منها تكون استرجعت فلوسك

[خزامئ]

الحل قل اذا ماعطيتها للحين الراتب
احجز لها اطول رحله ترانزيت واتعب رحله وارخص من معاشها
لن دامه مصمله ماتضمن تسوي فيكم شي او تشرد ولا تعلمها الا في اخر خمس دقايق قبل ماتطلع من البيت مايمديها تسوي شي لكم

[Zanzoon]

الخادمات بالنهايه بشر...انا دائما احب اكون مظلومه ولا اكون ظالمه
انت ما تعرف ليش تبي ترجع بلدها؟؟..سالتها عن السبب؟؟...هل اهيه مريضه؟؟..ما تبي تشتغل؟؟...او في شي مع عيلتها؟؟...غالبا الخادمات الي موب مرتاحات مع العيله يشردون ولا يعلمون حد...ويشتغلون مع عائلات ثانية بضعف الراتب...وانا شفت منهم بعيني...بس الغريب انها جت وكلمتك
واذا ما عرفت توصل لحل معها , افضل حل من وجهه نظري انك تدور لها كفيل ثاني وتتنازل عنها وترجعلك فلوسك
بس موضوع انه تحجز لها رحلة متعبه او ما تعطيها راتبها فانا عن نفسي ما أءيده...فانت اصلا بالنهايه خسران مبلغ ال 11
اكيد مو معناته انه تضيع فلوسك...بس اهيه بالنهايه بشر واكيد في سبب عندها...اذا بدون سبب تنازل عنها ورجع فلوسك

موفق

[حياة]

زيد لها الراتب واغروها تقعد
ولا يمكن عليها ضغط عمل متعب

[بصمة قطرية]

الله يعينك
بلاوي الخدم ما تنتهي
صج إنهم شر لا بد منه ..

[حمد 2002]

قولها مب سفرج لين اتمين عندي سنتين = تو يرز والي تبين اتسوينه سوويه تبين تذبحين نفسج تفضلي السكين تبين تنتحرين تفضلي مفتاح السطح = عطها العين الحمره ، وقولها هذا عقد = اتفاق =كونتراكت

[لما]

احجز لها وسفرها واحتسبها صدقة ودفع بلا
والله بيعوضك علا نيتك الطيبة

[خشوف]

اطلب أي شرطيه او شرطي من العائلية يجيك بملابس الدوام يسون لها رعب انه الدوله مافيها دلع فيها قانون يقول لها عندج فلوس تدفعين للكقيل الفلوس الي دفعها للمكتب والتذكره او خلي اغراضج وقدام السجن تشتغلين فيه سنتين لين ينتهي العقد وترجعين فلوس الكقيل من الشغل في السجن خدامتي سو لهم زوجي هالحركه قالولي نبي نسافر 3 مع بعض عشان قلت لهم لاتقفلون الباب يوم عيالي عندكم عصبو قالو بنروح الفلبين قلت لهم مب مشكله يله قدام اتصلت على اخواني وجاني بالزي الشرطه خافوا غيروو رايهم لانهم اصلن خايفين من اخوي