نظام بناء المساجد في الدولة؟!

[Dana’1]

السلام عليكم ورحمه الله وبركاته
بصراحة إستغربت من معلومة قالها لي زوجي بخصوص بناء المساجد في الأحياء…في حينا براحة كبييرة قالولنا إن جزء منها حديقة للحي وجزء مسجد إستبشرنا خير بالمسجد…ويوم نزل بعض الجيران وصار العدد نوع ماء كثير طالب أهل الحي ببناء المسجد طبعا الطلب كان من وزراة الأوقاف على ما أعتقد ..قالبهم واحد ممثل من الحي كلة المهم قالوا له لازم تجيبون متبرع يبنيها بماله!
هو شي جميل إنهم يشركون الناس بعمل الخير وأهل الحي ماراح يقصرون بيحطون إلي يقدرون عليه..لكن أتوقع إن لازم هم بعد يساهمون خصوصا إنهم جهة حكومية حسب ما أعرف
يعني الحكومة ما تقصر ببناء مختلف المنشاءت لية عالمساجد لازم متبرع؟!
والإستفسار
هل هذا الإجراء طبيعي وحاصل فيبناء جميع المساجد سواء إلي بالأحياء..أو حتى الجوامع الموزعة بالدولة؟
وإيش هو دور وزارة الأوقاف في هذا الجانب؟ وإذا كان عالتبرع..ليش هم ما يقومون بهذا الدور ويجمعون التبرعات ..؟

[R 7 A L]

وين هذا في حي من احياء الدوحة ولا في قرية ؟

[Dana’1]

وين هذا في حي من احياء الدوحة ولا في قرية ؟

في الدوحة طبعا

[النهار]

عيل عندنا هامدين 5 مساجد من مجموع 6 مساجد وصار لهم الحين اكثر من سنه تمر على المسجد ماتحصل عامل واحد
حاطين القواعد وشوية طابوق مرصوص
نرى عندهم ميزانيه ضخمه لبناء المساجد
اشلون يطلبون حد يتبرع ببناء مسجد بدل مايهدموا مساجد قائمه حتى مش محتاجه صيانه
ينبوا مساجد جديده بهذه الاموال

[R 7 A L]

اذا كانت الارض تحت مخطط الحكومة ومقرر ان تكون لمسجد
ما اعتقد كلام التبرع صحيح
وزارة الاوقاف مكلفة ببنائها .

[Dana’1]

عيل عندنا هامدين 5 مساجد من مجموع 6 مساجد وصار لهم الحين اكثر من سنه تمر على المسجد ماتحصل عامل واحد
حاطين القواعد وشوية طابوق مرصوص
نرى عندهم ميزانيه ضخمه لبناء المساجد
اشلون يطلبون حد يتبرع ببناء مسجد بدل مايهدموا مساجد قائمه حتى مش محتاجه صيانه
ينبوا مساجد جديده بهذه الاموال
ليش ياكافي يهدمون المساجد؟!
بالنسبة لسؤالك شلون يطلبون متبرع…ما أعرف من كذا طرحت الموضوع؟!
على الأقل خل هم يفتحون رقم للتبرع لبناء المساجد..لأنهم جهة رسمية والناس راح تثق فيهم أكثر
أفضل من إن واحد يروح ويلم التبرعات ..ممكن الناس تثق فيه وممكن لا. وسالفة!

الله يعين

[Dana’1]

اذا كانت الارض تحت مخطط الحكومة ومقرر ان تكون لمسجد
ما اعتقد كلام التبرع صحيح
وزارة الاوقاف مكلفة ببنائها .
بصراحة من قبل لا نبني البيت وأول ما استلمنا مخطط للحي وطريقة صف البيوت وموقع البيت كانت هالبراحة موجودة
وقتها سألت إيش بيكون في هالفضاء..قالو للحين مش متأكدين..عقب قالوا إن بيكون في حديقة للحي ومسجد
يعني إلي فهمتة إنها مخصصة للمسجد من الأساس…وأساسا حينا والحي الي جنبنا مافيه مسجد إلى واحد صغير أظنه مبني بنمط قابل للنقل (بورتابل)

[OM_OMAR_QATAR]

مستغربة

[fhd4]

اللي أعرفه ... ان الوزارة عندها ميزانية سنوية لبناء أو صيانة عدد معين من المساجد ...

وإذا المسجد المطلوب خارج ميزانية هذه السنة فيحتاج متبرع ..

[Dana’1]

مستغربة
تبغين الصراحة أنا مو مستغربة من الفكرة بحد ذاتها فهي حلوة أقصد فكرة التبرع وإشراك الناس بعمل الخير..وهذا معمول فية وشفتة حتى بالسعودية

لكن أن يترك الموضوع لسنوات هنا المشكلة في حينا السابق أكثر من ظ¢ظ¥ سنة يصلون في بورتابل ولكن للأمانه الأض كانت مملوكة لشخص وليست للدولة

وكان إستفساري إن هل هذا الإجراء مع كل المساجد والجوامع أم لا…؟وماهو دور الوزراة إذاهي ما تجمع التبرعات..وتقوم بالإعلان ؟!
والناس بهذي البلاد ماراح تقصر..لكن لازم جهة موثوق فيها تقوم بالإعلان

[Dana’1]

اللي أعرفه ... ان الوزارة عندها ميزانية سنوية لبناء أو صيانة عدد معين من المساجد ...

وإذا المسجد المطلوب خارج ميزانية هذه السنة فيحتاج متبرع ..
الحمدلله شي رائع إن مو كل المساجد والجوامع لازم متبرع
لكن ماتشوف إنه بالنسبة لفكرة المتبرع تحتاج تكون من طرفهم
مو تقول للناس روحوا وجيبوا متبرع…!! إيش دورها إذا هي ماجابت ما يثبت وأعلنت عن التبرع؟

[النهار]

اللي أعرفه ... ان الوزارة عندها ميزانية سنوية لبناء أو صيانة عدد معين من المساجد ...

وإذا المسجد المطلوب خارج ميزانية هذه السنة فيحتاج متبرع ..

الله يرحم والديك عن اي ميزانيه تتكلم الحين هابين هبه هدم المساجد والبناء من جديد والله بعض المساجد اهدموها جدامها عشرين سنه
اواكثر لاعادة البناء
في الذمه منطقه فيها 6 مساجد يهدمون 5 مساجد خلال سنه وبعد الهدم يتم الموقع فاضي من 6 الي 7 شهور
وبعدها يبتدون بالبناء يشتغلون يوم وشهر ماتحصل حد من العمال
انت هدمت المسجد ايش البديل لسكان المنطقه المسجد الوحيد الباقي بعيد ومافيه مكان فاضي للمصلين
روح شوف شي عجيب في منطقة بن عمران خلف تاون سنتر مباشره
بنواء مسجد جديد في ارض فضاء تابعه للدوله بالقرب من مسجد قديم المسافه بينهم حوالي 15 متر ؟؟؟؟؟؟

[شموخ دائم]

,

,


مرحبا


اختي الكريمه

وزاره الاوقاف من انشط الوزارات في بناء وصيانه المساجد
مئات المساجد الجديده تطرح لها مناقصات
ومئات المساجد تطرح لها مناقصات الصيانه واعاده الترميم او البناء

بمواصفات جديده من حيث ( الشكل العربي التراثي )
ومن حيث ( ارتفاع المائذنه ) بارتفاع كبير الان
مع تطور البناء وارتفاعات العمارات الجديده
اصبح هناك سياسه رفع المئاذن اكثر من العمارات


نظام بناء المساجد في قطر ينقسم الى قسمين

1- بناء المساجد عن طريق وزاره الاوقاف ( ميزانيه ) خاصه للمساجد
وهذا له خطه موضوعه سنويه في عدد مساجد ينبني كل سنه بحسب المناطق المحتاجه
وتنسيق مع اشغال من حيث اعداد الخرائط والاشراف على المساجد الكبيره

2- نظام اهل الخير والتبرعات هناك من يتبرع في اراضي فضاء
وهناك من يتبرع ببناء المسجد كامل ( اموال ) وهناك مجموعه تشترك في المسجد الواحد
كبير كان او صغير

اذا منطقتكم جديده وقالوا لكم عن ( متبرع )
فهذا يعني ان وزاره الاوقاف ما طرحت مناقصه لمنطقتكم حتى الان
وتحتاج وقت الفتره القادمه او الميزانيه القادمه

وحتى تسرع الموضوع لكم النظام ( الثاني ) المتبرع هو اسرع لمنطقتكم
وهم وجهوكم للنظام الاسرع لمنطقتكم
واهل الخير كثر
واسمائهم موجوده في وزاره الاوقاف وجاهزين باموالهم لعمل المساجد
ينتظرون وجود مكان
الموضوع محتاج تنسيق من شخص
يتابع الموضوع فقط
ولا يحتاج لجمع تبرعات ولا شي
المتبرعين جاهزين والحمدالله فقط
يحتاج التنسيق مع احدهم



,

,

اخوك


شموخ دائم

[New Vision]

اكثريه مساجد قطر مبنيه من التبرعاات

[pure]

احنا هدمو في منطقتنا مسجد لكن بنوه بشكل احلى واوسع من اللي كان عليه

جزاهم الله خير ,,

والمفروض المرشح للمنطقه يطالب ببناء المسجد ,, عيل شالفايده اذا

[Dana’1]

,

,


مرحبا


اختي الكريمه

وزاره الاوقاف من انشط الوزارات في بناء وصيانه المساجد
مئات المساجد الجديده تطرح لها مناقصات
ومئات المساجد تطرح لها مناقصات الصيانه واعاده الترميم او البناء

بمواصفات جديده من حيث ( الشكل العربي التراثي )
ومن حيث ( ارتفاع المائذنه ) بارتفاع كبير الان
مع تطور البناء وارتفاعات العمارات الجديده
اصبح هناك سياسه رفع المئاذن اكثر من العمارات


نظام بناء المساجد في قطر ينقسم الى قسمين

1- بناء المساجد عن طريق وزاره الاوقاف ( ميزانيه ) خاصه للمساجد
وهذا له خطه موضوعه سنويه في عدد مساجد ينبني كل سنه بحسب المناطق المحتاجه
وتنسيق مع اشغال من حيث اعداد الخرائط والاشراف على المساجد الكبيره

2- نظام اهل الخير والتبرعات هناك من يتبرع في اراضي فضاء
وهناك من يتبرع ببناء المسجد كامل ( اموال ) وهناك مجموعه تشترك في المسجد الواحد
كبير كان او صغير

اذا منطقتكم جديده وقالوا لكم عن ( متبرع )
فهذا يعني ان وزاره الاوقاف ما طرحت مناقصه لمنطقتكم حتى الان
وتحتاج وقت الفتره القادمه او الميزانيه القادمه

وحتى تسرع الموضوع لكم النظام ( الثاني ) المتبرع هو اسرع لمنطقتكم
وهم وجهوكم للنظام الاسرع لمنطقتكم
واهل الخير كثر
واسمائهم موجوده في وزاره الاوقاف وجاهزين باموالهم لعمل المساجد
ينتظرون وجود مكان
الموضوع محتاج تنسيق من شخص
يتابع الموضوع فقط
ولا يحتاج لجمع تبرعات ولا شي
المتبرعين جاهزين والحمدالله فقط
يحتاج التنسيق مع احدهم



,

,

اخوك


شموخ دائم
جزاك الله خير عالتوضيح
فعلا إجابة شافية لسؤالي ولا قصور في الباقين
جزاهم الله خير على ما يبذلونه في هذا المجال…وجزاء الله المتبرعين خير الجزاء

بس بالنسبة لقائمة المتبرعين شي رائع.. بس ليش هم يقولون للرجال جيب متبرع دام فيه قائمه بالمتبرعين وجاهزين بس يحتاج تنسيق مثل ما تفضلت
كيف هالشخص ينسق إذا هم يردون عليه بأن يبحث عن متبرع؟! وماقالوا إنتظر حتى يجي دور منطقتكم ونأخذ …أو فيه متبرع جاهز وراح ننسق معاه؟!!!
وجزاك الله خير

[Dana’1]

اكثريه مساجد قطر مبنيه من التبرعاات
جزاهم الله خير..ومثل ما ذكرت من قبل إن فكرة إسهام الناس بعمل الخير رائعة ومفيدة للجميع

لكن كيفية العمل بها هنا هو إستفهامي
والأخ شموخ دائم والأعضاء ما قصروا بالردود..جزاكم الله خير

[Dana’1]

احنا هدمو في منطقتنا مسجد لكن بنوه بشكل احلى واوسع من اللي كان عليه

جزاهم الله خير ,,

والمفروض المرشح للمنطقه يطالب ببناء المسجد ,, عيل شالفايده اذا
جزاهم الله خير
ممم تصدق بالنسبة لي ما أعرف من هو مرشح المنطقة:)

[CiTy]

السلام عليكم ورحمة الله ،،

الأخ العزيز شموخ دائم كفيت ووفيت ،، جزاك الله كل خير ،،


وبخصوص المسجدين خلف التاون سنتر سوف يتم هدم القديم حيث ان الجديد اكبر من القديم .

*_^

[مجلان]

البورت كبين ماشي سوقه لا مستعمل

[يمامـة]

شكرا شموخ دائم

ما قصرت في مشاركتك وضعت النقاط فوق الحروف

[فارس قطر]

,

,


مرحبا


اختي الكريمه

وزاره الاوقاف من انشط الوزارات في بناء وصيانه المساجد
مئات المساجد الجديده تطرح لها مناقصات
ومئات المساجد تطرح لها مناقصات الصيانه واعاده الترميم او البناء

بمواصفات جديده من حيث ( الشكل العربي التراثي )
ومن حيث ( ارتفاع المائذنه ) بارتفاع كبير الان
مع تطور البناء وارتفاعات العمارات الجديده
اصبح هناك سياسه رفع المئاذن اكثر من العمارات


نظام بناء المساجد في قطر ينقسم الى قسمين

1- بناء المساجد عن طريق وزاره الاوقاف ( ميزانيه ) خاصه للمساجد
وهذا له خطه موضوعه سنويه في عدد مساجد ينبني كل سنه بحسب المناطق المحتاجه
وتنسيق مع اشغال من حيث اعداد الخرائط والاشراف على المساجد الكبيره

2- نظام اهل الخير والتبرعات هناك من يتبرع في اراضي فضاء
وهناك من يتبرع ببناء المسجد كامل ( اموال ) وهناك مجموعه تشترك في المسجد الواحد
كبير كان او صغير

اذا منطقتكم جديده وقالوا لكم عن ( متبرع )
فهذا يعني ان وزاره الاوقاف ما طرحت مناقصه لمنطقتكم حتى الان
وتحتاج وقت الفتره القادمه او الميزانيه القادمه

وحتى تسرع الموضوع لكم النظام ( الثاني ) المتبرع هو اسرع لمنطقتكم
وهم وجهوكم للنظام الاسرع لمنطقتكم
واهل الخير كثر
واسمائهم موجوده في وزاره الاوقاف وجاهزين باموالهم لعمل المساجد
ينتظرون وجود مكان
الموضوع محتاج تنسيق من شخص
يتابع الموضوع فقط
ولا يحتاج لجمع تبرعات ولا شي
المتبرعين جاهزين والحمدالله فقط
يحتاج التنسيق مع احدهم



,

,

اخوك


شموخ دائم

اخوي شموخ عند من اروح في وزارة الاوقاف بحصل متبرعين في الانتظار في بناء مساجد


ابيك تروح تشوف مسجد السوق المركزي والهلال وعين خالد

وابيك تاخذ جولة مدة اسبوع كل صلاة في مسجد خارج الدوحة وشوف حالة المساجد لي وين

وصلت من الاهمال في الصيانة

سؤال خارج عن الموضوع كم نسبة القطريين الموظفين في ادارة الاوقاف من الذكور

وشكرا لصاحب الموضوع على الطرح لان هذة الحقيقة في وزارة الاوقاف.

[khalid525]

بالعكس حسب ما اشوفه في الفرجان الجديدة تحصل الاوقاف بانية المسجد والفريج للحين مافيه غير كم بيت ، اتوقع اذا في قصور في تجديد بعض المساجد راح يكون من الاجراءات الروتينية مع الجهات المختصة ، وزارة الاوقاف من الوزارات النشيطة .

[جوال 11]

بناء المساجد ومساكن الائمة من المتبرعين ووزارة الاوقاف مجرد وسيط ومشرف فقط هذا ما اكتشفته خلال المراجعة لبناء مسجد من احد المحسنيين والحمد لله المتبرعين كثير

[معماري قطري]

اللي أسمع عنه إن أداء وزارة الأوقاف سيء جداً .. ولي تجربة قديمة معاهم .. مساجدنا تستحق الأكثر .. تستحق مواقف مرتبة وتستحق زراعة حولها وعناية ومواد ما تتأثر وتتوصخ بسرعة .. مثل نص حائط سفلي رخامي .. ولا فيه داعي للتزيين المبالغ فيه .. أشوف الزراعة ضرورية جداً حول المساجد وأحد الإخوان نبهني مرة لفكرة إعادة إستخدام ماء الوضوء لسقي الزراعة بدل الذهاب هدر.

[Dana’1]

السلام عليكم ورحمة الله ،،

الأخ العزيز شموخ دائم كفيت ووفيت ،، جزاك الله كل خير ،،


وبخصوص المسجدين خلف التاون سنتر سوف يتم هدم القديم حيث ان الجديد اكبر من القديم .

*_^


البورت كبين ماشي سوقه لا مستعمل



شكرا شموخ دائم

ما قصرت في مشاركتك وضعت النقاط فوق الحروف




بالعكس حسب ما اشوفه في الفرجان الجديدة تحصل الاوقاف بانية المسجد والفريج للحين مافيه غير كم بيت ، اتوقع اذا في قصور في تجديد بعض المساجد راح يكون من الاجراءات الروتينية مع الجهات المختصة ، وزارة الاوقاف من الوزارات النشيطة .

شكرا عالمرور والتعليق:)

[Dana’1]

اخوي شموخ عند من اروح في وزارة الاوقاف بحصل متبرعين في الانتظار في بناء مساجد

ابيك تروح تشوف مسجد السوق المركزي والهلال وعين خالد

وابيك تاخذ جولة مدة اسبوع كل صلاة في مسجد خارج الدوحة وشوف حالة المساجد لي وين

وصلت من الاهمال في الصيانة

سؤال خارج عن الموضوع كم نسبة القطريين الموظفين في ادارة الاوقاف من الذكور

وشكرا لصاحب الموضوع على الطرح لان هذة الحقيقة في وزارة الاوقاف.
يوم أمس
مع إن السؤال موجهة لشموخ دائم…وهو في محلة بحكم إنه كتب هالمعلومة

أنا ما أعرف بالضبط عند من تروح..في وزارة الأوقاف لأ, ردهم هو جيب متبرع…
لكن أنا على يقين إن أهل الخير وإلي يبغون يتبرعون هم كثر كلنا نبغى نساهم بالقدر الي نقدر عليه… ونعمل على هالشي

ومن كتبت هالموضوع مع إنه ما يخص التبرع أو الإعلان له حتى …إلى إن جاتني رسالتين عالخاص من أشخاص يبغون يتبرعون.. ويشاركون في أجر بناء مسجد
المفروض هذا هو دور وزراة الأوقاف جزاهم الله خير فهي جهة رسمية والناس تثق فيها أكثر..ليش ما يتم الإعلان دائما عن فتح باب التبرع لبناء مساجد داخل الدولة
وشكرا لك عالمرور والرد

[Dana’1]

بناء المساجد ومساكن الائمة من المتبرعين ووزارة الاوقاف مجرد وسيط ومشرف فقط هذا ما اكتشفته خلال المراجعة لبناء مسجد من احد المحسنيين والحمد لله المتبرعين كثير
صحيح وهذا ما عرفتة أنا أبعد..وجزاهم الله خير
شكرا للمرور والرد

[Dana’1]

اللي أسمع عنه إن أداء وزارة الأوقاف سيء جداً .. ولي تجربة قديمة معاهم .. مساجدنا تستحق الأكثر .. تستحق مواقف مرتبة وتستحق زراعة حولها وعناية ومواد ما تتأثر وتتوصخ بسرعة .. مثل نص حائط سفلي رخامي .. ولا فيه داعي للتزيين المبالغ فيه .. أشوف الزراعة ضرورية جداً حول المساجد وأحد الإخوان نبهني مرة لفكرة إعادة إستخدام ماء الوضوء لسقي الزراعة بدل الذهاب هدر.
الله أعلم.. وإن شاءلله يشدون حيلهم أكثر…لأن فعلا مساجدنا تستحق الأكثر …وشكرا لك عالمرور والتعليق و على طرح الأفكار البسيطة والمفيدة وذات جمالية كبيرة

وجزاكم الله خير جميعا عالتفاعل والمشاركة بالموضوع

[w.qatar]

كم يكلف بناء مسجد في قطر ؟

[Dana’1]

كم يكلف بناء مسجد في قطر ؟

تقريبا مليونين ونص