شكرا حماية المستهلك

[قطريه22]

السلام عليكم ورحمة الله وبركاته


حبيت اشكر حماية المستهلك علي تعاونهم وتواصلهم معاي في حل مشكلتي ورد حقي لي


الله يعطيكم العافيه وماقصرتو

[مخطط قطري]

اول مره حد يشكر حمايه المستهلك

[قطريه22]

اول مره حد يشكر حمايه المستهلك



والله ياخوي ماقصرو معاي وتفاعلو بسرعه ومتابعين لموضوعي

وهذي اول مره اتصل فيهم انا كنت اتوقع بيطنشون لان محد في المنتدي مدحهم بس للامانه يوم اتصلت تجاوبو وساعدوني في مشكلتي وماقصرو

[(الراقي)]

ماعليج امر تذكرين تجربتج معاهم للافاده

[Qa10]

أكثر من مره تم تقديم شكوى وبعضها على وكالات سيارات ظ¬ بالتلفون وببرنامج الأيفون التابع لهم أيضا تجاوبهم سريع
يردون حقك في أقرب وقت ويعاقبون المخالف

كلمة حق تقال الإدارة تشتغل صح وقام اي شخص تاجر يحاسب منها علاوة على المنشورات المزودة بالأرقام للتواصل الملصقات على كل المحلات
ومحد مايقصر

شكراً حماية المستهلك ويعطيكم العافية

[رجل الجزيرة]

وانا بعد اشكرهم.

[قطريه22]

ماعليج امر تذكرين تجربتج معاهم للافاده

تجربتي كانت اني فصلت عباية عند تاجره من دولة مجاوره والتسليم كان بتاريخ 10/12/2013م
ولكنها تاخرت واتصلت على ارقامها رقم مشغول من التاريخ المذكور لين نهاية 12 والرقم الثاني يرن ومحد يشيله
وعقب ماحرقت تليفونهم بعد اسبوعين رد علي هندي يشتغل عندها وقالي العباية يومين وتخلص اوكي خلص اليومين واتصل واتصل محد يرد لازم يعطيني رقم الشحنه او يبلغوني اشصار على العباية ومافي رد منهم

المهم بالصدفة اكتشفت ان التاجره نفسها موجوده في معرض في قطر واخر يوم كان امس 31/12/2013 اتصلت قبلها بيوم للشركة المنظمة وردت علي وحده وقالت احنا مب مسؤولين ومالنا خص في التاجرات ومانتحمل المسؤولية اذا صار شيء المهم قالت لي التاجره موجوده عندها وعطتني اياها وخذت رقمي وقالت دقايق واتصلج اكيد طاف يوم وهي مطنشه وماعندي رقمها القطري، قلت مافي غير حماية المستهلك
اتصلت لهم وحاولو يتواصلون معاها عن طريقة الشركة المنظمة مع ان مالهم خص لانها مش في قطر بس ماقصرو والله تفاعلو معاي وخلوها تكلمني وتعطيني رقم الشحنه الي كانت قايله انها مطرشتها من زمان واخرتها قالت الشحنه توها طالعه من البحرين ، المهم انها ردت علي ولولا حماية المستهلك كانت طنشت وماردت، لا وكانت معصبه بعد اني اشتكيت عليها

[اليشم]

أنا بعد أحب أشكرهم، الحمد الله ماقصروا وبيض الله وجهم
بلغت، ثاني يوم المفتش اتصل واليوم الثالث رجع لي المبلغ...الله يجزيه ألف خير

[الصغيره]

فعلا الشباب القطري هناك يستحقون الشكر والله قد حلو لي مشكله كبيره مما جعل الجهه التي شكيت عليها تساوي الموضوع باقل من ثلاث ايام ولله الحمد تواصل معي احد القطريين يشكر على ما قام به من عمل وتواصل حتى تطمن ان الموضوع تم لمصلحتي واظهار حقي ...

[رجل الجزيرة]

مرة شريت ثلاجة من المخازن الكبرى وبعد إسبوع ما بردت فكلمت المخازن إلى هم أعطوني الوكيل إلي هو: الدرويش وكل مرة يرسلون الفنيين وتخترب الثلاجة لين قالوا الثلاجة تبغي قطعة جديدة من إيطاليا بس إصبر إسبوعين ومن إسبوعين إلى إسبوعين حتى صاروا أكثر من شهرين لين مرة واحد من شباب المنتدى كتب عن حماية المستهلك وفعلا كلمت كيوتل وأعطوني رقم حماية المستهلك وأخذوا بياناتي والفاتورة ورقمها وتاريخها وتواصلوا مع مسئول مبيعات الدوريش لين خيروني بين ثلاجة جديدة أو أنتظر من نفس الثلاجة لين توصل من إيطاليا، فرحت أنا والأهل وإختارنا ثلاجة جديدة من نفس الشركة ودفعنا الفرقية وكان جزاهم الله خير الجزاء تواصل معي لين إتسلمت الثلاجة لين البيت وآخر شيء قول لي: حاجة وإلا خدمة فقلت: بيض الله وجيهكم بغيت سلامتكم.

[بوخالد911]

يشكرون ع جهودهم