&& بدون عنوان && [الأرشيف] - منتديات شبكة الأسهم القطرية

مشاهدة النسخة كاملة : && بدون عنوان &&

خليفـة

30-12-2013, 07:36 PM

اعضاء المنتدى الكرام
السلام عليكم ورحمة الله وبركاته

في البداية:

اعتذر للجميع عن انقطاعي من المشاركة في المنتدى في الاسابيع
الماضية .. بسبب مرافقتي لوالدتي الغالية للعلاج بالخارج .

الموضوع :

لجنة العلاج في الخارج في الدوحه .. رأت ان حالة والدتي الصحية لا تستدعي
علاجها بالخارج .. فقررت ان اخذها للعلاج في تايلاند على حسابي الخاص
وهنا .. في تايلاند .. فاجأني الطبيب ان العملية التي تم اجرائها لوالدتي
في مستشفى حمد في الدوحه .. كانت غير صحيحة .. او بمعنى أدق .. غير مناسبة
وبالتالي قرر الطبيب اجراء عملية اصلاح للعملية القديمة والتي تكللت بالنجاح
لله الحمد والمنه .

العجيب في الأمر :

صادفت اثناء تواجدي في المستشفى .. امرأة مغربية الجنسية
فسألتهاعن سبب تواجدها هنا .. فقالت لي :
ابني الموظف في الخطوط الجوية القطرية .. كان في نزهة في بتايا بتايلاند
وتعرض لحادث اثناء قيادته الدراجة النارية
فقامت الخطوط الجوية القطرية بالتكفل بجميع نفقات العلاج لأبني المتواجد
في المستشفى !

الخلاصة :

اقول لأعضاء اللجنة الطبية الكرام والأفاضل التالي :

يشهد الله ان والدتي لم تكن على دراجة نارية في بتايالأتي بها للمستشفى
ويشهد الله ان والدتي لم تكن تتزلج على سكوتر في بوكيت لأتي بها للمستشفى
ويشهد الله ان والدتي لم تكن تتسلق اشجار شانغ ماي لأتي بها للمستشفى
ويشهد الله ان والدتي لم تكن تتسوق في نانا لأتي بها للمستشفى

وانما .. اتيت بها لمعالجتها من ألام ومعناة طويلة استمرت معها منذ اجراء
عملية في مستشفى حمد العام منذ فترة .. كانت هي السبب في تلك المعاناة

لدي تقرير طبي من الطبيب المعالج لوالدتي في تايلاند يشار لهذاالطبيب
بالبنان
على انه الطبيب الأول في تايلاند.. يفيد ان العملية السابقة كانت غير سليمة
وان الوالدة تحتاج لاجراء عملية جديدة .. لاصلاح الخطأ وانهاء المعاناة

فهل هذا التقرير كافي أم لا !

خليفــة

خزامئ

30-12-2013, 07:50 PM

حمدلله علئ سلامه الوالده اجر وعافيه
دام الي ماسك امورنا غيرنا توقع كل شي

حسن

30-12-2013, 08:28 PM

تستاهل السلامه الوالده
والحمدلله على السلامه يابودعيج

اشوف اليوم الدوحه منوره

:)

يمامـة

30-12-2013, 08:35 PM

الحمدلله على سلامتها يا اخوي خليفة،،

الحسيمqtr

30-12-2013, 08:35 PM

حمدلله علئ سلامه الوالده اجر وعافيه

اليشم

30-12-2013, 08:39 PM

الحمد لله على سلامتها

aziz4z

30-12-2013, 08:46 PM

الحمد لله على سلامة الوالدة
الله يستر على مستشفى حمد , ترى الاطباء يتدربون عندنا و بعدين يروحون مستشفيات ثانية
مرة واحد من ربعي راقد بالمستشفى , قبل العملية كل يوم الدكتور يدخل عليه و معاه مجموعة , هو استغرب ,وسأله ليش تجيب معاك الشيلة يوميا , و يقول بعدما دخلت العمليات أشوف نفس الشيلة موجودة مع الجراح , بعد عرف أنهم كانوا طلبة طب يتدربون و هم اللي أجروا العملية بس بإشراف الدكتور
عادي ينسون المقص و الجوال داخل بطن المريض

خليفـة

30-12-2013, 09:00 PM

حمدلله علئ سلامه الوالده اجر وعافيه
دام الي ماسك امورنا غيرنا توقع كل شي

الله يسلمك اخوي

تستاهل السلامه الوالده
والحمدلله على السلامه يابودعيج

اشوف اليوم الدوحه منوره

:)

منورة باهلها يا بوعلي
للحين انا بتايلاند ياالغالي

الحمدلله على سلامتها يا اخوي خليفة،،

الله يسلمج اختي ام السعف

حمدلله علئ سلامه الوالده اجر وعافيه
الله يسلمك ويعافيك يالغالي

الحمد لله على سلامتها
الله يسلمك اخوي

الحمد لله على سلامة الوالدة
الله يستر على مستشفى حمد , ترى الاطباء يتدربون عندنا و بعدين يروحون مستشفيات ثانية
مرة واحد من ربعي راقد بالمستشفى , قبل العملية كل يوم الدكتور يدخل عليه و معاه مجموعة , هو استغرب ,وسأله ليش تجيب معاك الشيلة يوميا , و يقول بعدما دخلت العمليات أشوف نفس الشيلة موجودة مع الجراح , بعد عرف أنهم كانوا طلبة طب يتدربون و هم اللي أجروا العملية بس بإشراف الدكتور
عادي ينسون المقص و الجوال داخل بطن المريض
الله المستعان
الواحد شيقول غير الله يزين الحال

حمد 2002

30-12-2013, 09:22 PM

رجل تعليم

30-12-2013, 10:05 PM

الحمد لله على سلامتك وسلامة الوالدة وأجر وعافية بإذن الله

sweet qatar

30-12-2013, 10:10 PM

حسبي الله عليهم

تستاهل سلامة الوالدة وعسى الله يديم عليها الصحة والعافية

panda

30-12-2013, 10:17 PM

الحمد لله الوالدة بخير هذا هو الأهم

خليفـة

30-12-2013, 10:30 PM

الحمد لله على سلامت الوالده ،،

وبالفعل في هذا الزمن ماتنفع الواحد الا فلوسه بلا منت احد !!!

وصدق المثل الي ايقول فلسك الابيض ينفعك باليوم الاسود مادري المثل كتبته صح ولا غلط ،،

والحمد لله على السلامه مره ثانيه اخوي خليفه وتستاهل سلامه الوالده وهذا الاهم بالموضوع كله ،،

ملاحظه اخيره اشتقنا حق مواضيعك الي خبري خبرك ههه :shy:

الله يسلمك اخوي حمد
الحمدلله رب العالمين على كل حال
وفي نهاية الأمر .. اناوديت الوالدة على حسابي الخاص
وحسابي الخاص من فضل الله ومن فضب ديرتي قطر الله يديم عزها علينا جميع
لكن .. الي يقهرك لما يكون الأمر معتمد على معرفة فلان وعلان
وضرورة وجود واسطة لشخص هو مستحق

اعرف واحد من الشباب .. يعرف له ناس في الصحة
مودينه للعلاج في المانيا عشان عنده لحمية في خشمة
ولمدة زادت عن الثلاث شهور .. يقول ماخذها سياحة طويلة الأجل
عليه بالعافية .. ولكن هناك حالات مستحقة اكثر منه
وأولى منه بدون شك .

قواك الله بوشهاب

الحمد لله على سلامتك وسلامة الوالدة وأجر وعافية بإذن الله
الله يسلمك يالغالي
وتشرفت بمرورك الطيب

حسبي الله عليهم

تستاهل سلامة الوالدة وعسى الله يديم عليها الصحة والعافية
تسلمين اختي الكريمة
ويزاج الله الف خير

الحمد لله الوالدة بخير هذا هو الأهم

الله يسلمك يالغالي
بالفعل .. المهم في الأمر الآن هو سلامة الوالدة الله يحفظها
لله الحمد .. وله المنه

khalid525

01-01-2014, 12:26 AM

تستاهل سلامة الوالدة والله لا يحوجك لحد
بس ليش اخوي ربطت بين موضوعك وموضوع موظف القطرية ، اكيد ذاك يعالجونه على حساب التأمين الصحي ،
انت مشكلتك مع اللجنة الطبية وانا معاك بالذات الكبار بالسن لابد ان تكون لهم الاولوية في العلاج بالخارج .

ضوى

01-01-2014, 08:28 AM

اخوي اذا عندك فواتير تقدر تقدمها ويتم تعويضك

والحمد لله على سلامتها

R 7 A L

01-01-2014, 10:07 AM

المشكلة الملحق الطبي الي عندك مايقدرون يسون شي
كل شي عند اللجنة الطبية بقطر وللأسف الاخوة هناك استيعابهم لمثل موضوعك صعب عليهم .

الزعفراني

01-01-2014, 10:13 AM

الحمد لله على سلامتك وسلامة الوالدة وأجر وعافية بإذن الله

عاشق العديد

01-01-2014, 10:27 AM

ماتشوف شر الله يشفيها ان شاء الله..

دايم هم كذا.. مب غريبه عليهم.. خيرنا لغيرنا..

Dana’1

01-01-2014, 10:30 AM

الحمدلله على سلامه الوالده..والحمدلله على سلامه الأسفار

بومحمد المطاوعه

01-01-2014, 10:30 AM

تستاهل السلامه الوالده
والحمدلله على السلامه ياخوي خليفه
واجر وعافيه ان شاءالله
ماتشوف شر الوالده يارب

ونورتنا برجووعك يالغالي

وبخصوص الموضوع والله شي يقهر
وشي محزن

الله يهديهم ويسامحهم

مثل ماسوو في ابوي الله يرحمه
توفى ولا سفرووه للعلاج

حسبي الله ونعم الوكيل

بومحمد المطاوعه

01-01-2014, 10:32 AM

اخوي اذا عندك فواتير تقدر تقدمها ويتم تعويضك

والحمد لله على سلامتها

تعووويض فالمشمش

انا مقدم فواتير

يالله وين تعويضي

كل ماراجعتهم

والله موقفين اللجنه
والله مافي شي لحد الحين
والله مادري شنو

لين مازهقت من وجهم ولا قمت اراجع

لو تعرفين حد يالله مشي اموري ولج دعوه في ظهر الغيب

بشائر

01-01-2014, 11:56 AM

تستاهل سلامة الوالدة ..
وعودا حميدا ..
ولاحول ولاقوة إلا بالله العلي العظيم ..

نيساني

01-01-2014, 08:42 PM

الحمدلله على سلامتكم والوالده ماتشوف شر ان شاء الله واجر وعافيه بإذن الله

وانا اقول وين هالغيبه ومواضيعك الحلوه

تحياتي لك ياخوي خليفه

بوخالد911

01-01-2014, 11:18 PM

سلامات

شي غريب فعلا

حاول تقدم التقرير للجنة

وشوووف
لعل وعسى

المحاميه

02-01-2014, 01:10 AM

تستاهل سلامة الوالده

وبالنسبه للموضوع شتسوي عاد ناس وناس

بصمة قطرية

02-01-2014, 01:58 AM

الحمدلله على سلامة الوالدة ..

للأسف عندك واسطة تمشي أمورك
ما عندك بتعاني ..!!

قهر لما تكون لجنة طبيه ( للعلااااااج )
وفيها واسطة و محسوبية والله حرام ..!!

ناس تعاني و تحتاج علاج بالخارج يرفضونها
بحجة توفر العلاج في قطر ..!!

هو في أطباء عدلين عندنا ..؟؟
في علاج و تشخيص صحيح ..

العام رحت مع قريبتي موعد مستشفى في لندن
والله الدكتور يقول أغلب الحالات اللي تجينا من قطر
أخطاء علاجية ..
أخطاء طبية ..
تشخيص خاطيء و علاج خاطيء
و سفروهم برع يتعالجون
خلوا لندن وغيرها يصححون الخطأ ..

وطن

02-01-2014, 02:02 AM

تستاهل سلامة الوالدة اخوي

وطن

02-01-2014, 02:12 AM

تستاهل سلامة الوالدة اخوي