لطفا ممنوع دخول النساء

[حمد 2002]

السلام عليكم ،،

هلا هلا بالجميع ،،

الموضوع يحمل العنوان التالي

لطفا ممنوع دخول النساء

اثناء ذهابي الى الحلاق بغرض الحلاقه ، واثناء انهماك الحلاق بالحلاقه لي وجدت حرمه داخله المحل وجايبه ولدها الصغير للحلاقه !!!! وتالي قالت حق الحلاق الهندي شلون يضبط شعر ولدها ،،

وتالي الحرمه راحت سيارتها واتراقب ولدها من بعيد وتدخل مابين فتره والاخرى المحل لمراقبه حلاقه ولدها !!!

وهالشيء سبب لبعض من الرجال المتواجدين بالمحل احراج واستغراب بنفس الوقت!!! اشلون حرمه تدخل حلاق رجالي ؟!!!!

لذلك اطالب من الجهات المختصه وضع علامه حمراء بخط كبير امام كل حلاق رجالي

(( لطفا ممنوع دخول النساء ))

مع التحيه ،،،

[غير البشر]

ههههههههههههههههه الله يقطع ابليسك حمد

صحيح كلامك :secret:

[الأسبانية للمصاعد]

حرام جايبة ولدها ويمكن مافي حلاقين اطفال

[duhail535]

جزاك الله خير .

ظاهرة كريهة وملفتة بالفعل . وكثيرات منهن تمسك هي بنفسها الطفل طيلة فترة الحلاقة لأن الطفل لا يسكن بمفرد لمقص الحلاق . وكثيرا ما يلامس مرفق الحلاق جسم أو أطراف الأم .

للأسف هذا نتيجة تزايد عدد الخرفان من ناحية ، وجرأة بعض النساء من ناحية أخرى .
كذلك يبدو أن ارتفاع سعر حلاقة الطفل في صالون نسائي ، مبالغ فيه . لذلك تخير بعض النساء السعر المعقول لدى الحلاق الرجل .

[حسن]

انا اؤويدك ياحمد فعلا يجب منعهم من الدخول

لان هذه جرااءه من بعض النسوان ومرفوضه
لا حيا ولا مستحا

المفروض لكن من من ماعندنا هيئه

يالله نطالب البئيه بوضع ملصق خاص

اشكرك على غيرتك

[حمد 2002]

ههههههههههههههههه الله يقطع ابليسك حمد

صحيح كلامك :secret:

ههههههه

اشكررك على مرورك الجميل كصاحبه تماما ،،، :victory:

[حمد 2002]

حرام جايبة ولدها ويمكن مافي حلاقين اطفال

هالاشياء مافيها مسكينه وحرام وووو ،،

هالامور مافيها تعاطف وكسر خواطر ،،

الحق هو الحق و1زائد 1 = 2 والبحر هو البحر والبر هو البر ،،،

مع التحيه ،،

[حمد 2002]

جزاك الله خير .

ظاهرة كريهة وملفتة بالفعل . وكثيرات منهن تمسك هي بنفسها الطفل طيلة فترة الحلاقة لأن الطفل لا يسكن بمفرد لمقص الحلاق . وكثيرا ما يلامس مرفق الحلاق جسم أو أطراف الأم .

للأسف هذا نتيجة تزايد عدد الخرفان من ناحية ، وجرأة بعض النساء من ناحية أخرى .
كذلك يبدو أن ارتفاع سعر حلاقة الطفل في صالون نسائي ، مبالغ فيه . لذلك تخير بعض النساء السعر المعقول لدى الحلاق الرجل .

وجزاااااااااااك بمثله يالذيب ،،

واشكرك على المعلومات التي ادليت بها وافادت الموضوع بشكل كبير ،،

مع التحيه ،،

[طبيب قطري]

موضوع في الصميم ! :nice:

[حمد 2002]

انا اؤويدك ياحمد فعلا يجب منعهم من الدخول

لان هذه جرااءه من بعض النسوان ومرفوضه
لا حيا ولا مستحا

المفروض لكن من من ماعندنا هيئه

يالله نطالب البئيه بوضع ملصق خاص

اشكرك على غيرتك

يابوعلي تعبنا واحنا نتكلم ونتكلم وانصوت هنا وهناك ولكن الواحد مايقول الا الله المستعان والله كرييييم ،،

سنستمر بالكفاح الى النهايه ،،

مع التحيه يالنوخذه ،،

[حمد 2002]

موضوع في الصميم ! :nice:

للأسف يالدكتور ترى قلوبنا تواكل صميمها :) ،،

لكن فيه مثل ايقول الرصاصه اللي ماتصيب تدوش ،، وان شاء الله نطلع بنتيجه بالنهايه ،،

مع التحيه ،،

[: بوحمود :]

ياخي التمس العذر لها والي مثلها انت ماتدري وش ضروفها،،،
بعدين موديه ولدها حلاق وطلعت شمسويه منكر

[بصمة قطرية]

أنا بدخل الموضوع ما علي منك ..
الممنوع مب علي ..



بصراحة ما عندها سالفة
في صوالين خاصه بالأطفال
الأولى إنها تروح صالون خاص بالأطفال
بدل ما تدخل هالمكان و تعرض نفسها و الموجودين للإحراج ..!!!

[بصمة قطرية]

ياخي التمس العذر لها والي مثلها انت ماتدري وش ضروفها،،،
بعدين موديه ولدها حلاق وطلعت شمسويه منكر


أخوي صحيح كلامك ملتمس العذر ..
بس في بدائل صالونات أطفال ..

[توشيبا]

كان قلت لها لو سمحتي حلاق للرجال وانتهاك حقوق الرجل

طلعي برا

انسف لها الجبهه

[حسن]

المفروض ياحمد تبلغ العضيد عنها

:telephone:

[حمد 2002]

المفروض ياحمد تبلغ العضيد عنها

:telephone:

ولا الدفاع لمدني ،،

[حمد 2002]

كان قلت لها لو سمحتي حلاق للرجال وانتهاك حقوق الرجل

طلعي برا

انسف لها الجبهه

افرض غلطت علي بالكلام ؟ لو كلمتها !!!

كيف اتصرف ؟

[بصمة قطرية]

اهلين اختي بصمه ،،،

بس يمكن اتقول داخل نفسها بان الصالون = الحلاق الهندي ارخص من حلاق الاطفال وخلني اوفر افضل ؟

مارأيج بذلك ؟:telephone:

مادري
مابي أدخل في النيات ..
مهما كان مبررها للذهاب للحلاق
مب حلوة في حقها ..

[حمد 2002]

مادري
مابي أدخل في النيات ..
مهما كان مبررها للذهاب للحلاق
مب حلوة في حقها ..

صحيح كلامج ،،

[عاشق العديد]

صحيحححح الواحد صصار يغطي وجهه عشان مايحطونه فالانستغرام او التويتر تدرون هم كل شي يسونه (حلاق تايم )بيفضحونا فااتمنئ ولطفا منعهم منع بات من المرور ايضا ومنعهم من الرويا

[Abdlaziz]

الصراحة معاك لاني شفت هاي الشي صار في الحلاق واحراج داخله واقفه مع الريايل مب عدله كلش الواحد ماياخذ راحتة

قامو يدخلون كل مكان مافي مكان ننخش عنهم الله يستر بس

[ana_ana]

هو المفروض ابو العيال الي يوديهم وبعد ماينلامون الحريم اذا الرجال نفسه غاسل يده من موضوع حلاقه اعياله
وبعد سؤال لأصحاب صالونات الحلاقه المخصصه للاطفال الي بالمجمعات او في الشوارع التجاريه هل تعتقدون مبلغ حلاقه لطفل يستاهل السعر الي حاطينه ؟

[بن غيث]

والله الشرهة على زوجها ))الذكر ((
قاطين العيب على المره المسكينة ..
الله يهديكم ..

[مو مهم]

يمكنها ارمله ..؟؟

اولا ما سوت منكر على كلام حمد
ثانيا انت ليش مراقبها ركبت ونزلت من موترها

[همر]

جزاك الله خير .

ظاهرة كريهة وملفتة بالفعل . وكثيرات منهن تمسك هي بنفسها الطفل طيلة فترة الحلاقة لأن الطفل لا يسكن بمفرد لمقص الحلاق . وكثيرا ما يلامس مرفق الحلاق جسم أو أطراف الأم .

للأسف هذا نتيجة تزايد عدد الخرفان من ناحية ، وجرأة بعض النساء من ناحية أخرى .
كذلك يبدو أن ارتفاع سعر حلاقة الطفل في صالون نسائي ، مبالغ فيه . لذلك تخير بعض النساء السعر المعقول لدى الحلاق الرجل .


واختفاء الرجال من ناحيه اخرى...

[همر]

كان قلت لها لو سمحتي حلاق للرجال وانتهاك حقوق الرجل

طلعي برا

انسف لها الجبهه


افرض غلطت علي بالكلام ؟ لو كلمتها !!!

كيف اتصرف ؟


لقّط الجبهه...

[الأسبانية للمصاعد]

اخوي حمد القصد يمكن الحرمة امطلقة وما عندها حد اجيب اولادها
خل نحسن الظن فيهم ونحمد الله على النعمة

[تاج المراجل]

ولا زال ابو سروال وفنيلة تارك اعباء البيت على زوجته ،، بدال ماياخذ بزارينه ويوديهم الحلاق ،،

كم قسيت وقصرت ومازلت تقصر يابو سروال وفنيلة هــع هع ،،

[Abdulraman]

اخوي حمد صراحه ماعند سالفه:tomato:

[همر]

اخوي حمد صراحه ماعند سالفه:tomato:



ما عندك ولا ما عندها ؟!! حدد جزاك الله خير عشان مايصير في لغط في الموضوع ...

[قطريه22]

ماتستحي على وجهها في حلاقين مخصصين للأطفال تقدر تروح لهم
وإن ماقدرت تقدر تهرن حق الحلاق يجي ياخذ ولدها ويوديه يحلقه ويرجعه لها
بس ماتدخل حلاق وفيه رجاجيل

[ضوى]

اعوذ بالله منكم ، صج الاعراض والمسبات ببيزة عندكم ، لاحول ولا قوة الا بالله ، مالتمستوا العذر لها ؟؟ مب يمكن الكديش اللي عندها ملتهه وناسي اصلا انه عنده عيال ؟؟ مب يمكن أرملة وماعندها ريال حواليها ، ومب يمكن مطلقة والكديش اللي مطلقها مسفه لها ولعيالها ؟؟ وبصمة تقولين صوالين الاطفال تدرين كم تاخذ عالراس ؟؟ 30 إلى 35 ريال ،مب يمكن مصروفها على قدها وحلاقة الاطفال بالكاد 10 ريال ؟ ويمكن هالحلاق جنب بيتها وصعب توديه مكان ابعد ؟؟ ياربي ليش صارت الناس نفوسها ضيقة ، بروحه يقول خلت الولد وقعدت بسيارتها يعني لو مب منحرجة ماقعدت بسيارتها كان وقفت على راس الولد والحلاق , الناس ظروف قدروا الظروف ، مب كل شي يتعيبون عليه وتنتقدونه ، ادعوا بينكم وبين نفسكم الله لا يبلاكم باللي بلاها وحدها على انها تسوم ويهها بالحلاليق

يارب عافنا ولا تبتلينا وازرع اللين والرافة بقلوبنا

[بومحمد المطاوعه]

السلام عليكم ورحمه الله وبركاته

سبق وانفتح هالموضوع

ولاكن انا بتكلم بعد

قبل يومين كنت فالحلاق ودخلت ام محتشمه والحلاق فاضي
بس انا كنت داخل والستاره مسكره علي

المهم خلصت وطلعت
والله العظيم واقفه بكل احتشام من بعيد وتراقب ولدها وتواسيه علشان لايصيح ولا يخاف وبصوت خفيف
علشان محد يسمع


عكس الي شفته من قبل فتره الله يستر عليها
امرأه متبرجه داشه وسط الرجال

استغفرالله مابي اتكلم


ولاكن ياخوي حمد
التمس الغذر

والله العظيم على كثر الشكاوي التي تصلني عبر البلاك بيري في خدمتي الاسلاميه
وبعض الشكاوي التي تصلني من الأهل

ان بعض الرجال غير مهتم بأبناااائه

هالشي يجبر الام تودي ولدها

وبعضهم ماعندهم احد يساعدها
يمكن ريلها مسافر
ميت
مسجون
مطلقه
ارمله

الله اعلم بحالهم

ولاكن القصد اذا كانت محتشمه وماعندها من يعينها ويقف معاها ويخدمها
لاحرج عليها ان تروح بكل احتشامها لغرض الحلاقه وتخرج

واهي الي شفتها ادخل والحلاق فاضي كان ومن طلعت من الستاره البنت متنقبه ولاكن تخوفت وابتعدت اشوي من مسار الطريق

والله ياخوي حمد ان بعضهم محد يوقف معاهم لا اخوانها ولا ريلها

مجبوووره انها تروح واذا كان في حلاق خاص للأطفال
الي موجود يا شخص جنس ثالث نفس الحلاق الي موجود في الخريطيات
استغفرالله

اكمخه بالعربي
مافي امل اتعامل معاه ولا في امل اخلي اهلي يودون اليهال الحلاق

لاني اقوم بهالشي بنفسي وانا المسؤول ولاكن اذا الرجال مب كفوو
ف تنجبر الأم ان تروح للحلاق


الله يهديهم بعض الرجال والله يستر على الحريم ويصلح حال من كان مهمل

[قطريه22]

في حلاليق للاطفال الحرمه تقدر تاخذ ولدها لها
مافي عذر انها تروح حلاق للرجال الا مثل ماقلت تنادي الحلاق ياخذ ولدها يحلقه ويرجعه لها او الدريول يوديه وهي تنتظر في السياره
بس تدخل حلاق مخصص للرجال لا

حتى لو محتشمه مب عذر انها تدخل

في اشياء وايد الواحد يتقاضي عنها بس مب لهدرجه كل شيء صار عادي عند الناس

[الركادة]

اعوذ بالله منكم ، صج الاعراض والمسبات ببيزة عندكم ، لاحول ولا قوة الا بالله ، مالتمستوا العذر لها ؟؟ مب يمكن الكديش اللي عندها ملتهه وناسي اصلا انه عنده عيال ؟؟ مب يمكن أرملة وماعندها ريال حواليها ، ومب يمكن مطلقة والكديش اللي مطلقها مسفه لها ولعيالها ؟؟ وبصمة تقولين صوالين الاطفال تدرين كم تاخذ عالراس ؟؟ 30 إلى 35 ريال ،مب يمكن مصروفها على قدها وحلاقة الاطفال بالكاد 10 ريال ؟ ويمكن هالحلاق جنب بيتها وصعب توديه مكان ابعد ؟؟ ياربي ليش صارت الناس نفوسها ضيقة ، بروحه يقول خلت الولد وقعدت بسيارتها يعني لو مب منحرجة ماقعدت بسيارتها كان وقفت على راس الولد والحلاق , الناس ظروف قدروا الظروف ، مب كل شي يتعيبون عليه وتنتقدونه ، ادعوا بينكم وبين نفسكم الله لا يبلاكم باللي بلاها وحدها على انها تسوم ويهها بالحلاليق

يارب عافنا ولا تبتلينا وازرع اللين والرافة بقلوبنا

بارك الله فيج عالرد

[حراير قطر]

في حلاليق للاطفال الحرمه تقدر تاخذ ولدها لها
مافي عذر انها تروح حلاق للرجال الا مثل ماقلت تنادي الحلاق ياخذ ولدها يحلقه ويرجعه لها او الدريول يوديه وهي تنتظر في السياره
بس تدخل حلاق مخصص للرجال لا

حتى لو محتشمه مب عذر انها تدخل

في اشياء وايد الواحد يتقاضي عنها بس مب لهدرجه كل شيء صار عادي عند الناس

وين الحلاليق اللي تتكلمون عنها اي صوب ؟؟؟

اللي اعرفه بالمجمعات وحلاق واحد في الغرافة وتعالي شوفي الذبحه عليهم

وفوق هاي كله السعر 30 ريال والحلاق من 10 الى 15 ريال ...

[عاشق العديد]

وين الحلاليق اللي تتكلمون عنها اي صوب ؟؟؟

اللي اعرفه بالمجمعات وحلاق واحد في الغرافة وتعالي شوفي الذبحه عليهم

وفوق هاي كله السعر 30 ريال والحلاق من 10 الى 15 ريال ...

كلامج صصح وين الحلاليق الي تقولون عنها .؟
واختي ضوى كفيتي بالرد وسعتي التفكير .. شاكر لج

[قطريه22]

وين الحلاليق اللي تتكلمون عنها اي صوب ؟؟؟

اللي اعرفه بالمجمعات وحلاق واحد في الغرافة وتعالي شوفي الذبحه عليهم

وفوق هاي كله السعر 30 ريال والحلاق من 10 الى 15 ريال ...

ماجات على 30 والا 35 الا اذا الوحده ماعندها امكانيه تدفع هالمبلغ
تنادي الحلاق ياخذ ولدها يحلقه ويرجعه لها بس مافي داعي تدخل

[Qtr37]

وانت شعرفك بظروفها

[قطريه22]

حلاليق اليهال في المجمعات كلها
حتى صوالين الحريم يحلقون حق اليهال

[عاشق العديد]

حلاليق اليهال في المجمعات كلها
حتى صوالين الحريم يحلقون حق اليهال

مب كل الناس عندهم مواصلات .؟
وحلاق الاطفال شفرق عن الحلاق العادي ..؟

نفس شي ريال يحلق الطفل .؟ شالفرررق .؟

[قطريه22]

مب كل الناس عندهم مواصلات .؟
وحلاق الاطفال شفرق عن الحلاق العادي ..؟

نفس شي ريال يحلق الطفل .؟ شالفرررق .؟

في حريم يحلقون لليهال
واذا الوحده كلش كلش تقدر تشتري مكينة حلاقه وتحلق عيالها في بيتها ابرك لها من دخول حلاق مخصص للرجال
لانها يوم تدخل اكيد في رياييل يحلقون او ينتظرون فأنت تشوف حلوه وقفتها بينهم؟

اوكي ماتقدر تشتري مكينه تنادي الحلاق وتخليه ياخذ ولدها
لاتقعدون تطلعون أعذار

[حراير قطر]

ماجات على 30 والا 35 الا اذا الوحده ماعندها امكانيه تدفع هالمبلغ
تنادي الحلاق ياخذ ولدها يحلقه ويرجعه لها بس مافي داعي تدخل

الحمدلله عندنا امكانيات بس وين اطق مجمع عشان حلاق واهو موجود وقريب في منطقتي

واذا بتودينهم الحلاق لازم اليهال بيصيحون يبون العاب وغير وغير ما وقفت السالفه على المبلغ

وانا كأم ما ارضى اخلي ولدي في الحلاق بروحه ولا اضمنه

الا بنزل وبتم معاه لين ما يخلص وبتطمن عليه

انا اشعرفني اذا الحلاق اخلاقه زينه وما يتحرش في الولد ؟؟؟

[لبيبة]

موضوعك مكرر يا حمد، مرة خياط ومرة حلاق، الحل للحلاق يجيبون مكينة حلاقة في البيت ويحلقون له بالمكينة. وهذا رابط موضوعك المكرر

http://www.qatarshares.com/vb/showthread.php?549925-%E1%E1%D1%CC%C7%E1-%DD%DE%D8-%A1%A1-%E3%E3%E4%E6%DA-%CF%CE%E6%E1-%C7%E1%E4%D3%C7%C1&highlight=%CE%ED%C7%D8

[قطريه22]

الحمدلله عندنا امكانيات بس وين اطق مجمع عشان حلاق واهو موجود وقريب في منطقتي

واذا بتودينهم الحلاق لازم اليهال بيصيحون يبون العاب وغير وغير ما وقفت السالفه على المبلغ

وانا كأم ما ارضى اخلي ولدي في الحلاق بروحه ولا اضمنه

الا بنزل وبتم معاه لين ما يخلص وبتطمن عليه

انا اشعرفني اذا الحلاق اخلاقه زينه وما يتحرش في الولد ؟؟؟

الحلاليق كلهم بواباتهم على الشارع وقزاز بأنتي اكيد بتشوفين الولد .

[قطريه22]

موضوعك مكرر يا حمد، مرة خياط ومرة حلاق، الحل للحلاق يجيبون مكينة حلاقة في البيت ويحلقون له بالمكينة. وهذا رابط موضوعك المكرر

http://www.qatarshares.com/vb/showthread.php?549925-%E1%E1%D1%CC%C7%E1-%DD%DE%D8-%A1%A1-%E3%E3%E4%E6%DA-%CF%CE%E6%E1-%C7%E1%E4%D3%C7%C1&highlight=%CE%ED%C7%D8



هههههههههههههههه والمشكله محد يدخل الموضوع اكثر شيء الا الحريم

[حراير قطر]

يا زين ولدي عمره 10 سنوات وادخله صواليين نسائية

[حسن]

الزبده ان هذا التصرف مرفوض مرفوض

البعض بيتعذر باعذار بعد مرفوضه وكله نحط حق انفسنا الاعذار
مافي اب مافي زوج مافي اخ مافي راتب مافي عيش

الحين الحريم مسافرين يحتفلون براس النسه بروحهم وانتو ليين الحين تحطون اعذار

وينه هذه اليمامه انا قايلها المجتمع تغير خلاص

تقول لي فال الله ولا فالك

اتمنى اي واحد يشوف مثل هل التصرفات ابلاغ العضيد

[حراير قطر]

الحلاليق كلهم بواباتهم على الشارع وقزاز بأنتي اكيد بتشوفين الولد .

واذا ما لقيت موقف عند الباب

اشلون اشوف ؟؟؟

ما يهمني اشلون اللي يهمني ولدي

انه ما يتعرض من قبل الحلاق ولا من قبل الموجودين ولا تدرين شنو يقولون له ...

[ابوعلي]

اعوذ بالله منكم ، صج الاعراض والمسبات ببيزة عندكم ، لاحول ولا قوة الا بالله ، مالتمستوا العذر لها ؟؟ مب يمكن الكديش اللي عندها ملتهه وناسي اصلا انه عنده عيال ؟؟ مب يمكن أرملة وماعندها ريال حواليها ، ومب يمكن مطلقة والكديش اللي مطلقها مسفه لها ولعيالها ؟؟ وبصمة تقولين صوالين الاطفال تدرين كم تاخذ عالراس ؟؟ 30 إلى 35 ريال ،مب يمكن مصروفها على قدها وحلاقة الاطفال بالكاد 10 ريال ؟ ويمكن هالحلاق جنب بيتها وصعب توديه مكان ابعد ؟؟ ياربي ليش صارت الناس نفوسها ضيقة ، بروحه يقول خلت الولد وقعدت بسيارتها يعني لو مب منحرجة ماقعدت بسيارتها كان وقفت على راس الولد والحلاق , الناس ظروف قدروا الظروف ، مب كل شي يتعيبون عليه وتنتقدونه ، ادعوا بينكم وبين نفسكم الله لا يبلاكم باللي بلاها وحدها على انها تسوم ويهها بالحلاليق

يارب عافنا ولا تبتلينا وازرع اللين والرافة بقلوبنا

مع تحفظي لكلمة اعوذ بالله منكم

ولكن اتفق معاج والواجب علينا نلتمس العذر وخاصة واحنا مب عارفين ظروف الناس والمراة الي ذكرتها ياحمد كانت باحتشامها وعدم تواجدها الدايم بالحلاق وتراقب ولدها من بعيد

واتمنى منك اخوي حمد عدم الاستعجال في طرح مثل هالمواضيع حتى ما نتحمل اثم ويحسب علينا بدل ما يحسب لنا وخاصة اذا في تجريح مثل بعض المشاركات الله يهدي اصحابها

[حراير قطر]

مع تحفظي لكلمة اعوذ بالله منكم

ولكن اتفق معاج والواجب علينا نلتمس العذر وخاصة واحنا مب عارفين ظروف الناس والمراة الي ذكرتها ياحمد كانت باحتشامها وعدم تواجدها الدايم بالحلاق وتراقب ولدها من بعيد

واتمنى منك اخوي حمد عدم الاستعجال في طرح مثل هالمواضيع حتى ما نتحمل اثم ويحسب علينا بدل ما يحسب لنا وخاصة اذا في تجريح مثل بعض المشاركات الله يهدي اصحابها

يعني انصكر الموضوع وانحط له قفل صح :telephone:

[حسن]

ياحمد هل يجوز لي انا كولي امر طالب مدرسه ان ادخل واقابل المدرسات واجلس معاهم

اسئل عن عيالي ومستواهم

لان احنا كاولياء امور يهمنا بشكل كبير جدا جدا متابعه عيالنا
ولكي لانرمي بالاهمال

الا ترون ان المراءه هي السبب!!!!!


من يقدر يجاوب

[حسن]

يعني انصكر الموضوع وانحط له قفل صح :telephone:

هو قال ممنوع النساء

:victory:

[حسن]

ماتستحي على وجهها في حلاقين مخصصين للأطفال تقدر تروح لهم
وإن ماقدرت تقدر تهرن حق الحلاق يجي ياخذ ولدها ويوديه يحلقه ويرجعه لها
بس ماتدخل حلاق وفيه رجاجيل



:victory:

[ضوى]

يارب لاتبلينا يارب لاتبلينا يارب لاتبلينا

[أم محمد 90]

موضوعك مكرر يا حمد، مرة خياط ومرة حلاق، الحل للحلاق يجيبون مكينة حلاقة في البيت ويحلقون له بالمكينة. وهذا رابط موضوعك المكرر

http://www.qatarshares.com/vb/showthread.php?549925-%E1%E1%D1%CC%C7%E1-%DD%DE%D8-%A1%A1-%E3%E3%E4%E6%DA-%CF%CE%E6%E1-%C7%E1%E4%D3%C7%C1&highlight=%CE%ED%C7%D8




اعوذ بالله منكم ، صج الاعراض والمسبات ببيزة عندكم ، لاحول ولا قوة الا بالله ، مالتمستوا العذر لها ؟؟ مب يمكن الكديش اللي عندها ملتهه وناسي اصلا انه عنده عيال ؟؟ مب يمكن أرملة وماعندها ريال حواليها ، ومب يمكن مطلقة والكديش اللي مطلقها مسفه لها ولعيالها ؟؟ وبصمة تقولين صوالين الاطفال تدرين كم تاخذ عالراس ؟؟ 30 إلى 35 ريال ،مب يمكن مصروفها على قدها وحلاقة الاطفال بالكاد 10 ريال ؟ ويمكن هالحلاق جنب بيتها وصعب توديه مكان ابعد ؟؟ ياربي ليش صارت الناس نفوسها ضيقة ، بروحه يقول خلت الولد وقعدت بسيارتها يعني لو مب منحرجة ماقعدت بسيارتها كان وقفت على راس الولد والحلاق , الناس ظروف قدروا الظروف ، مب كل شي يتعيبون عليه وتنتقدونه ، ادعوا بينكم وبين نفسكم الله لا يبلاكم باللي بلاها وحدها على انها تسوم ويهها بالحلاليق

يارب عافنا ولا تبتلينا وازرع اللين والرافة بقلوبنا


مع الأسف مواضيع مستهلكة جداً ولا فائدة يرجى منها ،
بعض الاعضاء صارو يكتبون المواضيع بناءاً على شي شافوه ، بدون مايعرفون اسبابه ونسوا قول الله تعالى : مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ
يمكن لو افهموا معنى الآية جان حاسبوا الف مرة قبل لا يطرحون مواضيع مثل هذي

الا شفنا بنت بروحها نص الليل تتمشى ف نيسان
الا شفنا وحدة داشة خياط رياييل
الا شفنا بنات نازلين كتارا ولابسين كيت كيت
الا شفنا وحدة نزلت من سيارة وركبت سيارة ثانية !

ليش ؟ خلصت مواضيع الدنيا عشان تراقبون الحريم وتنزلون مواضيع عنهم !!

ع اساس لما دشت تشيك ع ولدها ضايقتك ! والشباب اصلا نصهم اذا مب اغلبيتهم العظمى يحلقون عشان يتسمتون فالمجمعات ويلاحقون الحريم !!

الحمدلله والشكر ، الحمدلله الذي عافانا مما ابتلاكم

[حراير قطر]

ياحمد هل يجوز لي انا كولي امر طالب مدرسه ان ادخل واقابل المدرسات واجلس معاهم

اسئل عن عيالي ومستواهم

لان احنا كاولياء امور يهمنا بشكل كبير جدا جدا متابعه عيالنا
ولكي لانرمي بالاهمال

الا ترون ان المراءه هي السبب!!!!!


من يقدر يجاوب

على حسب مدرسة عيالك

انا اروح مدرسة عيالي واشوف اولياء امور يجون لاي سبب كان ..

[حراير قطر]

يارب لاتبلينا يارب لاتبلينا يارب لاتبلينا

آمين

لا اتعورين قلبج ولا شيء الدنيا سهالات :victory:

[ضوى]

حراير ، بارك الله فيج ويارب يحفظ لج عيالج ويبلغج فيهم امييين

[حسن]

مع الأسف مواضيع مستهلكة جداً ولا فائدة يرجى منها ،
بعض الاعضاء صارو يكتبون المواضيع بناءاً على شي شافوه ، بدون مايعرفون اسبابه ونسوا قول الله تعالى : مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ
يمكن لو افهموا معنى الآية جان حاسبوا الف مرة قبل لا يطرحون مواضيع مثل هذي

الا شفنا بنت بروحها نص الليل تتمشى ف نيسان
الا شفنا وحدة داشة خياط رياييل
الا شفنا بنات نازلين كتارا ولابسين كيت كيت
الا شفنا وحدة نزلت من سيارة وركبت سيارة ثانية !

ليش ؟ خلصت مواضيع الدنيا عشان تراقبون الحريم وتنزلون مواضيع عنهم !!

ع اساس لما دشت تشيك ع ولدها ضايقتك ! والشباب اصلا نصهم اذا مب اغلبيتهم العظمى يحلقون عشان يتسمتون فالمجمعات ويلاحقون الحريم !!

الحمدلله والشكر ، الحمدلله الذي عافانا مما ابتلاكم



تحطين في ذمتك اللي بالاحمر

سبحان الله

وين الايه اللي حاطتها

:omen2:

[حراير قطر]

حراير ، بارك الله فيج ويارب يحفظ لج عيالج ويبلغج فيهم امييين

آمين

ويبارك فيج وبعياليج ويحفظكم ويبلغج فيهم يا رب ..

[حسن]

على حسب مدرسة عيالك

انا اروح مدرسة عيالي واشوف اولياء امور يجون لاي سبب كان ..

يعني مزاج هو ولا ايه

زين اذا كانت متزاعله مع زوجها ولا مطلقه

بتحط الحره فيني

على حسب المدرسه

!!!!

[أم محمد 90]

مع تحفظي لكلمة اعوذ بالله منكم

ولكن اتفق معاج والواجب علينا نلتمس العذر وخاصة واحنا مب عارفين ظروف الناس والمراة الي ذكرتها ياحمد كانت باحتشامها وعدم تواجدها الدايم بالحلاق وتراقب ولدها من بعيد

واتمنى منك اخوي حمد عدم الاستعجال في طرح مثل هالمواضيع حتى ما نتحمل اثم ويحسب علينا بدل ما يحسب لنا وخاصة اذا في تجريح مثل بعض المشاركات الله يهدي اصحابها


تحطين في ذمتك اللي بالاحمر

سبحان الله

وين الايه اللي حاطتها

:omen2:

لا يا اخوي ، هذا شي مكشوف وباين ومعروف محد يقدر ينكره ;)

[حراير قطر]

يعني مزاج هو ولا ايه

زين اذا كانت متزاعله مع زوجها ولا مطلقه

بتحط الحره فيني

على حسب المدرسه

!!!!

حسن ركز واللي يسلمك

اللي اقصده المدرسة بكبرها مش مدرسة المادة

اذا انت شايف درجات عيالك ناقصه او ولدك مدرسته قايله له شيء

تقدر تتصل لهم وتطلب مقابلة المدرسة المطلوبه وهاي الشي من حقك كولي آمر

ويكون في عذر لزوجتك سواء الله لا يقوله متوفيه او مريضه او مسافره او مطلقها :victory:

[حسن]

لا يا اخوي ، هذا شي مكشوف وباين ومعروف محد يقدر ينكره ;)

اكتفي معاك ياام محمد علشان مادخل في جدال عقيم وبنفتح لنا مداخل ومخارج في الموضوع

هذا الشي معروف ان اللي يحلقون في حلاليق الرجال للمجمعات والمغازل !!!!!

اكتفي

:victory:

[أم محمد 90]

اكتفي معاك ياام محمد علشان مادخل في جدال عقيم وبنفتح لنا مداخل ومخارج في الموضوع

هذا الشي معروف ان اللي يحلقون في حلاليق الرجال للمجمعات والمغازل !!!!!

اكتفي

:victory:

بارك الله فيك استمر ;)

[حسن]

حسن ركز واللي يسلمك

اللي اقصده المدرسة بكبرها مش مدرسة المادة

اذا انت شايف درجات عيالك ناقصه او ولدك مدرسته قايله له شيء

تقدر تتصل لهم وتطلب مقابلة المدرسة المطلوبه وهاي الشي من حقك كولي آمر

ويكون في عذر لزوجتك سواء الله لا يقوله متوفيه او مريضه او مسافره او مطلقها :victory:


لازم تكون زوجتيه متوفيه
:omg:
ولا تكون مطلقه
:eek5:

ولا عندها عذر شرعي


:secret:


كل هذا ومدرسه اولاد

عيل لو بنات

اجيب لهم شهاده وفاه االزوجه


:deal:


ان كيدهن عظيم

:victory:

[الزعفراني]

تذكرت سنه من السنين في ليلة العيد مودي عيالي الحلاق كان تدخل علينا مره كبيره مع ولدها .. وتستأذن الموجودين عشان نسمح لولدها يحلق أول
لان مستعجله وما تبي تنطر .. المهم سمحنا لها مع ان البعض من داخل معترض مع نفسه .. المهم عقب ماخلص ولدها عطت الحلاق 500 ريال قالت هذي حساب
اللي ناطرين دورهم .. حلقوا عيالي .. وعقب عاد انا ما صدقت حلقت يومها شعر وضبطت العارض وسويت صنفره واشوي اقول للحلاق رد لي الباقي :shy:

وبس والله

[حسن]

تذكرت سنه من السنين في ليلة العيد مودي عيالي الحلاق كان تدخل علينا مره كبيره مع ولدها .. وتستأذن الموجودين عشان نسمح لولدها يحلق أول
لان مستعجله وما تبي تنطر .. المهم سمحنا لها مع ان البعض من داخل معترض مع نفسه .. المهم عقب ماخلص ولدها عطت الحلاق 500 ريال قالت هذي حساب
اللي ناطرين دورهم .. حلقوا عيالي .. وعقب عاد انا ما صدقت حلقت يومها شعر وضبطت العارض وسويت صنفره واشوي اقول للحلاق رد لي الباقي :shy:

وبس والله

ههههههههههه

طلعت راهيه وصاحبه كرم


زين والله

في اي حلاق انت تحلق

:telephone:

[حسن]

بارك الله فيك استمر ;)

مااقدر استمر

خلاص قلنا الزبده

وبعدين بندخل في جدل عقيم

هذا يحلق علشان يغازل وهذا يحلق على عشان عنده موعد غرامي مع الهانم

وهذا يحلق علشان القمل في راسه

الناس في قلوبها حقد وسواد

يبون الدكتور احمد عكاشه فورا


:telephone:

[بنت مريخ]

يمكن الاب غايب لسبب من الاسباب وماعندها ابو او اخو شتسوي
تهمل ولدها مع السايق؟؟ او اتوديه محلات حلاقه اليهال الى اغلبه من الجنس الثالث؟؟

[حراير قطر]

عيل تبي المره اتجيب لكم ورقه تثبت انها مطلقه والا ارمله والا اتقولكم ما عندي رجال نفس الرجاجيل

عشان اتحلق ولدها ؟؟

المسآله كلها ليش على صواليين الحريم ممنوع دخول الرجال :victory:

حسن اذكر ربك بس :)

[ابوعلي]

ياحمد هل يجوز لي انا كولي امر طالب مدرسه ان ادخل واقابل المدرسات واجلس معاهم

اسئل عن عيالي ومستواهم

لان احنا كاولياء امور يهمنا بشكل كبير جدا جدا متابعه عيالنا
ولكي لانرمي بالاهمال

الا ترون ان المراءه هي السبب!!!!!

من يقدر يجاوب

اذا اخوي حسن المكان الي تدخله والي تقابلهم محتشمين والنقاش في حدود

فإيش الي يمنع وخاصة اذا هلك عندهم ظروف معينة ما تسمح لهم يروحون

مقصد كلامنا لا نحكم على شي واحنا ما نعرف الظروف

ولا نقدم العادات وتقاليد بوجود احكام الشرع

[حراير قطر]

يمكن الاب غايب لسبب من الاسباب وماعندها ابو او اخو شتسوي
تهمل ولدها مع السايق؟؟ او اتوديه محلات حلاقه اليهال الى اغلبه من الجنس الثالث؟؟

:nice:

تعالي فهمي اللي عندنا بالمنتدى ما يهمهم الاسباب

كثر ما همهم المره وحطي عليها مليون خط احمر على الكلمه

[تحداني]

ما عندي الوقت أفكر ليش هذاجاي وليش هذا رايح
أعيش على نظام أوربي .. خل الناس اتسوي الي يعجبها .. وتترك الأشياء الي ما تعجبها
ولاني وليه أمرهم .. كل واحد وابكيفه
يكفي ما بنا من مشاغل وهموم


جملك الله برضاه

[حسن]

ما عندي الوقت أفكر ليش هذاجاي وليش هذا رايح
أعيش على نظام أوربي .. خل الناس اتسوي الي يعجبها .. وتترك الأشياء الي ما تعجبها
ولاني وليه أمرهم .. كل واحد وابكيفه
يكفي ما بنا من مشاغل وهموم


جملك الله برضاه

عودا حميدا يااخت تحداني

صادقه انا بعد سفرتي صار تفكيري مثلك
لاتلوميني لاني الوحيد القطري اللي ماشاف لندن وفرنسا
تصدقين

عشقي للوطن ذابحني احيانا افكر وفكر
واقولى الى متى وان بالاشواق جامح

الله يلطف بحال المسلمين
ومنهم لمى

:)

[دااانة قطر]

أنا بدخل الموضوع ما علي منك ..
الممنوع مب علي ..



بصراحة ما عندها سالفة
في صوالين خاصه بالأطفال
الأولى إنها تروح صالون خاص بالأطفال
بدل ما تدخل هالمكان و تعرض نفسها و الموجودين للإحراج ..!!!


كفيتي ووفيتي
بصرااحة مو كل مكاان يصلح لدخول المرأه
مدري ليش صاار كل شي عاادي عند البعض
وين ابوه وين عماامه وين خوااله شدعوه ماعندهم ريااييل كلش
الله المستعاان
عيل لاتلومون الرياايل لاجاابوا بنااتهم صاالون حريم وقااال امها متدري عنها ولا مطلق او ارمل

[ابوعلي]

ما عندي الوقت أفكر ليش هذاجاي وليش هذا رايح
أعيش على نظام أوربي .. خل الناس اتسوي الي يعجبها .. وتترك الأشياء الي ما تعجبها
ولاني وليه أمرهم .. كل واحد وابكيفه
يكفي ما بنا من مشاغل وهموم


جملك الله برضاه

اخالفج اختي تحداني بهالشي

لأن نلاحظ امور تخالف الشرع وفي جهات مختصه ممكن نلجا لهم ونبلغ حتى نحمي مجتمعنا

أما نقول نحسم الامر ونقول ما لنا دعوة ويسون الي يبونه فهذا خطأ

[تحداني]

عودا حميدا يااخت تحداني

صادقه انا بعد سفرتي صار تفكيري مثلك
لاتلوميني لاني الوحيد القطري اللي ماشاف لندن وفرنسا
تصدقين

عشقي للوطن ذابحني احيانا افكر وفكر
واقولى الى متى وان بالاشواق جامح

الله يلطف بحال المسلمين
ومنهم لمى

:)




لما اتعيش ابهالطريقه ملايكتك بترتاح .. وانت بالك مرتاح
خل الناس اتعيش بالطريقه الي اتشوفها اصوب واحسن
وانا مالي ومال غيري

[النهار]

مع الأسف مواضيع مستهلكة جداً ولا فائدة يرجى منها ،
بعض الاعضاء صارو يكتبون المواضيع بناءاً على شي شافوه ، بدون مايعرفون اسبابه ونسوا قول الله تعالى : مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ
يمكن لو افهموا معنى الآية جان حاسبوا الف مرة قبل لا يطرحون مواضيع مثل هذي

الا شفنا بنت بروحها نص الليل تتمشى ف نيسان
ردج غريب ليش انتي تتمشين نصايف الليل
الا شفنا وحدة داشة خياط رياييل
شفناهم في كراجات في الصناعيه وفي مواقع الريدميكس ( وفي القهاوي ريل على ريل ويشيشون )
تقول خياط ريايل

الا شفنا بنات نازلين كتارا ولابسين كيت كيت
ماخلوا شي مالبسوه ؟؟؟؟؟

الا شفنا وحدة نزلت من سيارة وركبت سيارة ثانية !
لا احنا شفنا وشفنا وشفنا اكثر هذه الحركات عند مواقف المجمعات والجمعيات
ليش ؟ خلصت مواضيع الدنيا عشان تراقبون الحريم وتنزلون مواضيع عنهم !!

ع اساس لما دشت تشيك ع ولدها ضايقتك ! والشباب اصلا نصهم اذا مب اغلبيتهم العظمى يحلقون عشان يتسمتون فالمجمعات ويلاحقون الحريم !!

الحمدلله والشكر ، الحمدلله الذي عافانا مما ابتلاكم

؟؟؟؟؟؟؟؟؟؟؟؟؟؟؟؟؟؟؟

[دااانة قطر]

في حريم يحلقون لليهال
واذا الوحده كلش كلش تقدر تشتري مكينة حلاقه وتحلق عيالها في بيتها ابرك لها من دخول حلاق مخصص للرجال
لانها يوم تدخل اكيد في رياييل يحلقون او ينتظرون فأنت تشوف حلوه وقفتها بينهم؟

اوكي ماتقدر تشتري مكينه تنادي الحلاق وتخليه ياخذ ولدها
لاتقعدون تطلعون أعذار



اذكر اني استلمت بنتي مع ابوها الله يرحمه وهي ام سنة وحلقنااها بالبيت وهي ناايمه:shy:

[تحداني]

اخالفج اختي تحداني بهالشي

لأن نلاحظ امور تخالف الشرع وفي جهات مختصه ممكن نلجا لهم ونبلغ حتى نحمي مجتمعنا

أما نقول نحسم الامر ونقول ما لنا دعوة ويسون الي يبونه فهذا خطأ




يا اخوي بوعلي كل واحد عقله ابراسه صدقني
مافي جاهل ولا متعلم ما ايعرف الصح من الغلط
مافي انسان الا وله ولي امر يرجع له
مافي انسان بلا عقل .. حتى لو كان عقله مب شغال في كل شي


اي سلوك اجتماعي عام ممكن يأذيني اوك ..
اما سلوم يأذي نفسه فقط انا اشعلي منه

الامر بالمعروف والنهي عن المنكر له طرق كثيره
اما الدخول في حياه الغير .. وتعالي حطي اسباب وصفيها وظني
مالي بارض ولا لي خلق ولا عندي هالذمه الوسيعه


انا جي افكر مع احترامي لآرائكم


الله يسعدك

[دااانة قطر]

السلام عليكم ورحمه الله وبركاته

سبق وانفتح هالموضوع

ولاكن انا بتكلم بعد

قبل يومين كنت فالحلاق ودخلت ام محتشمه والحلاق فاضي
بس انا كنت داخل والستاره مسكره علي

المهم خلصت وطلعت
والله العظيم واقفه بكل احتشام من بعيد وتراقب ولدها وتواسيه علشان لايصيح ولا يخاف وبصوت خفيف
علشان محد يسمع


عكس الي شفته من قبل فتره الله يستر عليها
امرأه متبرجه داشه وسط الرجال

استغفرالله مابي اتكلم


ولاكن ياخوي حمد
التمس الغذر

والله العظيم على كثر الشكاوي التي تصلني عبر البلاك بيري في خدمتي الاسلاميه
وبعض الشكاوي التي تصلني من الأهل

ان بعض الرجال غير مهتم بأبناااائه

هالشي يجبر الام تودي ولدها

وبعضهم ماعندهم احد يساعدها
يمكن ريلها مسافر
ميت
مسجون
مطلقه
ارمله

الله اعلم بحالهم

ولاكن القصد اذا كانت محتشمه وماعندها من يعينها ويقف معاها ويخدمها
لاحرج عليها ان تروح بكل احتشامها لغرض الحلاقه وتخرج

واهي الي شفتها ادخل والحلاق فاضي كان ومن طلعت من الستاره البنت متنقبه ولاكن تخوفت وابتعدت اشوي من مسار الطريق

والله ياخوي حمد ان بعضهم محد يوقف معاهم لا اخوانها ولا ريلها

مجبوووره انها تروح واذا كان في حلاق خاص للأطفال
الي موجود يا شخص جنس ثالث نفس الحلاق الي موجود في الخريطيات
استغفرالله

اكمخه بالعربي
مافي امل اتعامل معاه ولا في امل اخلي اهلي يودون اليهال الحلاق

لاني اقوم بهالشي بنفسي وانا المسؤول ولاكن اذا الرجال مب كفوو
ف تنجبر الأم ان تروح للحلاق


الله يهديهم بعض الرجال والله يستر على الحريم ويصلح حال من كان مهمل



كفيت ووفيت
والله يهدي كل اب وأخ وزوج

[الزعفراني]

ههههههههههه

طلعت راهيه وصاحبه كرم


زين والله

في اي حلاق انت تحلق

:telephone:

احلق في الحلاق الحتر اللي في الفريج ..

بس السالفة ذي من سنين في صالون الجمال اللي في شارع الاتحاد

:shy:

[ضوى]

كل ما أحسنت نيتك ، احسن الله حالك

[شبح الصمت]

اخوي حمد هل تقارنها هالانسانه بانسانه تفتر في المجمعات لا هدف ولا شيء ..


مسكينه جايبه هالبزر


في حريم خلاص انقلبت عندهم الانوثه إلى رجوله من بعد فقدان الرجال او اشياء كثيرة ..


كلمة حق يجب اني اقولها وانت تقولها وغيري وغيري


وحط في بالك المحترمه محترمه وين ما حطيتها والخربانه خربانه

حلاق المرخية عنده مكان حق الاطفال وحريم واجد يجيبون عيالهم هل اقدر اقول انهم حريم منتهيين هل اقدر اقول انها ما تستحي لا لا لا اخوي مقدر احط في ذمتي ..

بحط لها عذر
ليس لديها رجل فالبيت
او يمكن لديها رجال ولكنهم تخلوا عن مسئولياتهم
مطلقه
ارمله

الله يستر عليهم ..

[حسن]

لما اتعيش ابهالطريقه ملايكتك بترتاح .. وانت بالك مرتاح
خل الناس اتعيش بالطريقه الي اتشوفها اصوب واحسن
وانا مالي ومال غيري

كل انسان يمر بضروف احيانا تكون بالنصر ونشوه النصر والعلو
ولما يكون في وضع النهزام تفكيره يصبح مشوش الرويا غير واضحه
بنظر للدنيا كسواد الليل رغم الاخر يرها بالنور

هذا حال الانسان لايرضى بالقدر

احيانا اشعر بالاحباط والياس لما تكون الدنيا مقفله في وجيهنا ونظر لكل من حولنا اسود
ولما اشعر بالفرح ايه مايكسر راسي اكبر مخلوق على هذه الارض

لانسان تركيبه فريده خاصه من المشاعر مثل حساسات موترك
من يقرب الشي منها ينقطع صوت نوال وهي تقول احاول اخفي احساسي
ويقولك طوط طوط


لو الغيره رجل لقتلناها ولكن مانقدر

احيانا نتحطم من الردود ونحاول نفكر ونفكر بكيف نوصل لهم قد خانه التعبير احيانا وقد نكون
جافين احيانا وقد نكون شرسين احيانا ونكون احن من الطفل احيانا

هذه هي شخصيتنا الله خلقنا جذي تربينا الصح صح والغلط غلط

البتر احيانا علاج
والنار احيانا علاج
والعسل احيانا اعلاج


نحاول ونحاول مانقول احنا صح ولا نفول احناغلط

الحقيقه بالنسبه لي ابحث عنها واحيانا لغيري يهرب منها

كلن ويشوف من عينه هو محد يقدر يشوف غيرك

نسالله الله السلامه

بس لمعلومتك

اذا ماتت الغيره من البشر لاعاد تعدينه من البشر

:(

[بنت مريخ]

ياليتك يا حمد اتحط مليون عذر لناس قبل ماتكتب مواضيعك

[تحداني]

كل انسان يمر بضروف احيانا تكون بالنصر ونشوه النصر والعلو
ولما يكون في وضع النهزام تفكيره يصبح مشوش الرويا غير واضحه
بنظر للدنيا كسواد الليل رغم الاخر يرها بالنور

هذا حال الانسان لايرضى بالقدر

احيانا اشعر بالاحباط والياس لما تكون الدنيا مقفله في وجيهنا ونظر لكل من حولنا اسود
ولما اشعر بالفرح ايه مايكسر راسي اكبر مخلوق على هذه الارض

لانسان تركيبه فريده خاصه من المشاعر مثل حساسات موترك
من يقرب الشي منها ينقطع صوت نوال وهي تقول احاول اخفي احساسي
ويقولك طوط طوط


لو الغيره رجل لقتلناها ولكن مانقدر

احيانا نتحطم من الردود ونحاول نفكر ونفكر بكيف نوصل لهم قد خانه التعبير احيانا وقد نكون
جافين احيانا وقد نكون شرسين احيانا ونكون احن من الطفل احيانا

هذه هي شخصيتنا الله خلقنا جذي تربينا الصح صح والغلط غلط

البتر احيانا علاج
والنار احيانا علاج
والعسل احيانا اعلاج


نحاول ونحاول مانقول احنا صح ولا نفول احناغلط

الحقيقه بالنسبه لي ابحث عنها واحيانا لغيري يهرب منها

كلن ويشوف من عينه هو محد يقدر يشوف غيرك

نسالله الله السلامه

بس لمعلومتك

اذا ماتت الغيره من البشر لاعاد تعدينه من البشر

:(














الموضوع أبعد من كونه غيره .. انت اليوم كل شئ في البيت والله يخليك لهم
في ابيوت تأن وتتوجع ألما
ولا اعتقد أن اعراضنا وأعراضكم أعز من أعراض الغير
الحياه بظروفها تقتل .. وتخليك اتسوي اشيا كثيره ما تبيها


صدقني

[بومحمد المطاوعه]

كفيت ووفيت
والله يهدي كل اب وأخ وزوج

بارك الله فيج

اللهم امين

[بومحمد المطاوعه]

انزين ليش ماتتكلمون وين ابو الولد ..؟؟
ليش ماجاب الولد الابو .؟؟

بس قطيتو اللوم على البنت

مايجوز ياجماعه
ترى ماراحت الا مجبوره
وبعدين الي يقول فالمجمعات في حلاليق للأطفال

ترى الحين من تقدر تدخل مجمع
لو لابسه خيشه بعد بيتحرشون فيها

قمه المصخره صارت في المجمعات

اي بنت بروحها تحرشو فيها


بعض الشباب يبيلهم كم كف يسنعهم لانهم مب محترمين ويعتقدون اي بنت بروحها ولا مع ولدها الصغير
انها جايه تغازل ولا جايه حق المصخره حتى لو متستره

ولحد يقول مافي جذي
في وجدام عييني واكثر من 20 مره صارت

استغفرالله واتوب اليه

[حسن]

؟؟؟؟؟؟؟؟؟؟؟؟؟؟؟؟؟؟؟

النهار عازمك على سوق واقف

بن مر صوب زين وزعتر وحنا رايحين ناكل نخي باجله
ولا خبز مهياه على عصير سمج

انوسع الخاطر

ونمر على عاهد نتقهوى عنده لانى قهوته تفر الراس مادري يحط فيها
حبوب كبتاقون
:(

[رRاAدDاAرR]

السلام عليكم ،،

هلا هلا بالجميع ،،

الموضوع يحمل العنوان التالي

لطفا ممنوع دخول النساء

اثناء ذهابي الى الحلاق بغرض الحلاقه ، واثناء انهماك الحلاق بالحلاقه لي وجدت حرمه داخله المحل وجايبه ولدها الصغير للحلاقه !!!! وتالي قالت حق الحلاق الهندي شلون يضبط شعر ولدها ،،

وتالي الحرمه راحت سيارتها واتراقب ولدها من بعيد وتدخل مابين فتره والاخرى المحل لمراقبه حلاقه ولدها !!!

وهالشيء سبب لبعض من الرجال المتواجدين بالمحل احراج واستغراب بنفس الوقت!!! اشلون حرمه تدخل حلاق رجالي ؟!!!!

لذلك اطالب من الجهات المختصه وضع علامه حمراء بخط كبير امام كل حلاق رجالي

(( لطفا ممنوع دخول النساء ))

مع التحيه ،،،






حمد إنت حاط في العنوان " لطفا ممنوع دخول النساء "

هل تقصد دخولهم ممنوع :
لموضوعك
أو
للحلاليق
أو
للاثنين معا

حدد بالضبط عشان ما يكون في لبس :tease:

[لاجئ عاطفي]

للعلم فقط ترى حتى حلاقين الاطفال في المجمعات فيها حلاقين رجال يعني سالفه ملامسه يد الام والحلاق تنوجد حتى في حلاقين الاطفال .. الشرهه مهب على الام الشرهه على الزوج اللي راقد وتارك مهمه من مهماه للزوجه واذا كانت مطلقه فالمفروض اخوانها يقومون بالمهمه ولكن للاسف ان اغلب الازواج راقدين في العسل وتاركين كل شي يخص العيال للحريم؟؟؟

[حسن]

اذا اخوي حسن المكان الي تدخله والي تقابلهم محتشمين والنقاش في حدود

فإيش الي يمنع وخاصة اذا هلك عندهم ظروف معينة ما تسمح لهم يروحون

مقصد كلامنا لا نحكم على شي واحنا ما نعرف الظروف

ولا نقدم العادات وتقاليد بوجود احكام الشرع

مره حاولت ادخل اتهمت بمحاوله اقتحام مدرسه

:omg:

ذكروني بسنين الخوالي بسنين العذاب

انا اقتحام

هزلت

هزلت

يابوعلى

يالله المسامح يقولون كريم والعفو عند المقدره

قلت لهم كلمه
مثل ماقاله صدام للقاضي

لولا الاحيا والاخلاق لانتو ولا ابو كم يجيبني مكان مثل هنا

بوعلي حبيب قلبي

الولد متابعته من الاب غير غير

لكره بنتهم بعدم الاهتام بكره بنتهم بعيالنا خوانيه
وغيره وغيره

وش يفكنا من حلوج الناس يابوعلي

للاسف مجتمعنا يقدم العادات على الدين وهذا مايبيلها نقاش

ومهب احنا اللي نطلق الاحكام احنا نتكلم بالعقل والمنطق والهدوؤ
البارحه يابوعلى مشفت النوم

كله منهم

تصدق مادري وش صار في البنت لمى طلعوها ولا لا
لو في اوروبا كان الام والاب في السجن الحين


لاحول ولا قوه الابالله


خلاص يابوعلى اصحبت الحين مشوش

وهذا اخر رد لي لاقلب
الدنيا فل عليكم
:)

[الفا برافو]

اعوذ بالله منكم ، صج الاعراض والمسبات ببيزة عندكم ، لاحول ولا قوة الا بالله ، مالتمستوا العذر لها ؟؟ مب يمكن الكديش اللي عندها ملتهه وناسي اصلا انه عنده عيال ؟؟ مب يمكن أرملة وماعندها ريال حواليها ، ومب يمكن مطلقة والكديش اللي مطلقها مسفه لها ولعيالها ؟؟ وبصمة تقولين صوالين الاطفال تدرين كم تاخذ عالراس ؟؟ 30 إلى 35 ريال ،مب يمكن مصروفها على قدها وحلاقة الاطفال بالكاد 10 ريال ؟ ويمكن هالحلاق جنب بيتها وصعب توديه مكان ابعد ؟؟ ياربي ليش صارت الناس نفوسها ضيقة ، بروحه يقول خلت الولد وقعدت بسيارتها يعني لو مب منحرجة ماقعدت بسيارتها كان وقفت على راس الولد والحلاق , الناس ظروف قدروا الظروف ، مب كل شي يتعيبون عليه وتنتقدونه ، ادعوا بينكم وبين نفسكم الله لا يبلاكم باللي بلاها وحدها على انها تسوم ويهها بالحلاليق

يارب عافنا ولا تبتلينا وازرع اللين والرافة بقلوبنا

جزاج الله خير ...الله العالم بظروف هالناس ...

[أم محمد 90]

انزين ليش ماتتكلمون وين ابو الولد ..؟؟
ليش ماجاب الولد الابو .؟؟

بس قطيتو اللوم على البنت

مايجوز ياجماعه
ترى ماراحت الا مجبوره
وبعدين الي يقول فالمجمعات في حلاليق للأطفال

ترى الحين من تقدر تدخل مجمع
لو لابسه خيشه بعد بيتحرشون فيها

قمه المصخره صارت في المجمعات

اي بنت بروحها تحرشو فيها


بعض الشباب يبيلهم كم كف يسنعهم لانهم مب محترمين ويعتقدون اي بنت بروحها ولا مع ولدها الصغير
انها جايه تغازل ولا جايه حق المصخره حتى لو متستره

ولحد يقول مافي جذي
في وجدام عييني واكثر من 20 مره صارت

استغفرالله واتوب اليه

لا لا ابداً ابداً منو يقووول ان في شباب يكشخون ويروحون مجمعات للمغازل !!

هذا الشي غير موجود وأسأل الاخ حسن الي معترض على هذا الكلام :)

[حمد بن سعد]

كفو عليها لا احراج ولا شي دام الزوج شكله مب فاضي وهي عن الف رجال


ماشوف في الموضوع شي غريب

[أم محمد 90]

:victory:
كفو عليها لا احراج ولا شي دام الزوج شكله مب فاضي وهي عن الف رجال


ماشوف في الموضوع شي غريب

[بومحمد المطاوعه]

لا لا ابداً ابداً منو يقووول ان في شباب يكشخون ويروحون مجمعات للمغازل !!

هذا الشي غير موجود وأسأل الاخ حسن الي معترض على هذا الكلام :)

والله مب الكل بس لاكن موجود هالشي
وواقعي جدا في كل مجمع

الحين الجمعيه ماتقدرين تخلين هلج يروحون بروحهم

قصدي حريم بروحهم

والله واستغفرالله مادري شلون وصلنا ولا شلي صاير

نشوف جدامنا مكياج ولا متبرجه وجايه الجمعيه
ولا بكل فخر تشتري اغراضها الشخصيه الحريميه وتحطها فوق فالعربانه

ولا كأن الموضوع عيب ولا في مستحى

وبخصوص الشباب الي لهم هالسوالف
والله رب العالمين بيبليها في اهلك

مثل ماتسوي في بنات الناس يستوي في بناتك ولا في خواتك

اتق الله قبل لاتبكي الدم من الندم

واخوي حسن لاتعارض لأعظك هههههههههه

[أم محمد 90]

والله مب الكل بس لاكن موجود هالشي
وواقعي جدا في كل مجمع

الحين الجمعيه ماتقدرين تخلين هلج يروحون بروحهم

قصدي حريم بروحهم

والله واستغفرالله مادري شلون وصلنا ولا شلي صاير

نشوف جدامنا مكياج ولا متبرجه وجايه الجمعيه
ولا بكل فخر تشتري اغراضها الشخصيه الحريميه وتحطها فوق فالعربانه

ولا كأن الموضوع عيب ولا في مستحى

وبخصوص الشباب الي لهم هالسوالف
والله رب العالمين بيبليها في اهلك

مثل ماتسوي في بنات الناس يستوي في بناتك ولا في خواتك

اتق الله قبل لاتبكي الدم من الندم

واخوي حسن لاتعارض لأعظك هههههههههه

اخوي بومحمد بخصوص موضوع شراء الاغراض

شنسوي يعني وين نروح ان خشينا هالاغراض تحت مليون شي فالجاري وقت لما تحاسب كل شي يبين

فالامر مكشوف مكشوف

خلها ع الله

[بنت مريخ]

انزين ليش ماتتكلمون وين ابو الولد ..؟؟
ليش ماجاب الولد الابو .؟؟

بس قطيتو اللوم على البنت

مايجوز ياجماعه
ترى ماراحت الا مجبوره
وبعدين الي يقول فالمجمعات في حلاليق للأطفال

ترى الحين من تقدر تدخل مجمع
لو لابسه خيشه بعد بيتحرشون فيها

قمه المصخره صارت في المجمعات

اي بنت بروحها تحرشو فيها


بعض الشباب يبيلهم كم كف يسنعهم لانهم مب محترمين ويعتقدون اي بنت بروحها ولا مع ولدها الصغير
انها جايه تغازل ولا جايه حق المصخره حتى لو متستره

ولحد يقول مافي جذي
في وجدام عييني واكثر من 20 مره صارت

استغفرالله واتوب اليه
جزاك الله خير على الكلام الطيب
ليت العرب يفهمون

[حمد 2002]

كل شيء مستغرب وخارج عن المالوف يجب تجنبه لاننا بالنهايه بمجتمع خليجي اسلامي وليس اوربي

[ضوى]

مايجوز اخوي بو محمد تتكلم بأشياء خاصة بالحريم ، جزاكم الله خير

[ابوعلي]

كل شيء مستغرب وخارج عن المالوف يجب تجنبه لاننا بالنهايه بمجتمع خليجي اسلامي وليس اوربي

اخوي حمد هل استفسرت منها عن ظروفها حتى تقول خروج عن المألوف

اخوي حمد اتذكرني بسالفة وحدة الله يرحمها توفى زوجها الله يرحمه وعندها اعيال صغار كانت هي الي تقوم بكل امور البيت ماعندها الا اخو وللاسف مهمل ولا يسال عنهم وماعندها حد

ولكن ربت اعيال واعرف واحد من العيال ونعم التربية فهل نحكم عليها مثل بعض المشاركات ان ما تستحي لما تراجع بمكان او تودي اعيالها الحلاق او غيره

نحسن الظن اخوي وانت شفت تصرفها وباحتشامها

[ضوى]

اخوي حمد هل استفسرت منها عن ظروفها حتى تقول خروج عن المألوف

اخوي حمد اتذكرني بسالفة وحدة الله يرحمها توفى زوجها الله يرحمه وعندها اعيال صغار كانت هي الي تقوم بكل امور البيت ماعندها الا اخو وللاسف مهمل ولا يسال عنهم وماعندها حد

ولكن ربت اعيال واعرف واحد من العيال ونعم التربية فهل نحكم عليها مثل بعض المشاركات ان ما تستحي لما تراجع بمكان او تودي اعيالها الحلاق او غيره

نحسن الظن اخوي وانت شفت تصرفها وباحتشامها

بارك الله فيك وجزاك الله خيرا

[حسن]

اشكرك ياحمد

انت ياهادم اللذات ومفرق الجماعات

يااخي انا باسئل ليش حطيت يمنع دخول النساء
وانا على يقين انك تقصد على باب المحل وليس الموضوع

عكس البعض اللي ينزل موضوع عن الرجل ويقولك ممنوع وانااحترمت مشاعرهم
واكون قد كلمتي

فقط كنت متابع

فالفرق بين الموضوعين

انا مايجوز ان اتكلم عن غايب واملحه واحاكمه

هذا حتى قرقوش ماسواها

عسى ان تكرهو شي فهو خير لكم

ومتابع

من بعيد

:)

[قطري2022]

هذي وحدة مب صاحية ، قاعد تقط نفسها في موقف يثير الرجال عليها ، يعني حلاق فيه رجال شيدخلج انتي فيه ، في حلاقين اطفال ، وممكن اتحلقينه في صالون نسائي ، لهدرجة صرتي رخيصة و تعرضين نفسج عند الرجال ، صج ان الرجال الي معاها في البيت خرفان مب اوادم ، مافيهم غيرة اساسا ، وهالاشكال من الحريم ، يقولون عادي اذا دخلنا الحلاق اشفيها ؟ قاعدين نحلق عيالنا مب قاعدين نسوي شي غلط ، هذي تقول جذي لانها ما انخلقت رجال من جذي تقول اشفيها لان مخها على قدها و مب عارفة وين الله قاطها و لا عارفة شنهي تركيبة الرجال ، لعلمج يللي تقولين اشفيها ، ترى اغلب الرجال يتخيلون اشيا ثانية و انتي في الحلاق ، وغير الكلام الي يقولونه عنج في داخلهم والتغزل فيج ، فاحشمي نفسج وعرضج و تركي عنج هالافكار الغلط و استري على نفسج وودي ولد صالون حريم لانه توه صغير مب مانعينه .

[لبيبة]

هل تعتقد يا حمد أنك بهذا الموضوع ستصل لنتيجة لم تصل إليها في موضوعك المكرر سابقاً عن دخول النساء محلات الخياطة/المستلزمات الرجالية، هل يختلف دخولها هناك عن دخولها لمحلات الحلاقة؟ كان مصير ذلك الموضوع الإغلاق، ويبدو لي أن مصير هذا التوأم الإغلاق أيضا.

[ابوعلي]

اعتذر اخوي حمد لاغلاق الموضوع

وملاحظتك بالموضوع اوصلت

ولكن نتمنى من البعض عدم التجريح والقذف وسرعة الحكم على طرف بدون علم بالظروف

ولنتذكر قوله تعالى :

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) (قّ:18)


وخاصة إن لنا شوفات نطلب من الله ان مايكونون في وضعهم