دعوه للاحتفال باحتفال رأس السنه dj ومشروبات كحوليه

[Chambray]

السلام عليكم
بما انني مشترك في النادي الصحي لفندق ( ............ ) لا اريد ذكر اسم الفندق . وهو من الفنادق الجديده في الدولة ..

وللعلم اشتراكي 3 شهور فقط ، ومنتهي من شهر نوفمبر الماضي

جاني اتصال من مسؤول بالفندق ، وهو من اجنبي الجنسية . اعتقد انه فلبيني ..

الخلاصه

يقولي ، انت عضو معانا في النادي الصحي ، وبما انك عضو معانا في النادي الصحي لك امتيازات كثيرة منها خصم 25% ، قلت له ادري
قالي ترا بكرة ( الي هو اليوم ) في احتفال برأس السنه ، في الطابق الاول ..

قلت له اوكي . يعني شنو فيه ( كنوع من الفضول )

قالي في DJ واحتفال ، قلت له يعني ديسكو ! قالي ايوه بالضبط :eek5:
وقالي ترا الاحتفال بكرة ( الي هو اليوم ) يبدأ 10 ونص في الليل ويستمر حتى 2 في الليل !!

وهذي دعوه لك للحضور .. !!

من صدمة الكلام الي اسمعه والله توقعت الاتصال جاني من فندق في اوروبا او امريكا مب في الدوحة !!!

صكرت من الاتصال وانا مصدوم ..

لهالدرجة وصلت في بعض الفنادق لتقديم دعوات للاحتفال برأس السنه في جو صاخب في بلد مسلم !!


هالشكوى اوصلها حق من ؟؟ ما ابغي اوصلها لمدير الفندق لان ماراح يسوي شئ غير الاعتذار فقط !!

[بومحمد المطاوعه]

الله يعينك ياخوي


الله يستر علينا اليوم بس
يارب يعدي على خير

ام المصخره بتقووم فليل

يارب رحمتك وعفوك

ارجووووك يا الله لاتغضب علينا
ولا تزلز الارض علينا

فنحن ابرياااء يالله

يارب عليك بمن يحتفل ويسكر ويرقص ويعصيك ويغضبك ياالله

ياربي انك رحيم وغفور ارحمنا واحفظنا يارب

[Rider]

كأس العالم 2022 شخباره

[ضوى]

يقولك حتى تصنف الفنادق من فئة الفايف ستار ومافوق اجباري يكون فيها ديسكو وخمر ام الخبائث

الله لا يبلينا ن يارب احد يعرف وين تشتكي عشان نعرف هل بيتخذون اجراء او لا

حسبنا الله ونعم الوكيل

الله سبحانه عزوجل يتنزل بهالوقت عشان يوزع عطاياه على من يطلبه وهم بهالوقت سكر وعربدة وفسق وفجور يااارب لاتبلينا

[الحياة الخالدة]

للأسف .. إذا الدولة سامحة بهالشي .. وين بتروح تشتكي

[عطر فرنسي]

ليس بشي جديد بالي ذكرته

[الخيالة]

شي طبيعي نص الموظفين عندنا مجهزين نفسهم حق الليلة وبعضهم ماخذين اجازة حق باجر عشان لما يشربون الزفت خمر مايتوهقون في الدوام ويفنشونهم واكيد الباقيه بيغيبون او بيجيبون اجازات مرضيه اللي مجهز الخمر في بيته والدي جي ورقص واللي يروحون الفنادق وووو وايد امور الله يهدي الجميع ويعدي هاليوم علي خير احنا ندعي ونصلي ونحمد وهالناس تخطط حق الرقص وشرب الخمر ودمار ...

[الفا برافو]

هذا اللي حاصل.. من سنيين مهب من تو...

في الفنادق وفي النوادي الخاصه بالمجمعات السكنيه اللي اغلبها اجانب ....
كثير من الموظفين الاجانب بكره مأجزين لانه وضعهم بيكون غير طبيعي...
والله المستعان

[asadfg]

اخوي البلد مليانه اجانب وتوجه الدوله انها تكون بلد تجذب المستثمرين ويهيئون الجو المناسب وانت كمواطن الحكومه عزتك بحياه طيبه بسبه الموارد الطبيعيه والحين الدوله تفكر في رفاهيتك كمواطن عقب ما تخلص الموارد الطبيعيه يعني كل الي الحكومه تسويه علشانك

نعم هناك امور لا نقبلها كمسلمين لكن يخوي انت كمسلم الي عليك انه تبعد عن الاماكن هاذي ومحد جبرك تروح لها ولا هي جات في الشارع العام هي محصوره في اماكن معينه والي مايروح ها الاماكن اصلن مايشوفها بس يسمع عنها

الدوله حصرت الاماكن للاجانب وفصلتها عن الاماكن العامه والشارع العام وحطتها في اماكن معينه في الفنادق حتى بعض الفنادق مب كل الفنادق

انت كمسلم لو تبي تغترب في دوله وتعرف ان مافيها مسيد ولا مكان عباده او امور تحسسك على الاقل ببعض الحنين حق وطنك ماراح تروح

والدوله هني خصصت ها الاماكن للاجانب وبعدتها عن الشعب

حاولو تفهمون يا جماعه الخير الدوله قاعده والله تحاول تضمن لكم حياه حلوه

دبي يا جماعه ماعندهم بترول ولا غاز وبدون السياحه والمستثمرين ماوصل اقتصادها للي وصله وانت نفسك لو تروح دبي انت تختار وين تروح المكان الزين والشين وممكن تروح انت وهلك وتستانس حدك بدون ماتحس او تشوف المحرمات

[بومحمد المطاوعه]

للأسف .. إذا الدولة سامحة بهالشي .. وين بتروح تشتكي

واجهي البحر واشتكي

ولا اقولج

صلي ركعتين وادعي الله واشتكي للمالك الملوك
ادعي للجبار القوي

بأن الله يرحمنا في هذي الليله ويحفظنا

ادعي الله ان لايغضب علينا

[بنت مريخ]

لاحول ولاقوه الابالله
الله يهديهم و يكفيهم شر نفوسهم

[أم محمد 90]

حلو ان قبل لا تصير الساعة 12 منتصف الليل ، (اليوم) نكون وقتها نصلي وندعي

وغيرنا يحتفل ويشرب ويترقص

وفرق مابين الاثنين

[حسن]

خلاص على الدنيا السلام

المجتمع ماعاد به هو

الكثير رايح يحتفل برع وهذا واقع لازم نغير الخطه

ونمشي على اللي يبي المسجد واللي يبي البار

وكلن بتحاسب على عمله

ولا تزر وازره وزر اخري

ياما بتشوف

[Dana’1]

الملاحدة وإلي يفتخر الواحد منهم إنه زنديق ...لا يحتفلون بالكريسمس ورأس السنة!
هذا بناء على حساب وحدة في التويتر في هاشتاق للملاحدة الأجانب..تقول بما معناه يجون الناس يهنوني وأنا لا أؤمن بهذا:)

[يمامـة]

المشكلة الأكبر في الكريسمس مسلمين يهنون بعض
والأدهى والأمر ان مسلمين بيدخلون في الاحتفالات اليوم،،

اللهم سترك وعفوك ورحمتك ،،

[Abdulraman]

:danceالليله يطفون الليتات والكل ياخذ راحته ف البوس

[بومحمد المطاوعه]

المشكله ان في ناس مسلمين يقولون
هابي نيو يير

والله ارد عليهم
ولكم الحشيمه عن هالكلمه

هابي حمار يير

الله يعزكم

[Dana’1]

هذه صورة توضح أكثرإلي كتبتة بالمشاركة السابقة
طبعا أخذت الصورة قبل كم يوم كنت بكتب موضوع بهذا الخصوص

بس بما إن فية موضوع مشابهة بنزلها فية

http://im32.gulfup.com/tQem5.png (http://www.gulfup.com/?87VHbk)

وواضح من الأسلوب في نعرة تهكم عليهم:)

أظن لو مسلم إلي كاتبة كان قالوا مايحترمون غيرهم ووووإلخ
لكن ملحد ..الدعوة فيها تجاهل وحرية تعبير

[asadfg]

تنتقدون التهنئه

توى قبل كم يوم في الجريده القرضاوي وشيوخ اجازو التهنئه وحرمو الاحتفال :)

ليش ماعترضتو؟

[theeb_qatar]

فندق عادي .. مصرح ورسمي .. واغلبه اجانب ..

لكن وش تقـول لما تسمع عن حفلات بـرايـفت لقطرين في اماكن خاصه لهم تسمى بالكنايـس ..
والكستمر عرب من جميع الجنسيات .. وحتى من قطر ..

والدولة تدري وعاادي جدا ..

[captin]

نحن نعيش في مجتمع عالمي مترابط ببعضه البعض وتحكمه مصالح مشتركة
مع دول العالم لذلك نجد حكامنا ورؤسائنا العرب والمسلمين يتبادلون التهاني مع
رؤساء العالم ويتمنون الخير والسلام والأمن للشعوب الأخرى مع دخول فترة زمنية جديدة وهي السنة الجديدة .

و نحن أيضا على مستوانا كأشخاص عاديين في مجال العمل والتجارة نتبادل التهاني
مع زملاء العمل والشركاء في المشاريع المختلفة .
والتهنئة هنا هي بدخول سنة جديدة وليست تهنئة بمناسبة دينية وغالبا يتم التعبير
من خلال التهاني بالسنة الجديدة بالأمنيات الطيبة وتمنى التوفيق والصحة والنجاح والتقدم لمن نهنئهم.

أما ما يقام من حفلات صاخبة وسهر ورقص الى ساعات الصباح الأولى احتفالا بدخول العام الجديد
فهذه أشياء حتى عند الكثير من الغربيين والجنسيات الأخرى غير مقبولة وهي دارجة أكثر عند الشباب والفئات العمرية الصغيرة.

[كازانوفا]

ربي يزلزل الارض تحته كل من اغضب الرحمان
حسبي الله ونعم الوكيل

[الدوحه1]

يقولك حتى تصنف الفنادق من فئة الفايف ستار ومافوق اجباري يكون فيها ديسكو وخمر ام الخبائث
الله لا يبلينا ن يارب احد يعرف وين تشتكي عشان نعرف هل بيتخذون اجراء او لا
حسبنا الله ونعم الوكيل
الله سبحانه عزوجل يتنزل بهالوقت عشان يوزع عطاياه على من يطلبه وهم بهالوقت سكر وعربدة وفسق وفجور يااارب لاتبلينا

ماعتقد هالكلام صحيح لان السعوديه والكويت والشارقه فيها فنادق 5 نجوم..

[بصمة قطرية]

هاي ضريبة الإنفتاح
و عشان الأجانب و السياحة لازم تتوفر هالأمور
بهالطريقة يتم تصنيف الفنادق عالمياً ..




اللهم لا تحاسبنا بما فعل السفهاء منا ..

ننكر الشي بقلبنا و هذا أقل شي نقدر نسويه
مب اللي يروحون يحتفلون و يقدمون التهاني للأجانب ..!!!

[Chambray]

يالربع ترا انا مش مستغرب من الحفلات

انا مستغرب من الاتصال والدعوه للاحتفال معاهم

لو جا الاتصال لشخص مراهق حتى لو ملتزم

الشيطان بيلعب في مخه وبيخليه يشارك في هالاحتفال

الشكوى على الاتصال والدعوه للمنكر ..

هذا الي صدمني وقهرني

[يمامـة]

هاي ضريبة الإنفتاح
و عشان الأجانب و السياحة لازم تتوفر هالأمور
بهالطريقة يتم تصنيف الفنادق عالمياً ..




اللهم لا تحاسبنا بما فعل السفهاء منا ..

ننكر الشي بقلبنا و هذا أقل شي نقدر نسويه
مب اللي يروحون يحتفلون و يقدمون التهاني للأجانب ..!!!
اللهم آميين

[ضوى]

ماعتقد هالكلام صحيح لان السعوديه والكويت والشارقه فيها فنادق 5 نجوم..

كنت في بريطانيا من سنة من السنين ، بورتسمث تحديدا ، سكننا في فندق بسيط وصاحبه اردني مسلم ومتدين وكان وراه في الاستقبال خمر ، ساأله زوجي مسلم وخمر ، قاله اجباري حتى يتصنف فندقي فوق 3 نجوم بروتوكول عالمي هذا

[نوفة قطر]

ربي لك الحمد ان على الاقل هالامور موجوده بس فالفنادق ومايروح الا الفاسق اساسا

ماوصلنا لمستوى غيرنا من الدول اللي صار هالشيء عندهم علني

مادري وين تشتكي الصراحه