(( اطالب بدخول الرجال لمدارس النساء !!! ))

[حمد 2002]

السلام عليكم ورحمه الله وبركاته

الموضوع يحمل العنوان التالي

(( اطالب بدخول الرجال لمدارس النساء !!! ))

كثيرا من الاباء يرغب بالذهاب الى مدرسه ابنته ولكنه يصعب عليه ذلك لانه يمنع دخول الرجال لمدارس الحريم ، لان ابنته فلذه كبده قد يكون مستواها الدراسي متأخر او قد تكون امها متوفيه او غير مباليه او بينها وبين ابوها خلافات ومب مهتمه في اولادها او امها غير متعلمه او عائلتهم متشتته من خالتها وعماتها ووووو ،،

لماذا يمنع الاب من الذهاب لمدرسه بنته ؟!!!!

هل التلفون وحده يكفي للاطمئنان على بنته ونتائجها الدراسيه وتحصيلها العلمي ؟ في نظري لا والف لا لان الاتصال المباشر face to face ، له صدى اكثر وتأثير قوووي ،،،

معقوله دخلنا سنه 2014 وللحين ممنوع دخول الرجال لمدارس النساء ؟!!!

ليش مايكون هناك يوم بالاسبوع يسمح للاب بالذهاب لمدرسه بنته للاطمئنان عليها وعلى نتائجها ومشاكلها بالمدرسه ؟

ولكم فائق تحياتي وتقديري

حمد 2002

[حراير قطر]

الحمدلله والشكر لله

انت صاحي ؟؟

[حمد 2002]

الحمدلله والشكر لله

انت صاحي ؟؟

خلنا نتكلم ابواقعيه شوي ياختي بالله حراير قطر ، الاب من حقه انه يسال عن بنته وتحصيلها العلمي ، لانه يمكن امها تشتغل ولا ولا ولا ،

والاب كذلك يجب ان يحل محل (( الام )) في حالته غيابها لأي سبب كان ،،

مع فائق تحياتي ،،

[حمد 2002]

لازم نلقى حلول ياخواني خلونا انفكر شوي لانها مساله مهمه بالنسبه للمجتمع ،،

[ضوى]

الحمدلله والشكر لله

انت صاحي ؟؟

الله اكبر ياحراير ، الله المستعان خذي وخلي

[حراير قطر]

الاعضاء اللي يوزونك تكتب هالمواضيع ما راح ينفعونك

الشي معروف يقدر يتصل فيهم ويطلب المدرسه

اللي يبي يقابلها وبيقابلها وانتهى الموضوع

[ابوعلي]

اخوي حمد


لين تزوجت وجبت اعيال طالب وانا بطالب معاك ولكن الحين ما يصير تتكلم عن المتزوجين

[حراير قطر]

ههههههاي في نص الجبهه يا ابوعلي

حمد تعوذ من ابليس وقوم اقرا سوره الملك وصل لك ركعتين ونام

ضوى حبيبتي معليش استحملي

تصبحون على خير

[حمد 2002]

اشدخل المتزوجين ياابوعلي بهذا الموضوع ، انا اتكلم عن المجتمع ككل

فكره بالمجتمع واردت طرحها للتوصل لحلول ونتائج واسباب ومن حق الكل ابداء رايه بها وفقا للقانون ووفقا للاداب العامه

وليش لازم الواحد يتزوج لكي يحس بمشاكل المجتمع ،،

يااخوان احنا الحين في 2014 ويجب ان تتغير القوانين الي كنا ماشين عليها من 40 سنه مضت ،

والدليل بالكويت وبعض الدول الخليجيه عادي الرجال يسال عن بنته بالمدرسه :)

مع فائق تحياتي

اخوكم حمد 2002

[حمد 2002]

الله اكبر ياحراير ، الله المستعان خذي وخلي

اطالب برايج ياخت ضوى حول هذا الموضوع مع ذكر الاسباب لان رايج يهمني وايد ،،

مع التحيه ،،

[OREO]

موضوع مهم و غاية في الاهمية و كوني حالياً العب كول اوف ديوتي و واصل مرحلة متقدمة ما اقدر افيدك كثير لاني مركز مع اللعبة ،، فلذالك مبدئياً حاول انك تمسك المكرفون لين ما اخلص اللعبة ،،

لي رجعة حبيبي حمد ،، ،،،،

[حراير قطر]

حمد افهم ردي كل ولي امر له الحق

في اشياء يقدر يخلص ويتفاهم معاهم بالتلفون

واشياء لا ،، يتصل لادارة المدرسه بغيت اتقابل مع مدرسه فلانه

في مشكله مع بنتي وراح يقابلها ،، انتهينا

[حمد 2002]

الاعضاء اللي يوزونك تكتب هالمواضيع ما راح ينفعونك

الشي معروف يقدر يتصل فيهم ويطلب المدرسه

اللي يبي يقابلها وبيقابلها وانتهى الموضوع

محد ايوزني ولله الحمد فقلمي حر ولن ينبض بإذن الله مادمت على قيد الحياه ولايحتاج لتوجيه حد ولا لأمر من حد ،،

وذكرت في حيثيات موضوعي بأن التلفون مايفيد لان يامب شايلين التلفون ولا المدرسه باجتماع ولا ممممم النتيجه = مب طالع باي فائده من ذلك الاتصال ،،

بعكس الاتصال المباشر ،،

مع فائق تحياتي

[تغلبية]

السلام عليكم ورحمه الله وبركاته

الموضوع يحمل العنوان التالي

(( اطالب بدخول الرجال لمدارس النساء !!! ))

كثيرا من الاباء يرغب بالذهاب الى مدرسه ابنته ولكنه يصعب عليه ذلك لانه يمنع دخول الرجال لمدارس الحريم ، لان ابنته فلذه كبده قد يكون مستواها الدراسي متأخر او قد تكون امها متوفيه او غير مباليه او بينها وبين ابوها خلافات ومب مهتمه في اولادها او امها غير متعلمه او عائلتهم متشتته من خالتها وعماتها ووووو ،،

لماذا يمنع الاب من الذهاب لمدرسه بنته ؟!!!!

هل التلفون وحده يكفي للاطمئنان على بنته ونتائجها الدراسيه وتحصيلها العلمي ؟ في نظري لا والف لا لان الاتصال المباشر face to face ، له صدى اكثر وتأثير قوووي ،،،

معقوله دخلنا سنه 2014 وللحين ممنوع دخول الرجال لمدارس النساء ؟!!!

ليش مايكون هناك يوم بالاسبوع يسمح للاب بالذهاب لمدرسه بنته للاطمئنان عليها وعلى نتائجها ومشاكلها بالمدرسه ؟

ولكم فائق تحياتي وتقديري

حمد 2002


يالله .. على يدك حمد ..:victory:


خل الأبو يعرف مدرسة بنته والا يدل طريقها :)

وخل البنات يعرفون ان وراهم ابو بيسال عنها وعن سلوكها في المدرسة


بس ياهل ترى ... :discuss:


اشيبي يسوى اذا عرف ان السلوك مب لين هناك ؟!

اشلون بيحل انحراف بنته - لو وجد ؟!

وهل ياترى (أكبر وأكبر) ..

لي دخل مدرسة البنات ... اممم نضمن انه ماينعجب في الابلة المهتمة ببنته وايد ويفكر فيها كزوجة ثانية خاصة اذا كانت (قابلة للزواج) !!

أو نضمن إن الأبلة ما تنعجب في الابو (المهتم) ببنته ... ......................................... ويبتدي الفيلم:secret:


^

ترى ما جبت شي من عندي .. كل اللي ذكرته صاير

[حمد 2002]

موضوع مهم و غاية في الاهمية و كوني حالياً العب كول اوف ديوتي و واصل مرحلة متقدمة ما اقدر افيدك كثير لاني مركز مع اللعبة ،، فلذالك مبدئياً حاول انك تمسك المكرفون لين ما اخلص اللعبة ،،

لي رجعة حبيبي حمد ،، ،،،،

الله يحيك يالذيب ،،

في انتظار عودتك على احر من الجمر ،،

مع التحييه ،، :victory:

[النهار]

خوش اقتراح يالذيب انا عيالي الاولاد يدزون لي مسجات يمكن في السنه 4 مرات يبوني احضر اوبالاحرى يبون يشفون طلتي البهيه
وانا مطنش واكون فاضي وماوراي شي
بس صراحه لو مدرسة بنات تحصلني كل يوم طاق الوجه تحصلني اروح اسأل عن فلذت كبدي يمكن احضر الدرس بعد
وتحصل حسن ماخذ كيمرته وهات تصوير
ههههههه عليك افكار تودي وراء الشمس مع هذا اقتراح حلو وجميل :nice:
اي صج مره ولدي مسوي مشكله في المدرسه رحت الصبح المدرس يسأل اي صف ارد عليه يمكن الثاني او الثالث :weeping:

[حمد 2002]

يالله .. على يدك حمد ..:victory:


خل الأبو يعرف مدرسة بنته والا يدل طريقها :)

وخل البنات يعرفون ان وراهم ابو بيسال عنها وعن سلوكها في المدرسة


بس ياهل ترى ... :discuss:


اشيبي يسوى اذا عرف ان السلوك مب لين هناك ؟!

اشلون بيحل انحراف بنته - لو وجد ؟!

وهل ياترى (أكبر وأكبر) ..

لي دخل مدرسة البنات ... اممم نضمن انه ماينعجب في الابلة المهتمة ببنته وايد ويفكر فيها كزوجة ثانية خاصة اذا كانت (قابلة للزواج) !!

أو نضمن إن الأبلة ما تنعجب في الابو (المهتم) ببنته ... ......................................... ويبتدي الفيلم:secret:


^

ترى ما جبت شي من عندي .. كل اللي ذكرته صاير

يكون لقاء الابله = المدرسه مع الاب في حضور المشرف او المديره وايكنون كلهم متنقبين ومتحجبين وبذلك نضع حد لاي امر ،،

ويكون هناك قوانين صارمه لحضور الاب لمدرسه بنته يعني مب ادخل وبس !!!

بالقوانين الصارمه الامور بتمشي على الصراط المستقيم وعلى احسن مايمكن ،،،

وبالعكس البنات ايحسون بالرهبه اكثر اذا عرفوا بان ابوهم يسال عنهم وهالشيء فيه فوائد بتنعكس على تحصيلهم العلمي والسلوكي بالشيء المفيد ،،

مع التحيه ،،

[حمد 2002]

خوش اقتراح يالذيب انا عيالي الاولاد يدزون لي مسجات يمكن في السنه 4 مرات يبوني احضر اوبالاحرى يبون يشفون طلتي البهيه
وانا مطنش واكون فاضي وماوراي شي
بس صراحه لو مدرسة بنات تحصلني كل يوم طاق الوجه تحصلني اروح اسأل عن فلذت كبدي يمكن احضر الدرس بعد
وتحصل حسن ماخذ كيمرته وهات تصوير
ههههههه عليك افكار تودي وراء الشمس مع هذا اقتراح حلو وجميل :nice:
اي صج مره ولدي مسوي مشكله في المدرسه رحت الصبح المدرس يسأل اي صف ارد عليه يمكن الثاني او الثالث :weeping:

ليسوا كل الاباء نفس تفكيرك يالنهار ولو خليت خربت :secret: ،،

مع التحيه يالذيب :shy::victory:

[النهار]

ليسوا كل الاباء نفس تفكيرك يالنهار ولو خليت خربت :secret: ،،

مع التحيه يالذيب :shy::victory:

تصدق يالذيب الحين مدارس الاعداديه والثانويه بنين يدزون مسجات يوم لوي الامر ويوم لولية الامر لحضور اجتماع
صراحه اليوم المخص لاولياء الامور تحصل 20% يحضرون اكثرهم أباء مصطفى وحنفي وفهد وجاسم ووو ينعدون على الاصابع
بس تعال شوف يوم يكون اليوم المخصص للحريم سمعت ان القاعه ماتكفيهم :eek5:
عليك افكار يقولون ساعات نوع العشى يؤثر على التفكير :nice:

[النهار]

غريبه حسن لين الحين مادش الموضوع :eek5:

[حمد 2002]

غريبه حسن لين الحين مادش الموضوع :eek5:

زعلان :)

[بوخالد911]

هلا
بعض المدارس تسمح للأب بمقابلة الأبلات أو المشرفة

[فرهود]

اتفق معاك المدرسه مكان عمل مب بيت عشان نمنع ولي الامر يدخل .

[Aaziz]

انت و الي اقترح عليك هالموضوع

من باب ان المسلم يرضى على اخوه المسلم مايرضاه على نفسة ، علموني اهاليكم يشتغلون في اي مدارس ابي انقل بنتي مدرستكم و ابي مقابله face to face بغرض الاطمأنان
اذا انطفت الغيرة على اهاليكم ترى غيركم مستحمل المر عشان تستمر زوجته او اخته في وظيفة التدريس مع تحمل مشاق هذي الوظيفة بس لانها الوظيفه الوحيده المتاحه من غير اختلاط مع الرجال.


استغفر الله و اتوب اليه استغفر الله استغفر الله

[مو مهم]

انت متناقض امس كاتب مره داشه صالون رجالي مع ولدها وقومت الدنيا وقعدتها واليوم تبي تدش مدرسه عيالك

نفرض انهم سمحوا بالهشي ووالد البنت متوفي وعنده بنت بالثانويه واخواها توه مخلص ثانوي وعندك اخت بنفس هالمدرسه (طالبه ) ترضئ ولي امرها يدش ..!

[: بوحمود :]

ياخي الله يعينك على عمرك ونفسك وطريقة تفكيرك
بس عندي سؤال هل جربت تروح لمدرسة بنتك وقالو لك ممنوع؟

[qatara]

الله واكبر لما تجي بنت ماتزوجت او مطلقه وما عندها عيال
وتتكلم عن العيال والنقاشات بخصوص الحضانه وغيرها

لم نرى احد يقول لها لستي متزوجه او ليس لكي ابناء فكيف تتكلمين في الابناء !!!!!!

الله يعينك يا حمد

سبحان الله لمن يكيلون بمكيالين



بخصوص الموضوع

اعتقد يوجد موظفين من الرجال محاسبين
كما سمعنا في مدارس الحريم وان اكنت مخطي فقولو لي

[vip-30003]

هالمواضيع العادات والتقاليد والعرف مؤثر عليها

اما شرع والدين ما يمنع اذا مدرسة نموذجية انا مع صاحب الموضوع

لان الولد يحتاج الشدة ويفضل اماكن خاصة لاولياء الامور

اما مدرسة بنات ،، الام تكفي واذا في حالات الانفصال

مالها حق اي ادارة مدرسه تمنع ولي الامر

بالنسبه لنا في المدرسه نستقبل الكل ومجهزين غرفه خاصه للضيوف

الام لها الحق اتابع ولدها اذا الاب مهمل او في حالة الانفصال

تجلس في غرفة وكل المعلمين يجونها والاداريين

الموضوع عادي اذا نظرنا له من جانب مصلحة الطالب او الطالبه

ومهم جداً بالذات في المدارس النموذجيه

[vip-30003]

وبعدين يا جماعة الخير عن العقد النفسية والتخلف

اكثر الاتصالات لمدارس البنين من الحريم وين دور الاب ؟؟؟ ونسبة كبيره منهم تتمنى

تجلس مع المعلمين للمتابعة الطالب،،، ونسمح لهم وبتحفظ لان مالنا حق نمنع

الحين العكس لو انا عندي ولد في النموذجي وابي اتابعه وانا اشوف الام مش قادره اتابع

او لاي ظرف كان ،،، اي ادارة تمنعني ؟؟؟ عيل يلغوون المدارس النموذجيه

واللي بيقول ترضى زوجتك اتكون معلمة في مدرسه نموذجيه وتقعد مع ولي امر طالب

ما انا راضي وربع المدرسة عدوا سن البلوووغ من الطلاب

او بنتي في الثانوي وانا منفصل وعندها مشاكل وتمنعني الادارة ؟؟؟

في مدارس بنات ترسل دعوة حضور لمناسبات ما اتخلص لاصحاب التراخيص

يعني صاحب الترخيص ،،، تربوي وخايف رب العالمين وولي امر الطالبه فاسق ؟؟

اتمنى الموضوع ما يطووول

[شمس المغيب]

مافي مدرسة تمنع ولي الأمر من السؤال عن بنته
مجرد اتصال و ياخذ موعد ويحضر المدرسة
ويقابل مدرساتها والمشرفة الاجتماعية
وصاحبة الترخيص اذا له رغبة

مافي شي بدون موعد مسبق
حتى احنا كوليات أمر أو أمهات
مانقدر نقابل المدرسات بدون موعد مسبق

يعني محد بيمنعك تسأل عن بنتك

[حسن]

غريبه حسن لين الحين مادش الموضوع :eek5:

وين ادش يالنهار وحمد طارح لي الموضوع مع بدايه طف الليتات
يعني مع السنه الجديده

حمد انت حرام تعيش هني

والله لو كنت صاحب قرار لكان منصبك اعلى منصب
بس للاسف

طول عمري جدي مجهول لهذا البلد

راجعلك وبقوه

بس اوصل عيالي المدرسه
خبرك انا مهتم بهم بشكل كبير ولولا العائق اللي انت ذكرته
فعلا

اشكرك لهتمامك بمواضيع من اهم المواضيع لهذا البلد

الله يطول بعمرك ياحمد ويخليك ذكرا لهذا الوطن

تحيه للابن البار
حمد


راجع

[بن جعران]

اذا الام متوفيه او غير مباليه او شي من هالقبيل ,,

مافي مانع يطرش اخته او امه يسألون عنها

عاد ماتقول يمكن ماعنده ام او اخت

[لاجئ عاطفي]

ومن قال مافي رجال يدشون مدارس بنات؟؟ تابعوا فعاليات بعض المدارس تلقون فيها كثير من الدعوات وجهت لرجال؟؟ يعني انا عني شخصيا لا احبذ دخول الرجال بأي حال من الاحوال المدارس اللي فيها نساء مهما كان السبب سواء اب او فعاليه لكل شي خصوصيته واذا كان هناك واحد او اثنين راضيين فالاغلبيه مهب راضيه

[الأسبانية للمصاعد]

اشكرك ياخوي صاحب الموضوع

والله الموضوع حارق قلبي من زمان لاني ما اقدر ادش مدارس اولادي ( بنين ) ومرحلة ابتدائية بعد
اي يستحون اي خرابيط .... كل وحدة تتكشف برع وداخل الهرم التعليمي حرام

والله عمرنا ما راح نتقدم اذا تفكير حريمنا " المتعلمات " في الكيان التعليمي بهالعقلية

احييييييييييييك والله

[الجـــــــرح]

سبحان الله بعض الناس ضايع ويبي يضيع المسلمين معه لا دين لا عقيده لا عادات وتقاليد تمنعه مغلوب على امره والقوامه في يد غيره وصفق له من على شاكلته .... وصار تفكيره نفس تفكير اصحاب المخدرات يبي يدمر البشريه معه ...

[الأسبانية للمصاعد]

اخ الجرح كلامك مش مفهوم ... احين هل انت تتفق او لا تتفق .

واحد يبي يسال عن اولاده في المدارس ... الموظفات ايقولون ممنوع

والله من شهر في احدى المدارس ضابط ( عقيد ) درعم المدرسة عقب ما قالت له الموظفة ممنوع وجاب معاه شرطية ودش على المديرة لان بس يبي يسال عن ولده

بعض العقليات لحين اتفكر عايشين ايام مدارس قريش

[حراير قطر]

اخ الجرح كلامك مش مفهوم ... احين هل انت تتفق او لا تتفق .

واحد يبي يسال عن اولاده في المدارس ... الموظفات ايقولون ممنوع

والله من شهر في احدى المدارس ضابط ( عقيد ) درعم المدرسة عقب ما قالت له الموظفة ممنوع وجاب معاه شرطية ودش على المديرة لان بس يبي يسال عن ولده

بعض العقليات لحين اتفكر عايشين ايام مدارس قريش

مو من حقه يدرعم هاي قلة ادب

المدرسات عندهم حصص وتحضير وغيره

يأخذ موعد قبلها وينسق مع الادارة ويتقابل معاهم

شكله متعود يدرعمون على اهله بالبيت

لو انا المديرة والله اشتكي عليه ...

[غير البشر]

مو من حقه يدرعم هاي قلة ادب

المدرسات عندهم حصص وتحضير وغيره

يأخذ موعد قبلها وينسق مع الادارة ويتقابل معاهم

شكله متعود يدرعمون على اهله بالبيت

لو انا المديرة والله اشتكي عليه ...



انا مدرعم من فتره :omg:

[حراير قطر]

انا مدرعم من فتره :omg:

:anger1:

ترضى احد يدرعم على اهلك بلا عبايه ؟؟؟

[غير البشر]

:anger1:

ترضى احد يدرعم على اهلك بلا عبايه ؟؟؟



لا طبعا بس لي اسبابي هههههه
لاني حذرتهم وماسمعو الكلام
وكنت بكسر الباب بس انفتح فجأه ودخلت

[الأسبانية للمصاعد]

يا جماعة الخير

المدرسة مب مستشفى عشان ناخذ مواعيد

يمكن واحد ولده تعبان او تعور او يبي سيال عن مستواه

انا حطيت note في دفتر ولدي من شهر ولا حد رد علي من يومها ....

وين قاعدين و " المتعلمات اكثرهم دارسين برع " يعني اشدعوه كانوا منقبات في امريكا او اوروبا

غير البشر ..... ممكن سوال ؟ كيف الاكشن عقب ما درعمت ؟

[شبح الصمت]

احلى شيء فيك يا حمد انك تطرح وتحط رجلك وتترك الباقي للاعضاء

هههههههههههههههههههههههههههاي


انزين المره وما تبيها تدخل الحلاق

اشلون

تبي الرجال يدخل المدارس على الحريم !!!


انزين اهم معرضين للفتن



من وجهة نظري السؤال عن البنت ما يحتاج له تواجه مع النساء

بتلفون الو اختي لو سمحتي بنتي ممكن أسال عنها وراح يعطونك الجواب كافي وافي ..


اما حضور واجلس بينهم اشوف ما لها معنى كلش ..


تقبل مروري ياخوي !!

[غير البشر]

غير البشر ..... ممكن سوال ؟ كيف الاكشن عقب ما درعمت ؟



الاكشن دخلت وخذت البنت غصب عنهم
ورفعت عليهم قضيه وموجوده حاليا في النيابه
والبنت فصل نهائي :omen2:

[الأسبانية للمصاعد]

احنا ما راح اندش فجاة اكيد بمواعيد ولازم اتكون في غرفة انتظار اول ..... اشدخل " التدرعم على الاهل او ما شابه "

[ضوى]

في ناس عبالها المدرسة سوبرماركت ، يبه مدرسة حريم ، يعني لازم يكون في تهيئة قبلها ، اوكي ماقلنا موعد قبل بيوم بس استأذن مب باب المدرسة مفتوح للكل ، يعني يمكن المدرسة المعنية عندها حصة تحضير ، حلو اعطي خبر قبلها بساعة اقلها مب اتعامل معاهم كانهم موظفات في سوبرماركت

[الأسبانية للمصاعد]

الله يعينك .... عاد فصل ؟

هذي مدارسنا وهاي تعليمنا

والله لو لبناني او شامي درم .. كان قالوا والله ريال حريص على اعياله وكان دخلوه

بس بو فانيلة وسروال ..... للاسف

[حراير قطر]

احنا ما راح اندش فجاة اكيد بمواعيد ولازم اتكون في غرفة انتظار اول ..... اشدخل " التدرعم على الاهل او ما شابه "

مره ما يحتاج نأخذ موعد ومره اكيد مواعيد .. تناقض

بتروح تنتظر يمكن المدرسة عندها حصة بتخلي حصتها عشانك ؟؟

اذا كان تعبان اتابع مع الممرضة مب مع مدرساته :)

[قطريه22]

حمد انا ماعرفت لك
امس كتبت موضوع الي تدخل حلاق الرجاجيل
واليوم تطالب الرجال يدخل مدرسة بنته؟

انزين عاد انا باقولك الام هي الي تهتم بهالامور وبدراسة بنتها اما الاب من متى يقعد يدرس والا يحضر مجلس الامهات والا يتابع بنته في دراستها؟؟


ماخبرك تأيد الاختلاط شلي غيرك


انظلوك هههههههههههههه

[منسق قطري]

سبحان الله ....... موضوع تافه يعكس رأي صاحبة واذا كان عادي عنده وعند هله عند الناس غير .

[MAZEN37]

بالتلفون وبتموت قهر من اسلوبهم وطريقة جوابهم والنفسيه تبي تروح بينهم بياكلونك
انا اقولك مافي فايده المراه ما ينفع يكلمها الا مره مثلها

[Super Cool]

آنا عندي حل يرضي الجميع

إنشاء قاعة إستقبال ملتصقة بالمدرسة من الخارج مع أكسس للمدرسات و فيها كاونترات 3 و إلا 5 على حسب حجم المدرسة وإذا الأب أو العم أو الوصي حاب يتطمن على بنته ياخذ موعد و يراجع هناك بدون ما يدخل المدرسة...أعتقد هالحل يرضى الجميع

بس إستغربت من اللي يقول من متى الأبو يتابع تعليم العيال!!! و تستغرب لين ضاعوا عيالك بعد!!!! الله يعين عيالك عليك و الحمد لله ان الله خلا قلبي على عيالي في كل الأمور....ما أشوف فيها أي عيب....الأبو اللي جذيه نسميه بنك مب أبو شغلته يدفع و بس

[الأسبانية للمصاعد]

بيض الله وجهك سوبر كوول

المفروض انت اكستريم كوول والله

[بومحمد المطاوعه]

والله ياخوي حمد مادري شاقولك

عليك مواضيع


ياخوي انا اطالب بمنع دخول الرجال الى مدارس نساء

حاليآ بعض العمال يشتغلون في مدارس النساء والنساء موجودين
وهذا شي خطر
وعيب ولايجوز شرعآ


وانا اطالب بمنع هذا الشي ان يحصل

شوفاتنا مب لعبه جدام الناس

مكان مخصص للنساء عيب وجود الرجال
وليش اصلن يدخل الرجال

وينك عن كلام الله

فقد أمر الله سبحانه وتعالى عباده المؤمنين بغض البصر، فقال:

قال الله سبحانه وتعالى : وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ[1]

وينك عن حديث رسولنا الكريم

وقد ثبت عنه صلى الله عليه وسلم أنه قال : ((لا يخلون رجل بامرأة فإن الشيطان ثالثهما)) رواه الإمام أحمد بإسناد صحيح عن عمر بن الخطاب رضي الله عنه .

[Super Cool]

و وجهك و من عز عليك

[لبيبة]

أؤيدك في مطالبتك يا حمد، انت جبتها صح وضربت عصفورين بحجر، منها حل لمشاكل البنات اللي ما تخلص، ومنها حل لمشكلة العنوسة.

الأمر الطبيعي ان الام من اختصاصها مدارس البنات والاب يروح مدارس الاولاد، وعادة الآباء يلقون بمسؤوليتاهم على الأمهات فيروحون مدارس العيال، ومب هي المسؤولية الوحيدة اللي يتخلى فيها الأب عن دوره، منها أيضا مسؤوليات الحلاق اللي امس انت احتجيت عليه والخياط اللي احتجيت عليه في موضوعك القديم، وشراء الملابس الرجالية لعيالهم، ويروحون سوق الغنم والجبرة والسوق المركزي يجيبون تموين بيوتهم، وغيرها الكثير من المسؤوليات اللي تخلى فيها الأب عن دوره وقامت به الأم عن طيب خاطر، أقلها قول شكرا لهم، وعاتب الأب المقصر اللي خلاها تضطر تقوم بدوره.

الحق يقال، الأم حقها عظيم ويتجاهل الكثير أنها تقوم بدور الأم والأب معاً في كثير من الأحيان حتى في وجود الأب المتقاعس، ولنكن منصفين فالله أمرنا بالعدل والإحسان، الله يرحم أمهاتنا وآبائنا ويغفر لنا ولهم ويصلح لنا ذرياتنا.

ما تقدر تصبر عن طرح مواضيع تتعلق بالمرأة؟ خذ لك شهر إجازة عنهم وغير اهتماماتك في الحياة واطرح أفكار جديدة.

[قطري2022]

حمد افهم ردي كل ولي امر له الحق

في اشياء يقدر يخلص ويتفاهم معاهم بالتلفون

واشياء لا ،، يتصل لادارة المدرسه بغيت اتقابل مع مدرسه فلانه

في مشكله مع بنتي وراح يقابلها ،، انتهينا

يعطيج العافية يا حراير ، معناها ان في مجال ان الاب يدخل المدرسة و يقابل المدرسة ، معناها اقتراح حمد اصلا قائم ، فليش انتي معترضة ؟ وليش يا بوشهاب اقترحت الموضوع وهو اساسا موجود على حسب ما فهمت من حراير ؟ :)

[ابوعلي]

يعطيج العافية يا حراير ، معناها ان في مجال ان الاب يدخل المدرسة و يقابل المدرسة ، معناها اقتراح حمد اصلا قائم ، فليش انتي معترضة ؟ وليش يا بوشهاب اقترحت الموضوع وهو اساسا موجود على حسب ما فهمت من حراير ؟ :)

فعلا في امكانية ولي الأمر يقابل مديرة المدرسة واحتمال بعض المدارس يرضون والبعض لا ولكن اخبر اخوي قابل ادارة المدرسة اكثر من مرة

[الجـــــــرح]

اخ الجرح كلامك مش مفهوم ... احين هل انت تتفق او لا تتفق .

واحد يبي يسال عن اولاده في المدارس ... الموظفات ايقولون ممنوع

والله من شهر في احدى المدارس ضابط ( عقيد ) درعم المدرسة عقب ما قالت له الموظفة ممنوع وجاب معاه شرطية ودش على المديرة لان بس يبي يسال عن ولده

بعض العقليات لحين اتفكر عايشين ايام مدارس قريش

كلامي واضح وراح اوضح لك بعد لا مب راضي وماراح رجال فيه غيره وفيه شهامه يرضى بنته ولا زوجته ولا اخته ولا امه تقابل رجال وتلاسن معه لا ي سبب من الاسباب واذا فيه همجي تجراء ودش على حريم مب معناته قدوه شخص همجي وهاي تربيته وعلى طاري قريش قريش اشرف القبائل وزادها شرف ان الرسول الكريم منهم صلى الله عليه وسلم ذكرتني بواحد كان يشر على الخط وقف عنده راعي سياره فارهه وقال له للحين تشر على الخط الناس راحت المريخ وانت للحين تشر على الخطوط قال له ليش ما انقلعت معهم للمريخ ..

[Dana’1]

أظن في مدارس تسمح بدخول الأباء حسب ما عرفت من وحدة تعمل بمدرسة مستقلة …بس أتوقع هذا يعتمد على المدرسة نفسها إذا تسمح أو لا



طيب حمد..إذا وحدة م أهلك أختك وإلا بنتك تعمل في هالمدرسة ..بيكون لك نفس الرأي إن عادي يدخل الرجال عليهم كي يستفسر عن بنتة؟

[الأسبانية للمصاعد]

سبحان الله لحين عندنا نفس عقليات ذاك السعودي اللي طلق مرته لانها اتحب حصان ..

يعني لو الزوجة ممرضة او دكتورة في الطوارئ ... بيمنعها زوجها من علاج المرضى لان المرضى رياجيل

اش هالمنطق اللي بعض الناس عايشين فيه

مشكور اخوي حمد على الموضوع ولازم تتقبل النقد

الله العالم انت بس تبي اتوهجنا

ههههههه وتحياتي للجميع .... الراي والراي الآخر

[حسن]

قليلا من العقل كثيرا من الحكمه
:(
الهدؤ ياجماعه وبعدو عن الانفعاليه لان الشوارع فاضيه كلش والكثير من القطريين اللي عيالهم في المدارس الاجنبيه والروض
عندهم عيد الكرسمس
فنبارك لهم
:(

الاخ حمد طرح موضوع مهم جدا جدا

بالنسبه لي كرجل وولي امر 4 من العيال ولي الحق في تعليمهم بمداس خاصه ولقربها من البيت
رفضت فضلت المستقله عليهم
اولا بكونها حكوميه وثانيا تعليمهم ممتاز وثالثا الغالبيه العظمى قطريين ومديراتها قطريين
فانا افضل لي بحكم نفس المجتمع


:ok:


انا استغرب من يقول مايسير ولا حريم

ياجماعه الخير

الحين الحريم في كل مكان الوزارات والشوارع والمجمعات والجرايد
وش فيه يعني هل انتو مقلييل من قدره المراءه القطريه
ايش الاختلاف
انا معاي موظفات واروح المجمعات والبنات والحريم شكثر وفي الشوارع يسوقون
وفالسفر مصورهم لكم شكثر
وين المشكله

اذكر مديره مدرسه لما كنت معاهم في مجلس الامناء شكلت فريق لحل المشاكل
وكان اكثريه من الرجال رغم ان المدرسه بنات
فلما سئلتها ليش
قالت انتو الرجال لكم هيبهولكم درايه وقدره واحترام اكثر
فافي بعض المشاكل يتطلب تواجدكم بشكل مهم
مشاكل كبيره مانقدر عليها

فاتفهمت الموضوع وتغيرت الفكره من راسي

فاياخون انتو لا تحورون الموضوع عن ماهو عليه اللي يقول انت بتتزوج ولا اللي بيغازل

مايسير هذا الكلام والمنطق

وبعدبن انتو تبون الازواج يهتمون خلوهم يروحون ويهتمون
بدال ماتعلقون عليهم وتسمونهم خرفان
حمد يبي يعد للارجل هيبته ودوره في المجمتع

ليش هذا الهجوم الغير مبرر


عطونا اراكم وناقشو المضوع

اما يااخوان مايسير التهجم والتجريح والاهانه
لشخص لم يهن اي عضو يناقشكم بادب واحترام

فاتمنا ان يكون الحوار هادف وهادي

سبحان الله

فإذا الذي استنصره بالأمس يستصرخه قال له موسى إنك لغوي مبين


صدق الله العظيم

[عاشق العديد]

قليلا من العقل كثيرا من الحكمه
:(
الهدؤ ياجماعه وبعدو عن الانفعاليه لان الشوارع فاضيه كلش والكثير من القطريين اللي عيالهم في المدارس الاجنبيه والروض
عندهم عيد الكرسمس
فنبارك لهم
:(

الاخ حمد طرح موضوع مهم جدا جدا

بالنسبه لي كرجل وولي امر 4 من العيال ولي الحق في تعليمهم بمداس خاصه ولقربها من البيت
رفضت فضلت المستقله عليهم
اولا بكونها حكوميه وثانيا تعليمهم ممتاز وثالثا الغالبيه العظمى قطريين ومديراتها قطريين
فانا افضل لي بحكم نفس المجتمع


:ok:


انا استغرب من يقول مايسير ولا حريم

ياجماعه الخير

الحين الحريم في كل مكان الوزارات والشوارع والمجمعات والجرايد
وش فيه يعني هل انتو مقلييل من قدره المراءه القطريه
ايش الاختلاف
انا معاي موظفات واروح المجمعات والبنات والحريم شكثر وفي الشوارع يسوقون
وفالسفر مصورهم لكم شكثر
وين المشكله

اذكر مديره مدرسه لما كنت معاهم في مجلس الامناء شكلت فريق لحل المشاكل
وكان اكثريه من الرجال رغم ان المدرسه بنات
فلما سئلتها ليش
قالت انتو الرجال لكم هيبهولكم درايه وقدره واحترام اكثر
فافي بعض المشاكل يتطلب تواجدكم بشكل مهم
مشاكل كبيره مانقدر عليها

فاتفهمت الموضوع وتغيرت الفكره من راسي

فاياخون انتو لا تحورون الموضوع عن ماهو عليه اللي يقول انت بتتزوج ولا اللي بيغازل

مايسير هذا الكلام والمنطق

وبعدبن انتو تبون الازواج يهتمون خلوهم يروحون ويهتمون
بدال ماتعلقون عليهم وتسمونهم خرفان
حمد يبي يعد للارجل هيبته ودوره في المجمتع

ليش هذا الهجوم الغير مبرر


عطونا اراكم وناقشو المضوع

اما يااخوان مايسير التهجم والتجريح والاهانه
لشخص لم يهن اي عضو يناقشكم بادب واحترام

فاتمنا ان يكون الحوار هادف وهادي

سبحان الله

فإذا الذي استنصره بالأمس يستصرخه قال له موسى إنك لغوي مبين


صدق الله العظيم

حكييييم يابوعلي كلام 100 برسنتتتت ..

[دااانة قطر]

انت و الي اقترح عليك هالموضوع
من باب ان المسلم يرضى على اخوه المسلم مايرضاه على نفسة ، علموني اهاليكم يشتغلون في اي مدارس ابي انقل بنتي مدرستكم و ابي مقابله face to face بغرض الاطمأنان
اذا انطفت الغيرة على اهاليكم ترى غيركم مستحمل المر عشان تستمر زوجته او اخته في وظيفة التدريس مع تحمل مشاق هذي الوظيفة بس لانها الوظيفه الوحيده المتاحه من غير اختلاط مع الرجال.
استغفر الله و اتوب اليه استغفر الله استغفر الله

:nice::nice::nice:



انت متناقض امس كاتب مره داشه صالون رجالي مع ولدها وقومت الدنيا وقعدتها واليوم تبي تدش مدرسه عيالك
نفرض انهم سمحوا بالهشي ووالد البنت متوفي وعنده بنت بالثانويه واخواها توه مخلص ثانوي وعندك اخت بنفس هالمدرسه (طالبه ) ترضئ ولي امرها يدش ..!

حتى انا استغربت





مو من حقه يدرعم هاي قلة ادب
المدرسات عندهم حصص وتحضير وغيره
يأخذ موعد قبلها وينسق مع الادارة ويتقابل معاهم
شكله متعود يدرعمون على اهله بالبيت
لو انا المديرة والله اشتكي عليه ...

وقت البريك أنسب وقت اللي هو 10 وقبلها بيوم يبلغ الاداارة بزيارته والمدرسة المطلوبه وبالمره تقارير العيال عند كل مدرسة تجيبه الاخصائيه معاها

[بومحمد المطاوعه]

استغفرالله واتوب اليه

كفايه اختلاط
كفايه فساد
كفايه مصخره

الي يرضى ان هله وسط الرجال
ترى في ناس مايرضون ان اهلهم وسط الرجال

وفي ناس عادي نسوانهم يسافرون بروحهم وشله بنات
وفي ناس مايرضون هذا الشي

اتمنى مايصير هذا الشي في المدارس

لان اعتقد الكثير من المدرسات بيتضايقون

وطبعآ لاشك ان بعضهم بيكون شي عادي عندهم وفرررررررررررري

[R 7 A L]

حمد
أنت تطالب بالاختلاط
ويحاه

[Rider]

بصراحة هالموضوع ماعجبني منك ياحمد انت ترضى حد يدخل على اهلك

[حراير قطر]

بومحمد يقولك مصور الحريم اشكثر لكم

استغفر الله العظيم

[دااانة قطر]

الاكشن دخلت وخذت البنت غصب عنهم
ورفعت عليهم قضيه وموجوده حاليا في النيابه
والبنت فصل نهائي :omen2:

ايش استفدت أخوي؟؟

[الزعفراني]

أنا والله استحي ادخل مدرسة بنتي او ولدي ( مدرسة نموذجيه ) .. عشان أسأل عنهم .. أو أتابعهم .. وهالشي مب عشاني ولكن عشانهم هم كمدرسات .. وكذا مرة مدرسة بنتي يطرشون لي عشان احضر اجتماع تعريفي او سنوي مع مجلس امناء المدرسة مثلا .. واعتذر لهم ..

الإجراء المتبع عندي .. أمهم تروح المدرسة اذا كان لابد لحضور اجتماع الامهات او يوم المعايشه .. او اي اجتماع خاص بالمدرسة

أما بالنسبة لي اتابع ان بغيت عبر التلفون .. صحيح كانوا يطلعون عيني لين يردون على التلفونات .. لكن في المعرض الاخير للمدارس المستقلة
زرت اجنحة مدارس عيالي وخذت أرقامهم كلها وأرقام كل مسؤولة

لذلك أشوف شي مش حلو ان الرجال يدخل المدرسة عشان يسأل أو يتابع ولده

[Abdulraman]

الحين عادي تدخل عندهم وتتقهوه ذاك اول ممنوع خبرك عتيج

[غير البشر]

ايش استفدت أخوي؟؟


اختي الموضوع مب موضوع استفاده
بس من طق الباب جاه الجواب
قعدت عندهم ساعه احذرهم واكرر لكن مايسمعون الكلام
وخلاص هم يتحملون المسوؤليه وغلطتهم
والمجلس الاعلى تفهمو الموضوع
وطلبو مني اختيار اي مدرسه في قطر حتى لو مليانه وتداوم من اليوم الي بعده
لو معاي الحق كان ماشتكيت :victory:
وزين انفتح الباب والا كنت قايل لهم بكسره

[ضوى]

اتقوا الله في مربيات الاجيال ، اتقوا الله في اللي تعبانين على عيالكم

شنو عادي تدخل عندهم وتتقهوون عندهم ؟؟ هالكثر مربيات الاجيال طايحين من عيونكم ؟؟ عيل ليش مأمنين على عيالكم عندهم

[حسن]

اختي الموضوع مب موضوع استفاده
بس من طق الباب جاه الجواب
قعدت عندهم ساعه احذرهم واكرر لكن مايسمعون الكلام
وخلاص هم يتحملون المسوؤليه وغلطتهم
والمجلس الاعلى تفهمو الموضوع
وطلبو مني اختيار اي مدرسه في قطر حتى لو مليانه وتداوم من اليوم الي بعده
لو معاي الحق كان ماشتكيت :victory:
وزين انفتح الباب والا كنت قايل لهم بكسره

زين ماجابولك وزير الداخليه ياغير البشر انت متهور

انا هددوني بالشرطه بس

كانو بيجبون لي فريق الشغب وحاملات الطارات ساراتوجا
والمارينز مع الاسطول الخامس اللي في البحرين

بس ربك ستر

شوف انا اعرف محامي زين تصدق واحد قاتل نفسه طلعه براءه
اذا تبي عنوانه بادزه لك

:victory:

[غير البشر]

اتقوا الله في مربيات الاجيال ، اتقوا الله في اللي تعبانين على عيالكم

شنو عادي تدخل عندهم وتتقهوون عندهم ؟؟ هالكثر مربيات الاجيال طايحين من عيونكم ؟؟ عيل ليش مأمنين على عيالكم عندهم


انا غير مؤيد لدخول الرجال مدارس البنات :nice:

[توشيبا]

استغفرالله واتوب اليه

كفايه اختلاط
كفايه فساد
كفايه مصخره

الي يرضى ان هله وسط الرجال
ترى في ناس مايرضون ان اهلهم وسط الرجال

وفي ناس عادي نسوانهم يسافرون بروحهم وشله بنات
وفي ناس مايرضون هذا الشي

اتمنى مايصير هذا الشي في المدارس

لان اعتقد الكثير من المدرسات بيتضايقون

وطبعآ لاشك ان بعضهم بيكون شي عادي عندهم وفرررررررررررري

جزاك الله كل خير

بعض الردود اللي فهمت منه انه مب واضي بس يبغي يعاند بعض الاعضاء وموافق علي هالموضوع

لاكن كل حرف ينقال يوم الحساب بيتحاسب عليه

اتقو الله في بنات خلق الله اقسم بالله لو اسال واحد موافق علي هالموضوع ان اختك اًو زوحتك ترضاها في مدرسه يدرعم عليها رجل والله ان مراح يرضئ

وان رضئ هذا ماعنده غيره علي شوفاته

[غير البشر]

زين ماجابولك وزير الداخليه ياغير البشر انت متهور

انا هددوني بالشرطه بس

كانو بيجبون لي فريق الشغب وحاملات الطارات ساراتوجا
والمارينز مع الاسطول الخامس اللي في البحرين

بس ربك ستر

شوف انا اعرف محامي زين تصدق واحد قاتل نفسه طلعه براءه
اذا تبي عنوانه بادزه لك

:victory:


ههههههههههههه
بوعلي حزتها ماكنت افكر في حد
لو يجيبون الي يجيبونه ماعندي مشكله

الله يستر عليك والا الحين كنا بنزورك في بوزعبل ههههههه

خربنا موضوع حمد مسكين وانا شطحت اشوي :secret:

[يمامـة]

طلبك هذا يا حمد بشكل العام قد يكون مرفوض لكن لو دققنا عليه بشكل خاص
فهو حق من حقوق الأب اللي ما عنده حد يسأل عن بنته في المدرسة
او اللي ممكن يسئلون مستوى استيعابهم للي يدور حولهم صغير جدا ،،

ومن ثم اشوف لو الأب بالفعل حريص كل الحرص انه يتعرف على مستوى بناته
فهو من حقه ان يتواصل مع المدرسات اذا بناته بحاجة الى دعم ،،

لكن ان الباب ينفتح لكل رجل يبي يدخل المدرسة بحجة انه يبي يسأل عن بناته
هالشي مب مقبول ابدا ، وخاصة ان مدارس البنات المدرسات عادين
المدرسة مكان نسائي ويدرورون فيه من غير حجابات او عبايات ،،

[حسن]

طلبك هذا يا حمد بشكل العام قد يكون مرفوض لكن لو دققنا عليه بشكل خاص
فهو حق من حقوق الأب اللي ما عنده حد يسأل عن بنته في المدرسة
او اللي ممكن يسئلون مستوى استيعابهم للي يدور حولهم صغير جدا ،،

ومن ثم اشوف لو الأب بالفعل حريص كل الحرص انه يتعرف على مستوى بناته
فهو من حقه ان يتواصل مع المدرسات اذا بناته بحاجة الى دعم ،،

لكن ان الباب ينفتح لكل رجل يبي يدخل المدرسة بحجة انه يبي يسأل عن بناته
هالشي مب مقبول ابدا ، وخاصة ان مدارس البنات المدرسات عادين
المدرسة مكان نسائي ويدرورون فيه من غير حجابات او عبايات ،،



اذا وجد الماء بطل التيمم يايمامه

كلامك على العين والراس ومنطقي وقبول
الموضوع يتكلم للاسماح ووهذا حق مثل ماذكرتي

محد يقول تعال ودرعم بدون احم ولا تستور
من اللي طالب

بس البعض يكتب ويقط كلام

كانا احنا من شعوب البشمرقى ولا الليوجرقا

ولا كانا في قانون الغاب

هناك اتصال واستفسار وسماح وبعدين ياريت الحين الابهات يسئلون يامره
ابعدوهم كلش وبعدين يتهمونا بالاهمال
مثل القبقب اللي مربط

احنا نتكلم كلام العقل والحوار الهادف

ياام فهد

صباح الخير

انا ارفع لك العقال ياحكيمه المنتدي انتي تفصلين واحنا نلبس

بس راعي القضيه وينه

:con2:

[يمامـة]

اذا وجد الماء بطل التيمم يايمامه

كلامك على العين والراس ومنطقي وقبول
الموضوع يتكلم للاسماح ووهذا حق مثل ماذكرتي

محد يقول تعال ودرعم بدون احم ولا تستور
من اللي طالب

بس البعض يكتب ويقط كلام

كانا احنا من شعوب البشمرقى ولا الليوجرقا

ولا كانا في قانون الغاب

هناك اتصال واستفسار وسماح وبعدين ياريت الحين الابهات يسئلون يامره
ابعدوهم كلش وبعدين يتهمونا بالاهمال
مثل القبقب اللي مربط

احنا نتكلم كلام العقل والحوار الهادف

ياام فهد

صباح الخير

انا ارفع لك العقال ياحكيمه المنتدي انتي تفصلين واحنا نلبس

بس راعي القضيه وينه

:con2:

هو المنطق يعطيه الحق في التواصل مع المدرسات ،،
اليوم لو مثلا كنت مريضة ولا تعبانة ولا فيني اللي فيني من قلة استيعاب
لحالة بنتي الدراسية او مشاكلها المدرسية ،، من حق ابوها ان كان من النوع الحريص
على مستوى بناته الاكاديمي او السلوكي في المدرسة انه يطالب بمقابلة مدرساتها ،،

وهالشي ترى يصير وصارت في حالات كثيرة لما الأب يتدخل للتواصل ،،
لكن مثل ما قلت انت يا اخوي حسن وينه الأب اللي ممكن يكون بهذا الحرص ؟

قلة قليلة جدا ،، لكن لو الباب انفتح على مصارعيه ممكن نشوف الكثرة منهم
يتواجدون نفس المدارس الأجنبية اللي صار القطري ما شاءالله عليه هو اللي يودي ولده
ويشل شنطته ويوصله لين الصف ،، ويحضر الحفل في المدرسة ويمكن مجلس الاباء
وولده اللي في مدرسة اعدادية مستقلة ما يدري عنه :shy:


وصباحك نور وسرور يا بوعلي

[ذكـــــرى]

سبحان الله الحين تذكرتو عندكم بنات ولازم تسالون عنهم ؟ وله علشان السالفه فيها حريم
موضوعك ماله داعي وعيب رجال يدش عند الحريم ولو صدق يبي يسال ومهتم واجد عنده التلفون يتصل ويتطمن بنفسه ولو اني اشك انه يدري في اي صف بنته بس ياحبكم حق هالسوالف
وياليت تهتم بمواضيع ارقى واعم من هالمواضيع السخيفه

[حمد 2002]

انا ما طالب بالاختلاط وانا ضده نهائيا والبعض ربط الموضوعين ممم ايقول اشلون امس الاخ حمد معترض ان حرمه داخله حلاق رجالي لكي تحلق لولدها واليوم طارح موضوع عن دخول الرجال لمدارس النساء ، رجاءا يااخوان لحد يربط الموضوعين لانهم مختلفين تماما ،،

ذلك حرمه داخله المحل بطريقه غير قانونيه وبطريقه خارجه عن المألوف وبدون أي عذر !!!

اما هذا الموضوع بيكون وفقا لظوابط معينه ممم يعني مب تعال ادخل المدرسه بدون احم ولا دستور !!!

بيكون هناك قوانين واواقات معينه واماكن معينه تنظم دخول الرجال لمدارس النساء ،،

وحبيت اقول للي اساء لي بالرد الله ايسامحك :)

مع فائق تحياتي اخوكم

حمد 2002

[ذكـــــرى]

آنا عندي حل يرضي الجميع

إنشاء قاعة إستقبال ملتصقة بالمدرسة من الخارج مع أكسس للمدرسات و فيها كاونترات 3 و إلا 5 على حسب حجم المدرسة وإذا الأب أو العم أو الوصي حاب يتطمن على بنته ياخذ موعد و يراجع هناك بدون ما يدخل المدرسة...أعتقد هالحل يرضى الجميع

بس إستغربت من اللي يقول من متى الأبو يتابع تعليم العيال!!! و تستغرب لين ضاعوا عيالك بعد!!!! الله يعين عيالك عليك و الحمد لله ان الله خلا قلبي على عيالي في كل الأمور....ما أشوف فيها أي عيب....الأبو اللي جذيه نسميه بنك مب أبو شغلته يدفع و بس

وعلى اي اساس يقابل المدرسه ؟؟ يابلفيت كلششششششششششششش مهتم؟ فيه اختراع اسمه تلفون اتصلوا وشوفو حال بناتكم وخلاص ماله داعلي جيتكم الي مامنها فايده

[ذكـــــرى]

انا ما طالب بالاختلاط وانا ضده نهائيا والبعض ربط الموضوعين ممم ايقول اشلون امس الاخ حمد معترض ان حرمه داخله حلاق رجالي لكي تحلق لولدها واليوم طارح موضوع عن دخول الرجال لمدارس النساء ، رجاءا يااخوان لحد يربط الموضوعين لانهم مختلفين تماما ،،

ذلك حرمه داخله المحل بطريقه غير قانونيه وبطريقه خارجه عن المألوف وبدون أي عذر !!!

اما هذا الموضوع بيكون وفقا لظوابط معينه ممم يعني مب تعال ادخل المدرسه بدون احم ولا دستور !!!

بيكون هناك قوانين واواقات معينه واماكن معينه تنظم دخول الرجال لمدارس النساء ،،

وحبيت اقول للي اساء لي بالرد الله ايسامحك :)

مع فائق تحياتي اخوكم

حمد 2002

لازم تسامحه لان موضوعك يبط الجبد ويرفع الضغط ويجيب السلال بعد وفوق هاذا كله مامنه فايده غير الخرابيط الي بتستوي عقب

[حسن]

هو المنطق يعطيه الحق في التواصل مع المدرسات ،،
اليوم لو مثلا كنت مريضة ولا تعبانة ولا فيني اللي فيني من قلة استيعاب
لحالة بنتي الدراسية او مشاكلها المدرسية ،، من حق ابوها ان كان من النوع الحريص
على مستوى بناته الاكاديمي او السلوكي في المدرسة انه يطالب بمقابلة مدرساتها ،،

وهالشي ترى يصير وصارت في حالات كثيرة لما الأب يتدخل للتواصل ،،
لكن مثل ما قلت انت يا اخوي حسن وينه الأب اللي ممكن يكون بهذا الحرص ؟

قلة قليلة جدا ،، لكن لو الباب انفتح على مصارعيه ممكن نشوف الكثرة منهم
يتواجدون نفس المدارس الأجنبية اللي صار القطري ما شاءالله عليه هو اللي يودي ولده
ويشل شنطته ويوصله لين الصف ،، ويحضر الحفل في المدرسة ويمكن مجلس الاباء
وولده اللي في مدرسة اعدادية مستقلة ما يدري عنه :shy:


وصباحك نور وسرور يا بوعلي


كلامك عين العقل

بس هي الله يهداها ماتعرف فائده النسيان
قولي لها تسمع رويشد اللي نساك انساه

نرجع لب الموضوع

هو حمد الله يهدايه منتظر دخول السنه الجديده علشان يكون اول موضوع يطرح

مهب سهل هل الولد
علي قوه تحمل ولا جون سينا

:)

شوفي يااختي احيانا اسمع نقزات من هنا وهناك تؤلمني انا كرجل
لما وصل حال الكثير للاسف مهب البعض
تصدقين لما كنت عضو واول ماقالو ان هناك اختبارات وطنيه وعليها سقوط تصدقين تصرقعت
واعلن حاله الطواري وشد الحزام
وقلت حق المره ترا السالفه هيك وهيك ولازم نوضع خطه استراتيجيه
للعيال وان نتابع بشكل شهري والمستويات
والحمدلله اموري ماشيه فل

غير لما اسمع الصراخ والعويل من بعض الامهات لما صعقو بالسقوط مع العلم وبعد التحري
ثبت لي من سقط فهو كان يستحقه ولا تاخذنا العاطفه
وهم يعلمون في قراره انفسهم ولكن لايعترفون

مشكله مقيوله الحق يزعل

نعود الحديث

زوجه ابن عمي في مرحله ابتدائيه للاولاد

وانا ذاهب الى رحله سعيده كالعاده اسبوعيه
لما كنا نحتسي الشاي والقهوه ونتبادل اطراف الحديث عن التعليم وبعض المعوقات

ياخطير يابوعلي

:)

يقول ياحسن زوجتي تشتكي من التدريس ويجب فصل الطالب من صف الرابع
لان يكون صعب جدا
فتعتقد انه يحتاج الى ان يكون التعليم من الرجل افضل
وانتي تعرفين الحين عيال كيكيرز وجيهم قويه مافي تربيه كلن لاهي ويدور حجز
الام والابو
واحده تقزل لندن والثاني يقول زلامسي

الله يرحم ايام فندق الحرمين في الحساى

وطر ومضى
:weeping:

فالتواصل في جميع الحالات شي جيد
سواء المدرسي ولا العائلي
ولا ولا

كفايه


وشكرا لكي ياسيدتي

اليمامه

[بومحمد المطاوعه]

الي ماتستحي على ويها بتسمح على نفسها تخلي رجال يقعد حذاها ويضرب سوالف معاها

وضحك وكركره

لانها ماتعرف السنع ولا شافت السنع

مدام تبيع الاخره لجل متاع الدنيا

خلها في متاع الدنيا لتنال نار جهنم في الأخره ان لن تتوب الى الله واهي على الأرض
متى ستتوب وتحشم حالها

يوم الحساب

يوم الندم شنو بتقول

نسوو ان الله تعالى قال في كتابه العزيز

قوله تعالى : ( ويوم يعض الظالم على يديه يقول يا ليتني اتخذت مع الرسول سبيلا ( 27 ) يا ويلتى ليتني لم أتخذ فلانا خليلا ( 28 ) لقد أضلني عن الذكر بعد إذ جاءني وكان الشيطان للإنسان خذولا ( 29 ) )



لايفيد الندم
لايفيد الندم

يوم الحساب لايفيد الندم

[الـخـالـدي]

ياكثر الوجيه اللي طاحت فهالموضوع

اللي عنده غيره ورجوله ماراح يرضى على بناته ولا على اهله ولا على غيره ان كان عنده غيره

اخوي حمد 2002 الاعضاء اسألوك سؤال وانت مارديت عليه ؟؟ انت ترضاها على اختك تقابل لها رجال ويشتكي ويمكن يقل ادبه عليها ؟؟ ولا يتجرأ عليها بكلام ثاني ؟؟؟

اخوي حسن والاخ اللي يضحك على زمن قريش وهو اشرف زمن انزل الله تعالى فيه القران و بعث فيه الرسول اللي علمنا واعطانا اعظم نعمه وهي الاسلام على اساس انكم مهتمين وااايد فالموضوع وتدعمون القضية ؟؟ انتو الباقيين اسألو أنفسكم ترضونها على أهلكم .. ترضونها على بناتكم .. بكره واحد يقابل بنتك ويقل ادبه عليها ؟؟؟

اخوي غير البشر مسوي فيها بطل مدرعم على مدرسة بنات و الله لو حد من بناتي فيها ولا ما ترجع بيتكم صاحي على كيفك انت تدرعم على مدرسة كلها بنات انا مادري شلون ما قطوك فالسجن .. المدرسة لها حرمة مثل حرمة البيت .. تبي تدخل تستأذن بدون استاذن ماتدخل لكن اللوم مب عليك اللوم على المديره اللي خلتك وماجابتلك الشرطة

مابقت الا المدارس اللي تكاد تخلو من الاختلاط بعد لاحقينها وجايين وراها وتحفرون لها

خافو ربكم خافو على بناتكم خافو على شوفاتكم ياخي اذا اليوم على غيركم وربي بكره عليكم ... صج اليا قالو قلو الرجاجيل بهالزمن !!!!

بخصوص كل اللي مع الاختلاط على اساس انه مهتم تفكر فهذي الاية يوم تكون واقف على الصراط ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )

[دااانة قطر]

اختي الموضوع مب موضوع استفاده
بس من طق الباب جاه الجواب
قعدت عندهم ساعه احذرهم واكرر لكن مايسمعون الكلام
وخلاص هم يتحملون المسوؤليه وغلطتهم
والمجلس الاعلى تفهمو الموضوع
وطلبو مني اختيار اي مدرسه في قطر حتى لو مليانه وتداوم من اليوم الي بعده
لو معاي الحق كان ماشتكيت :victory:
وزين انفتح الباب والا كنت قايل لهم بكسره

اهم شي ان البنت رجعت للدرااسة
والله يعينا على المداارس والادااره وعيالنا

[بومحمد المطاوعه]

بومحمد يقولك مصور الحريم اشكثر لكم

استغفر الله العظيم

لاحول ولاقوه الابالله

[اليشم]

الله يعينك .... عاد فصل ؟

هذي مدارسنا وهاي تعليمنا

والله لو لبناني او شامي درم .. كان قالوا والله ريال حريص على اعياله وكان دخلوه

بس بو فانيلة وسروال ..... للاسف

مسكين بو فانيله وسروال مضطهد ومستهدف:nea:

[بومحمد المطاوعه]

جزاك الله كل خير

بعض الردود اللي فهمت منه انه مب واضي بس يبغي يعاند بعض الاعضاء وموافق علي هالموضوع

لاكن كل حرف ينقال يوم الحساب بيتحاسب عليه

اتقو الله في بنات خلق الله اقسم بالله لو اسال واحد موافق علي هالموضوع ان اختك اًو زوحتك ترضاها في مدرسه يدرعم عليها رجل والله ان مراح يرضئ

وان رضئ هذا ماعنده غيره علي شوفاته

,ويجزاك كل خير ياخوي

والله ياخوي لو بتشوف اي انسان خواته فررري واهو فرري

بعد لو بتقوله هالموضوع بيقولك اشدعوه
لا ما ارضى

مستحيل حد يرضى حتى لو في دستور فالموضوع وانه بموعد يدخلون

ليش يعني يدخلون شالفايده

ياخي بعضهم مايخافون الله

اذا الله تعالى قال حرام
تروح تعارض ربك وتحاربه وتحلل

استغفرالله

بعد الي يحارب الله هاي مرفوع عنه القلم
والله يهديه ويصلح حاله

[بشائر]

هالأمر ضرره أكثر من نفعه على المعلمة بشكل خااااص وعلى الطالبة ..

في سنة من السنوات كانت عندي طالبة متعلقة في مادتي رغم ضعف مستواها الدراسي
إلا إن درجاتها في مادتي ممتازة وكنت الاحظ اهتمامها وحرصها على أداء الواجبات
والأنشطة والمشاركات ...
أبوها وأمها منفصلين وهي عايشه عند أبوها ويظهر يسألها عن المدرسة والمواد
ومدحتني ... ماوعيت إلا والإدارة تقول لي تعالي كلمي ولي أمر الطالبة ...متصل
يبي يسأل عن مستوى بنته الدراسي وقاعد يشكر فيج ووو استغربت انه طلبني تحديدا
أول مرة رفضت وقلت بكتب له تقرير عن مستوى بنته لكنه كرر اتصالاته ..
لما رديت عليه ماكان عنده شي غير إنه يشكر ويمدح ..عطيته درجات بنته ومستواها
وخبرته عن موعد الامتحان ..شوي إلا والأخ بدأ يسولف عن ظروف بنته ووضعه وو .... هنا قطعت
المكالمة واعتذرت منه وقلت له هالأمور ممكن تخبرها للأخصائية الاجتماعية هي بتفيدك أكثر .
وأيام المراجعة قبل الامتحانات النهائية باسبوع عادة في المدارس الحكومية مايداومون الطالبات لكنه كان كل يوووم يجيب
بنته عندي علشان أراجع لها برغم إنها شاطرة وفاهمه الدروس وماتحتاج لكن بعد كنت أراجع لها حسب اللي تقول انها مب فاهمته !!!!
ولما كنا نطلع من المدرسة ألاقيه ينتظر بنته بسيارته قدام باب المدرسة .. وواضح إن الحركة مقصودة ومتعمدة ..وأحمد ربي على الستر .

الزبدة .. تواصل الرجال مع مدرسة البنات فيه فتنة كبيرة من الأفضل منع هالشي لأن مافيه مصلحة للطالبة
إلا أنه يفتح باب لأمور قد يستغلها البعض بطريقة غير أخلاقية ..

[الحياة الخالدة]

هل يا ترى باجر بتنزل موضوع تطالب فيه بدخول الحريم لمدارس الرجال لنفس الأسباب و المبررات ؟
و الا بتعترض مثل ما اعترضت على دخولها محلات الحلاقة ؟

[حمد 2002]

سويت = عملت تحريات الصبح ودرت بالموتر ولقيت ان حتى روض = حضانات الاطفال مكتوب عليهم لطفا ممنوع دخول الرجال ؟ :eek5: !!!

فعلا امر غريب !!! :anger1:

[حمد 2002]

هل يا ترى باجر بتنزل موضوع تطالب فيه بدخول الحريم لمدارس الرجال لنفس الأسباب و المبررات ؟
و الا بتعترض مثل ما اعترضت على دخولها محلات الحلاقة ؟

لا والله مب معترض اذا كان وفقا للقانون ووفقا لظوابط معينه يعني مب ادخلي ودرعمي ، !!!!

القانون والاحكام اذا كانت صارمه محد يقدر ايتجاوزها وبنلقى لكل مشكله حل ،،،

[الحياة الخالدة]

يعني تعنيت و لفيت على حضانات الأطفال و رحت تدور الأماكن اللي مكتوب عليها ممنوع دخول الرجال ؟
صج إنك فاضي و ما عندك سالفة

[حسن]

ياكثر الوجيه اللي طاحت فهالموضوع

اللي عنده غيره ورجوله ماراح يرضى على بناته ولا على اهله ولا على غيره ان كان عنده غيره

اخوي حمد 2002 الاعضاء اسألوك سؤال وانت مارديت عليه ؟؟ انت ترضاها على اختك تقابل لها رجال ويشتكي ويمكن يقل ادبه عليها ؟؟ ولا يتجرأ عليها بكلام ثاني ؟؟؟

اخوي حسن والاخ اللي يضحك على زمن قريش وهو اشرف زمن انزل الله تعالى فيه القران و بعث فيه الرسول اللي علمنا واعطانا اعظم نعمه وهي الاسلام على اساس انكم مهتمين وااايد فالموضوع وتدعمون القضية ؟؟ انتو الباقيين اسألو أنفسكم ترضونها على أهلكم .. ترضونها على بناتكم .. بكره واحد يقابل بنتك ويقل ادبه عليها ؟؟؟

اخوي غير البشر مسوي فيها بطل مدرعم على مدرسة بنات و الله لو حد من بناتي فيها ولا ما ترجع بيتكم صاحي على كيفك انت تدرعم على مدرسة كلها بنات انا مادري شلون ما قطوك فالسجن .. المدرسة لها حرمة مثل حرمة البيت .. تبي تدخل تستأذن بدون استاذن ماتدخل لكن اللوم مب عليك اللوم على المديره اللي خلتك وماجابتلك الشرطة

مابقت الا المدارس اللي تكاد تخلو من الاختلاط بعد لاحقينها وجايين وراها وتحفرون لها

خافو ربكم خافو على بناتكم خافو على شوفاتكم ياخي اذا اليوم على غيركم وربي بكره عليكم ... صج اليا قالو قلو الرجاجيل بهالزمن !!!!

بخصوص كل اللي مع الاختلاط على اساس انه مهتم تفكر فهذي الاية يوم تكون واقف على الصراط ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )



صباح الخير يالخالدي

ياخوك انت فهمت الموضوع من نظره غير
وانا ماابي اناقش الموضوع باختالط ولا غيره وانا هذا مهب همي رقم ان المجتمع اصبح مختلط مانقول كامل
لكن بشكل كبر

بالنسبه لي الشيخ وزوجت في البيت لم تعمل ولن تعمل دام انها زوجه ومربيه للعيال
هذا انا
بس من يقدر يسوي مثلي شوف حوليك
وعد كم واحد يقدر يقعد زوجته

في وقتنا الحالي اتحدا

رغم اني ماماانع عمل المراءه ولا اتبرها اهانه ابدا
بس انا نظرتي انها زوجه وانا الموعيل والقوامه لي وكلن كيفه مالي شغل بهم

بس انا حبيت اوضح لك ان تقرا رد اليمامه وتهدي محد قال اجلس وتضحك ومادري من هل السوالف اللي تدور في راس صاحبها

للتوضيح

[ضوى]

لا والله مب معترض اذا كان وفقا للقانون ووفقا لظوابط معينه يعني مب ادخلي ودرعمي ، !!!!

القانون والطرق اذا كانت صارمه ومحد يقدر ايتجاوزها بنلقى لكل مشكله حل ،،،


كل شي عندك وفق ضوابط ، ومسكينة يوم دشت الحلاق وفق ضوابطها وسترها قلتوا عنها ماتستحي ماعندهم عم خال اشدعوة مقطوعة من شجرة ؟؟ لكن الريال له مبرراته ومب مقطوع من شجرة

اتقوا الحوبات تراها مهلكة والله

[ضوى]

يعني تعنيت و لفيت على حضانات الأطفال و رحت تدور الأماكن اللي مكتوب عليها ممنوع دخول الرجال ؟
صج إنك فاضي و ما عندك سالفة

صار لازم الادارة تتدخل ، مواضيع استفزازية القصد منها كثرة الردود

[حمد 2002]

كل شي عندك وفق ضوابط ، ومسكينة يوم دشت الحلاق وفق ضوابطها وسترها قلتوا عنها ماتستحي ماعندهم عم خال اشدعوة مقطوعة من شجرة ؟؟ لكن الريال له مبرراته ومب مقطوع من شجرة

اتقوا الحوبات تراها مهلكة والله

ركزي في ردودي بارك الله فيج ولاتاخذينها من منظور ضيق ، بل وسعي بالرؤيه لكي تتضح لكي الصوره اكثر ،،

مع التحيه ،،

[ضوى]

ركزي في ردودي بارك الله فيج ولاتاخذينها من منظور ضيق ، بل وسعي بالرؤيه لكي تتضح لكي الصوره اكثر ،،

مع التحيه ،،

سعة الافق انت اللي لازم تنتبه لها ، تضيقها وربي موسعها وتوسعها وربي مضيقها اشتبي توصل له ، الله لا يبلينا ولا يبليك

[حسن]

اخ حمد احي فيك سعه صدرك للجميع وهذه خاصيه تذكر لك

ولا اريد اخل في تفاصيل مالها داعي مثل ماطرحت من البعض
والذي يوكد نظريه يوسف
انا قلت راي يجب على كولي امر ان استطيع بالتواصل اذالزم الامر
وهذا حقي كاب ومربي لابنائه

وهذا اخر رد لي في الموضوع

وشكرا لك من اتفق ومن لم يتفق

وهذا حوار في موضوع
قد يككون راي ورويتي صح وقد تكون غلط


:(

[ROSE]

هالأمر ضرره أكثر من نفعه على المعلمة بشكل خااااص وعلى الطالبة ..

في سنة من السنوات كانت عندي طالبة متعلقة في مادتي رغم ضعف مستواها الدراسي
إلا إن درجاتها في مادتي ممتازة وكنت الاحظ اهتمامها وحرصها على أداء الواجبات
والأنشطة والمشاركات ...
أبوها وأمها منفصلين وهي عايشه عند أبوها ويظهر يسألها عن المدرسة والمواد
ومدحتني ... ماوعيت إلا والإدارة تقول لي تعالي كلمي ولي أمر الطالبة ...متصل
يبي يسأل عن مستوى بنته الدراسي وقاعد يشكر فيج ووو استغربت انه طلبني تحديدا
أول مرة رفضت وقلت بكتب له تقرير عن مستوى بنته لكنه كرر اتصالاته ..
لما رديت عليه ماكان عنده شي غير إنه يشكر ويمدح ..عطيته درجات بنته ومستواها
وخبرته عن موعد الامتحان ..شوي إلا والأخ بدأ يسولف عن ظروف بنته ووضعه وو .... هنا قطعت
المكالمة واعتذرت منه وقلت له هالأمور ممكن تخبرها للأخصائية الاجتماعية هي بتفيدك أكثر .
وأيام المراجعة قبل الامتحانات النهائية باسبوع عادة في المدارس الحكومية مايداومون الطالبات لكنه كان كل يوووم يجيب
بنته عندي علشان أراجع لها برغم إنها شاطرة وفاهمه الدروس وماتحتاج لكن بعد كنت أراجع لها حسب اللي تقول انها مب فاهمته !!!!
ولما كنا نطلع من المدرسة ألاقيه ينتظر بنته بسيارته قدام باب المدرسة .. وواضح إن الحركة مقصودة ومتعمدة ..وأحمد ربي على الستر .

الزبدة .. تواصل الرجال مع مدرسة البنات فيه فتنة كبيرة من الأفضل منع هالشي لأن مافيه مصلحة للطالبة
إلا أنه يفتح باب لأمور قد يستغلها البعض بطريقة غير أخلاقية ..


وانا اعرف واحد قعد يتغزل في مدرسة ولده في التليفون ويستغل وضعه انه منفصل ويسولف مع المدرسات لين ما حصل له وحده عطته ويه

قمة في التناقض اللي تطرحه يا حمد

من صوب شديد العقاب على اللي ودت ولدها الحلاق وما فكرت يمكن تكون متطلقة ولا عرفت شو ظروفها

ومن صوب ثاني متعاطف مع الاب المنفصل وناسي ان المدرسات يعتبرون المدرسة بيتهم وبدون حجاباتهم وقت الدريس وواحد يجي يدرعم


واللي يقول ان الاب لازم ياخذ موعد قبلها ،، طيب هل المديرة بتنشر تعميم ان فيه ريال داخل المدرسة علشان الكل يتحجب ؟

مطالبة غريبه من صوبك والاغرب الناس اللي موافقينك ومسوين العالم متخلفة ؟

عموما اذا كان الاب منفصل عنده خوات اتوقع يقدرون يسألون عن عياله وماله عذر ثاني

[حمد 2002]

اخ حمد احي فيك سعه صدرك للجميع وهذه خاصيه تذكر لك

ولا اريد اخل في تفاصيل مالها داعي مثل ماطرحت من البعض
والذي يوكد نظريه يوسف
انا قلت راي يجب على كولي امر ان استطيع بالتواصل اذالزم الامر
وهذا حقي كاب ومربي لابنائه

وهذا اخر رد لي في الموضوع

وشكرا لك من اتفق ومن لم يتفق

وهذا حوار في موضوع
قد يككون راي ورويتي صح وقد تكون غلط


:(

انت مدرسه يابوعلي ونحن نتعلم منك ، وكل كلمه تكتبها تسطرها باحرف من ذهب وهذا يدل على رجاحه عقلك وفكرك الواعي والنير ،،،

مع تحياتي ،،

اخوك

حمد 2002