المعارض النسائية والشركات المنظمة وحق المشتري

[قطريه22]

اكتشفت في الايام الماضية ان الشركات المنظمة للمعارض الي تقام بين فتره وفتره في قطر وبشكل خاص (( المعارض النسائيه الي تكون مخصصة للعبايات والمكياج والفساتين وغيره)) غير مسؤوله عن المحلات والتاجرات الي يجون من خارج الدولة ، يعني لو فصلت عباية عند أحد التاجرات أو المحلات المشاركة ياخذون المبلغ كامل ويسلمون المشتري فاتورة ان تسليم الغرض بيكون بعد كم يوم وبعدها لايردون عليه ولايسلمونه البضاعه.

دام انكم يالشركات المنظمة تجيبون هالتاجرات من دولة مجاورة ويعرضون بضايعهم للناس وبعدها يوم ياخذون المبالغ منا ويسحبون علينا من الي بيرجع لنا حقنا؟
للأسف الشركات المنظمة هدفها ربح المال فقط من غير ماتفكر في حق المشتري .


اتمنى يكون في جهة رقابية على التاجرات على الأقل العقد الي يوقعونه مع الشركات المنظمة يضمن حق المشتري في حالة تخلف التاجرة عن التسليم..

[غير البشر]

صادقه وغير هذا يتأخرون كثير
الافضل ان تاخذون من المعارض الاشياء الجاهزه
لاتنتظرين منهم شي ان لما يرجعون يرسلون لكم

لان ماعتقد في اي اجراء او حفظ حقوق من اللجنه المنظمه للمعرض

[قطريه22]

صادقه وغير هذا يتأخرون كثير
الافضل ان تاخذون من المعارض الاشياء الجاهزه
لاتنتظرين منهم شي ان لما يرجعون يرسلون لكم

لان ماعتقد في اي اجراء او حفظ حقوق من اللجنه المنظمه للمعرض

المشكله يوم رحت اشتري قالت لي العباية للعرض ولازم تفصلين وتدفعين المبلغ كامل
التسليم كان بتاريخ 10/12/2013 ولين اليوم ماستلمت شيء
وحاطين رقمين في الفاتوره واحد من شهر مشغول والثاني محد يرد عليه

[قطريه22]

اخر مره افصل عند تاجرات بره قطر
توقعت المعارض مضمونه بس للاسف طنشو لنا

حماية المستهلك ماقصرو تواصلو مع التاجره لانها بالصدفه كان عندها معرض وامس اخر يوم وقالت انا ارسلت العبايه من زمان وهي تكذب وتوها راسلتها وقالت استلميها الثلاثاء او الاربعا اليوم باشيك

يعني مافي مصداقيه

[حمد 2002]

هذا درس لج اختي قطريه 22 بالمستقبل ، لكي تأخذي حذرك من هؤلاء النصابين ،،

(( ‏لا يلدغ المؤمن من جحر مرتين ))

مع التحيه ،،

[حمد 2002]

السؤال الي يطرح نفسه هنا وين وزاره الاقتصاد من هؤلاء الذين اينظمون معارض عشوائيه ؟!! ،،،

[حسن]

هذا درس لج اختي قطريه 22 بالمستقبل ، لكي تأخذي حذرك من هؤلاء النصابين ،،

(( ‏لا يلدغ المؤمن من جحر مرتين ))

مع التحيه ،،


سبحان الله اشك انك انت القرين مالي

:)

كنت باقول نفس كلامك



السؤال الي يطرح نفسه هنا وين وزاره الاقتصاد من هؤلاء الذين اينظمون معارض عشوائيه ؟!! ،،،


مادري ياحمد تصدق احنا عندنا وزاره الاقتصاد والله ماعرف اخبر الماليه والاقتصاد
مادري وش صار كل فتره شكل

نرجع للموضع

اختنا قطريه

انتي طرحتي موضوع مهم جدا

من فتره وانا افكر وافكر في طرح موضوع بخصوص عمليه الشراء
لدى النساء

المشكله الاساسيه هل ليش التهافت على هذه المعارض النسائيه

وهم يقصون عليهم

هل قل الثقافه الشرائيه عندهم
ولا التقليد وراء المظاهر
ولا اسباب اخري مثل الوفره الماليه
ولا هناك اسباب اخري

شكرا لك

[حمد 2002]

سبحان الله اشك انك انت القرين مالي

:)

كنت باقول نفس كلامك





مادري ياحمد تصدق احنا عندنا وزاره الاقتصاد والله ماعرف اخبر الماليه والاقتصاد
مادري وش صار كل فتره شكل

نرجع للموضع

اختنا قطريه

انتي طرحتي موضوع مهم جدا

من فتره وانا افكر وافكر في طرح موضوع بخصوص عمليه الشراء
لدى النساء

المشكله الاساسيه هل ليش التهافت على هذه المعارض النسائيه

وهم يقصون عليهم

هل قل الثقافه الشرائيه عندهم
ولا التقليد وراء المظاهر
ولا اسباب اخري مثل الوفره الماليه
ولا هناك اسباب اخري

شكرا لك

يمكن مب تعبانين بهالفلوس يالنوخذه ؟ :rolleyes2:!!!!

لان فيه مثل ايقولك (( الفلس اللي يجي بالساهل يروح بالساهل ))

[حسن]

يمكن مب تعبانين بهالفلوس يالنوخذه ؟ :rolleyes2:!!!!

لان فيه مثل ايقولك (( الفلس اللي يجي بالساهل يروح بالساهل ))

والله ياخ حمد نتمنى نسمع راي المراه في هذا الموضوع

لان فعلا ليش الكثير من المعارض نسائيه ايس الاسباب ؟؟؟؟؟

لو الموضوع يخص الرجل كنت باتحدث فيه
وكن يخص النساء وخصوصا لما كنت جالس مع مستشارودار الحديدث بيني وبيه
وقالي ليش عندكم حب المظاهر والتقليد وين سياسه الاددخار عندكم
وليش وليش

الصراحه قالي كلام فعلا ماقدرت اجاوبه

[بومحمد المطاوعه]

روحي العزيزيه وفصلي لج عبايه ساده ابرك لج

رخيص وشغلهم زين
ويمكن فوق ال 50 محل في بقعه واحده

[يمامـة]

قدمي شكوى عند حماية المستهلك وكتاب ثاني عند الجهة المسؤولة عن اقامة هالمعارض
والتصاريح اللي يعطونها للتجار ،،

علشان يعرفون يتعاملون معاهم في المرات الياية ،،

وفي العباية ولا فيج فداج ،،

[Dmy Enabi]

إختي قطرية حاسه فيج ،وأعتقد عرفتها لأنه صار معاي نفس الموقف سلمتني ياها عقب شهر وكله ماترد

[كازانوفا]

حسبي الله ونعم الوكيل فيهم
يعني الفلوس واخدوها ليش ما يعطو الخلق حقهم مثل ما هم اخذو حقهم كامل مكمل

[قطريه22]

سبحان الله اشك انك انت القرين مالي

:)

كنت باقول نفس كلامك





مادري ياحمد تصدق احنا عندنا وزاره الاقتصاد والله ماعرف اخبر الماليه والاقتصاد
مادري وش صار كل فتره شكل

نرجع للموضع

اختنا قطريه

انتي طرحتي موضوع مهم جدا

من فتره وانا افكر وافكر في طرح موضوع بخصوص عمليه الشراء
لدى النساء

المشكله الاساسيه هل ليش التهافت على هذه المعارض النسائيه

وهم يقصون عليهم

هل قل الثقافه الشرائيه عندهم
ولا التقليد وراء المظاهر
ولا اسباب اخري مثل الوفره الماليه
ولا هناك اسباب اخري

شكرا لك



في اشياء يجيبونها التاجرات مش موجوده في قطر
وبالنسبه لموضوعي كان عن العبايات انا يوم شفتها اعجبتني ولقيت انها ارخص من التاجره القطريه ففصلت عندها وللاسف للاسف لقيت نفس العبايه في محل في الدوحه ب اقل من سعرها

اوقات التاجرات او المصممات عندهم اشياء تجذب المشتري

[قطريه22]

إختي قطرية حاسه فيج ،وأعتقد عرفتها لأنه صار معاي نفس الموقف سلمتني ياها عقب شهر وكله ماترد


المشكله ياختي مايردون واجبرتني اشتكي عليها عند حماية المستهلك مع ان مالهم صلاحيه لانها مب من قطر بس قدرو يوصلوني لها وتعطيني رقم الشحنه والي شكلها مألفته من عندها لان مافي شي

[قطريه22]

قدمي شكوى عند حماية المستهلك وكتاب ثاني عند الجهة المسؤولة عن اقامة هالمعارض
والتصاريح اللي يعطونها للتجار ،،

علشان يعرفون يتعاملون معاهم في المرات الياية ،،

وفي العباية ولا فيج فداج ،،



قدمت فديتج عند حماية المستهلك وماقصرو معاي خلوها تتواصل معاي وتعطيني رقم الشحنه
ولين الحين مافي شي وصل

المشكله في الجهات المنظمه ليش مايجبرون المحلات الي يجون او التاجرات الي من بره قطر علي دفع تأمين في حالة تخلفهم او اي حد اشتكي عليهم يرجعون حق الناس ويمنعونهم من اقامة معارض في قطر

[قطريه22]

حسبي الله ونعم الوكيل فيهم
يعني الفلوس واخدوها ليش ما يعطو الخلق حقهم مثل ما هم اخذو حقهم كامل مكمل



ناس همها المكسب لايردون علينا ولا يبلغونا

[قطريه22]

هذا درس لج اختي قطريه 22 بالمستقبل ، لكي تأخذي حذرك من هؤلاء النصابين ،،

(( ‏لا يلدغ المؤمن من جحر مرتين ))

مع التحيه ،،


اي والله درس لي وتوبه اتعامل مع تاجرات بره قطر

[قطريه22]

روحي العزيزيه وفصلي لج عبايه ساده ابرك لج

رخيص وشغلهم زين
ويمكن فوق ال 50 محل في بقعه واحده



المشكلن العبايه الي فصلتها مافيها شي يستاهل المبلغ الي خذته العبايه مجرد قماش كريب وحرير وبالاسود
وسعرها 1500

عندي عبايات ساده وقلت هذي للزيارات

[قطريه22]

يغرون الواحد بالعبايات

واحنا الحريم ينقص علينا

المصيبه في اسعارهم عباية ماتسوي ب2000وفوق

في عبايات ب7000

[بصمة قطرية]

المعارض عوار راس
و مادري شلون الوحدة تثق فيهم ..!!
حبيبتي قطرية بعضهم ذمتهم واسعه ..

ما أروح المعارض لأنها غالية
الأسعار دبل ثلاث مرات ..
إستغفال العقول
و إستغلال الجيوب ..

[بصمة قطرية]

يغرون الواحد بالعبايات

واحنا الحريم ينقص علينا

المصيبه في اسعارهم عباية ماتسوي ب2000وفوق

في عبايات ب7000

روحي البحرين شارع البوكوارة بتحصلين العباية ب 400 ..!!!!
والله نفس العبي اللي تنباع عندنا بآلاف في البحرين و الخبر
ما توصل ربع المبلغ ..!!!


الحين من ناحية الشرع ..
ما يعتبر هالشي حرام ..
و غش تجاري ..!!!!
لأن في موديلات ما تكون للمصممة تاخذها من برع بسعر رخيص
و تروح تسوي عليها و تبيعها بسعر مبالغ ..!!!

[kawkawii]

العلاقه بين التاجره والزبونه مالها اي علاقه بالجهات ألمنظمه !
هاي معرض له مدته ويخلص على ألمنظمه انها تنسق الايفنت
والزبونه اهي الي لها القرار انتها تشتري او لا !
خاصه ان في ظل الانستغرام والانترنت بشكل عام صاروا اغلب المشاركات معروفين في الخليج قبل ما يجون المعرض ! والزبونه اهي الي تقرر اذا بتشتري او لا
او انها تدفع نص المبلغ مسبق او كله ! محد غصبها !
الجهه ألمنظمه يعني بتقعد تلاحق كل زبونه شنو اشترت ومتى بتستلم وشنو طلبت؟!
القانون ما يحمي المغفلين مثل ما يقولون
والسموحه اذا في تجريح غير مقصود فيما سبق

[حياة]

المعارض كلها غش في غش ونهب فلوس ع الفاضي
والحريم يطخون طخ الله يهديهم
فيه معرض كان فيه بدله لبنتي لقيتها 800 بس مافيه مقاس
بعد اسبوع رحت معرض ويندام لقيتها عند سعوديه نفس البدله بس يختلف اللون 2400
اااااااكبر حراااااااميه ويرفعون الاسعار والحريم تظن انه غااالي لان جودته عاليه...
ماصرت اروح معارض لان كله نصب ونهب

[أم محمد 90]

المشكله يوم رحت اشتري قالت لي العباية للعرض ولازم تفصلين وتدفعين المبلغ كامل
التسليم كان بتاريخ 10/12/2013 ولين اليوم ماستلمت شيء
وحاطين رقمين في الفاتوره واحد من شهر مشغول والثاني محد يرد عليه

يا اختي انتي مش اول وحدة يتم النصب عليها ،
الحل تدخلين منتدى نسائي (مثل عروس قطر) فيه بنات وايد ويعرفون المصممات
تطرحين الموضوع (مع ذكر اسم المصممة ومن اي بلد) وصدقيني بيساعدونج

اخبر مرة وحدة ساعدت عضوة تم نهب 30 الف ريال منها بحجة اغراض ماركة

ان شاء الله البنات هناك مابيقصرون وياج

[أم محمد 90]

روحي البحرين شارع البوكوارة بتحصلين العباية ب 400 ..!!!!
والله نفس العبي اللي تنباع عندنا بآلاف في البحرين و الخبر
ما توصل ربع المبلغ ..!!!


الحين من ناحية الشرع ..
ما يعتبر هالشي حرام ..
و غش تجاري ..!!!!
لأن في موديلات ما تكون للمصممة تاخذها من برع بسعر رخيص
و تروح تسوي عليها و تبيعها بسعر مبالغ ..!!!

اي والله كلامج صح ، لا بعد تكاسرينه اذا مارضى سوي نفسج زعلتي ماتبين بتطلعين يقولج خلاص شيل شيل

يازين عبايات البحرين

[sweet qatar]

من فتره وانا افكر وافكر في طرح موضوع بخصوص عمليه الشراء
لدى النساء

المشكله الاساسيه هل ليش التهافت على هذه المعارض النسائيه

وهم يقصون عليهم

هل قل الثقافه الشرائيه عندهم
ولا التقليد وراء المظاهر
ولا اسباب اخري مثل الوفره الماليه
ولا هناك اسباب اخري

شكرا لك

المعارض فيها الزين والشين واذا على المقصة روح سوق الديرة و روح سوق المنال وشوف الفرق
سوق قطر دامر بكبره .. بس ان شالله يتحسن مع المجمعات الجديدة وزيادة اﻻهتمام بهالمجال



قطرية22

اضم صوتي لصوتج.. المفروض الجهة المسؤولة عن المعرض تتحمل شرط جزائي مناسب في حال تضرر اي مستهلك

[sweet qatar]

العلاقه بين التاجره والزبونه مالها اي علاقه بالجهات ألمنظمه !
هاي معرض له مدته ويخلص على ألمنظمه انها تنسق الايفنت
والزبونه اهي الي لها القرار انتها تشتري او لا !
خاصه ان في ظل الانستغرام والانترنت بشكل عام صاروا اغلب المشاركات معروفين في الخليج قبل ما يجون المعرض ! والزبونه اهي الي تقرر اذا بتشتري او لا
او انها تدفع نص المبلغ مسبق او كله ! محد غصبها !
الجهه ألمنظمه يعني بتقعد تلاحق كل زبونه شنو اشترت ومتى بتستلم وشنو طلبت؟!
القانون ما يحمي المغفلين مثل ما يقولون
والسموحه اذا في تجريح غير مقصود فيما سبق

اسمحي لي اخالفج
بعض الجهات المنظمة ونتيجة طمعها لتأجير مساحات لاكبر عدد تجيب اي حد
المفروض يدققون في مصداقية التاجرات عشان ما يطلع لنا بينهم نصابين

الغش والنصب لو تكرر بياثر سلبا على ثقة الزباين بالمعارض و بينقطعون عنها


على العموم احب اشكرج على البلوق الخطير.. انا من متابعاتج
ومستفيدة منج وايد..

موفقة دوم حبيبتي :o

[قطريه22]

المعارض فيها الزين والشين واذا على المقصة روح سوق الديرة و روح سوق المنال وشوف الفرق
سوق قطر دامر بكبره .. بس ان شالله يتحسن مع المجمعات الجديدة وزيادة اï»»هتمام بهالمجال



قطرية22

اضم صوتي لصوتج.. المفروض الجهة المسؤولة عن المعرض تتحمل شرط جزائي مناسب في حال تضرر اي مستهلك


اتمنى زارة الاقتصاد والتجاره تلاقي حل
مب نقعد نلاحق الي مايخافون ربهم وان ماردو راحت علينا فلوسنا

[قطريه22]

العلاقه بين التاجره والزبونه مالها اي علاقه بالجهات ألمنظمه !
هاي معرض له مدته ويخلص على ألمنظمه انها تنسق الايفنت
والزبونه اهي الي لها القرار انتها تشتري او لا !
خاصه ان في ظل الانستغرام والانترنت بشكل عام صاروا اغلب المشاركات معروفين في الخليج قبل ما يجون المعرض ! والزبونه اهي الي تقرر اذا بتشتري او لا
او انها تدفع نص المبلغ مسبق او كله ! محد غصبها !
الجهه ألمنظمه يعني بتقعد تلاحق كل زبونه شنو اشترت ومتى بتستلم وشنو طلبت؟!
القانون ما يحمي المغفلين مثل ما يقولون
والسموحه اذا في تجريح غير مقصود فيما سبق

حبيبتي انا ذكرت التاجرات او المحلات الي تجي من دولة غير قطر
الجهة المنظمة هي المسؤوله مشكلتهم اذا بتجيب ناس نصابين

تقولين القانون لايحمي المغفلين طيب يعني الناس كلها الي تشتري من المعارض مغفله ؟ الكل يتوقع دام ان المعارض تحت جهة معينه بتكون ثقه
حبيبتي الجهة مثل ماهي تضمن حقها بالمبلغ الي تاخذه من الي تجيبهم لازم تضمن حق الناس

كلامج كله تجريح يمكن لانج تاجره وحطيتي ان هالكلام لج

على العموم التاجر لازم يكون عنده ذمه وضمير مب ينصب على الناس

[حسن]

اتوقع زوار المعارض يهم من يروجون لمثل هذه التجاره
والكل يعلم ان عندنا دفيعه وهذه معروفه للكل
يعني للاسف الكثير مايقارن ولا يكاسر ولا يبحث عن الجوده
اذكر في احدى المرات شرت زوجتي عبايه من وحده معروفه
ومن احدى الدول المجاوره وهي مشههوره
وحاطه شي في العبايه وتقول انها هذا تجيبه من برع الخليج
ولما رحنا الشارقه حصلناه موجود وبكثره ورخيص
للاسف الغش التجاري عندنا بكثره

الاهم هو الثقافه الشرائيه يجب ان نتعلمها
والحمدلله النت موجود وغيره
والكثير عندنا الحين كله مسافرين باشوف لي من برع
ارخص بكثير

وبعدين حتى المعارض اساسا ايجارها مهب بسيط اسعارها خياليه

فاكيد تبي تستفيد وتطلع ربح لها

المهم الله عطانا عقول ويجيب ان نستخدمها

هذه هي الزبده

وبس

[يمامـة]

اتوقع زوار المعارض يهم من يروجون لمثل هذه التجاره
والكل يعلم ان عندنا دفيعه وهذه معروفه للكل
يعني للاسف الكثير مايقارن ولا يكاسر ولا يبحث عن الجوده
اذكر في احدى المرات شرت زوجتي عبايه من وحده معروفه
ومن احدى الدول المجاوره وهي مشههوره
وحاطه شي في العبايه وتقول انها هذا تجيبه من برع الخليج
ولما رحنا الشارقه حصلناه موجود وبكثره ورخيص
للاسف الغش التجاري عندنا بكثره

الاهم هو الثقافه الشرائيه يجب ان نتعلمها
والحمدلله النت موجود وغيره
والكثير عندنا الحين كله مسافرين باشوف لي من برع
ارخص بكثير

وبعدين حتى المعارض اساسا ايجارها مهب بسيط اسعارها خياليه

فاكيد تبي تستفيد وتطلع ربح لها

المهم الله عطانا عقول ويجيب ان نستخدمها

هذه هي الزبده

وبس

عدل كلامك يا بوعلي :nice:

[قايد]

في المعارض اشوف الناس يتمشون ما يشترون عشان كذي مافي شكاوي

بصراحه ولا مره صار لي موقف شبيه لهذا، لكن الوالده تعاملت مع مغربيه وماطرشت الاغراض ولا ترد على التلفون ،،،، بس لها محل في بوظبي و وحده من الاهل مرت عليها وكلمتها امي ،،، واستلمت اغراضها

[قايد]

في المعارض اشوف الناس يتمشون ما يشترون عشان كذي مافي شكاوي

بصراحه ولا مره صار لي موقف شبيه لهذا، لكن الوالده تعاملت مع مغربيه وماطرشت الاغراض ولا ترد على التلفون ،،،، بس لها محل في بوظبي و وحده من الاهل مرت عليها وكلمتها امي ،،، واستلمت اغراضها

[SpeedMetro]

مثل ما ذكرتي اختي هدفها الربح بأي طريقة واسعارهم مبالغ فيها و ردهم دايما ان اجارهم غالي!