مالحل مع مادة الأنجليزي ؟؟!!

[مشاكل]

مادة الأنجليزي العقدة الأزلية لطلاب المدارس

ومهما حقق الطالب من درجات مرتفعة فيها .. الا انها لاتفيده في التعامل العام في الشارع والعمل ومع المتحدثين باللغة الانجليزية !
واغلب من اكتسب اللغة الانجليزية كان بالاختلاط والممارسة في بيئة تتحدث باللغة الأنجليزية .
وللاسف أن نرى نسبة الرسوب مرتفعة في هذي المادة والأسباب كثيرة ..
وللأسف أن نرى من يعيد السنة كاملة .. بس علشان رسب في مادة الأنجليزي !!

ليش ماتكون مادة الأنجليزي تحصيل حاصل مثل مادة الرسم والرياضة أو على الأقل يتم تنزيل الحفة الى أقل من النص ( يعني اذا الدرجة من 50 يخلون الحفة من 20 )
لأن بالنهاية مادة الأنجليزي فالمدرسة أثبتت عدم جدواها في الحياة العامة !!

[ضوى]

مادة الأنجليزي العقدة الأزلية لطلاب المدارس

ومهما حقق الطالب من درجات مرتفعة فيها .. الا انها لاتفيده في التعامل العام في الشارع والعمل ومع المتحدثين باللغة الانجليزية !
واغلب من اكتسب اللغة الانجليزية كان بالاختلاط والممارسة في بيئة تتحدث باللغة الأنجليزية .
وللاسف أن نرى نسبة الرسوب مرتفعة في هذي المادة والأسباب كثيرة ..
وللأسف أن نرى من يعيد السنة كاملة .. بس علشان رسب في مادة الأنجليزي !!

ليش ماتكون مادة الأنجليزي تحصيل حاصل مثل مادة الرسم والرياضة أو على الأقل يتم تنزيل الحفة الى أقل من النص ( يعني اذا الدرجة من 50 يخلون الحفة من 20 )
لأن بالنهاية مادة الأنجليزي فالمدرسة أثبتت عدم جدواها في الحياة العامة !!

بالعكس اخوي مشاكل ، الانجليزي صار اساسي بالحياة اليومية والعملية بحكم وجود هالاجانب بهالعدد بالبلد ، والجامعات تتطلب مهارات الانجليزي ، بنتكلم عن عدد معين ماتهمه اللغه لانه بيتخصصون تخصص مش مطلوب له معرفة باللغة الانجليزية ، فأغلب التخصصات اعلمية تتطلب معرفة واجادة بمهارة اللغة الانجليزية كون هذه المواد سوف تدرس باللغة الانجليزية

[حمد 2002]

انا معاك بهالموضوع قلبا وقالبا ،،

مع التحيه ،،

[R 7 A L]

بختصار
المنهج الله بالخير

[why me]

واغلب من اكتسب اللغة الانجليزية كان بالاختلاط والممارسة في بيئة تتحدث باللغة الأنجليزية .



كذبة القرن الواحد والعشرين والي انتشرت بين الناس مثل النار فالهشيم
الي يبي يكتسبها لازم يشد حيله شوي لااكثر ولااقل اما ان الواحد يثبط من عزيمة البقية بجملة ( لازم تسافر عشان تكتسب لغة)
فهذا خاطئ تماااااماً !!

شدوا حيلكم شوي واموركم طيبة, والانجليزي بدال مايخلونها تحصيل حاصل انا اطالب انهم يشددون عليها اكثر ويحسّنون من طرق التدريس فيها
ويزيدون من النشاطات الخاصه فيها والاحتكاك وغيرها من الاشياء الي تساهم في تقوية اللغه اكثر وتسهيلها على الطالب اكثر بدل مايخلونها مثل الرياضة والرسم



بالتوفيق للجميع.

[مشاكل]

بالعكس اخوي مشاكل ، الانجليزي صار اساسي بالحياة اليومية والعملية بحكم وجود هالاجانب بهالعدد بالبلد ، والجامعات تتطلب مهارات الانجليزي ، بنتكلم عن عدد معين ماتهمه اللغه لانه بيتخصصون تخصص مش مطلوب له معرفة باللغة الانجليزية ، فأغلب التخصصات اعلمية تتطلب معرفة واجادة بمهارة اللغة الانجليزية كون هذه المواد سوف تدرس باللغة الانجليزية
اختي الفاضلة ضوى
تبين الصراحة انا عمري ماشفت احد تخرج من الثانوية ملم باللغة الانجليزية تحدث واستماع .. وهو الأمر الأهم
وربعنا اغلبهم اكتسبوا اللغة يوم ادرسوا برى او اللي اشتغلوا في بيئات عمل التخاطب فيها بالانجليزي مثل شركات الغاز والبترول
شوفي الطالب اذا تخرج من الثانوية ومعاناته مع الاي ال اس وبتعرفين مستوى مادة اللغة الانجلزية فالمدارس ومستوى التدريس

انا معاك بهالموضوع قلبا وقالبا ،،

مع التحيه ،،
على راسي اخوي حمد

بختصار
المنهج الله بالخير
اوافقك الراي

كذبة القرن الواحد والعشرين والي انتشرت بين الناس مثل النار فالهشيم
الي يبي يكتسبها لازم يشد حيله شوي لااكثر ولااقل اما ان الواحد يثبط من عزيمة البقية بجملة ( لازم تسافر عشان تكتسب لغة)
فهذا خاطئ تماااااماً !!

شدوا حيلكم شوي واموركم طيبة, والانجليزي بدال مايخلونها تحصيل حاصل انا اطالب انهم يشددون عليها اكثر ويحسّنون من طرق التدريس فيها
ويزيدون من النشاطات الخاصه فيها والاحتكاك وغيرها من الاشياء الي تساهم في تقوية اللغه اكثر وتسهيلها على الطالب اكثر بدل مايخلونها مثل الرياضة والرسم



بالتوفيق للجميع.
وجهة نظر احترمها ولكني اختلف معاك فيها
ويامرحبا بك يالغالي

[fhd4]

اللغة الإنجليزية مثلها مثل أي علم آخر …

مستحيل أي شخص يتعلمها أويتقنها إذا ماكانت عنده الرغبة أو القناعة بالاضافة للممارسة …

أعرف كثيرين يتكلمون ويكتبون بأكثر من لغة …

وأعرف شخص عربي … يتكلم بالاضافة للغته الأم … الإنجليزية والفرنسية والإيطالية والروسية والأسبانية …

ووظيفته فني عادي …

[الزعفراني]

اللغة الانجليزية مش مهارة تحدث وفقط .. ولكن كتابة وقراءة ايضا .. واللي يدرسونه الطلاب هو الأساس من حيث القواعد وتركيب الجمل ..

وبالعكس انا اشوف الوضع تطور عن ايامنا .. الحين اشوف بنتي مثلا تعرف كلمات بالانجليزي انا عرفتها لما كنت في ثاني اعدادي مثلا ..

واجب ان الاسرة تتعب اشوي مع عيالها .. وتحببهم في المقرر ..

ومع الاسف الاجانب في مقررات اللغة الانجليزية مبدعين وفي استخدام الوسائل التعليمية اللي تحبب الطلاب في المادة

نبي مثلهم في مقررات اللغة العربية

[يمامـة]

اللغة الإنجليزية مثلها مثل أي علم آخر …

مستحيل أي شخص يتعلمها أويتقنها إذا ماكانت عنده الرغبة أو القناعة بالاضافة للممارسة …

أعرف كثيرين يتكلمون ويكتبون بأكثر من لغة …

وأعرف شخص عربي … يتكلم بالاضافة للغته الأم … الإنجليزية والفرنسية والإيطالية والروسية والأسبانية …

ووظيفته فني عادي …

اتفق معاك

[Super Cool]

سؤال

الحين يوم انت تاخذ الليسن من أول يوم تصير شوماخر مثلا؟؟؟؟

تبدأ بتعلم أساسيات السواقة و من بعدها الممارسة هذا الشي ينطبق على كل علم فالدنيا...وتحتاج الجانبين "مع بعض" و اللي يقول لك غير جذي غلطان 100% بدل اللغتين انا تعلمت اربع و كلها تعلمتها بالطريقتين

[مشاكل]

ياجماعة الخير
انا ماأطالب بالغاء المادة .. ولكن اطالب أما بتعديل المنهج واختيار اصحاب الكفائة لتدريس المادة وأما تحويلها لمادة ثانوية
والناس اللي اتقنت اللغة الانجليزية مااتقنتها الا بالممارسة والمخالطة
انا اعرف واحد شغال قي محطة انتاج بترول تعلم اللغة الهندية من كثر لهنود اللي شغالين معاه .. يعني بالله عليكم اخونا هذا احتاج يتعلم قواعد اللغة الهندية فالمدرسة ؟!

[الزعفراني]

ياجماعة الخير
انا ماأطالب بالغاء المادة .. ولكن اطالب أما بتعديل المنهج واختيار اصحاب الكفائة لتدريس المادة وأما تحويلها لمادة ثانوية
والناس اللي اتقنت اللغة الانجليزية مااتقنتها الا بالممارسة والمخالطة
انا اعرف واحد شغال قي محطة انتاج بترول تعلم اللغة الهندية من كثر لهنود اللي شغالين معاه .. يعني بالله عليكم اخونا هذا احتاج يتعلم قواعد اللغة الهندية فالمدرسة ؟!

هل يقدر يقرأ باللغة الهندية ؟
هل يقدر يكتب ؟؟

[يمامـة]

سؤال

الحين يوم انت تاخذ الليسن من أول يوم تصير شوماخر مثلا؟؟؟؟


شوماخر في العناية المركزة،،

سابق الموت سنين طويلة وفي الأخير زحلقة ثليج دخلته العناية

سوري اخوي مشاكل دخلت عرض

بس ترى الشي بالشي ينكسب ،، الواحد لما يكون في مدارس يعتمد على المنهج
من غير ما يمارس اللغة ويقرا ويكتب بشكل اضافي هذيه مستحيل يتطور في اللغة ،

[كازانوفا]

بالفعل ما شفت حد من اللى تخرجو من الثانويه يركب جمله مفيده باللغه الانجليزيه
فوجوده كعدمه ما وراها غير الرسوب والتحطيم للطلاب
لو يسو تدريسها على مستويات وناس متخصصه مثل اللى بالمراكز كان ممكن يصير في تحسن وتطور للطلاب

[Super Cool]

هذا اللي تعلم هندي حده حده نسميه يطقطق و مستحيل يكون ملم بجميع الجوانب "قراءة..كتابة..تحدث..وإلقاء"

لعلمك درس انجليزي في مدارس حكومية مالت أول و أيام الكتب القديمة و بالدراسة تخطيت 600 فالتوفل بعد الثانوية مباشرة و قبل ما أتغرب

لا العلم وحده بكفي ولا الممارسة وحدها تكفي...بالعلم تتأسس و بالممارسة تتقن...هذا ينطبق على كل شي فالدنيا حتى الدين

[يمامـة]

هذا اللي تعلم هندي حده حده نسميه يطقطق و مستحيل يكون ملم بجميع الجوانب "قراءة..كتابة..تحدث..وإلقاء"

لعلمك درس انجليزي في مدارس حكومية مالت أول و أيام الكتب القديمة و بالدراسة تخطيت 600 فالتوفل بعد الثانوية مباشرة و قبل ما أتغرب

لا العلم وحده بكفي ولا الممارسة وحدها تكفي...بالعلم تتأسس و بالممارسة تتقن...هذا ينطبق على كل شي فالدنيا حتى الدين
:nice:

[Super Cool]

هناك مثل انجليزي يقول اي مكان يستحق الوصول له لا يوجد له طرق مختصره

[مشاكل]

هناك مثل انجليزي يقول اي مكان يستحق الوصول له لا يوجد له طرق مختصره

اخوي العزيز
ممكن تعطيني رايك بشكل عام في مخرجات طلاب المدارس الحكومية ومستواهم في اللغة الانجليزية ؟

[Super Cool]

^^^^^^^^

بإختصار....الموضوع يعتمد على الطالب نفسه

أيامنا القناة الإنجليزية الوحيدة هي Ch33!!! و من بين أصدقائي 15 واحد قدمنا عل التوفل و 15 واحد نجج 14 منهم من أول محاولة و على المنهج القديم و نص التدريس بالعربي!!! انتوا تبون تتعلمون لغة جديدة و تبونها تجي مثل إبرة المستشفى ساعتين و انت مثل الحصان ما يصير و المنهج و الموارد اللي موجودة الحين من انترنت و قنوات و كتب و مدرسين أجانب أحسن بمليون مرة الحين بالتالي وضعكم أسهل بكثير و الشكوى غير مبررة...أيامها حتى كمبيوتر ما عندنا و انتوا جوالكم بالانجليزي و تتذمرون!!!!

بإختصار مرة ثانية الشي راجع لك انت و بيدك انت...الموارد فوق الممتازة و فرصة التعليم عالية وايد

[Hamad5882]

انزين بخصوص لغة (القرآن الكريم) اللغة العربية
ليش ما يعطون دورات كتابية للاملاء لان بصراحه في ناس وايد تخطى في الاملاء العربي

اما اللغة الانجليزية ترى ما في اسهل منها بسيطة ومب معقدة، بس لازم تتعب على نفسك شوي وتمارسها مع المحيط الاجنبي اللي حولك

[khalid525]

مادة الأنجليزي العقدة الأزلية لطلاب المدارس

ومهما حقق الطالب من درجات مرتفعة فيها .. الا انها لاتفيده في التعامل العام في الشارع والعمل ومع المتحدثين باللغة الانجليزية !
واغلب من اكتسب اللغة الانجليزية كان بالاختلاط والممارسة في بيئة تتحدث باللغة الأنجليزية .
وللاسف أن نرى نسبة الرسوب مرتفعة في هذي المادة والأسباب كثيرة ..
وللأسف أن نرى من يعيد السنة كاملة .. بس علشان رسب في مادة الأنجليزي !!

ليش ماتكون مادة الأنجليزي تحصيل حاصل مثل مادة الرسم والرياضة أو على الأقل يتم تنزيل الحفة الى أقل من النص ( يعني اذا الدرجة من 50 يخلون الحفة من 20 )
لأن بالنهاية مادة الأنجليزي فالمدرسة أثبتت عدم جدواها في الحياة العامة !!

ليكون سقطت في الانجليزي ؟؟

[النهار]

مادة الأنجليزي العقدة الأزلية لطلاب المدارس

ومهما حقق الطالب من درجات مرتفعة فيها .. الا انها لاتفيده في التعامل العام في الشارع والعمل ومع المتحدثين باللغة الانجليزية !
واغلب من اكتسب اللغة الانجليزية كان بالاختلاط والممارسة في بيئة تتحدث باللغة الأنجليزية .
وللاسف أن نرى نسبة الرسوب مرتفعة في هذي المادة والأسباب كثيرة ..
وللأسف أن نرى من يعيد السنة كاملة .. بس علشان رسب في مادة الأنجليزي !!

ليش ماتكون مادة الأنجليزي تحصيل حاصل مثل مادة الرسم والرياضة أو على الأقل يتم تنزيل الحفة الى أقل من النص ( يعني اذا الدرجة من 50 يخلون الحفة من 20 )
لأن بالنهاية مادة الأنجليزي فالمدرسة أثبتت عدم جدواها في الحياة العامة !!

ياخوي متى مأحترمنا لغتنا لغة القران احترمنا من العالم
لم يفرض علينا احد لغته مثل مافعل مع الاخوه التوانسه والجزائرين فرض عليهم فرض ولكن نحن وبأرداتنا ركضنا خلف وهم وسراب لاوجود له
الفرنسي والصيني والياباني والاسباني والالماني احترموا لغتهم احترمهم العالم

[بصمة قطرية]

المشكلة مش في دراسة اللغة الإنجليزية
بالعكس شي حلو إن الواحد يتعلم لغة جديدة
و الزمن اللي إحنا فيه يتطلب هالشي
اللغة الإنجليزية هي اللغة الأولى في العالم
و حتى لو طلع الواحد من الثانوية و هو يطقطق بكم كلمة شي طيب
على الأقل يعرف و هالشي راح يسهل عليه لو دخل معهد يتعلم ..

المشكلة الحقيقية في المناهج
فوق القدرة الإستيعابية للطلاب ..
المناهج دسمة جداً و تناسب اللي مستواهم الدراسي و التحصيلي
جيد جداً و ممتاز ..
و هالكلام مش بس في الإنجليزي
في أغلب المواد ..

قبل كانت المواد سلسة و سهلة و تناسب كل الطلاب
الحين في مواد مناهجها ما تناسب إلا الأطفال النابغة العباقرة ..!!

اللي حط المنهج يبي كل الطلاب في مستوى واحد
نسى إن الناس مستويات
و في طالب يفهم من أول مرة و في طالب يحتاج أكثر من مرة ..


تعليمنا بصفة عامة للأسف الشديد فاشل ..
فشل بكل المقاييس و الدليل النتائج اللي شفناها العام ..!!

والدليل الثاني على فشل التعليم الحالي ( المدارس المستقلة )
هو وجود حالات تعاني من ( صعوبات تعلم )
هالمصطلح اللي ما سمعنا عنه إلا مع المدارس المستقلة
و كل سنه يزيد لدرجة إنهم سوو برامج ( للدعم الإضافي ) ..!!!

طلاب طول عمرهم ماشيين في الدراسة
حالياً دخلوا عن طريق برنامج الدعم ..!!!

الدعم الإضافي موجود في كل المدارس ..



التعليم في خطر ..!!!!

[بوعلاوي]

واغلب من اكتسب اللغة الانجليزية كان بالاختلاط والممارسة في بيئة تتحدث باللغة الأنجليزية .


افهم من موضوعك تبي الاختلاط عشان نفهم الانجليزي

[SpeedMetro]

المشكلة ان الي يعلم اللغة غير متحدث بها، المفروض يعلمونها اجانب لغتهم الاساسية انجليزية فقط

[ahmed1111]

ادرررررس وتعلم وعن الكسل

[kbs74]

قريت أحد المواقع واعتقد انه موقع انجليزي

الطفل اشلون يتعلم لغتة !!

اول شيء يستمع
وبعدين يبدأ يتكلم
وفالاخير يكتب ويقرأ

فاعتقد هاذي الطريقة مناسبة للتعلم


استمع
تكلم
اقرأ واكتب

[بوخالد911]

أخالفكم الرأي

[نتفـه]

درسوا عيالكم اول باول .. في حال حس الطالب انه مب فاهم .. رسالة للمعلم ولدي ما فهم ممكن تفهمه الدرس هذا !!!
وبس انتهينا :)

اما اهمال من اول السنه وتجي الصحوه قبل الاختبار بشوي !!!
ما ينفع كلش ..

[كيلو حديد]

عندنا دورة وكلنا قطريين وعرب وبس واحد هندي ما يعرف عربي عدل
احبرونا ناخذها بالانجليزي وطلع فاهم واحنا ضايعين
معرف هم يبغونا نفهم ونستفيد ولا بس نملك شهادات لهالدورات
مع العلم الي يعطي الدوره عربي بعد .

اكثر ربعي تعلموا انجليزي من السفر وقليل لان شغلهم مع اجانب
ممارستهم للغه طورتهم
ربعنا لو يخلون الاساس عربي والله بنستفيد بس شنسوي مذاولين للانجليز

بفرنسا يدرسونهم بالفرنسي
ايطاليا بالايطالي
روسيا بالروسي
كوريا بالكوري
اليابان بالياباني
الصين بالصيني
حتى اسرائيل بالعبري
والقائمه تطول

[الزعفراني]

عندنا دورة وكلنا قطريين وعرب وبس واحد هندي ما يعرف عربي عدل
احبرونا ناخذها بالانجليزي وطلع فاهم واحنا ضايعين
معرف هم يبغونا نفهم ونستفيد ولا بس نملك شهادات لهالدورات
مع العلم الي يعطي الدوره عربي بعد .

اكثر ربعي تعلموا انجليزي من السفر وقليل لان شغلهم مع اجانب
ممارستهم للغه طورتهم
ربعنا لو يخلون الاساس عربي والله بنستفيد بس شنسوي مذاولين للانجليز

بفرنسا يدرسونهم بالفرنسي
ايطاليا بالايطالي
روسيا بالروسي
كوريا بالكوري
اليابان بالياباني
الصين بالصيني
حتى اسرائيل بالعبري
والقائمه تطول

لان هالدول منتجة اغلب او كل منتجاتها من نفس البلد .. لذلك ماعندهم مشكلة يدرسون بلغتهم
احنا ندرس بلغاتهم لان احنا محتاجين لهم ..

[نوآف]

الغلط فقط في المدرس , لان غلب الوقت المدرس مايعرف وين الله قاطه , لا نطقا ولا ولا قواعدا عارفها !! ..

انصدمت من مدرسين بعض المدارس المستقله ان كلامهم كله غلط ف غلط ! حقا ما الوم الطالب لو رسب

[ام ناصر1]

خذ دورة انجليزي اعمال بتستفيد اكثر من العام ....وبتدعي لي

[Super Cool]

عندنا دورة وكلنا قطريين وعرب وبس واحد هندي ما يعرف عربي عدل
احبرونا ناخذها بالانجليزي وطلع فاهم واحنا ضايعين
معرف هم يبغونا نفهم ونستفيد ولا بس نملك شهادات لهالدورات
مع العلم الي يعطي الدوره عربي بعد .

اكثر ربعي تعلموا انجليزي من السفر وقليل لان شغلهم مع اجانب
ممارستهم للغه طورتهم
ربعنا لو يخلون الاساس عربي والله بنستفيد بس شنسوي مذاولين للانجليز

بفرنسا يدرسونهم بالفرنسي
ايطاليا بالايطالي
روسيا بالروسي
كوريا بالكوري
اليابان بالياباني
الصين بالصيني
حتى اسرائيل بالعبري
والقائمه تطول

للأسف معلوماتك غلط x غلط

عشف في فرنسا فترة شغل و الشغل كان كامل بالإنجليزي
زرت ميلان و فلورنس في إيطاليا و تفاهمت مع الناس بالإنجليزي والكل كان عارفها
زرت سانت بيترسبيرغ في روسيا الصيف الماضي و وايد ناس كانوا يتكلمون إنجليزي
ولد عمي صار له سنتين في كوريا يشتغل و كل شغله بالإنجليزي
إشتغلت فاليابان فترة و كل تعاملاتي كانت بالإنجليزي

ما رحت الصين فما أقدر أعلق

بس واضح جداً إن كلامك غلط و كل الناس في كل مكان قاعدة تتعلم قد ما تقدر...كل اللي كنا نتعامل معاهم كانوا يدرسون عدة لغات أيام المدرسة مب بس إنجليزي

بكل صراحة و بدون زعل ياخي الكسل اللي عليكم مب صاحي!!!

[Super Cool]

سؤال...ليش أسامي المواتر ما تترجمونها؟؟؟ مب هي منتجات أجنبية بلغة معينة؟؟؟ تلاقي واحد حافظ أسامي 30 ألف موتر و كل قطع غيارها و أنواع المكينة و شركات التضبيط و اللي هي جاية من يمكن خمسين لغة و لغة وكل وحدة فيهم أصعب من الثانية...ألماني و ياباني و كوري و دويتش وسويسري و و و وجذي أسهل لغة فالعالم اللي هي الإنجليزي يتحندى منها!!!!