سؤال وابقي افادتكم

[ام خويلد]

السلام عليكم ورحمه الله وبركاته
موضوعي باختصار ان سيارتي اندعمت وطبعا تكنسلت والمهم شركه تأمين الشخص اللي دعمنا هي اللي تعوضنا
للعلم ان سيارتي موديل 2012 شاريتها ب250 الف
وشركه التأمين للاسف قالو بندفع لج بس157 الف ريال على اساس ان يطيح 2% من قيمه السياره على كل شهر.
فأنتو شرايكم هل المبلغ اللي بيعوضوني زين ؟؟
وهل حسبتهم صح؟
وهل اتفاصل معاهم عشان يزيدون المبلغ؟؟؟؟؟؟؟؟؟؟
احتاج ردردكم بسرعه جزاكم الله ألف خير

[الجوكر90]

اذا بتنطرين شوي حولي السالفه قضيه وخلي المحكمه تقرر

[@north_star@]

السلام عليكم ورحمه الله وبركاته
موضوعي باختصار ان سيارتي اندعمت وطبعا تكنسلت والمهم شركه تأمين الشخص اللي دعمنا هي اللي تعوضنا
للعلم ان سيارتي موديل 2012 شاريتها ب250 الف
وشركه التأمين للاسف قالو بندفع لج بس157 الف ريال على اساس ان يطيح 2% من قيمه السياره على كل شهر.
فأنتو شرايكم هل المبلغ اللي بيعوضوني زين ؟؟
وهل حسبتهم صح؟
وهل اتفاصل معاهم عشان يزيدون المبلغ؟؟؟؟؟؟؟؟؟؟
احتاج ردردكم بسرعه جزاكم الله ألف خير

اختي أقرأي بنود العقد بينك وبينهم وبعدين تقدرين تعرفين اذا حسبتهم صح والا غلط

[الزعفراني]

اذا سعر السيارة حاليا في السوق حروة 157 الف او أقل .. توكلي على الله وخذي التعويض

أما إذا أكثر .. حاولي تقرين بنود الاتفاقية وتستشيرين محامي مثلا

[ام خويلد]

اذا سعر السيارة حاليا في السوق حروة 157 الف او أقل .. توكلي على الله وخذي التعويض

أما إذا أكثر .. حاولي تقرين بنود الاتفاقية وتستشيرين محامي مثلا

هو مش شركه تأمين سيارتي اللي بتعوضني
شركه الشخص اللي دعمني هي اللي بتعرضنا لان هو الغلطان

[عاشق العديد]

تحاججججي وياهم وبيزيدونج ..

لانه لو اوردي شروها منج بيبعونها باغلى من سعر الي شروه منـج ..

[بن علاق]

السلام عليكم ورحمة الله وبركاته التأمين الي بيعوضج على قيمة السيارة يعني اذا السياره في السوق سعرها الحين بالسعر الي ذكرتيه واذا زود عن هالسعر لازم اتسنرينهم ويبيلهم واحد عنده لسان مايسكت عن حقه لان اذا شافوا ان انتي سهله في الاقناع عطوج ابخس الاسعار لكن اذا شافوج ملسونه وماتسكتين عن حقج بتاخذين بالسعر الي اتشوفينه كسعر السوق ، والله يوفقج

[Right]

قارني سعرها بالسوق في الفترة الحالية مع قيمة التقييم من التأمين



أن كان السعر نفسه فتوكلي على الله وأخذي قيمة التعويض



وأن كان هناك فرق .. طالبي بالفرق بين السعر الحالي و سعر التأمين

[أم محمد 90]

قارني سعرها بالسوق في الفترة الحالية مع قيمة التقييم من التأمين



أن كان السعر نفسه فتوكلي على الله وأخذي قيمة التعويض



وأن كان هناك فرق .. طالبي بالفرق بين السعر الحالي و سعر التأمين





نفس الرد والله يوفقج حبيبتي

[شبح الصمت]

معوضه خير اختي

بس شنهي السيارة


ومن فترة صارت لناس نفس الشيء تموا يماطلون وياهم بس آخر شيء عطوهم سعر طيب خاطرهم ..

اذا ما اعجبك السعر حوليها قضية اذا لج بارض وانتـظري


والله يعوضج خير

[bos3eed]

ابعدي عن المحكمه ترى الموضوع ما يستاهل, افترضي لو بعتي السياره قبل الحادث كم كان ممكن تجيب بالمتوسط, وخذي وعطي مع التامين ترى الموضوع شطاره وهم يحاولون يخلصون الموضوع باقل الخساير ودايما السعر اللي يعطونه في البدايه يكون بخس على امل ان الطرف الثاني يكون غشيم ويوافق بسرعه, بس في سقف اعلى للسعر ممكن توصلين له بالمماطله. كل ما ارفعوا السعر وافقي وعند التوقيع ارفضي وتعالي ثاني يوم نفس الحركه وثالث ورابع لين يقولون لج روحي المحكمه, حزتها بتوصلين لاعلى مبلغ.

وبعدين نسبة الخفض عاليه معقوله اشتري سياره من الوكاله ب250 الف ومن اول سنه يطيح سعرها 54 الف, حاولي معاهم ان نسبة الخفض تكون 1.5% او اقل وبيصير معدل نزول سعر السياره في اول سنه 41 الف وها الشي معقول وبيصيرمبلغ التعويض 177 الف