مليار و460 مليون ريال قطري تم حرقها في الهواء

[أنصار]

تكلفة احتفالات احدى المدن الخليجيه بالعام الجديد 2014 - 400 مليون دولار مايعادل مليار و460 مليون ريال قطري
طرا في عقلي تساءل صغير
بنصف تكلفة هذا الاحتفال يمكن انشاء مدرسه مختصه بتصنيع الالعاب الناريه والمفرقعات على اعلى المستويات وتكوين 100 شخص من ابناء تلك المدينه على كفاءة عالميه
الى متى سيظل العرب يحرقون الاموال في الهواء بينما عدوهم القريب يتربص بهم ويخطط وينفق امواله لحرق العرب

[حمد 2002]

تقصد دبي ياخي كيفهم هاي شئن داخلي فيهم و الحمد لله حكومتهم مب امقصره على مواطنيهم وتتبرع بمليارات للدول الاخرى :)

جوف الفرق ياخوي

حاكم سوريا يحتفل وينفق المليارات لذبح شعبه

وحاكم دبي ينفق المليارات لرفاهيه شعبه والصعود ببلاده لهام السحب ،،

هنا الفرق يااخي الكريم ،،،

[بوخالد911]

للاسف أموال تُصرف في غير موضعها

والله يعين المحتاجين !!!

[حمد 2002]

للاسف أموال تُصرف في غير موضعها

والله يعين المحتاجين !!!

بالعكس يابوخالد ، من قالك في غير موضعها !!!

دبي صرفت هالمبلغ وحصلت بداله اضعاف هالمبلغ بكثيرر ، وهنا الذكاء الاقتصادي ايبين ويتضح :) ،،،

وبعدين اشفيها يابوخالد لو دوله تتبرع واتسوي احتفالات واتساعد الناس !!!!

[Abdulla Al.F]

تكلفة احتفالات احدى المدن الخليجيه بالعام الجديد 2014 - 400 مليون دولار مايعادل مليار و460 مليون ريال قطري
طرا في عقلي تساءل صغير
بنصف تكلفة هذا الاحتفال يمكن انشاء مدرسه مختصه بتصنيع الالعاب الناريه والمفرقعات على اعلى المستويات وتكوين 100 شخص من ابناء تلك المدينه على كفاءة عالميه
الى متى سيظل العرب يحرقون الاموال في الهواء بينما عدوهم القريب يتربص بهم ويخطط وينفق امواله لحرق العرب

اسمحلي اخوي
معلوماتك الي نقلتها كلها غلط في غلط
التكلفه 6$ مليون و مب مثل ماتفصلت (400$ مليون) و في الاخير مثل ماقال اخوي حمد هاي شئن داخلي فيهم احنا مالنا شغل فيه

المصدر: http://goo.gl/6WXIEZ

[النهار]

ياخوي خل العالم تستانس
مايصرفه العرب على السياحه الخارجيه في سنه واحده ارقام فلكيه تشيب لها روؤس الغلمان
وتنتشل دول الاسلاميه من الفقر والعوز لسنوات عده

[بحر شرق]

اسمحلي اخوي
معلوماتك الي نقلتها كلها غلط في غلط
التكلفه 6$ مليون و مب مثل ماتفصلت (400$ مليون) و في الاخير مثل ماقال اخوي حمد هاي شئن داخلي فيهم احنا مالنا شغل فيه

المصدر: http://goo.gl/6WXIEZ


أضف الى ذالك جذب السياح الى قضاء أجازه راس السنه في دبي من جميع دول العالم وبالذات الروس والهنود
أكيد له مدخول اكبر من تكلفه الألعاب النارية على الأقل احسن من أفكار وزاره السياحة عندنا في قطر

[شموخ دائم]

,

,


مرحبا

شكرا على الموضوع

مع اني ضد الانفتاح بهذه الطريقه

الا ان ما هكذا تحسب الحسبه الاقتصاديه والتجاريه

تحسب

كم صرفوا على السياحه والترفيه ومنها ( الالعاب الناريه )
وكم ( دخل ) السياحه السنويه عندهم
وبعدها نعرف
ما تم انفاقه
وما تم ( ربحه )

هذا هو ( البزنز ) في السياحه

دخل المدينه المقصوده سنه 2012 من السياحه
10 مليار دولار صافي ارباح

يعني 36مليار ريال

هل تستاهل تحرق في الهواء ؟؟ او ما تستاهل ؟؟؟

,

,

اخوك

شموخ دائم

[حمد 2002]

الحين الشقق بدبي وصل سعرها 4000 و 5000 لليله الواحده :) ، وفي الايام العاديه نفس الشقه ايوصل سعرها 1500 ريال !!!!

هذا هوالاستثمار الصحح ،،،

[اليشم]

كل واحد يشوف الموضوع من زاويه مختلفه، بالأمس كانت دبي عروووس الخليج ومحط أنظار العالم أجمع
ليش دايما نستكثر الفرحه على نفسنا وعلى غيرنا، حاكم كريم والشعب يستاهل
الفلوس طارت خلاص...اش نفع الكلام

[فارس قطر]

بعد كم سنة بيصير كاس العالم عندنا تتوقعون كم ريال بنفرقعها في الهواء

ليتنا نوصل الى ماوصلت الية دبي من عمار

على فكرة حكومة دبي مامنعت نقل صلاة الجمعة في المكبرات ولا تقلق دور العبادة بعد الصلاة.

[فرهود]

بعد كم سنة بيصير كاس العالم عندنا تتوقعون كم ريال بنفرقعها في الهواء

ليتنا نوصل الى ماوصلت الية دبي من عمار

على فكرة حكومة دبي مامنعت نقل صلاة الجمعة في المكبرات ولا تقلق دور العبادة بعد الصلاة.

من وجبت هالمعلومه عدم اغلاق دور العباده بعد الصلاه ؟ انا قبل اسبوع تعبت احصل مسجد مفتوح اصلي فيه صلاة العشا واصلا عشان تحصل مسجد تطلع روحك. وبعدين دبي فيها بلاوي مب موجوده حتى في الدول الاوروبيه. فساد في فساد.

[فارس قطر]

من وجبت هالمعلومه عدم اغلاق دور العباده بعد الصلاه ؟ انا قبل اسبوع تعبت احصل مسجد مفتوح اصلي فيه صلاة العشا واصلا عشان تحصل مسجد تطلع روحك. وبعدين دبي فيها بلاوي مب موجوده حتى في الدول الاوروبيه. فساد في فساد.

امرك غريب

بلد يكثر فيها الفساد ورايح لها قبل اسبوع !!!!!!

[فرهود]

امرك غريب

بلد يكثر فيها الفساد ورايح لها قبل اسبوع !!!!!!

هههههههههه وليش الي يروحها لازم يدور الفساد فيه ناس تشتري وناس تتعالج وناس عندها اهل هناك تزورهم .

[اليشم]

الفساد موجود بكل مكان للي يدور عليه، وممكن الواحد يلاقيه حتى داخل بيته في عقر داره
محد يرضى إن حد يتكلم عن بلده لوعذاريب الدنيا فيها، ياليت نحترم سيادة كل دوله ومانتدخل في شؤونها
ترى من عاب ابتلى

[ذكي جدااا]

الرسول عليه الصلاة والسلام لم يأمرنا بالسكوت عن المنكر من رآى منكم منكرا فليغيره بيده الى اخر الحديث.

[الزعفراني]

تكلفة احتفالات احدى المدن الخليجيه بالعام الجديد 2014 - 400 مليون دولار مايعادل مليار و460 مليون ريال قطري
طرا في عقلي تساءل صغير
بنصف تكلفة هذا الاحتفال يمكن انشاء مدرسه مختصه بتصنيع الالعاب الناريه والمفرقعات على اعلى المستويات وتكوين 100 شخص من ابناء تلك المدينه على كفاءة عالميه
الى متى سيظل العرب يحرقون الاموال في الهواء بينما عدوهم القريب يتربص بهم ويخطط وينفق امواله لحرق العرب


أخوي ممكن المصدر ؟ وجزاك الله خير

[كاروهات]

تقصد دبي ياخي كيفهم هاي شئن داخلي فيهم و الحمد لله حكومتهم مب امقصره على مواطنيهم وتتبرع بمليارات للدول الاخرى :)

جوف الفرق ياخوي

حاكم سوريا يحتفل وينفق المليارات لذبح شعبه

وحاكم دبي ينفق المليارات لرفاهيه شعبه والصعود ببلاده لهام السحب ،،

هنا الفرق يااخي الكريم ،،،

السلام عليكم ورحمة الله وبركاته

اخوي حمد او يمكن ولدي الله يحفظك

اشوف مواضيعك اتعجب، واشوف ردودك على المواضيع الاخرى استغرب!!!!!!!!!!!!!!!!!!

اخوي صحيح ان هذا شان داخلي لاي دولة اخرى، ولكن على الاقل يا نسكت على المنكر أو ما نمدح ونسميها رفاهية وهي بالاصل حرام

انا ما راح اتكلم عن الاموال لان هناك حسيب هو الله عزوجل

اتكلم ليش صارت هالامور عادي عندكم تتناقشون فيها وناسه ورفاهية وما قصروا يونسون على شعوبهم
اي وناسة من ورى الحرام ......

لين متى واحنا جهلة وصغار بعيون اعدائنا

متى بنكبر ونقول لكم دينكم ولي دين.

المفروض ولا نفتكر بالسنة الميلادية تاريخ ومر مرور الكرام، ليش اصير إمعه واتبعهم
انت بنفسك وفي موضوع اخر كتبت ليش لحد الان ما شلوا انارات الزينة من على الكورنيش طبعا كان مقصدك مفهوم وتشكر عليه، لانك انكرت وعشان أأكد لك ترى مفهومك صح 100% .
والله ما انام واحاتي دايما وخايفة على انفسنا وعلى بلداننا مش من اعدائنا لان هذول بشر، الخوف من رب العالمين - يمهل ولا يهمل -

الله يحفظك

[ابن عجلان]

وفي نقطه اخوي الى طرحت الموضوع لابد انك تبحث قبل الكتابه هل تعلم ان الحكومة تاخذ نسبه من الفنادق تقريبا نقدر نقول تاكس يعني كل مازاد الاقبال على الفنادق زاد الدخل والذيب مايهرول عبث
لزم التوضيح فقط