الكروزر الجي البحريني.. حد جرب هالموتر؟

[D0ha]

السلام عليكم
حبيت اسأل اللي جرب الحي ستاندر البحريني.. من استخدام وسعر.
اسعار المعرض في البحرين مميزة وارخص من عبدالغني، والمواصفات احلا بكثير.
تحياتي

[فارس قطر]

اخوي

اذا كان احلا وسعرة ارخص

ليش اخوانا السعوديون يجيون يشترون من قطر !!!!!!!

[Qaatar]

من قالك يجيون ياخذون اصفار من *qa*!!! يافارس ويخذون من هنا المستعمل النضيف وقاموا ينقرضون مب نفس قبل لانه الاسعار قريب اسعارهم لاتنسى جمرك 4 بالميه وتامين وتصدير

[+abc]

طيب اخوي كم سعره .. وترى مايفرقون عن بعض الا فالرنقات والدواسات والمسجل وبس وهذي كلها اصلا احنا نغيرها

ياليت اذا تعرف سعره تفيدنا وشكرا

[D0ha]

سعره واصل قطر تقريباً 155 الف ( ناقص او زايد خمسمية ريال) واصل لباب بيتكم ( أصفار).. شامل المقاصه والدنه اللي بتشيله من البحرين لباب البيت
مواصفاته:
بيج من داخل ( الكراسي والطبلون) ، دواسات، وليتات الضباب مركبه ( يمكن هالإكسسوارت موب اصليه تبغي تأكيد).
السعر يفرق عن قطر، والمواصفات بعد.... لكن حبيت اعرف اذا في حد جربه ويذكر لنا مميزاته.

[D0ha]

يا أخوان هالأسعار هذي من معرض بحريني موب وكالة، وانا ما اروج له لاني استفسر عنه. واتمنى حد يفيدنا من خبرته.

[+abc]

انا شفتهم في قطر سيل نفس الاسعار وعندهم مواتر بحرينية وقطرية

انا رايي لو تحت 150 يسوى تاخذه اما فوقها موجود عندك هنا لاتسافر ولاتتعب حالك

[Qaatar]

اخبره 142 الف

[Northqatar]

شوفلك وارد البريمي
http://www.qatarsale.com/showroom_car_a.aspx?carid=34187

وقبل لاتروح وتسافر

مر على المعرض

و كلم راعي المعرض القطري تلقاه الصبح او خذ رقمه من الموظفيين اللى عنده
وبينزلك بالسعر

بلاسفر ووجع قلب

" جرب "

[: بوحمود :]

اذا بتاخذ ستاندر اخذه ولا تحاتي

بصراحه موتر ماعليه كلام واهم شي انه بيج

[بورصجي_جديد]

بنسبه للكروزر البحريني او سعودي مثل شي وبصراحه شكله مو حلو لا فيه خطوط ولا شي البادي يكون ساده وايظا من داخله كل شي صيني

واكثر سعودين يشترون الكروزر اصفار من عندنا في قطر

بنسبه للبريمي يعتبر فخم وافخم شي بالكروزر لكن عيبه مافيه ضمان

[D0ha]

بنسبه للكروزر البحريني او سعودي مثل شي وبصراحه شكله مو حلو لا فيه خطوط ولا شي البادي يكون ساده وايظا من داخله كل شي صيني

واكثر سعودين يشترون الكروزر اصفار من عندنا في قطر

بنسبه للبريمي يعتبر فخم وافخم شي بالكروزر لكن عيبه مافيه ضمان

أخوي اذا تفيدنا شنو القطع الداخليه اللي تكون صينية؟
أعتقد ماسمعت قبل ان الكروز فيه قطع صينية، واذا فيه ... اتمنى تذكرها لنا واكون لك شاكر

[عندليب قطر]

أخوي اذا تفيدنا شنو القطع الداخليه اللي تكون صينية؟
أعتقد ماسمعت قبل ان الكروز فيه قطع صينية، واذا فيه ... اتمنى تذكرها لنا واكون لك شاكر

الاكسسوارات لاند كروزر الي وارد الشرقية وبالاخص مجموعة جميل عبدالطيف والبحرين تراها كلها صيني

[D0ha]

للأخوه المهتمين في الجي استاندر
سعر الموتر من شركة كانو تويوتا البحرين - 15200 دينار بحريني
تحويل المبلغ حسب شركة المدينة للصرافة 147136 ريال

مقاصة 1200 ريال

مجموع المبلغ من دون التسجيل، التأمين، نقل السيارة، اكسسوارات ( دواسات، لمبات الصغار قدام)= 148336 ريال
قيمة الدواسات مع التركيب في عبدالغني 2500 ريال+ تأمين وتسجيل 800= 3300 ريال

الاجمالي من دون النقل على سطحه= 151636 ريال قطري
سعر الستاندر قطر بعد الخصم: 174000
سعر الستاندر بحرين مع المصاريف: 151636
الفرق 22364 ريال

طبعا التوضيح هذا للمرة الثانيه موب للتسويق، مجرد تسهيل للإخوه اللي طرشوا لي على الخاص واتمنى الافاده تعم للجميع ولاتنسونا بصالح الدعاء

[الكواري 1972]

خوش سعر

عيل
vxr بكم