المجلس الأعلى للتعليم و أكاديمية المها و الزياده 10% !!

[V!P3R]

السلام عليكم و رحمة الله و بركاته

الموضوع بخصوص اكاديمية المها و المجلس الاعلى للتعليم ..

قبل سنتين بمثل هالايام سألت عن رسوم اكاديمية المها ..و قاللولي انها 23760 ريال للصف الأول ...

اليوم دخلت موقع اكاديمة المها ..و اتفاجأ انه الرسوم صارت 31363 ريال ..

يعني لو كل سنه زودوا 10% ما راح توصل ال 31363 ريال ..

و بالمرفقات موجود الكتاب من المجلس الاعلى للتعليم بالموافقه على زيادة الاسعار ..

ايش الموضوع ياجماعه ..ولا هو بس استغفال للعالم !!

[أم محمد 90]

الحمدلله والشكر منو يدخل ولده ولا بنته النتفة صف اول ب 31 الف ولا حتى 20 الف !!!!!

شخليتو للدراسة الجامعية عيل

[SpeedMetro]

لا حول ولا قوة الا بالله

[V!P3R]

للأسف اختي ..حسبتها لو بسجل ولدي بالمها ..بتكون التكلفه حول ال 500 الف ريال ..في حالة انهم ما زودوا ال 10% كل سنه ..

الله المستعان

[abu essa]

مدرسة من سيء الى اسواء .
1-رفع الرسوم سنويا بدون مقابل يعود على الطالب.
2- تدني المستوى التعليمي.
3- عدم وجود مواصلات خاصة لنقل الطلاب.
4- استقالات بالجملة لأعضاء الهيأة التدريسة الاكفاء.

[راشد محمد]

لا حول ولا قوة الا بالله

[Abdulraman]

لان يدرون في ناس تسجل ولا تفتكر في الرسوم واللي مايقدر عنده المدارس الحكوميه

[^NoOOoR^]

المدارس الخاصة نهاية كل سنة ترفع رسومها ..
بالنسبة لي أفضل مدرسة خاصة من حيث مخرجات التعليم هي الحياة العالمية
و إن كانت الرسوم الدراسية ترتفع عن كل سنة .. ولكن لم تصل إلى 300 ألف ..

[سهم ماينزل]

أسوووووووووووووووووووووووووء مدرسة أصبحت الآن وأدارة المدرسة الآن فقط مال شووووووو وأخص البنين الله يعين اللي ابنائة فيها مستوى اكاديمي ضعيف كانت في السابق روعة الآن بعد دخول بعض الجنسيات العربية أختربت صح تغير مستمر في المدرسين وعدم استقرار والمدير واللي حواليه لا حياة لمن تنادي فقط شكليات


البنات افضل بكثير للأمانه

[المحقق كونان]

كلية شمال الاطلنطي ثلاث فصول ب40 الف بدون الكتب

أرخص من المدارس الخاصة

[دنيا الاسهم]

حسبي الله ونعم الوكيل ،، صارت نهبة مب دراسة
خاصة لما ادعمت الحكومة الدراسة للقطريين فيها ليش مايكون في توحيد للرسوم من المجلس الاعلى تجنبا للطمع والفوضى

[55الريم55]

مدرسه من سيء الى اسوء و خاصه البنين

[مهره]

نفس اكاديميه الجزيره زادت اسعارها

[يمامـة]

المجلس الأعلى للتعليم يعطي المدارس الخاصة نسبة 10% في رفع رسومها الدراسية

وهالسنة دفعوا القطري كامل قيمة الكوبون للكثير من المدارس الخاصة بما فيها مدرسة المها ،،

المرحلة الابتدائية وصلت في مدرسة نيوتن الى 36 الف ريال ،

بالذمة شنهي مخرجات التعليم في هالمدارس علشان توصل رسوم التعليم فيها للاسعار هذي ؟

[دايموند]

وليش الزياده السنويه يا مجلس الاعلى للتعليم ؟!!!#


حتى التعليم صار فيها تجاره #!!

[يمامـة]

وليش الزياده السنويه يا مجلس الاعلى للتعليم ؟!!!#


حتى التعليم صار فيها تجاره #!!

كل سنتين يحق لهم يرفعون نسبة 10%

[مواقف النجادة]

النظام التعليمي في قطر صار زبالة .. الله يعز القراء..

[سهم ماينزل]

الصراحة مدرسة البنين لازم يشفون لها حل أيام ما كان الباكستاني المدير اسمه حميد في المدرسة القديمة كانت روعة وبعد ماطبوها بعض الجنسيات العربية اختربت وقاموا يوظفون نفس الجنسية ولاحظوا هذا الشئ في مدرسة البنين

أما البنات 10 على 10

[بوخالد911]

يلللللللللله

صارت تجارة