عمال النظافه لايقومون بواجبهم على اكمل وجه للأسف

[حمد 2002]

السلام عليكم ورحمه الله وبركاته

الموضوع يحمل العنوان التالي

(( عمال النظافه لايقومون بواجبهم على اكمل وجه للأسف ))



http://up.arabseyes.com/uploads2013/02_01_14138869898625221.png (http://up.arabseyes.com/)

راتب العامل الواحد لعمال النظافه بالبلديه ايوصل مع علاوه التنقل وراتبهم الاساسي تقريبا 4 الاف ريال :)

لكن

هل يقومون بعملهم على اكمل وجه نظير ذلك المبلغ الذين يتلقونه ؟ :):)

الجواب

لا للأسف :):):)

طريقتهم بالتنظيف غير نظمه !!!

اوساخ ونتوا بكرامه كثيرره نلقاها بالشوارع هنا وهناك !!!!

من المسؤؤل !!!

راتبهم وعليهم بالعافيه اللهم لاحسد ولكنا نريد نتيجه !!!!

والي ايبط جبدي اكثر انهم اذا جافوا قطري جالس بسيارته راحو صوب موتره تمويه ايسون نفسهم اينظفون حوالين موتره بالشارع لكي يكسرون خاطره ويعطيهم كمن ريال !!!!


اما الان لكم المنبر للتعليق

مع فائق تمنياتي لكم باجازه موفقه

اخوكم
حمد 2002

[Rosso]

4000 ما شاء الله مليونير
الله يعينهم

[المحاميه]

لو كل واحد يحترم نفسه ومايقط يمين ويسار جان ماشفت هالوصاخه اللي اتكلم عنها

لاتحسد الفقير على موتت اليمعه ياحمد

[ام ناصر1]

الحمد لله أنه عندنا من ينظف لنا ...البطر على النعمة شين

[كتكوت الوحش]

السلام عليكم ورحمه الله وبركاته

الموضوع يحمل العنوان التالي

(( عمال النظافه لايقومون بواجبهم على اكمل وجه للأسف ))



http://up.arabseyes.com/uploads2013/02_01_14138869898625221.png (http://up.arabseyes.com/)

راتب العامل الواحد لعمال النظافه بالبلديه ايوصل مع علاوه التنقل وراتبهم الاساسي تقريبا 4 الاف ريال :)

لكن

هل يقومون بعملهم على اكمل وجه نظير ذلك المبلغ الذين يتلقونه ؟ :):)

الجواب

لا للأسف :):):)

طريقتهم بالتنظيف غير نظمه !!!

اوساخ ونتوا بكرامه كثيرره نلقاها بالشوارع هنا وهناك !!!!

من المسؤؤل !!!

راتبهم وعليهم بالعافيه اللهم لاحسد ولكنا نريد نتيجه !!!!

والي ايبط جبدي اكثر انهم اذا جافوا قطري جالس بسيارته راحو صوب موتره تمويه ايسون نفسهم اينظفون حوالين موتره بالشارع لكي يكسرون خاطره ويعطيهم كمن ريال !!!!


اما الان لكم المنبر للتعليق

مع فائق تمنياتي لكم باجازه موفقه

اخوكم
حمد 2002

من متى صاروا 4000 على حد علمي أنهم كانوا 750 وخلوهم 1200 أما 4000 اول مره اسمع فيها وو بعدين من قالك أنهم ما يشتغلون للعلم اعتقد انه كل مجموعه عمال يكون لهم مسؤول عليهم ويتابعهم ويشيك على تنظيفهم ارحموا من بالأرض يرحمكم من بالسماء وايش ضمنك انه يكون العامل انتهى من المنطقة المسؤول عليها وجاه شخص ووصخ او ألقى مخلفات وراح

[عاشق العديد]

حمد..

موضوعك مب في محله..
وين راتب 4000.. انا في قطر فونديشن يمكن احسن شركه تعطي رواتب ويستلمون 1100 انت تقولي 4000؟
كلام العاقل بما يعقـل؟
وبعدين من متى جفت تقصير.. وسالفة العطاء شي مربوط فيك تبي تعطي عط ماتبي لاتعطي..
حتى هذول المساكين ماسلمو منـكم..

بالعكس انا اجوف انهم قايمين على واجبهم في اكمل وجـه..
وقبل مانحاسب غيرنا خل نحاسب نفسنا احنا الي نقط ونوسخ ديرتنا ونننطر من غيرنا ييجي ينظف.. ما اتفق كلش معاك..

[حمد 2002]

حمد..

موضوعك مب في محله..
وين راتب 4000.. انا في قطر فونديشن يمكن احسن شركه تعطي رواتب ويستلمون 1100 انت تقولي 4000؟
كلام العاقل بما يعقـل؟
وبعدين من متى جفت تقصير.. وسالفة العطاء شي مربوط فيك تبي تعطي عط ماتبي لاتعطي..
حتى هذول المساكين ماسلمو منـكم..

بالعكس انا اجوف انهم قايمين على واجبهم في اكمل وجـه..
وقبل مانحاسب غيرنا خل نحاسب نفسنا احنا الي نقط ونوسخ ديرتنا ونننطر من غيرنا ييجي ينظف.. ما اتفق كلش معاك..

فيه فرق اخوي عاشق 1100 هاؤلاء جايبتهم شركات مالت عمال النظافه وفيه راتبهم 700 بعد ،

انا اتكلم عن عمال النظافه تبع البلديه وليس الشركات الخاص وهناك فرق كبير ،،،

وبالنسبه للراتب انا متأكد من بعض المصادر انه راتبهم مابين 3500 لين 4000 ،،

وبالنسبه للنظافه نعم هناك تقصير !! ،،

سؤال اخوي عاشق كيف حكمت انهم قايمين بواجبهم على اكمل وجه ؟

مع التحيه ،،

[حمد 2002]

لو كل واحد يحترم نفسه ومايقط يمين ويسار جان ماشفت هالوصاخه اللي اتكلم عنها

لاتحسد الفقير على موتت اليمعه ياحمد

نعم نحتاج الى تثقيف المجتمع بخصوص النظافه وانا اوافقج بهذا الرأي ،،

انا ما احسد حد وذكرت ذلك بموضوعي ولكني اطالب ببذل المزيد من الجهود من قبل عمال النظافه نظير ماتقدم لهم الدوله من رواتب مايحلمون بها حتى بعض الدول الاخرى بدون ذكر اسماء !!!

مع التحيه ،،

[حمد 2002]

الحمد لله أنه عندنا من ينظف لنا ...البطر على النعمة شين

الحمد لله في كل الاحوال ،،

مع التحيه

[بصمة قطرية]

إذا شركات الأمن رواتب موظفيها 1500
شلون عمال النظافة 4000
مساكين ما يوصلون الألف ..

وبعدين اللي أشوفه انهم ينظفون و يشتغلون بضمير
عمري ما شفت مكان فيه عمال وصخ ..
بالعكس ..

[حمد 2002]

من متى صاروا 4000 على حد علمي أنهم كانوا 750 وخلوهم 1200 أما 4000 اول مره اسمع فيها وو بعدين من قالك أنهم ما يشتغلون للعلم اعتقد انه كل مجموعه عمال يكون لهم مسؤول عليهم ويتابعهم ويشيك على تنظيفهم ارحموا من بالأرض يرحمكم من بالسماء وايش ضمنك انه يكون العامل انتهى من المنطقة المسؤول عليها وجاه شخص ووصخ او ألقى مخلفات وراح

1200 رواتبهم كحد ادنى في 2010 وتالي رواتبهم زادت مع الزياده بالدوله لين وصلت الى 4000 ريال تقريبا ،،،

مع التحيه ،،،

[حمد 2002]

إذا شركات الأمن رواتب موظفيها 1500
شلون عمال النظافة 4000
مساكين ما يوصلون الألف ..

وبعدين اللي أشوفه انهم ينظفون و يشتغلون بضمير
عمري ما شفت مكان فيه عمال وصخ ..
بالعكس ..

افهمي ياختي بصمه شركات الامن خاصه وراتبهم 1000 ريال الى 1200 والاكل عليهم بعد ههه

اما هاؤلاء موظفين حكومه وهنا الفرق !!!!

فيه فرق مابين قطاع خاص وحكومي !!!

يعني عمال نظافه بجهه خاصه يختلف عن عامل نظافه بالبلديه !!!!

مع التحيه ،،

[الزعيـم]

الحد الادني للاجور العماليه 1200 ريال ... الـ 4 الاف ريال من وين طلعت ، ممكن الـ 4 الاف للمشرفين على عمال النظافه

الزياده كانت في 2010

http://www.raya.com/news/pages/dca82bdb-1849-413e-9f47-9be8c1d94e7f


حتى لو ياخذون على قولك 4 الاف ريال ، يعطيهم العافيه على الجهد المبذول بصراحه ياليت بالفعل لو نرحمهم ونبتعد عن قط الوصخ من السيارات

[Chambray]

المشكلة يقول ( من مصادره الخاصة ) !!!

انا مصادري الخاصة تقول لي رواتب عمال النظافة في البلدية هي ( 12 الف ريال ) بتصدق مصادري الخاصة يا حمد ولا بتتأكد من كلشي ثم بتكتب الموضوع



انصحك يا حمد تنتقي المواضيع المهمه والي انت متأكد منها ( مدعومه بالصور ) ..

[توشيبا]

اول شي يعطيهم العافيه لو يضربون عندالعمل 24ساعه بس بتشوف شوارع الدوحه زباله الله يعزكم

عامل اللي يسلك الصرف الصحي للبيوت اذا كانت مسدوده شغال في البلديه صار له فوق 15 سنه راتبه 1200 ريال

عمال النظافه مايتعدا 1000 ريال

[حمد 2002]

الحد الادني للاجور العماليه 1200 ريال ... الـ 4 الاف ريال من وين طلعت ، ممكن الـ 4 الاف للمشرفين على عمال النظافه

الزياده كانت في 2010

http://www.raya.com/news/pages/dca82bdb-1849-413e-9f47-9be8c1d94e7f


حتى لو ياخذون على قولك 4 الاف ريال ، يعطيهم العافيه على الجهد المبذول بصراحه ياليت بالفعل لو نرحمهم ونبتعد عن قط الوصخ من السيارات

هلا اخوي الزعيم ،،

جوف ردي على الاخ كتكوت الوحش وبتجوف ماذا اقصد ،،،

مع التحيه ،،

[حمد 2002]

المشكلة يقول ( من مصادره الخاصة ) !!!

انا مصادري الخاصة تقول لي رواتب عمال النظافة في البلدية هي ( 12 الف ريال ) بتصدق مصادري الخاصة يا حمد ولا بتتأكد من كلشي ثم بتكتب الموضوع



انصحك يا حمد تنتقي المواضيع المهمه والي انت متأكد منها ( مدعومه بالصور ) ..

من وين جبت ال 12 الف !!!

الحمد لله ماحتاج احد ايعلمني ماذا اكتب ومتى اكتب !!!

مع التحيه ،،

[حمد 2002]

اول شي يعطيهم العافيه لو يضربون عندالعمل 24ساعه بس بتشوف شوارع الدوحه زباله الله يعزكم

عامل اللي يسلك الصرف الصحي للبيوت اذا كانت مسدوده شغال في البلديه صار له فوق 15 سنه راتبه 1200 ريال

عمال النظافه مايتعدا 1000 ريال

احلف ان راتبه مايتعدى 1000 ريال اتحداك والله !!!

مع التحيه ،،

[وحيد-الشوق]

اخبر دريولنا يبي يروح البلدية صار له كمن سنة يحن علينا ويقول بجيب لكم قريبي وبعلمه عالسواقة وعقب بروح يقولي رواتب العمال 4000 وانا مب قادر اصدق ودايما اقوله انت خراط هههههه يقولي والله رواتبهم قوية مب خسارة فيهم ال4000 بس مستحيل العامل الاسيوي ياخذ 4000

[الزعيـم]

اخ حمد

انا راح اوافقك الراي واقول 4 الاف ريال ...!!

ياليت تتفضل يوم واحد تاخذ مكان عامل نظافه ، وياليت يكون هاليوم في شهر 8 نشوف كيف راح يكون شغلك دام انك مب عاجبك شغلهم

عمال النظافه اللي تتكلم عنهم ياليت تراجع البلديه وتشوف كمية الاوساخ اللي يشلوها او بأمكانك تتفضل عند الاخ اعتقد اسمه شافي مسؤول العام لقسم النظافه راجعهم وشوف الاحصاءات ...!!

يعطيهم العافيه عمال النظافه والمشرفين والمسؤولين عليهم ، بدونهم مانقدر نواصل حياتنا لانه لهم دور كبير في المجتمع قد يكون دورهم اكبر بكثير من اشخاص اخرين

[بصمة قطرية]

افهمي ياختي بصمه شركات الامن خاصه وراتبهم 1000 ريال الى 1200 والاكل عليهم بعد ههه

اما هاؤلاء موظفين حكومه وهنا الفرق !!!!

فيه فرق مابين قطاع خاص وحكومي !!!

يعني عمال نظافه بجهه خاصه يختلف عن عامل نظافه بالبلديه !!!!

مع التحيه ،،


ما توصل 4000 يا حمد
متأكدة من هالشي ..
روح و تأكد ..

أنا عطيتك مثال للشركات الخاصه ..

[حسن]

اللي اعرفه ياحمد ان عمال النظافه الحين مايتبعون البلديه

النظافه اصبحت تتبع شركه وهي اللي متوليه الموضوع

بالنسبه للخلاص في العمل اوه تبي انزلك صور تترس عيونك تشوف عمال الشركات
في الشوارع شلون متسدحين واقفين بس يطالعون

الصور عندي شكثر
المشكله

منا منا منا

يعني لو كل مسؤل يتحاسب كان تغير الوضع
ماتشوف موظف قطري يراقب للاسف
الكل يبي مدير ولا يبي مكتب

اما بالنسبه للرواتب فانا مااعلم
بس حبيت اقولك عندنا رواتب الفراشين توصل 4000 وفوق البعض
حتى انا انصدمت كنت افكرهم 2000 ريال

شكرا ياحمد

[لاجل QT]

بصراحة يكسرون الخاطر والراتب اشوي عليهم فريج كامل منطقة كاملة ببيوتها حاطين واحد ولا اثنين ينظفونها ومشي عل الاقدام حرام والله

ليش مايوفرون لهم سيارات صغيرة خاصة بالتنظيف وتكون عليها مظلة تحمية من اشعة الشمس في صيفنا المحرق

[SpeedMetro]

الله يعينهم و يقويهم

[صغيرون قطر]

مرحبا
اعتقد عمال البلدية ع كفالة شركة خاصه ومش البلدية ليش

اولا البلدية ماتتحمل الإقامة او سكنهم او علاجهم يمكن رواتبهم ظ¤ظ*ظ*ظ*ريال لكن مش لهم لشركة اللي جابتهم والشركة

تعطيهم راتب غير بين ظ§ظ*ظ*-ظ©ظ*ظ*ريال الحين سوء القطاع العام او الخاص في الدولة تنزل مناقصه اللي بيطلب اقل

بياخذ المناقصة لو فرق نصف درهم

راجع معلوماتك وراح تتأكد

تحياتي

[عذاب]

كل شي معارض عليه ومايعجبك شي !!!

[الواثق باالله]

من متى صاروا 4000 على حد علمي أنهم كانوا 750 وخلوهم 1200 أما 4000 اول مره اسمع فيها وو بعدين من قالك أنهم ما يشتغلون للعلم اعتقد انه كل مجموعه عمال يكون لهم مسؤول عليهم ويتابعهم ويشيك على تنظيفهم ارحموا من بالأرض يرحمكم من بالسماء وايش ضمنك انه يكون العامل انتهى من المنطقة المسؤول عليها وجاه شخص ووصخ او ألقى مخلفات وراح


صح لسانك أخوي ...:nice:

[الجنتـQATـل]

انا اشوفهم والله موب مقصرين في شغلهم ومن المفترض علينا ان ما نقط كشرتنا وحن ماشين في كل مكان واتمني توزيع درامات الكشره بشكل اكبر من الموجود لاني اشوف ان كثير من الامكان تحتاج إلى درامات اكثر من كذا

[المحاميه]

بصراحة يكسرون الخاطر والراتب اشوي عليهم فريج كامل منطقة كاملة ببيوتها حاطين واحد ولا اثنين ينظفونها ومشي عل الاقدام حرام والله

ليش مايوفرون لهم سيارات صغيرة خاصة بالتنظيف وتكون عليها مظلة تحمية من اشعة الشمس في صيفنا المحرق

المشكله جونا مايرحم لا فالصيف ولا فالشتى :( :( :(

مساكين هالعمال وبعد اللي يبيعون جرايد يعورون القلب

الحمدلله على النعمه
:(

[بوخالد911]

ما اتصور الراتب يوصل 4000

يدوووب ما بين 1500 - 2000 ريال

وبعدين صح
لما يشوفون قطري بالسيارة يجووون عنده ويتم ينظف جمبه

طريقة منفرة الصراحة

[Abdlaziz]

اتفق معاك اخوي حمد رواتبهم جيده توصل 3500 ولاتنسى السكن ابلاش في ابوهامور والعلاج ابلاش طبعا لانهم حكومة وبالاخير يجي ينظف لما تشوفه بس يعطيهم العافيه بس لازم يراقبونهم لانهم يطرون اكثر من انهم يشتغلون

[عيون الدوحة]

ومن الي موصخ الدنيا غير عدم المبالاة من البعض ينزل الجامة ويقط الكشره على الطريق
واغلب البيوت يوم اطل من جامت الفيلا تشوف شتى انواع القذارة على طبيلات البيت والخ

[لاجل QT]

ياجماعة الخير

اشفيها لو جة صوبنا وبغى المعونة بطريقتة كلها الا 5 ريال يشرب فيها شاي ماي يشتري سندويتش في هالبرد او هالحر في النهاية ينظف ديرتنا وصاخت المهملين منا

انتو ماخذين الاجر ماخذينها يعنى جات على 5 ريال او 10 ريال ماراح تاثر علينا ولكن تاثر علية

من كثر رواتبهم حاسدين الفقير على موتة اليمعة...هديتو تعبهم ومشيهم مسافات طويلة في هالبرد او هالحر والشمس وركزتو على رواتبهم

[فتى دخان]

اعتبرها غلطه مطبعيه منك ياحمد

[المحقق كونان]

هذا العامل مسكين ولكن بالجانب الاخر في موظفيين في بعض الجهات رواتبهم عاليه ولكن ما يقومون بواجبهم وشغلهم على اكمل وجهه

[OM_OMAR_QATAR]

والله انا خايفة عليك يخوي حمد من مواضيعك وكلامك لاتكون حجة عليك يوم الله ..

يخي اقصر ...

[Rider]

اي 4000 ريال غلطان يالغالي كان الكل شتغل عامل نظافة

[qatari911]

http://www.youtube.com/watch?v=EhydBTIbDBE

تقدير عمال النظافة في اليابان
وجايين تحاسبون عمال النظافه
احيانا وشوف عيني شباب قطريين ومقيمين بس يخلص الكرك والا العشاء بطل الدريشه وحذف الوصخ على اساس نظيف ويبي سيارته نظيفه
وبالاخير نلوم العمال
بدل انتقادهم والحسد على الراتب من البعض
اشتر وجبه عشاء وزع على العمال الي بشارع
وحافظ انت على نظافة البلد

[بونووف]

ماعندك سالفه

[محمد11]

كوني كنت شغال ف البلديه
كلام الاخ حمد عار من الصحه
وعمال.النظافه هو من مشروع النظافه هو من الامير الوالد حفظه الله
من بداية المشروع الرواتب كانت 800 ريال
ثم اصبحت 1200 ريال
وانا كوني موظف سابق مخلص فوق 500 عامل نطافه في اموره الاداريه والماليه

[Qtr37]

والله اذا في تقصير فهو منا احنا
هالشي واجبنا قبل ما يكون واجبهم

[شبح الصمت]

4000 :eek5:

من وين جبت رواتبهم 4000


شكله المصدر الي معطك المعلومة غلط

اعرف رجال يشتغل في الادارة ومهب قطري وراتبه مهب متجاوز الـ 3 آلاف


وانت تقولي 4 آلاف

شفت الآية الكريمة قبل لا تدخل المنتدى


( ما يلفظ من قول الا لديه رقيب عتيد )


اتق الله في نفسك وفي مواضيعك الي قاعده تطرحها وانت ما تعرف شلي قاعد تطرحه ولا تنقاش فيه مع احترامي لك

[الـخـالـدي]

لو الناس فيهم نظافة ماتكلفت الدولة وجابت هالـ 4000 الاف عامل على قولتك بس عشان يخمون الشوارع .. كانت الشوارع نظيفه بدونهم

ترى مب صعبه الواحد يحطله كيس في سيارته و اي شي وصخ يحطه فيه واذا رجع البيت ولا فالطريق حطه فالزبايل الخضره اللي الله مكثره قدام البيوت

لكن الكسل و قلة الايمان و الزبو اللي تخلي العالم تاكل وتقط باقي اكلها فالشارع

موضوعك مش في محله وكان بالامكان اختيار موضوع افضل من الحسد اللي فيك على هالعمال الضعافا و المساكين مادري كن رواتبهم مصروفه من حسابك

[ضوى]

الله اكبر

صارت 4000 مبلغ خيالي ومليونير ؟؟؟؟

الله لا يوليك على عامل ياحمد ، حتى هالفقارى تبي تقطع رزقهم ؟؟ يبه جاك عند السيارة لاتعطيه ويه وبيروح ، اما بتحاسبه على عدم نظافته يعني بيغطي كم شارع ، اذا الناس نفسها ماعندها مسؤولية ولا حس بالنظافة نجبر عامل ينظف وراهم ، زين منه متحمل ، لعلمك راتب مهندس القمامة له راتب عالي في اليابان وانت حاسدهم على 4000

يارب يارب يارب اعنهم ولا تعن عليهم من لا يخشاك فيهم

[شبح الصمت]

انت ي حمد 2002

انسان لا تعلم ماذا تكتب ولا تعرف اشلون تناقش ولا تعرف شلي تقوله ..


ترى هذا منتدى عام ويشوفونه الكبير والصغير

الغني والفقير

الرجال والمره


فنحاول قد ما نقدر كلنا وانا اولكم قبل لا نسلط الضوء على موضوع راح يستفز مشاعر العالم ويرجع علي بالدعاء علي اني احاسب قبل لا اكتب


واقولها لك وقدامهم ولو اخذ طرد والا باند من المنتدى

انت انسان ما تستاهل العضويه من وجهة نظري طبعاً

والرأي طبعاً للادارة العليا والالاعضاء الكرام الي يرفعون لك في مواضيعك الي نشوف البعض منها في محله والكثير منها قبل لا ينطرح مكانه الارشيف



مع السلامة

[أم محمد 90]

من وين تجيب مواضيعك ؟

الله واعلم

يا تنقد بالمرأة

يا تتكلم بالأعراض شفت وماشفت

يا تحاول تمنع عن الفقير صدقة !!

جد حمد ، راجع نفسك ولا نرفع شكوى عليك بضرورة مراجعة المواضيع قبل طرحها

[أم محمد 90]

انت ي حمد 2002

انسان لا تعلم ماذا تكتب ولا تعرف اشلون تناقش ولا تعرف شلي تقوله ..


ترى هذا منتدى عام ويشوفونه الكبير والصغير

الغني والفقير

الرجال والمره


فنحاول قد ما نقدر كلنا وانا اولكم قبل لا نسلط الضوء على موضوع راح يستفز مشاعر العالم ويرجع علي بالدعاء علي اني احاسب قبل لا اكتب


واقولها لك وقدامهم ولو اخذ طرد والا باند من المنتدى

انت انسان ما تستاهل العضويه من وجهة نظري طبعاً

والرأي طبعاً للادارة العليا والالاعضاء الكرام الي يرفعون لك في مواضيعك الي نشوف البعض منها في محله والكثير منها قبل لا ينطرح مكانه الارشيف



مع السلامة

اقترح على الادارة الكريمة وضع خاصية عليه انهم يراجعون مواضيعه وهم يقدرون يوافقون عليها قبل ماتنطرح ..

لان جد بدأ يسيء ويضر بطريقة مستفزة .. اذا ماتراعي منهو يقرا لك !!

راعي الرب اللي يشوفك ويحاسبك !

[يمامـة]

والله اذا في تقصير فهو منا احنا
هالشي واجبنا قبل ما يكون واجبهم

في هذي معاك حق ،، لأن عامل النظافة مستحيل بيتكفل بتنظيف شارع بطوله لأن عيالنا ياكلون ويقطون في وهم يمشون في الشارع
او الواحد يقط اغراضه من السيارة او تترك اكياس الزبالة مفتوحة ويلعب فيها الهوى او القطاوة ،،

وفوقه قبل كانت هناك سيارات تخدم الشوارع الداخلية وتنظفها ولي فترى ما شفت ولا وحدة منها
فعامل النظافة بشكل فردي مستحيل يقوم بكل شي ،،
وهذا احنا نشوفهم مساكين مع الشيول والمخمة يشلون اللي يقدرون عليه في الشوارع ،،

والله يعطيهم الصحة والعافية

[أم محمد 90]

في هذي معاك حق ،، لأن عامل النظافة مستحيل بيتكفل بتنظيف شارع بطوله لأن عيالنا ياكلون ويقطون في وهم يمشون في الشارع
او الواحد يقط اغراضه من السيارة او تترك اكياس الزبالة مفتوحة ويلعب فيها الهوى او القطاوة ،،

وفوقه قبل كانت هناك سيارات تخدم الشوارع الداخلية وتنظفها ولي فترى ما شفت ولا وحدة منها
فعامل النظافة بشكل فردي مستحيل يقوم بكل شي ،،
وهذا احنا نشوفهم مساكين مع الشيول والمخمة يشلون اللي يقدرون عليه في الشوارع ،،

والله يعطيهم الصحة والعافية

بس شرايج ف الموضوع؟

[يمامـة]

بس شرايج ف الموضوع؟

صبري خليني اقراه كله علشان احكم عليه من البداية لين سؤالج :shy:

[حسن]

في هذي معاك حق ،، لأن عامل النظافة مستحيل بيتكفل بتنظيف شارع بطوله لأن عيالنا ياكلون ويقطون في وهم يمشون في الشارع
او الواحد يقط اغراضه من السيارة او تترك اكياس الزبالة مفتوحة ويلعب فيها الهوى او القطاوة ،،

وفوقه قبل كانت هناك سيارات تخدم الشوارع الداخلية وتنظفها ولي فترى ما شفت ولا وحدة منها
فعامل النظافة بشكل فردي مستحيل يقوم بكل شي ،،
وهذا احنا نشوفهم مساكين مع الشيول والمخمة يشلون اللي يقدرون عليه في الشوارع ،،

والله يعطيهم الصحة والعافية

تصدقين ياخت يمامه

المشكله في نظافه المناطق الكثير تعود لاهلها المهملين

كنت اشوف الكثير من الخدامات يرمون اكياس الزباله برع الحاويات يعني جنبها
قولي راعي البيت وراعيه البيت كلفو عمرهم يسئلون يراقبون
قبل كنت شكثر اصيد الخدامات
:)
واطيح فيهم طيح

البلاء من انفسنا

واليوم في الجريده مكتوب عن موضوع النظافه

الظاهر هل الجرايد هل الايام يتابعون حمد بقوه


اصبح نار اشهر من علم

:)

[أم محمد 90]

تصدقين ياخت يمامه

المشكله في نظافه المناطق الكثير تعود لاهلها المهملين

كنت اشوف الكثير من الخدامات يرمون اكياس الزباله برع الحاويات يعني جنبها
قولي راعي البيت وراعيه البيت كلفو عمرهم يسئلون يراقبون
قبل كنت شكثر اصيد الخدامات
:)
واطيح فيهم طيح

البلاء من انفسنا

واليوم في الجريده مكتوب عن موضوع النظافه

الظاهر هل الجرايد هل الايام يتابعون حمد بقوه


اصبح نار اشهر من علم

:)

مشكله اذا الجرايد ماعندها شروط لاختيار المواضيع الي تنشر بالجريدة

بس يالله كل شي واضح حد من الربع ينزل له مواضيعه

[حسن]

مشكله اذا الجرايد ماعندها شروط لاختيار المواضيع الي تنشر بالجريدة

بس يالله كل شي واضح حد من الربع ينزل له مواضيعه

ليش اي ضاهره ولا موضوع يخدم الوطن مافيها شي

دام الهدف تصليط الضؤ على السلبيات
لبناء مجتمع نظيف خالي من العيوب والعاهات

مثلا مواضيع الطلاق وغيره وغيره
كل يوم تقريهنا في الجرايد في الاذاعه نسمعها وفي التلفزيون
تطرح كذالك

وين المشكله

جزاء كل خير من اراد الاصلاح

ويؤجر عليه

والله يخلي لك ولدك محمد

:)

[يمامـة]

بس شرايج ف الموضوع؟

قريته ..
والحين باعطيج رايي بكل أمانة بيحاسبني ربي عليه ليوم الدين
1- الموضوع هذا مكرر وسبق نشره في المنتدى من احد الاعضاء وكان يتطرق لنفس الموضوع
ولكن ما دقق على الراتب ,,

2- بخصوص الراتب ما يهمني كم راتبه 4 الاف ولا عشرة الاف او الف ريال
اللي يهمنا الإخلاص في العمل ،، فلو عامل النظافة كان مخلص في عمله في فريج غالبية سكانه
نظاف اكيد ما بنشوف ورقة على الأرض ،، لكن عامل نظافة مخلص واهل الفريج وصخين
صعب عليه المسكين ينظف الفريج حتى لو كانوا جيش من العمال ،،

3- نرجع لنقطة الاخلاص ،، احنا الحريم في بيوتنا ما نرضى الخدامة في البيت لشافت ناس
تقرب صوبهم علشان يعطونها المقسوم ،، وبنفس الوقت المفروض عامل النظافة يكون مخلص في شغله
يعني ما يصير يركز على تنظيف المكان اللي يتواجد فيه الشخص اللي ممكن يعطيه فلوس ويترك الأماكن الثانية

وللامانة يا ام محمد هذي ظاهرة اصبحت منتشرة من عمال النظافة ،، شخصيا مب ضد التصدق عليهم
لكن بعد من باب الاخلاص في العمل المفروض يكونون هناك مراقبين عليهم من الجهة المسؤولة عنهم
حزتها ما بتشوفين عامل نظافة بيركز على نقطة معينة ويترك الاماكن الثانية ،،
في هالحالة اشجع كل مواطن انه يدعمهم بالمال مب 10 ريالات الا 100 ريال
لكن بالطريقة اللي صرنا نشوفها من تصرفات الغالبية العظمى منهم ،، اعتقد الموضوع
محتاج الى مراقبة من المسؤولين منهم ،،

[يمامـة]

تصدقين ياخت يمامه

المشكله في نظافه المناطق الكثير تعود لاهلها المهملين

كنت اشوف الكثير من الخدامات يرمون اكياس الزباله برع الحاويات يعني جنبها
قولي راعي البيت وراعيه البيت كلفو عمرهم يسئلون يراقبون
قبل كنت شكثر اصيد الخدامات
:)
واطيح فيهم طيح

البلاء من انفسنا

واليوم في الجريده مكتوب عن موضوع النظافه

الظاهر هل الجرايد هل الايام يتابعون حمد بقوه


اصبح نار اشهر من علم

:)

صدقت يا بوعلي ،، في مناطق بعض سكان العمارات اكياس الزبالة تنحذف من خامس دور
زين هالكيس ليوصل للأرض شلي يصير فيه ؟

في ناس جدا حريصة على نظافة سياراتها لكن تعال شوفهم اشلون يتعاملون من الوساخة
على طول في اقرب شارع يمرون عليه ،،

وفي ناس يعيزوون انهم يقطون اكياس الزبالة في الحاويات الخاصة لها ،،

وللأسف الشديد مرات يتشاركون الجيران على كم حاوية وما تستحمل
وتنحط الاكياس خارجها ويكون نصيبها اللعب من القطاوة او من اللي يدورون في الزبالة
ويستخرجون منها الاشياء اللي يبونها ،،

وسمعت فيما سمعت ان البلدية تبيع حاوية الزبالة على 2800 ريال عقب ما كانت مجانية
ما ادري اذا الخبر صحيح ولا لا ؟ !!!

[أم محمد 90]

ليش اي ضاهره ولا موضوع يخدم الوطن مافيها شي

دام الهدف تصليط الضؤ على السلبيات
لبناء مجتمع نظيف خالي من العيوب والعاهات

مثلا مواضيع الطلاق وغيره وغيره
كل يوم تقريهنا في الجرايد في الاذاعه نسمعها وفي التلفزيون
تطرح كذالك

وين المشكله

جزاء كل خير من اراد الاصلاح

ويؤجر عليه

والله يخلي لك ولدك محمد

:)

يحكى أن ملكاً كان يحكم دولة واسعة جداً

أراد هذا الملك يوما القيام برحلة برية طويلة
وخلال عودته
وجد أن أقدامه تورمت بسبب المشي في الطرق الوعرة
فأصدر مرسوماً يقضي
بتغطية كل شوارع مدينته بالجلد
ولكن احد مستشاريه أشار عليه برأي أفضل
وهو عمل قطعة جلد صغيرة تحت قدمي الملك فقط
فكانت هذه بداية الأحذية


إذاأردت أن تعيش سعيدا في العالم


فلا تحاول تغيير كل العالم


بل أعمل التغيير في نفسك ومن ثم حاول تغيير العالم ..


ملاحظة : مجتمعنا بيكون خالي من العيوب اذا امثال حمد وقفو شكوى ونقد سلبي واحتجاج على المجتمع وبدوا يغيرون ف نفسهم ..

[NBA_]

أصلا من الاساس ليش ذكر الراتب , مفروض يذكر بس انهم ما يشتغلون عدل ,,

[OM_OMAR_QATAR]

كوني كنت شغال ف البلديه
كلام الاخ حمد عار من الصحه
وعمال.النظافه هو من مشروع النظافه هو من الامير الوالد حفظه الله
من بداية المشروع الرواتب كانت 800 ريال
ثم اصبحت 1200 ريال
وانا كوني موظف سابق مخلص فوق 500 عامل نطافه في اموره الاداريه والماليه

:nice:

[بومحمد المطاوعه]

ياخوي حمد مب الكل

يمكن القصور من البعض

والله يشهد الله انهم يكدون كد اليهد

والحمدلله منطقتي يوميآ موجودين وينظفون

ولا اشوف اي قصور منهم

وعلى خط الشمال في بياكم ينظفون قطع التواير والشوارع

والحواجز الي على خط الخور تحصل كم عامل ينظفون الحواجز من الاكياس والوصاخه الله يعزكم

وخط الخراره بنفسي شايف كم عامل ينظف

الحمدلله ماشفت تقصير منهم

يمكن الي تتكلم عنه انت شايفه بس لاتعمم على الكل يالغالي

بس سالفه الـ 4000 مادري هل صحيحه ام خرطي الي قالك
لأن الي اخبره 1200 مادري 1500

وتحياتي لك

[لاجل QT]

حمد ليش ماتجرب تشتغل شغلتهم بس يوم واحد

عقب لومهم او استخسر فيهم الراتب

[النهار]

تصدقين ياخت يمامه

المشكله في نظافه المناطق الكثير تعود لاهلها المهملين

كنت اشوف الكثير من الخدامات يرمون اكياس الزباله برع الحاويات يعني جنبها
قولي راعي البيت وراعيه البيت كلفو عمرهم يسئلون يراقبون
قبل كنت شكثر اصيد الخدامات
:)
واطيح فيهم طيح

البلاء من انفسنا

واليوم في الجريده مكتوب عن موضوع النظافه

الظاهر هل الجرايد هل الايام يتابعون حمد بقوه


اصبح نار اشهر من علم

:)

تري يابو علي كيس الزباله وزنه ثقيل الخادمه ماتقدر تشيل الكيس الي مستوى مرتفع
درام الزباله لانه مرتفع عن الارض ساعات الدرام اطول من الخدامه يبي له مجهود عضلي وبنيه قويه
حسره وين الفلبنيه اولاندونسيه تقدر تشيل كل هالوزن وتحطه في الدرام
علشان جذي يحطونه جنب الزباله

[حمد 2002]

انت ي حمد 2002

انسان لا تعلم ماذا تكتب ولا تعرف اشلون تناقش ولا تعرف شلي تقوله ..


ترى هذا منتدى عام ويشوفونه الكبير والصغير

الغني والفقير

الرجال والمره


فنحاول قد ما نقدر كلنا وانا اولكم قبل لا نسلط الضوء على موضوع راح يستفز مشاعر العالم ويرجع علي بالدعاء علي اني احاسب قبل لا اكتب


واقولها لك وقدامهم ولو اخذ طرد والا باند من المنتدى

انت انسان ما تستاهل العضويه من وجهة نظري طبعاً

والرأي طبعاً للادارة العليا والالاعضاء الكرام الي يرفعون لك في مواضيعك الي نشوف البعض منها في محله والكثير منها قبل لا ينطرح مكانه الارشيف



مع السلامة

انت اخوي الكبير ياشبح وبرد عليك بكلمتين فقط لا ثالث غيرهم .

(( الله يسامحك ))

[بصمة قطرية]

كل ما نمر شارع نشوف فيه عامل نظافة
أقول لعيالي :
شوفوا هالمسكين اش يشتغل ..؟
يخم الشوارع و ينظفها من وصاخه بعض البشر ( القذرين )
اللي يمشون و يقطون وصاختهم في الشارع ..!!
عيزانين يقطونها في أقرب زبالة ..!!
لو ما في ناس وصخة تمشي و ترمي في الشارع
كان ما إحتجنا لعمال نظافة ..!!!

[Aaziz]

انت ي حمد 2002

انسان لا تعلم ماذا تكتب ولا تعرف اشلون تناقش ولا تعرف شلي تقوله ..


ترى هذا منتدى عام ويشوفونه الكبير والصغير

الغني والفقير

الرجال والمره


فنحاول قد ما نقدر كلنا وانا اولكم قبل لا نسلط الضوء على موضوع راح يستفز مشاعر العالم ويرجع علي بالدعاء علي اني احاسب قبل لا اكتب


واقولها لك وقدامهم ولو اخذ طرد والا باند من المنتدى

انت انسان ما تستاهل العضويه من وجهة نظري طبعاً

والرأي طبعاً للادارة العليا والالاعضاء الكرام الي يرفعون لك في مواضيعك الي نشوف البعض منها في محله والكثير منها قبل لا ينطرح مكانه الارشيف



مع السلامة


انت اخوي الكبير ياشبح وبرد عليك بكلمتين فقط لا ثالث غيرهم .

(( الله يسامحك ))


حمد ،،، معليش ادري ماتتقبل كلامي من انضميت لهذا المنتدى كوني انتقدت مواضيعك من الوهله الاولى

اسمع مني هالكلمتين الصادقتين لوجه الله ليس لشيء اخر قدام خلق الله

شبح ماقال الا الصحيح ،، و سبق اني قلت مثل كلامه و اكثر بدايتا لك و انت تقرا (وغيرك يقول ميزت حمد انه مايرد الا على الي يعجبه و لسان حاله يقول يا حمد تصرف بهالطريقه و هذا المهرب من الموقف) و بعدها للاداره في كثير من المناسبات (لدرجه ان البعض حاول الباس اعتراضي على الحاصل انه غيرة او خلاف شخصي او غيره من الخرابيط ههههههه )

لا يغرك الاشخاص الي يرفعون لك في مواضيعك ،،، اقسم و احطها في ذمتي انهم يبون يضحكون عليك و على غيرك في هذا المنتدى و انت مجرد وسيله لا اكثر و افضلهم مبسوط على الي انت تسويه فقط عشان لاقي الفرصه الي يعرض نفسه فيها .

صحيفتك مليانه يا حمد ،، كيف بتقابل رب العالمين بكل هذا ،، شوف الامور بزاويه مختلفه عن الي انت تشوفها ... تعرف العلمانيين ؟

يقال اذا كثر الحديث عن المرأة فتاأكد ان العلمانيين حولك !! شوف كم شخص لاقي مواضيعك فرصه ثمينه ينشر فيها سموم من بعيد لابعيد و الكثير يظن ان ارائهم مجرد اختلاف تربيه و عادات و هي مرض و افه يبون يضربون فيها مجتمعنا و خصوصا حجر اساس هذا المجتمع (الام و الاخت) ،،، و انت و بعض ربعك ماخذين الدنيا لهو و لعب و ضحك .

ختاما لاتقع عليك ملامه كبيره كونك شخص عادي و الدنيا ياما نشوف فيها اجناس و اصناف ... الملامه على من يشاهد و تصله الشكاوي و قاعد يتفرج و نادرا مايتخذ قرار ... الذمه الذمه لايدخل في ذمتكم مالاتطيقون .

[كاروهات]

اخواني وخواتي ابي افهم شسالفة المواضيع وايد صارت تتسكر مع انها ما فيها شي !!!!!!!!!!!!!!!!!!!!!!!!!!!!!!؟

اسفه يا صاحب الموضوع دشيت برع موضوعك بس صج انا مستغربة

[أم محمد 90]

ختاما لاتقع عليك ملامه كبيره كونك شخص عادي و الدنيا ياما نشوف فيها اجناس و اصناف ... الملامه على من يشاهد و تصله الشكاوي و قاعد يتفرج و نادرا مايتخذ قرار ... الذمه الذمه لايدخل في ذمتكم مالاتطيقون .

جزاك الله كل خير اخوي بيض الله ويهك ماقلت الا الحق

[أم محمد 90]

اخواني وخواتي ابي افهم شسالفة المواضيع وايد صارت تتسكر مع انها ما فيها شي !!!!!!!!!!!!!!!!!!!!!!!!!!!!!!؟

اسفه يا صاحب الموضوع دشيت برع موضوعك بس صج انا مستغربة

يصكرون المواضيع المهمة ، ومواضيع الحش والذم والمستهلكة مخلينها ، يالله ياخذون الاعضاء ع قد عقلهم لان اغلب العقليات هني تحب هالمواضيع

[الحياة الخالدة]

اخواني وخواتي ابي افهم شسالفة المواضيع وايد صارت تتسكر مع انها ما فيها شي !!!!!!!!!!!!!!!!!!!!!!!!!!!!!!؟

اسفه يا صاحب الموضوع دشيت برع موضوعك بس صج انا مستغربة

المنتدى فيه شي مب مضبوط

[حمد 2002]

حمد ،،، معليش ادري ماتتقبل كلامي من انضميت لهذا المنتدى كوني انتقدت مواضيعك من الوهله الاولى

اسمع مني هالكلمتين الصادقتين لوجه الله ليس لشيء اخر قدام خلق الله

شبح ماقال الا الصحيح ،، و سبق اني قلت مثل كلامه و اكثر بدايتا لك و انت تقرا (وغيرك يقول ميزت حمد انه مايرد الا على الي يعجبه و لسان حاله يقول يا حمد تصرف بهالطريقه و هذا المهرب من الموقف) و بعدها للاداره في كثير من المناسبات (لدرجه ان البعض حاول الباس اعتراضي على الحاصل انه غيرة او خلاف شخصي او غيره من الخرابيط ههههههه )
بسم الله الرحمن الرحيم والصلاة والسلام على أشرف المرسلين سيدنا محمد وعلى آله وصحبه ومن تبعه بإحسان إلى يوم الدين،أما بعد، بالعكس اخوي عزيز انا لم اتهرب بالرد بل رديت على الكثير من الردود قدر المستطاع وحتى ارجع لأول صفحه بموضوعي هذا لترى ذلك بأم عينيك ، رقم رفض تلك الاراء لوجهه نظري الا اني رديت عليهم بكل ادب واحترام وليكن بمعلومك بأني لست مجبور على الرد على جميع الردود من بدايه الموضوع الى نهايته !!! ...


لا يغرك الاشخاص الي يرفعون لك في مواضيعك ،،، اقسم و احطها في ذمتي انهم يبون يضحكون عليك و على غيرك في هذا المنتدى و انت مجرد وسيله لا اكثر و افضلهم مبسوط على الي انت تسويه فقط عشان لاقي الفرصه الي يعرض نفسه فيها .


لا داعي للقسم والحلف اخوي عزيز لان الحلف ليس لعبه ترددها بلسانك وبكتابتك على اسهل الامور وبكل وقت ولو عرفت عظمة اليمين في الشرع ومكانته عند العلماء لما جعلته عرض على لسانك في كل قول وفعل ولفكره ألف مرة قبل لفظ كلمة الحلف !!!! ،،،
وثانيا لتحط بذمتك وتنتقد الناس وانت ماتعرف معدنهم ونيتهم ،، وانا بقول لك بكل امانه الناس الي انت تصفهم بالضحك والعبط لو عرفت معدنهم الطيب ومواقفهم وقت الشدايد ووقت الفزعه الصمله لما قلت عنهم ذلك !!




صحيفتك مليانه يا حمد ،، كيف بتقابل رب العالمين بكل هذا ،، شوف الامور بزاويه مختلفه عن الي انت تشوفها ... تعرف العلمانيين ؟


يقال اذا كثر الحديث عن المرأة فتاأكد ان العلمانيين حولك !! شوف كم شخص لاقي مواضيعك فرصه ثمينه ينشر فيها سموم من بعيد لابعيد و الكثير يظن ان ارائهم مجرد اختلاف تربيه و عادات و هي مرض و افه يبون يضربون فيها مجتمعنا و خصوصا حجر اساس هذا المجتمع (الام و الاخت) ،،، و انت و بعض ربعك ماخذين الدنيا لهو و لعب و ضحك .

هذا جزاءنا طلعنا في النهايه بوجهه نظرك علمانين لاتنسى المره الجايه اتطلعنا ارهابين ويهود !!! ، اخوي عزيز انا طرحت مواضيع كثيره بالمنتدى وكان آخرها تقريبا هذا الموضوع http://www.qatarshares.com/vb/showthread.php?574699-هل-التغيير-في-الحياة-سنة-كونية-؟ ، ولكنك لم تشارك وتمدح الموضوع هذا !!! لماذا دائما تتصيد المواضيع الي ايكون فيها نقد لي وتدخل بالخط وتكتب كل مايجول بخاطرك من ترجيع ونقد سلبي !!

في النهايه اخي عزيز بقولك معلومه وارجوا ان تصغي لها ، انا اتقبل النقد البناء والمؤدب وليس النقد السلبي والخارج عن الادب والمألوف !!! يعني ايجيك واحد داخل موضوعك وايقولك اقترح بأن هالعضو تسحب عضويته لانه مواضيعه مامنها فايده !!!! يعني نسى كل التعب والمواضيع الكثيره الي كتبها هالعضو وركز على موضوع وموضوعين ،،

يجب علينا ان نتعلم كلنا سياسه النقد لان هذا بحد ذاته فن يدرس !!!

مع التحيه اخوي عزيز وفي النهايه ستظل اخ عزيز وغالي ،،

ختاما لاتقع عليك ملامه كبيره كونك شخص عادي و الدنيا ياما نشوف فيها اجناس و اصناف ... الملامه على من يشاهد و تصله الشكاوي و قاعد يتفرج و نادرا مايتخذ قرار ... الذمه الذمه لايدخل في ذمتكم مالاتطيقون .

تم الرد بالون الأحمر ،،،

مع التحيه ،،،

[يمامـة]

المنتدى فيه شي مب مضبوط

بالفعل هناك خلل ،،، لكنه مب في المنتدى

الخلل المفاهيم والتقيمات و تعدي الحدود في تقييم الناس ،،

حمد اسجل تقديري الكبير لنفسك الطيبة في التعامل مع المشاركات في هالموضوع ،،

لأن محد يرضى على نفسه ان يتم تقييمه بالطريقة البدائية هذي في التعامل مع الناس ،،

[حسن]

اضن ياحمد موضوعك متابع من الجميع

ابشرك جابولنا حاويات جديده

كبير ياحمد كبير

اشكرك من كل قلبي ولاجتهادك في هذا المنتدى
ومواضيعك المميزه

اتمنى لك التوفيق


قطر ستعلو بروح الاوفياء

:)

[حسن]

بالفعل هناك خلل ،،، لكنه مب في المنتدى

الخلل المفاهيم والتقيمات و تعدي الحدود في تقييم الناس ،،

حمد اسجل تقديري الكبير لنفسك الطيبة في التعامل مع المشاركات في هالموضوع ،،

لأن محد يرضى على نفسه ان يتم تقييمه بالطريقة البدائية هذي في التعامل مع الناس ،،

دعي الخلق للخالق يايمامه

حمد مميز وتميزه الاخلاق العاليه

ويشرفني بمعرفه حمد

بس هو الله يهداه

مايتصل

:telephone:

[تغلبية]

^

ما جنه مرة تداقلنا يمامة وقلنا لا تدخلون في الذمم ودعوا الخلق للخالق .. والا يتهيأ لي :omen2:

[حمد 2002]

احاول الرجوع للصفحات الاخيره بالموضوع ولكن لا استطيع ولا اعرف مالسبب !!

[قطري]

احاول الرجوع للصفحات الاخيره بالموضوع ولكن لا استطيع ولا اعرف مالسبب !!
هذا بسبب الخلل الي حصل اليوم الصبح...
جرب الآن اخوي كل شي تمام

[حمد 2002]

تسلم اخوي قطري خلاص انحلت المشكله :victory:

[بصمة قطرية]

اضن ياحمد موضوعك متابع من الجميع

ابشرك جابولنا حاويات جديده

كبير ياحمد كبير

اشكرك من كل قلبي ولاجتهادك في هذا المنتدى
ومواضيعك المميزه

اتمنى لك التوفيق


قطر ستعلو بروح الاوفياء

:)

من قبل موضوع حمد غيروا اللي عندنا ..
في أكثر من منطقة تم التغيير ..

[Aaziz]

اضن ياحمد موضوعك متابع من الجميع

ابشرك جابولنا حاويات جديده

كبير ياحمد كبير

اشكرك من كل قلبي ولاجتهادك في هذا المنتدى
ومواضيعك المميزه

اتمنى لك التوفيق


قطر ستعلو بروح الاوفياء

:)

تصدق بوعلي
اخوي مكلمني يقول طقو الجرس يوم طلع لقى عمال النظافه برى يسئلون اذا عندنا زباله (اجلك الله)للحين ماطلعناها[/b][/size][/font]

[Aaziz]

السلام عليكم ،، مادري ايش صاير ،، الموضوع نزل 5 كيلو من كثر الردود الي انحذفت و عقب ردت رجعت و عزي السبب لوجود خلل في المنتدى

عموما ،، من خبرتي البسيطه في هذا المنتدى المتوقع ردي و كم رد اخر ينحذف و هذا المعتاد بعيدا عن الاسباب و المبررات
ولكن الي بيخليني ارد ان الاخ قطري و بوعلي ردو على الموضوع و ردودنا موجوده و هذا بالنسبه لي ضوء اخضر "خصوصا ان هالموضوع ماكان يتكلم عن المرأة" ،، ولا ماراح اتعب نفسي و ارد و في الاخير بينحذف الرد .







حمد ،،، معليش ادري ماتتقبل كلامي من انضميت لهذا المنتدى كوني انتقدت مواضيعك من الوهله الاولى

اسمع مني هالكلمتين الصادقتين لوجه الله ليس لشيء اخر قدام خلق الله

شبح ماقال الا الصحيح ،، و سبق اني قلت مثل كلامه و اكثر بدايتا لك و انت تقرا (وغيرك يقول ميزت حمد انه مايرد الا على الي يعجبه و لسان حاله يقول يا حمد تصرف بهالطريقه و هذا المهرب من الموقف) و بعدها للاداره في كثير من المناسبات (لدرجه ان البعض حاول الباس اعتراضي على الحاصل انه غيرة او خلاف شخصي او غيره من الخرابيط ههههههه )
بسم الله الرحمن الرحيم والصلاة والسلام على أشرف المرسلين سيدنا محمد وعلى آله وصحبه ومن تبعه بإحسان إلى يوم الدين،أما بعد، بالعكس اخوي عزيز انا لم اتهرب بالرد بل رديت على الكثير من الردود قدر المستطاع وحتى ارجع لأول صفحه بموضوعي هذا لترى ذلك بأم عينيك ، رقم رفض تلك الاراء لوجهه نظري الا اني رديت عليهم بكل ادب واحترام وليكن بمعلومك بأني لست مجبور على الرد على جميع الردود من بدايه الموضوع الى نهايته !!! ...

{اللهم صلي و سلم على سيدنا محمد و اله و صحبه اجمعين -- غلطان يا حمد ،، لازم ترد على الجميع، ايضا العضو مش مجبور يرد في موضوعك !! و اذا نزلت موضوع في هذا المنتدى فهو ليس ملكك ولست الوصي عليه فالمنتدى عام للجميع .. اساساً لو كان التعليق على موضوعك فيه قله ادب او ماشابه كان من الاساس المشرف بيحذفه ،، ولا انا غلطان ؟ اذا فالاجدر بك انك ترد.
كثير من الردود تكون موجوده و كثير منها تكون ردود عقلانيه راقيه فيها وجهة نظر ولكنك ماترد عليها ،، او ترد رد سطحي كالشكر تهربا من تعرية فكرك و منطقك و قناعاتك ووجهة نظرك . طبعا احنا مانتكلم عن هذا الموضوع او مواضيع اخر شهر ،، صار لك فتره مش بسيطه في هذا المنتدى و هذا ماتعود عليه حمد (اذا غزر عليك البحر تسارع بفتح موضوع اخر و تختفي) اسمحلي على الصراحه هدفي ابين لك انه شي واضح}

لا يغرك الاشخاص الي يرفعون لك في مواضيعك ،،، اقسم و احطها في ذمتي انهم يبون يضحكون عليك و على غيرك في هذا المنتدى و انت مجرد وسيله لا اكثر و افضلهم مبسوط على الي انت تسويه فقط عشان لاقي الفرصه الي يعرض نفسه فيها .


لا داعي للقسم والحلف اخوي عزيز لان الحلف ليس لعبه ترددها بلسانك وبكتابتك على اسهل الامور وبكل وقت ولو عرفت عظمة اليمين في الشرع ومكانته عند العلماء لما جعلته عرض على لسانك في كل قول وفعل ولفكره ألف مرة قبل لفظ كلمة الحلف !!!! ،،،
وثانيا لتحط بذمتك وتنتقد الناس وانت ماتعرف معدنهم ونيتهم ،، وانا بقول لك بكل امانه الناس الي انت تصفهم بالضحك والعبط لو عرفت معدنهم الطيب ومواقفهم وقت الشدايد ووقت الفزعه الصمله لما قلت عنهم ذلك !!


{جزاك الله خير على تعظيمك لمكانه القسم و ماقلت الا الحق ،، و للاسباب التي ذكرتها ياحمد ،، انا حلفت :) و بيني و بين رب العالمين ،، انا اقسمت على ما رأيته امامي في هذا المنتدى ،، و انت تفند كلامي لما رأيت انت على ارض الواقع .
اتمنى ايضاً تكون قللت في وصفهم ،، يسعدني و يفرحني ان يكون الجميع بهذا الوصف على ارض الواقع في زمن قل فيه ناس معدنها طيب .. اعجبني جدا بدء تقبل نقاش هذه الجزئية يا بوشهاب ، خطوه جيدة ،، سابقا كنا لابسين العِمة :shy: }


صحيفتك مليانه يا حمد ،، كيف بتقابل رب العالمين بكل هذا ،، شوف الامور بزاويه مختلفه عن الي انت تشوفها ... تعرف العلمانيين ؟
يقال اذا كثر الحديث عن المرأة فتاأكد ان العلمانيين حولك !! شوف كم شخص لاقي مواضيعك فرصه ثمينه ينشر فيها سموم من بعيد لابعيد و الكثير يظن ان ارائهم مجرد اختلاف تربيه و عادات و هي مرض و افه يبون يضربون فيها مجتمعنا و خصوصا حجر اساس هذا المجتمع (الام و الاخت) ،،، و انت و بعض ربعك ماخذين الدنيا لهو و لعب و ضحك .

هذا جزاءنا طلعنا في النهايه بوجهه نظرك علمانين لاتنسى المره الجايه اتطلعنا ارهابين ويهود !!! ، اخوي عزيز انا طرحت مواضيع كثيره بالمنتدى وكان آخرها تقريبا هذا الموضوع http://www.qatarshares.com/vb/showth...اة-سنة-كونية-؟ ، ولكنك لم تشارك وتمدح الموضوع هذا !!! لماذا دائما تتصيد المواضيع الي ايكون فيها نقد لي وتدخل بالخط وتكتب كل مايجول بخاطرك من ترجيع ونقد سلبي !!

{ فاء يا بوشهاااب يعيوون و انا اخوك ،، ماعاذ الله اتهمك بالعلمانية ... حمد سؤال ،، ليش تكلمت بصبغة الجمع :con2:
حمد مافيه اي جزئية ذكرت فيها اتهامي لك او لغيرك بهذي الامور ،، لو تلاحظ انا سالتك سؤال مباشر ( تعرف العلمانيين ؟ ) احنا في زمن الـ professional زمن التخصصات ، بمعنى ان الشخص صار يتخصص في شي و يتعمق فيه و غالبا سيجهل في كثير من الجوانب الاخرى ،، سالتك لاني شبه ميقن ان معلوماتك متواضعه في العلمانية ... ماكان اتهام ابداً ،، كان كما ذكرت صراحتاً انك و غيرك جهلا منك و قد يكون علما من غيرك ان بهذا الميول و التوجه بالمواضيع تخدمون العلمانيين و من بقلبه مرض من بعض الطوائف و الملل الي لا يخفى على كثيرين ان يوجد من يمسي و يصبح على هدف ضرب مجتمعنا القطري الملتزم بدينه و بعاداته و تقاليده المشرفه المستمد اغلبها من ديننا الحنيف .
بخصوص الموضوع الي حطيت رابطه حمد ،، قريته والله (مع انه مش من عادتي اقرا مواضيعك ،، دايما اقرا عنوان مواضيعك و عقب اقفز لبعض ردود اشخاص معينيين) عموما ماشاركت لعده اسباب ،، منها ان المسطلح الي ذكرته كان صعب علي :rolleyes2: سنة كونية ... دار راسي يوم قريتها :(
و السبب الاخر حمد ان مواضيعك اذا ماكانت عن المرأة تكون مواضيع مادري كيف اوصفها ... هههههه مسطنعة مافيها طعم ولا رائحة < -- ابدا لاتعتبره امتداح في تخصصك الرئيسي من مواضيع
ختاما في هذي الجزئية .. رديت لاني بديت اشوف كثير من الاقلام صارت تنفر من كتابتك و اصبح فيه صحوات في هذا المنتدى من اقلام ذات تقدير .
بوشهاب ليتك ماقلت " دائما " وين يا حمد دائما انا تركت الرد على مواضيعك من شهور طويله طويله ،، لانك ماترد على وجهة النظر الاخرى خصوصا اذا كانت منطقيه و بادله و السبب الاخر لان الانه من زمان زاد الماي على الطحين و اصبح الوضح يحتاج تدخل الجهات العليا في هذا المنتدى لان مواضيعك تم استغلالها من غيرك بشكل مؤثر و اصبح ضررها المتوقع يستحق التدخل بشكل جاد او سيعني الرضا بها و بمحتواها كله و بالتالي سيصبح الموضوع موضوع امانه و راعي و رعية ،، و بفضل الله لست صاحب مسؤوليه في هذا المكان امام الله .




في النهايه اخي عزيز بقولك معلومه وارجوا ان تصغي لها ، انا اتقبل النقد البناء والمؤدب وليس النقد السلبي والخارج عن الادب والمألوف !!! يعني ايجيك واحد داخل موضوعك وايقولك اقترح بأن هالعضو تسحب عضويته لانه مواضيعه مامنها فايده !!!! يعني نسى كل التعب والمواضيع الكثيره الي كتبها هالعضو وركز على موضوع وموضوعين ،،

{حمد ارجع لمواضيعك الاولى و شوف تعليقاتي عليك كيف تدرجت الى ان وضعتك انت و مواضيعك في ذمة قطري يحمل وزرك امام الله
حمد ايضا انت لازم تتعلم شيء واثق انه جديد عليك ولن تتقبلة ربمى اليوم ،، تستحق الشطب من هذا المنتدى انت و مواضيعك بكل جدارة هذه وجهة نظر اخرى و تقييم لن تتقبلها اعلم ،، الاجدر بك ان تكون هذه الردود بمثابة اشاره عمراء تجعلك تقف و تراجع تصرفاتك و موقفك ،، بدلا من ترديد مانشيت "مشروخ" مقتبس ممن سبقك ضاناً انه مبرر لعدم الرد .. هذا هو الواقع و هذا ماتستحق ،، و الرجل خصيم عقلة }


يجب علينا ان نتعلم كلنا سياسه النقد لان هذا بحد ذاته فن يدرس !!!

{تعلم يا انتستفيد من كل شيء السلبي من وجهة نظرك قبل قبل الايجابي ايضا من وجهة نظرك}

مع التحيه اخوي عزيز وفي النهايه ستظل اخ عزيز وغالي ،،

{الله يعز قدرك بطاعة الرحمن}





حمد لاتضن ان الصحيح هو ماتعرفه انت ،، قد يكون هناك الاصح
و تاكد ان كثيرين يقرئون ولكنهم لانهم لا يردون ،، اما لسلبيه فيهم اما لخوف من ان يكونو معترضين امام الجميع و هذا شيء قد يضر وجودهم .. و الغالبيه العضمى مكبرين النفوخ
بالتوفيق ان شاءالله .. و اكتفي هنا

[Aaziz]

^

ما جنه مرة تداقلنا يمامة وقلنا لا تدخلون في الذمم ودعوا الخلق للخالق .. والا يتهيأ لي :omen2:

المصريين عندهم مثل يقول
السدء سبأ = الصدق سبق
:shy:

[فرهود]

موضوعك هادف ولا ارى فيه حسد بل توجيه ان العامل لايقوم بواجبه . استمر ياخوي ترى البعض يغيضه نجاح الاخرين ولو الي يقول عن مواضيعك تافهه او مالها معنى اتحفنا بمواضيعه كان ممكن نقارن لكن للاسف ماتشوف لهم مواضيع ويبون غيرهم مايكتب. نصيحه لك اخوي ارجع مثل قبل نبي نشوف لك موضوعين كل يوم تناقش فيها احوال المجتمع. والي يبي ينصح حمد عنده الخاص ماله داعي ادعاء النصيحه والهدف الاسائه.

[R 7 A L]

اللوم على مسئولينهم
الى كلنا نعرف ان اكثر موظفين مرتاحين ( مريحين أعمارهم ) في قطر هم في هذة الوزارة

[يمامـة]

موضوعك هادف ولا ارى فيه حسد بل توجيه ان العامل لايقوم بواجبه . استمر ياخوي ترى البعض يغيضه نجاح الاخرين ولو الي يقول عن مواضيعك تافهه او مالها معنى اتحفنا بمواضيعه كان ممكن نقارن لكن للاسف ماتشوف لهم مواضيع ويبون غيرهم مايكتب. نصيحه لك اخوي ارجع مثل قبل نبي نشوف لك موضوعين كل يوم تناقش فيها احوال المجتمع. والي يبي ينصح حمد عنده الخاص ماله داعي ادعاء النصيحه والهدف الاسائه.

استغرب من التطاول اللي حصل في هالموضوع ووين المشرفين عنه ،،

منهو العضو اللي يتقبل على نفسه انه يدخلون موضوعه ويهزئون فيه بصفة شخصية بالطريقة هذي؟

وبل هناك حلفان باغلظ الإيمان والتدخل في نوايا بعض الاعضاء وكتابتها بذمة وسيعة،،

قد نختلف او يختلفون كثيرين من الأعضاء باللي يطرحه حمد ،، لكنه حمد ما تكلم عن عضو
بعينه وضحك عليه واستهزء فيه او علق على اللي يكتبه وقيم مواضيعه ،،

فلو اتبعنا هالإسلوب ترى الارشيف متروس تجاوزات من البعض ضد الاعضاء
وبذمم وسيعة تستحق شر طردة من المنتدى ،،


لكن اتمنى من الإدارة لو بتغلق هالموضوع انها تلزم الأعضاء المتجاوزين عن حدهم
وتفهمهم ان التعدي على أي عضو هو تعدي على كل الأعضاء
وان المنتدى مب مكان لتوسيع الذمم فيه ،، لأن قبل ما يكون عيب فهو حرام
الدخول في ذمم الناس والتكلم عنهم ،،

[يمامـة]

دعي الخلق للخالق يايمامه

حمد مميز وتميزه الاخلاق العاليه

ويشرفني بمعرفه حمد

بس هو الله يهداه

مايتصل

:telephone:

ما يهمني تميز حمد لأني ما زلت مصرة انه محتاج لأشواط كبيرة علشان يصبح مميز يا اخوي حسن
لكن اللي يهمني ان ما يكون هناك تطاول على أي عضو بالشكل اللي شفناه اليوم في هالموضوع ،،

فهل يقبل أي مشرف او مراقب انهم يتكلمون عنهم بالطريقة هذي ويتركون الكلام موجود
في الموضوع من امس لليوم ؟

حمد انسان مجتهد يطرح مواضيعه بكيفه وبالطريقة اللي تحقق له اهداف خاصة في باله
فإذا اختلفنا معاه هذا ما يعني ان نهزئ فيه ونقلل منه ونقول له كلام مافي تقدير لوجوده
وانه انسان ينضحك عليه و .... و..... و..... ،

في الوقت اللي حمد انسان والنعم فيه وان اختلفنا باللي يطرحه كفاية روحه الرياضية
في تقبل كل الكلام اللي ينقال ،،

بس نقول غير الله فوق ،،

[يمامـة]

^

ما جنه مرة تداقلنا يمامة وقلنا لا تدخلون في الذمم ودعوا الخلق للخالق .. والا يتهيأ لي :omen2:

لا والله ما يتهيأ لج لأني ذاكرة ومتذكرة الموقف يا تغلبية

بس شتقولين لما الذمم توسع بشكل مطاطي وتموت الضماير في الحكم على الناس
بدرجة سافرة بحيث يدعون علم الغيب ويفجون القلوب ويقرون اللي فيها ويحلفون عليها بعد ،،

حسبنا الله ونعم الوكيل

[Abdulraman]

الشي الملحوظ من العمال تلقاهم ينظفون عند الاشارات وينطرون حد يأشر لهم ويعطيهم المقسوم

[يمامـة]

الشي الملحوظ من العمال تلقاهم ينظفون عند الاشارات وينطرون حد يأشر لهم ويعطيهم المقسوم

وهالشي زعل وايد في هالموضوع واعتبروه قسوة من حمد وقطع ارزقا لعمال النظافة

في الوقت اللي من الملاحظ انهم بالفعل متمركزين في مكان واحد البعض منهم
بحيث هالمنطقة مب حاجة الى نظافة ولكن بهدف الحصول على ما تجود به نفوس
اصحاب السيارات ،،

فهل هالتصرف بشكل عام صحيح ومقبول ؟

[الأسبانية للمصاعد]

استغرب من اللي يتضايق
ياخي مقسوم الله كاتبه
المفروض تفتتح يومك بصدقة تفتح حياتك في اليوم
لو جتك وحدة في قهوة تخدمك كنت صكيتها بمية ريال بخشيش

[يمامـة]

استغرب من اللي يتضايق
ياخي مقسوم الله كاتبه
المفروض تفتتح يومك بصدقة تفتح حياتك في اليوم
لو جتك وحدة في قهوة تخدمك كنت صكيتها بمية ريال بخشيش

المشكلة مب في الصدقة يا اخوي
المشكلة ان العمال هذيلا البعض منهم صار اللي يسويه اسلوب عمل

يعني يرضيك الواحد منهم يخم جدام بيت جارك لأن جارك وعياله يتصدقون عليه
وبيتك ما ينخم جدامه لأنك الوحيد اللي تتصدق عليه ،، بينما عيالك صغار مالهم في الصدقة ؟

يعني يرضيك ان هالعمال ينظفون جدام بيوت القطريين وبيوت بعض الأجانب المقيمين ما ينظفونها
لأنها يركزون في عملهم صوب هالبيوت ؟

الصدقة مب غلط ،، لكن اتباع الاسلوب هو الغلط ،،

[abdo222]

بغض النظر عن موضوع الراتب الخرافي الي تقول عليه ,,
عمال النظافه اكثر ناس مظلومين ومكروفين وغير مرئيين لغالبيه الناس ,, نقطة انهم يجون عند مواتر القطرين وينظفون المفروض حنا ننزل الجامه ونعطيهم كلمه حلوه "الله يعطيك العافيه ,, نسلم عليه ... الخ "
مب كل الموضوع فلوس ويبون فلوس ويدورون على فلوس ,, نظريه الكبر هذي بتجيب لنا بلاوي بالمستقبل ,, هال الرجال ما يبي الا حد يحترمه ,, يسلم عليه يوم يمر من صوبه ,, يفتح له طريق وما يهرن له بطريقه تخرعه ,,

عمال النظافه يستاهلون كل التقدير والاحترام والشكر,, المره القادمه لين تشوف عامل نظافه لا تفكر في "اوه راتبه 4000 وما يشتغل ,, اوه يجي عند موتري يبي فلوس" ,, فكر ب "الله يعينه ويقويه وافتح الجامه واشكره,,

[خالد32]

اشوف الحل انك تبداء بنفسك وتروح البلدية تشتكي من عدم النظافة و عدم كفائة العمال و تسجل الشكوى. و قول لنا شصار معاك.

[تغلبية]

لا والله ما يتهيأ لج لأني ذاكرة ومتذكرة الموقف يا تغلبية

بس شتقولين لما الذمم توسع بشكل مطاطي وتموت الضماير في الحكم على الناس
بدرجة سافرة بحيث يدعون علم الغيب ويفجون القلوب ويقرون اللي فيها ويحلفون عليها بعد ،،

حسبنا الله ونعم الوكيل

الشكوى لله يا أختج ..

هذول عليهم أكبر X والقلب داعي لهم بالصلاح والهداية ...




استمر حمد ... :victory:

صج مرات ودي :court: ... ولكن غالباً تطرق مواضيع ما تخطر على بال وتحرك البحيرة الراكدة ..:victory:

وأحييك على سعة صدرك ... ليتهم يخلون مواضيعك على جنب ويشوفون الجانب المضيء ... (يالله تهديني :omen2:)

[كاشف الغطاء]

انا اتفق مع الاخ حمد وبالنسبة للي يقول يكسرون الخاطر لين متى بنكون جذي دوم ينقص علينا واخر شي نقول كلونا الاجانب والله من طيبتنا

[Al Basha]

الغالي لو احنا نقط المهملات في مكانها ، وملتزمين بالتعاليم ما كان احتجنالهم أصلا، العامل ينظف من هنا ويجيك ًاحد يوصخ من هنا ،، ودخلنا في دائرة مفرغة. يا ريت احنا نكمل أوجه قصورهم بأننا نحافظ على النظافة،،

[Al Basha]

إنما أهلك الذين قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد

[جبر ال جبر]

البلدية مشكوره مهتمه بهذا الجانب بس محتاجه تكثيف ونشاط اكثر

[مضارب دوسري]

فيه فرق اخوي عاشق 1100 هاؤلاء جايبتهم شركات مالت عمال النظافه وفيه راتبهم 700 بعد ،

انا اتكلم عن عمال النظافه تبع البلديه وليس الشركات الخاص وهناك فرق كبير ،،،

وبالنسبه للراتب انا متأكد من بعض المصادر انه راتبهم مابين 3500 لين 4000 ،،

وبالنسبه للنظافه نعم هناك تقصير !! ،،

سؤال اخوي عاشق كيف حكمت انهم قايمين بواجبهم على اكمل وجه ؟

مع التحيه ،،

اذكر الله
مصدرك هذا مب مضبوط