رايكم في القبو كمجلس ومقلط وصاله صور

[الحمر]

السلام عليكم

مساحة ارضي صغيرة جدا 450م 14 الواجه و32 العمق وقلت لازم استغل المساحة صح لذلك قررت اني اسوي قبو ويكون حوش ساقط من جه وحده
الخرايط شبه نهائية بس بغيت اخذ رايكم في المخطط ككل انا نزلت موضوع قبل واستفد وايد من ارائكم وافكاركم وطبقت بعض افكار الاخوة . ويعطيكم العافية

الدري الي في الحوش الساقط راح يقصر شوي والعرض بخليه 1.20 بدال 1.50 متر عشان اقدر افتح داريش كبيرة للتهويه حق القبو


الصور لازم تتحمل عشان تشفونها واذا احد الاعضاء يقدر ينزلها صور فجزاة الله خير
البيسمنت حوش ساقط من جه وحدة

http://www.gulfup.com/G.png (http://www.gulfup.com/?eSQQ46)

الدور الارضي
http://www.gulfup.com/G.png (http://www.gulfup.com/?dYkXTR)

الدور الاول
http://www.gulfup.com/G.png (http://www.gulfup.com/?kdlgDv)

خريطة البيت
http://www.gulfup.com/G.png (http://www.gulfup.com/?16fxXE)

[معماري قطري]

مبدئياً التصميم حلو ومتوازن .. يمكن تحتاج تدرس احتياجك للغرف والمساحات .. مثلاً أشوف مجلس تحت في البيسمنت ونفس الشيء في الأرضي .. مع إن المجلس تحت بيخدم البيت كامل .. درج البيت حق مدخل الدور الأرضي مرتفع وايد .. 8 عتبات .. ممكن تحريكه شوي يسار وعمله بحيث يكون عتباته أكثر وأقل إرتفاعاً وشوي أعرض .. مقاس 35 .. سم في 1.4 متر في ارتفاع 12 سم بيكون مسكت للمدخل ومريح.

واتوقع باقي الدرايش وباقي التصميم يبي له تطوير وشغل أكثر .. ركز على احتياجك للغرف والمساحات وعلى توزيع الأثاث .. بعدين توزيع الحوش ومدخل السيارة والموقف مهمين، وكم موقف تحتاج وهل التخطيط بيوافقون على الارتدادات وعلى مدخل السيارة أو موقفين مفتوحين على الشارع أو أكثر 3 مواقف ممكنة.

الله يوفقك ويجعله منزل مبروك.

[Rashaalzain]

شكرا لكم

[معماري قطري]

معليش مساعه ملاحظاتي سريعة لسبب كنت مستعجل باطلع .. ألحين دققت أكثر ولاحظت إن الدرج متواصل من البيسمنت لفوق ومفتوح بفتحة بسيطة على كل الأدوار .. وهذا بيكون شوي مزعج ولا بيسوي خصوصية للمجلس .. رايي لو توسع شوي المساحة اللي في وسط الدرج وتركب مصعد بيكون أو حتى تجهز حق مصعد للمستقبل بيكون المكان مسكر وبتضمن الخصوصية وبتضمن أما مخزن في الوسط أو مصعد ومؤكد بتحتاجه في المستقبل.

البنتهاوس يبين لي صغير وأتوقع ممكن تكبره وتكسب مساحة أكبر .. التخطيط حاول تاخذ منهم أقصى ما تقدر.

عندي نقاط أكثر بس اتوقع بيغطيها الإستشاري مع تطوير التصميم .. حط كل جديد وباواصل معاك.

[الحمر]

مبدئياً التصميم حلو ومتوازن .. يمكن تحتاج تدرس احتياجك للغرف والمساحات .. مثلاً أشوف مجلس تحت في البيسمنت ونفس الشيء في الأرضي .. مع إن المجلس تحت بيخدم البيت كامل .. درج البيت حق مدخل الدور الأرضي مرتفع وايد .. 8 عتبات .. ممكن تحريكه شوي يسار وعمله بحيث يكون عتباته أكثر وأقل إرتفاعاً وشوي أعرض .. مقاس 35 .. سم في 1.4 متر في ارتفاع 12 سم بيكون مسكت للمدخل ومريح.

واتوقع باقي الدرايش وباقي التصميم يبي له تطوير وشغل أكثر .. ركز على احتياجك للغرف والمساحات وعلى توزيع الأثاث .. بعدين توزيع الحوش ومدخل السيارة والموقف مهمين، وكم موقف تحتاج وهل التخطيط بيوافقون على الارتدادات وعلى مدخل السيارة أو موقفين مفتوحين على الشارع أو أكثر 3 مواقف ممكنة.

الله يوفقك ويجعله منزل مبروك.

بخصوص المجلس الي تحت بيكون للرجال والي فوق بيكون للنساء, والدرج الي في مدخل البيت اذا حركتة شوي يسار راح تروح علي مساحة البرندا الي ممكن تكون جلسة خالرجية صغيرة , وارتفاعة ان شاء الله راح اسوي مثل ماقلت,مادري ايش قصدك بالتصميم يبيله تطوير ممكن توضخ أكثر.

وجزاك الله خير على الاستشارة القيمة

[معماري قطري]

باوضح لك .. انا أشوف المخطط وأشوف غيره وأشوف الظروف المحيطة وأفكر في الأنسب .. انا فكرت في الحوش عندك مساحة ألحين حق موقفين مقابلين الدرج اللي ينزلك للبيسمنت .. وفي هالوقت لازم مواقف سيارات داخل البيت ومسكره وكاميرات وما تسلم من الحرامية .. وحاولت بتحريك الدرج ناحية اليسار تتوفر مساحة لموقف ثالث .. بس مشكلتك تحتاج أما 3 أبواب ل 3 سيارات تدخل مباشرة وهذا التخطيط بيرفضه أو باب عريض سلايدنغ 6 أو 5 متر ينفتح لسيارتين.

يبقى في الحوش لازم ترتيب مكان لتانكي الماي ومكان لحفرة صرف صحي لو بيتك في منطقة ما فيها صرف صحي ويا كثر هالمناطق في قطر.

التصميم مبدئي باقي له أبواب ودرايش وواجهات ومقطع وخرايط خدمات .. وانتبه للخدمات وتنسيقها شلون خل الاستشاري يوضح لك كل شيء .. دوم الخرايط تندرس بمقارنة كم خريطة مع بعض وملاحظة التناسق والتناسب بينهم.

ولا تنسى تطالبه بخريطة توزيع الأثاث وعلى حسب ما تتفق معاه يتم توزيع وتصميم الإضاءَة والتوزيع الكهربي والتكييف.

[Bozizoo]

مع احترامي لرايك ياخبير المنتدى معماري قطري..
بس انا ما افضل السيارات تدخل الحوش او بالحرى مواقف السيارات افضل انها تكون برا البيت لعدة اسباب اولها الامان خاصه اذا عندك اطفال واخرها السعه ليش اضيق على نفسي والدوله جزاها الله خير معطتك حق الوقوف امام البيت مع مضلات..
حتى لو مساحه الحوش كبيره اوقف السيارات برا .واستغل الحوش حديقه

[معماري قطري]

حي الله مهندسنا الطيب بو زيزو

بعد حطيتني خبير المنتدى .. والله زين ترفع معنوياتي وايد ناس يملون من شرحي الزايد.

يا اخوي الزمان ذاك ولى وراح .. بيجي وقت بعد بيشيلون المظلات الخارجية وبيقولون تعدي على أملاك الدولة .. وتبي الصج انا اخاف اوقف أقدم وأرخص سيارة عندي برا بسبب المخربين والحرامية .. وانا بيتي في منطقة أمان وكله ناس يمرون يعني مب معزول وبعد أخاف.

بعدين هو في وضعه يسوي المظلات اللي لها باب مباشر على برا .. يعني السيارة تدخل وتوقف وبس ما تدور داخل البيت .. وهو حوشه وايد صغير ممكن يزرع قليل بس ويحط اصيصات زراعة كبيرة ويزرع السطح أو يسوي زراعة عمودية على حائط البيت مقابل مدخل البيسمنت.

[بن غيث]

فكرة جيدة .. وانا شخصيا افضل البناء الرئسي ..
موفق ان شاء الله ..

[Bozizoo]

اتوقع البلديه ماراح يوافقون على المخطط
او ï»»زم تجيب استثناء
الي اعرفه مساحه الفيلا ماتكون اكبر من 1.3 من مساحه الارض

[Bozizoo]

بمعنى
مساحة الارض × 1.3=؟؟؟؟؟

[Bozizoo]

بمعنى
مساحة الارض × 1.3=؟؟؟؟؟

[الحمر]

اتوقع البلديه ماراح يوافقون على المخطط
او ï»»زم تجيب استثناء
الي اعرفه مساحه الفيلا ماتكون اكبر من 1.3 من مساحه الارض

القبو لايحسب من مساحة الفلة ال1.3 من حجم الارض\

وشكرا لمرورك

[معماري قطري]

إنتبه لتصميم القبو عدل وخذ إحتياطاتك .. إنكتبت مواضيع وايد حول القبو وحمايته من الرطوبة حاول تشوفها وتستخلص اللي يفيدك .. والعزل لو كلفك شوي في البداية بيعطيك وقاية زينة من خساير قوية لو سرب القبو ماي

[التايه]

الصور مب طالعة؟