افضل محلات يسون بيبان داخليه للمنزل

[شتان]

بغيت اسأل عند محلات شغلها حلو في الابواب الداخليه للمنزل

غير المتحده

[Chambray]

منجره الدرويش
منجره المفتاح
منجره الشرق

شغلهم جداً ممتاز ..

وعليك باختيار الديزاين والمقابض الي انت ترتاح له

وبالتوفيق

[Azizuk]

الدرويش من شهرين رحت لهم يقولي مديرهم تعال بعد سنة انا مشغول وعندي مشاريع
مأخذ مشروع 15 مدرسة ومشروع لنادي السد ومشروع برج
مستغرب من الشركات كله يقولون لك زحمه وعندي مشاريع يجب على الوزارات إصدار أنظمة تنص على عدم تداخل المشاريع العملاقة مع المشاريع الصغيرة مثل توفير الأبواب للمنازل والمحلات الصغيرة
واحد من الربع راح الصين وطلب أبواب من المصنع عدد 1500 باب لمشروع مجمع سكني يقول لو أروح منجره في الدوحه مايقدر يوفر لي هذا العدد وإلا السعر تكلف الباب عليه الواحد مع التوصيل 1200 ريال نوعية ممتازة والتوصيل في خلال 3 شهور و الباب الواحد نفس المواصفات في الدوحة بيطلع عليه 3500 ريال ولا بعد المنجرة ما تقدر توفر له الكمية وفي الموعد المطلوب والحين كل محتاج أبواب راح 3 أيام الصين ودفع لهم دفعه وقبل الاستلام بعد 3 أيام تكملة الدفعة والتوقيع على الاستلام والشحن وفك راسة من مناجر الصناعية وعيارتهم
الله يعين أصحاب المنازل السكنية

[شموخ دائم]

,

,


مرحبا


الله يعطيكم العافيه

ياريت نسمع اسماء المناجر الي في الدوحه وتعاملاتكم معاها
من حيث السعر والفنش والجوده
واتقان الصبغ بطريقه راقيه

اخوي الكريم
Azizuk
بالنسبه للمشاريع الكبيره كلامك ممتاز من الناحيه النظريه
ومن ناحيه لو كنا بنكتب تقرير او دراسه جدوى
بيكون حديثك هنا ممتاز جدا

لكن من ناحيه عمليه

1500 باب من الخطاء نطلبهم من ( مورد واحد )
راح تحصل مشاكل وتاخير بالتسليم وربما نخسر بالمشروع بسبب هذا البند
وحصلت معاي سابقا

انا بكلمك من ناحيه خبره وسابق تجارب

لو تاخرت الشحنه ( بيتاخر المشروع ) وندخل في ( غرامات المشروع )
وما بيدنا نستعجلهم لانهم في بلد اخر
لو كانت شركه محليه نقدر نضغط عليهم
وكل يوم نرسل لهم مهندس يقعد على يحن على روسهم
ونستعجل العمل

وتخيل لو ( المقاسات ) فيها خطاء
وكيف راح نعالج المشكله

وهذه حصلت معاي في احد المشاريع وتكبدنا خساره تعديل المقاسات وتاخير المشروع

وحصلت معاي ( الصينين ) لعبوا في المواصفات
خاصه سماكه الخشب القشره بدل 2 مم حطوا 1.5 مم والاستشاري رفض هذه الابواب

تخيل حجم المشكله بندفع لشركه ثانيه ونخسر المال و ( الوقت )

:)

الصينين اكبر ( حراميه ) بالدنيا بلا منازع

للاسف لي 3 تجارب سيئه جدا معاهم
والحمدالله على كل شي هذا مقدر اني اقع فيه

وهناك غيري له تجارب جيده مع الشركات الصينيه وما واجهته مشكله

لكن من الواجب ان تعرف ان هناك نسبه ( مخاطره ) وحبيت اوضح جانب المخاطره هذي
للفائده فقط


طبعا فيهم الشركات الجيده وفيهم الكوالتي العالي وفيهم الشركات ذات مصداقيه

ولكن ( الاكثريه ) يلعبون في المواصفات عن تعمد وبقصد الغش واستغفال العميل
حتى رخص المنتج بسبب اللعب في مواصفاته

المسئله ليست بالسهوله الي تتخيلها


دائما في المشاريع الكبيره

نتعامل مع شركتين نقسم الشغل عليهم خاصه في الابواب

اما السيراميك وكميات كبيره لامانع نطلبها من الصين لسهوله الطلب
والمواصفات واضحه ومافي مشكله ( المقاسات ) مثل

الابواب والشبابيك


حبيت اوضح هذه النقطه من ( باب الفائده ) والنصح

وعذرا من صاحب الموضوع
على المداخله


,

,


اخوك

شموخ دائم

[معماري قطري]

وأضيف على ما قاله إخوي شموخ بعد التأييد الكامل قصة واحد من الربع خذ درايش من الصين .. يقول انها يو بي في سي .. يوم شفتها طلعت نوعية رخيصة ورديئة من بلاستيك يخترب قبل ليتركب .. إحتد ياخذ غيرها من قطر وركبها لبيت في زرع.

انا تأخروا أبواب بيتي لمدة سنه مع منجرة النور والكلام في 2005 ما كان البنيان وايد .. وكاتب الموضوع مستبعد المتحدة مع انها أسرع شركة في التوريد والتركيب والأبواب جودتها عالية وفيها ربلات في الأطراف ما تسوي صوت لو انصكت قوة .. وتشطيب مصنع متساوي والصبغ حراري في أفران خاصة .. الحل الثاني هو الإتفاق مع ورش السعودية أو الإمارات مع ضمان التركيب وأخذ المقاس بدقة .. في السعودية مصنع يسوي ماركة كرابتري الانجليزية وهي من أفضل الماركات .. وعندك الرميلة للخدمات ألحين موقعهم في بيت شرقي محطة بترول الحديقة ومقابل حياة بلازا، وهذي الشركة لها اتفاقيات مع عدة مصنعين ومنهم الكحيمي في السعودية ويصنعون حتى أبواب تخصصية للمخازن ولمواقف ومظلات الطائرات والعادية عندهم مجال واسع من الخيارات .. بس التعامل معاهم صعب رطنتهم هندي على انجليزي.

[هارون الرشيد]

أنصحك في تجربة بيبان ( يوبي في سي ) ممتازة
مميزاتها .
1- تقاوم الحريق
2- تقلل الضوضاء بشكل كبير جدا
3- تمنع دبخول الاتربة
4- سيفتي عن صفقة الباب ( أصابع اليهال ) هههههه
5- تفتك من الأفات وخصوصة حشرة ( الأرضة )
6- ضمان عشر سنوات

عن تجربتي أنصح في شركة ( جيرسي ) وسعر الباب العادي 1500 ريال

[لما]

شركة المسند

[أم وضاحي]

أبتعد عن الليوان
الشمس في يد و القمر في يد
و اخرتها اللي طلبته غير إللي سلموك أياه
هاي إذا سلموك في الوقت المتفق عليه
عن تجربه

[Chambray]

أبتعد عن الليوان
الشمس في يد و القمر في يد
و اخرتها اللي طلبته غير إللي سلموك أياه
هاي إذا سلموك في الوقت المتفق عليه
عن تجربه

الله يعينك اختي ام وضاحي ,, شكلها كانت تجربه سيئه

[شتان]

جزاكم الله خير