مطر يا بعد عمري يبللني اسى وغبون

[القلم الصريح]

مطر يا بعد عمري يبللني اسى وغبون
وارتّل ما تيسّر بي مـن الصبر , ومعـي ينمـا

قلق يستشري بـدمي و ينبت فالعـروق غصـون
و يورق حزني الأخضر بعيني وارتمـي اعمـى !

اقلّب من ورى عيوني مسـاءٍ من الوله مركـون
ورى جدار السهر والقا : حنين وذكريات اسمـا

رحل ذاك !, انكسر هذا !, وهذا بالاسى مسجـون
واناظر ملعب الدنيا : حزين .. وصامت المرمى !

وعلى ذاك الجدار المح " هنا كنّا " وفينا جنون
هنا كنّا !..وكل ما اذكر : "هنا كنّا " كثير اضما !

تعبت .. من ال"هنا كنّا ابعرف بس متى بنكون ؟
تعبت وهـالضما هذا .. قطع حتى يديـن المـا !

وش الباقي مادام ابسط طموح بهالـ" متى مرهون
مادام " اخر فرح " مَر .. وبِكفّيـن الـوداع اومـى

دخيل الله ..عشقتيني مثـل ما عشقك المطعـون
تعلّق في أمـل ضيٍ ... معلّـق فـي مـدى ظلمـا

لذا بأشرب ثلاث آلآم ,ولا تسأل : شربت شلون ؟!
يا إمّا أحطب اوجاعي .او اهدي فاسي لـسلمى !!

[بصمة قطرية]

صح لسان شاعرها
و تسلم ايد ناقلها
قصيدة حلوة ..

[خـالد]

بدايه رائعه .. كلمات جميله منسقه

تدل على موهبه قادمه

إحساس راقي ..

بإنتضار جديدك ..