المــعرض التــجاري

[@الأدعم@]

السلام عليكم ورحمه الله وبركآته

طبعأ المعرض تغير اسمه ومكانه هالسنه صار مهرجان عالم التسليه وفي منطقه الوعب:anger1:


انا رحت له اليوم العصر وكان مرتب ونفس البضائع العام بس في اشياء جديدة ضايفينها هالسنه طبعاً في الغالي وفي الرخيص :omen2:


لاحظت الاتراك واللبنانين مبالغين في الاسعاراطقم ضيافه من التركي ب 3500 :omg:





مدة المعرض 10 أيام

اعتقد في 13 يناير اخر يوم

ياليت اللي راح المعرض يعطينا انطباعه عنه وعن الاسعار :nice::nice::nice:

[حمد 2002]

دعايه بطريقه غير مباشره :tease:

[@الأدعم@]

ليش دعايه ياحمد ؟

[حمد 2002]

ليش دعايه ياحمد ؟

انت من المنظمييين اعترف مب علم حد ههههه ؟ :secret:

[حمد 2002]

ههههههههه امزح معااك خخ

المهم ماعلينا مممم بما انك حضرت وين مكانه بالظبط بالوعب ؟

وفيه حضور جماهيري ول لا ؟

والمكان الجديد مريح من حيث اتساع المكان ول لا ؟

[حمد 2002]

مع التحيه

[@الأدعم@]

والله مومن المنظمين ولاعندي محل :(

والله نفس العام والخيام كبيره بس عيبه المصلى صغير واغلب الناس صلو برا عند الملاهي ومافي مكاين البنوك

[@الأدعم@]

المكان ماعرف اوصف لك بس الارض الكبيره عند تقاطع الوعب

[غزلان]

متى بدا؟

كم يوم بيكون المعرض؟

[حمد 2002]

متى بدا؟

كم يوم بيكون المعرض؟

ممنوع دخول الحريم :anger1:

[@الأدعم@]

https://fbcdn-sphotos-b-a.akamaihd.net/hphotos-ak-ash4/1471155_1438593829689053_613055745_n.jpg

[غزلان]

ممنوع دخول الحريم :anger1:

عيل ليش مسوينه :sneaky:

[غزلان]

https://fbcdn-sphotos-b-a.akamaihd.net/hphotos-ak-ash4/1471155_1438593829689053_613055745_n.jpg

شكرا ماعرفت الى الحين

[@الأدعم@]

حمد المعرض مسوينه للحريم هههههههههه

[@الأدعم@]

انا خذت من اجبان وبهارات من الغاده

ورهش من قدوع وعسل وبهارات من اليمنيين

[حمد 2002]

حمد المعرض مسوينه للحريم هههههههههه

للأسف

[حمد 2002]

انا خذت من اجبان وبهارات من الغاده

ورهش من قدوع وعسل وبهارات من اليمنيين

الادعم ممم ايفتح الصبح الساعه كم ؟

[@الأدعم@]

من 10 الصبح

هالسنه جايبين غتر شال اشوف زحمه عليه الشباب

[حمد 2002]

بروح بكره الصبح وبجوف ،،

شكرا اخوي الادعم ،،

[الحياة الخالدة]

عيل ليش مسوينه :sneaky:

حق الشيخ حمد ألفين و اثنين و ربعه

[حياتي روايه]

في وين بالضبط ؟ يا ريت ادلونه وينه ؟ قريب من شنهو بالضبط ؟

[غزلان]

حق الشيخ حمد ألفين و اثنين و ربعه

هههههههههههههههههههههههههههههههههههههههههههههههههه هههههههههههههههههههههههههههههههههههههه

الحياه الخالده انتي مش ممكنه

[غزلان]

في وين بالضبط ؟ يا ريت ادلونه وينه ؟ قريب من شنهو بالضبط ؟

عند حديقه سباير

[المحاميه]

طرشوا لي مسج

مالي نيه اروح

احس مافيه جديد

وبعد قاطينه اخر الدنيا

[خزامئ]

مكانه اشارات محيرجه تاخذينها شمال بتشوفين العلامات

اشارات محيرجه هي الي شرق اشرات فيلاجيو

[ضوى]

حلو والله اول مرة يصير معرض وقريب من بيتي :) باطير له

[عيون الدوحة]

اليمنيين عندهم زبيب ب 150 الكيلو عجيب لاتفوتونة

[حمد 2002]

حلو والله اول مرة يصير معرض وقريب من بيتي :) باطير له

:eek5: ضوى انتي اتطيرين ؟ escape

[بصمة قطرية]

قريب من بيتي
أنا بعد بطير له
هههاااي

[حمد 2002]

قريب من بيتي
أنا بعد بطير له
هههاااي

انتي لو بالصين رحتي له مايهزج ريح :secret:

[بصمة قطرية]

انتي لو بالصين رحتي له مايهزج ريح :secret:

لا إله إلا الله ..
من شر حاسدٍ إذا حسد ..

[حراير قطر]

قريب من بيتي
أنا بعد بطير له
هههاااي

مري علي اخاف اسوق بالمطر :rolleyes2:

[ضوى]

انتي لو بالصين رحتي له مايهزج ريح :secret:

لا اله الا الله ، اذكر الله اشفيك العين تموت

[ضوى]

مري علي اخاف اسوق بالمطر :rolleyes2:

انا بامر عليج

احب السواقة في المطر

[حراير قطر]

انا بامر عليج

احب السواقة في المطر

حبيبتي انتي :shy:

[بنت مريخ]

الي راح المعرض يعطينا اخباره عيزانه اروح
ايقولون محل المميز للعطور موجود في المعرض
جربو دهن عود ملكي ريحته حلووه و قويه

[نور الحور]

مالي بارض معارض وزحمة ولويه .. الجو حلو هلايام ما اقدر افوته ..

اللي راح يعطينا شوية تفاصيل .. وشنهو احلى شي عجبه بالمعرض

[القبطان سلفر]

مالي بارض معارض وزحمة ولويه .. الجو حلو هلايام ما اقدر افوته ..

اللي راح يعطينا شوية تفاصيل .. وشنهو احلى شي عجبه بالمعرض



انا ذهبت المعرض واشوفه نسخة مكرره للمعارض السابقة حتى في الاخطاء وسوء التنظيم . بس لاحظت شئ هذه السنة ان جميع المشاركين لا يضعون اسماء محلاتهم على الاقسام التي يبيعون فيها وهذا الشئ لا يحدث في السنوات السابقة !!

بالنسبة لي عجبني محل عايده لبيع الاجار البحريني شغل مرتب وحلو :)

وطبعا الاسعار مبالغ فيها الى درجة غير معقولة ونصيحتي لمن اراد الشراء ان يذهب للمعرض ويأخذ فكره عن البضائع والاسعار وقبل نهاية المعرض بيوم او يومين يبدأ بالشراء ومساومة البائع لانه سوف يحصل على اسعار حلوه ومعقولة مقارنة بأسعار الايام الاولى من المعرض والسبب في ذلك ان البائعين لا يريدون تحمل نفقات الشحن وارجاع البضائع للبلد الام :playball:

[بصمة قطرية]

جزاك الله خير قبطاننا
كنت مفكرة أروحه بس خلاص هونت ..

[بصمة قطرية]

مري علي اخاف اسوق بالمطر :rolleyes2:

نروح طيران ..!!!
خخخخخخخخ

[لاجل QT]

المعرض وصل وانا مدري؟؟؟

سخافة ليش غيرو مكانة؟؟

انشالله الحق علية ويمددونة الى تاريخ 20

[للصبر اخر]

راح يكون في معرض ثاني بتاريخ 23 حسب كلامهم
بس للامانه العبي ماخذه اغلب المعرض
ومااافيه شي يستاهل
والاسعااااااااار متفاوته

[حراير قطر]

مثل ما قالت اختي للصبر اخر في معرض بتاريخ 23

وصتني ام زوجي اشتري لها تلبيسات من عند المصري يا قبطان

تميت اطق يمين ويسار ادوره عقب طلعت روح وقفت عنده وسألته

قالي اي احنا وحاطين الاسامي من داخل ما ادري ليش مسويين جذيه

ورديت ابي اروح حق محل اكسسوارات كان حاط الاسم داخل

اروح عنده واطلع وانا متأكده انه بنفس المكان قلت اساله اهو قالي اي احنا

بس غطينا على الاسم عشان ما يخالفونا :rolleyes2:

هاي اللي يقهر بالمعرض ..

خذت البان من العماني ريحته على الافندر روعه وطبعا خذت من عنده المجموعة كامله من كل الروايح

كلهم حلوين للبيت .. وخذت ميك اب من محل اماني الكويتيه عجيب وتعاملها حلو وراقي

وخذت تلبيسات من عند المصري وتمر من محل تمور القصيم وعطر vip وكوب هارودز من عند محل المراسيم اماراتي ...

[للصبر اخر]

ايه حراري وانا اقول ليش كل المحلات نفس الاسم
انا ماخذت شي ماعجبني شي ابد

[ضوى]

مافي وقت نروح

الامتحانات هدت حيلنا

[دااانة قطر]

وقتهم كلش غلط

[بومحمد911]

رحت له ضحك على الذقون الأسعار مبالغ فيها

[نوار قطر]

خاطري اروح له بس ماعندي وقت امر مع انه قريب من بيتنا ،،، ان شالله احصل وقت وامر اشوف شعندهم

[غزلان]

رحت لهم لأنه قريب واايد من بيتنا خطوتين واحنا في الخيمه الأسعار كل خمس دقايق تتغير ولبضاعه بكل محل لها سعر خذت من التركي طقم اكواب تركش ومن المصري طقم فوط
وعود من الأماراتي

[بنت قطريههه]

السلام عليكم ورحمه الله خذت من الإيراني عسل الكيلو ميه ريال وخذت زعفران احسن نوع من إيراني بمئتين ريال غرشه كبيره وحنه يمني الكيلو أربعين الملابس والشر اشف مبالغ في الأسعار