انظرو الى الفاتورة قبل الدفع فقد حاولوا غشي

[قطري2022]

ذهبت الى بعض المطاعم وكان طلبي سفري ، و عندما اتاني الجرسون الى سيارتي طلب مني مبلغا دون ان يرني الفاتورة ، و عندما طلبت الفاتورة اراني اياها ، فاكتشفت انه طلب مني عشرون ريالا اكثر ، ومرة اخرى اكلت في احد الفنادق ، وقد اتوني بالباقي من المبلغ بعد الدفع ، فقمت بحساب المتبقي ووجدته ناقصا اربعون ريالا ،و مرة اخرى ، طلبت من احد المطاعم ذات الوجبات السريعة ، و طلب مني ثلاثون ريال دون اعطائي للفاتورة ، وعندما طلبت الفاتورة ، حاول ان يبين لي بانه لا يستطيع اخراجها و قد اطال الوقت كي اذهب ، و لكني انتظرت لاني كنت متأكدا من غشه لي ، و عندما طلبت استلمت الفاتورة اكتشفت ان المطلوب 29 ريالا وليس 30 ، اعلم انها مبالغ بسيطة جدا و لا تذكر ، و لكني لا ارضى بالغش و الخداع ، و لا ارضاه على الاخرين ، فأرجو الحذر من هؤلاء ، اطلبو الفاتورة و احسبوا المبلغ المتبقي ، فالاستغفال اهانة .

[قطريه22]

اغلبية المطاعم تسويها ونصيدهم
حتى المطاعم الراقيه ويوم نقولهم احنا ماطلبنا هالشي يقولون اوه سوري بالغلط

اشكرك على الموضوع واتمنى الكل ينتبه

[لـبـيـه]

فعلا صارت معاي

في ابل بيز

جاب الفاتوره ويوم خذ البطاقه انتبهت بان الفاتوره طويله وركزت الى اقوله من طلب هلشي قال انت قلت وينه

وارتبك وناد الي جاب الطلب وتمو يطالعون بعض ويقوله وين الطلب وذاك يرد هو ماطلب هلشي قالو خلاص بنغير الفاتوره

[قطري2022]

اغلبية المطاعم تسويها ونصيدهم
حتى المطاعم الراقيه ويوم نقولهم احنا ماطلبنا هالشي يقولون اوه سوري بالغلط

اشكرك على الموضوع واتمنى الكل ينتبه

العفو يا قطرية و شاكر لج مشاركتج

[قطري2022]

فعلا صارت معاي

في ابل بيز

جاب الفاتوره ويوم خذ البطاقه انتبهت بان الفاتوره طويله وركزت الى اقوله من طلب هلشي قال انت قلت وينه

وارتبك وناد الي جاب الطلب وتمو يطالعون بعض ويقوله وين الطلب وذاك يرد هو ماطلب هلشي قالو خلاص بنغير الفاتوره

حرامية بعيد عنك و عن السامعين ، تسلم على مروروك الطيب

[airbus]

كل المطاعم تسوي هل الحركة

[بشائر]

فعلا هالشي يصير وشكرا لك على التنبيه ..
نفس الحركة صارت لي في رويال بلازا بعد ماتسوقنا تغدينا في المطعم اللي تحت
كان الحساب 230 وجاتني الفاتورة 330 مادري شلون انتبهت ! ولما ناديته
وسألته اعتذر الفلبيني وتحجج بالزحمة وكثرة الشغل ..
وأنا طالعه نبهت البنات اللي كانوا حذانا علشان ماتصير لهم نفس الحركة
المجرم يغلط بـ 100 ريال مرة وحدة !! يستغفلونا عيني عينك !
أنا قايلة بنزل موضوع بهالخصوص لكن انشغلت ونسيت فجزاك الله خير على التذكير
والتنبيه ..
شيكوا على فواتيركم عدل وتوقعوا النصب منهم ..

[المرحب]

فعلا هالشي يصير وشكرا لك على التنبيه ..

[جبر ال جبر]

انا في موقف مانساه كنت مع ربعي في احد المطاعم الشهيره في قطر ذو 5 نجوم ويوم جاتني الفاتوره الا هي 1300 وخرده حطيت له 1500 وراح الحبيب ولا رجع الا واحد من ربعي يقولي ليش تاخر الجرسون مارجع الباقي اصبر بروح وبجيك وراح لهم واحنا كنا اصلن طالعين واشوفه يتفاهم وياهم
ماوعيت الا الحبيب رجع لي1500 انصدمت وقلت له ليش!!!!
واقسمت اني ازعل عليه لانه حركته ضايقتني لاني ظنيت انه دفع الحساب ورجع فلوسي
قال لا انا دفعت ولا انت لانه باختصار حسابنا 700 ريال فقط والجرسون يدعى انه حط لنا فاتوره الطاوله الي جنبنا وقاله رفيجي تعال الطاوله الي جنبنا ونشوف كلامك صحيح ولا كذب وسحب مدير المطعم وياه وطلعت الطاوله الي جنبنا اقل من سعرنا وفضحهم
وقالهم انتو نصابين وبشتكي عليكم وعندي الفاتوره الي من تاليفكم ومش بلغلط على الطاوله الي جنبنا قاله يابن الحلال خلاص اعتبر الاكل على ضيافه المطعم وهاك فلوسك1500 قاله باخذ 1500 وغصب عنك وعزومتك ماقلبتها وبعد بشتكي عليكم وطلع من المطعم وقالي هذاي فلوسك
وخلهم يولون
بصراحه عجبيني موقفه,,,,, لو احنا كان استحينا وقلنا ماترزى السالفه

[حسن]

الصراحه انا دائما احتفظ بالفواتير
واحاسبها في كثير من الامور

وخصوصا فواتير التلفونات ساعات القى اغلاط

وكنت اجمع فواتير كيوتر سنوات ومسوي لي فايل خاص
وكنت كل 5 سنوات احرقها

لكن الحين ماعاد يطرشون ماتجيني الى مسج
:weeping:

قبل فتره طلبت الفاتوره ابي اشيك طلعت بلاوي
وقلت لهم ليش هل الاشتراكات قالولي انت مشترك فيها قلت لهم ماشتركت ولا شي
وهذه تجيني مسجات
قالولي روح السد وقدم بلاغ
وابشركم قدمت عليهم بلاغ وقطعو عليهم وافتكيت من هل المسجات


يقول حسينو اذا بغيت رفيجك دوم حاسبه كل يوم

:)

[خـالد]

من ساعه واحده في استار بوكس في ازدان حااول ينصب علي
يصدفه اكتشفت النصب عن الفلبيني حااول يستهبل معاااي عامل نفسه يضحك

[غايه الطواش]

اكثر مكان ينصب ستار بكس

[يمامـة]

تصير وايد للأسف لو الواحد دقق يكتشف انهم ما يسوون هالشي الا مع اللي يأمن لهم
وياما تحت السواهي دواهي ......> اشدخل ؟

[قطري2022]

تصير وايد للأسف لو الواحد دقق يكتشف انهم ما يسوون هالشي الا مع اللي يأمن لهم
وياما تحت السواهي دواهي ......> اشدخل ؟

التخسير منا احنا يايمامة ، لو من البداية ما امنا فيهم ماكانو تجرؤو ، لكن احنا اصحاب التخسير

[بصمة قطرية]

صدقتوا وايد تصير ..
لازم نجيك على كل فاتورة
مرات يضيفون أشياء ما طلبناها ..!!

[يمامـة]

اكثر مكان ينصب ستار بكس

باسكن روبنز حرامية درجة اولى :telephone:

[Locale]

تصير لنا
اخر مره كان بيتزا اكسبرس
حطوا طلب احنا ماطلبناه

[يمامـة]

التخسير منا احنا يايمامة ، لو من البداية ما امنا فيهم ماكانو تجرؤو ، لكن احنا اصحاب التخسير

صدقت التخسير دايما وابدا منا احنا ن، بس شنسوي مرات انأمن لناس مب كفو :(

[aziz4z]

انا في موقف مانساه كنت مع ربعي في احد المطاعم الشهيره في قطر ذو 5 نجوم ويوم جاتني الفاتوره الا هي 1300 وخرده حطيت له 1500 وراح الحبيب ولا رجع الا واحد من ربعي يقولي ليش تاخر الجرسون مارجع الباقي اصبر بروح وبجيك وراح لهم واحنا كنا اصلن طالعين واشوفه يتفاهم وياهم
ماوعيت الا الحبيب رجع لي1500 انصدمت وقلت له ليش!!!!
واقسمت اني ازعل عليه لانه حركته ضايقتني لاني ظنيت انه دفع الحساب ورجع فلوسي
قال لا انا دفعت ولا انت لانه باختصار حسابنا 700 ريال فقط والجرسون يدعى انه حط لنا فاتوره الطاوله الي جنبنا وقاله رفيجي تعال الطاوله الي جنبنا ونشوف كلامك صحيح ولا كذب وسحب مدير المطعم وياه وطلعت الطاوله الي جنبنا اقل من سعرنا وفضحهم
وقالهم انتو نصابين وبشتكي عليكم وعندي الفاتوره الي من تاليفكم ومش بلغلط على الطاوله الي جنبنا قاله يابن الحلال خلاص اعتبر الاكل على ضيافه المطعم وهاك فلوسك1500 قاله باخذ 1500 وغصب عنك وعزومتك ماقلبتها وبعد بشتكي عليكم وطلع من المطعم وقالي هذاي فلوسك
وخلهم يولون
بصراحه عجبيني موقفه,,,,, لو احنا كان استحينا وقلنا ماترزى السالفه

حرامية
بس هذا رفيجك ماشاء الله عليه:nice:

[الزعفراني]

شكرا ع الموضوع .. انا اسوي هالحركة اذا اطلب سفري اطلب وعقب اقوله كم الحساب ويعطيني السعر .. عقب اطلب المنيو والقى سعر اللي طلبته اقل .. صارت معاي في مطعم تركي طلبت صحن مقبلات ودرزن معجنات .. قالي المقبلات بعشرين لين طلبت المنيو لقيته ب15 ريال .. واللي اكبر ب30 ريال .. مشكلة والله هالحرامية

[الزعفراني]

اكثر مكان ينصب ستار بكس

هو مب نصب نصب .. لكن اكثر واحد لازم نثمن كلامنا معاه هو كاشير ستار بكس .. لان ابسط غلطه .. ممكن تخسرك كل اللي في مخباك هههههه

وذي بالويميلى فاي ؟
yes

اوكى 200 ريال ههههههههههه

[تاجر كشخة]

كفو والله كل واحد سدح له اسم مطعم
انا الحين بعد شوي بروح بيتزا هت وبطلب كذا شغلة وبشوف الفاتورة صحيحة ولا لاء

[قطري2022]

كل المطاعم تسوي هل الحركة

شاكر لك

[قطري2022]

فعلا هالشي يصير وشكرا لك على التنبيه ..
نفس الحركة صارت لي في رويال بلازا بعد ماتسوقنا تغدينا في المطعم اللي تحت
كان الحساب 230 وجاتني الفاتورة 330 مادري شلون انتبهت ! ولما ناديته
وسألته اعتذر الفلبيني وتحجج بالزحمة وكثرة الشغل ..
وأنا طالعه نبهت البنات اللي كانوا حذانا علشان ماتصير لهم نفس الحركة
المجرم يغلط بـ 100 ريال مرة وحدة !! يستغفلونا عيني عينك !
أنا قايلة بنزل موضوع بهالخصوص لكن انشغلت ونسيت فجزاك الله خير على التذكير
والتنبيه ..
شيكوا على فواتيركم عدل وتوقعوا النصب منهم ..

العفو اختي بشاير، و شاكر لج على دعمج :)

[قطري2022]

شكرا ع الموضوع .. انا اسوي هالحركة اذا اطلب سفري اطلب وعقب اقوله كم الحساب ويعطيني السعر .. عقب اطلب المنيو والقى سعر اللي طلبته اقل .. صارت معاي في مطعم تركي طلبت صحن مقبلات ودرزن معجنات .. قالي المقبلات بعشرين لين طلبت المنيو لقيته ب15 ريال .. واللي اكبر ب30 ريال .. مشكلة والله هالحرامية

العفو اخوي و اشكرك على مرورك ، ياخي و ايد ناس تربو ان الفلوس الحرام شي عادي و فطري ، الله يهديهم انشالله يا رب

[قطري2022]

تصير لنا
اخر مره كان بيتزا اكسبرس
حطوا طلب احنا ماطلبناه

خلاص لا تروحونه مرة ثانية ، لانهم قليلين ادب :)

[قطري2022]

صدقتوا وايد تصير ..
لازم نجيك على كل فاتورة
مرات يضيفون أشياء ما طلبناها ..!!

انا قايل ان التخسير منا احنا

[دنيا الاسهم]

اتصير المقصة العدلة لما انكون مجموعة وفي مكان راقي وعازمين معانا اهلنا
عاد هنا يضربون ضربتهم ويقولون خل نزيد الفاتورة ونحط حساب فوق البيعة لان يدرون لما الوحدة مع اهلها ولا صديقاتها بتستحي ولا بتحاسب :secret:

[dream~qa]

سالفة نصب المطاعم منتشرة بكثرة

انتبهوا ونبهوا عيالكم اللي يروحون مطاعم الوجبات السريعة .