ابي افضل عيادة ودكتور لآلام المعده ضروري

[نتفـه]

السلام عليكم
فيني الم شديد ف راس المعده يضرب ف الظهر .. رحت اكثر من عياده ( الدوحه و العمادي و الجزيره دكتور طارق) وللحين الالم جدا شديد !!!!
ما سويت منظار بس للحين قالو لي هم قولون عصبي .. لكن طارق قال ارتجاع مريء !!!
شسوي ماقدر اطيق الالم مسبب لي ضيق تنفس ممكن اسم عياده ودكتور زين
مع العلم اني اخاف من المنظار صراحه وماسويته !
شلونطريقة المنظار ؟؟؟؟ ترا اخاف .. تخدير كامل ؟؟؟

وشي ثاني في وحده سألتني عن احسن دولة لعلاج السرطان ربي يبعده عن كل مسلم ان شاء الله .. وين وشنو المنطقة واسم المستشفى بعد جزاكم الله خير

[حراير قطر]

ما عليج شر اختي

عندج الدكتور حمد العذبه في الاهلي

انا سويت منظار عنده عادي وما يخوف ...

[نتفـه]

واحسن مكان اقدر اسوي فيه المنظار ؟

[ضوى]

اخوي واضح الاعراض اللي عندك انها قولون عصبي شديد ، حاول تخفف الفلفل والدهون واي شي يثقل المعدة ، لا تكثر من الخضرة اللي تسبب غازات الخس والملفوف والعدس والفلافل والفول ، اتبع نظام غذائي مليان الياف وبتصير امورك طبيعية ان شاء الله ، مريت باللي انت مريت فيه تماما لدرجة اني اختنق وماقدر اتنفس هذا القولون يضغط عالمعدة والكبد وتحس بهالشي اللي يضرب ظهرك ، العذبة ممتاز ، بس ماتحتاج منظار مشكلتك جدا واضحة واللي قالك قولون عصبي ارجع له ويكتب لك علاج لانه هذا التشخيص الصحيح لحالتك ، وتقدر تقرا عن هالحاله على جوجل ، الله يشفيك ويعافيك

[بصمة قطرية]

أتفق مع ضوى في اللي قالته ..
و جربت هالشي ..
فعلاً هاي أعراض القولون العصبي ..
الفلفل والبقوليات عدوة القولون ..
و كل شي فيه غازات يهيج القولون ..
و العصبية و النفسية بالدرجة الأولى ..
ألم القولون جداً متعب ..
البقوليات تبهدلني و أروح الطواري آخذ أبرة عشان أرتاح
أحس الألم مثل السكاكين اللي تقطعني ..

( المعدة بيت الداء )
راقبي نفسج اختي و تذكري اش كلتي قبل لا تتعبين ..؟
و لا هل كنتي متضايقة و لا عصبتي ..؟؟


عموماً حمد العذبة ممتاز أفضل دكتور لمنظار المعده ..
ما عليج شر ان شاءالله ..

[nagano]

الدكتور حمد سعدون العذبة في مستشفى الأهلي

[وطن]

حمد العذبة في الأهلي


و المنظار بسيط جداً
ما يخوف

[Aaziz]

ضوى عطاك من الاخر ،، و انصحك تسوي منظار معده و قولون لتقطع الشك باليقين
لانه فيه مرض اخر بعيد الشر ممكن يسبب لك نفس هذي الاعراض و اكثر بشي ولا يتشخص الا بالمنظار و السيتي سكان ولكن المنظار اهم خصوصا انهم بيسوون خزعه من المعده و القولون يشوفون اذا فيه فايروس او بكتيريا او التهاب

ماعليك شر

[الارض]

اخوي انا كانت عندي نفس الاعراض اروح المستشفى وارجع يقولون مافيه شي لين الله سخر لي دكتور فالطوارئ قالي 99فالميه ان عندج حصى فالمراره وطرشني اسوي تلفزيون وفعلا طلعت المراره مليانه حصى وسويت العمليه وشلتها والحمدلله افتكيت من الالم
شيك على المراره وماتشوف شر

[نتفـه]

سوو لي التراساوند ف العمادي قالوا مافيني شي !!!
ورجع سوا لي طارق بعد قال مافي شي !!
تعبت من الالم ادعوا لي :(
المشكله الالم مستمر ومو قاعد يخف كلش

[Aaziz]

سوو لي التراساوند ف العمادي قالوا مافيني شي !!!
ورجع سوا لي طارق بعد قال مافي شي !!
تعبت من الالم ادعوا لي :(
المشكله الالم مستمر ومو قاعد يخف كلش

خذ كل الفحوص الي سويتها و روح للدكتوره نجاح الزياني في البحرين

الله يرفع عنك و بخفف عليك

[بصمة قطرية]

سوو لي التراساوند ف العمادي قالوا مافيني شي !!!
ورجع سوا لي طارق بعد قال مافي شي !!
تعبت من الالم ادعوا لي :(
المشكله الالم مستمر ومو قاعد يخف كلش

توكلي على الله و روحي لحمد العذبه ..
إذا مو مبين في الإلتراساوند مافي فايدة
لازم منظار..
الله يشفيج و يخفف عليج ..
ما عليج شر ان شاءالله ..

[حراير قطر]

سوو لي التراساوند ف العمادي قالوا مافيني شي !!!
ورجع سوا لي طارق بعد قال مافي شي !!
تعبت من الالم ادعوا لي :(
المشكله الالم مستمر ومو قاعد يخف كلش

ما عليج شر اختي

اللي باقي عليج اتسوين المنظار واطلبي للمعده وللقولون

واذا طلع سليم سووي اللي قلت لج عليه :)

[New Vision]

الله يشفيك انصحك بالدكتور الاستشاري محمد زبيب عيادته فالمعموره خذ رقمه من الدليل وبالتوفيق

[قطري2022]

الدكتور حمدي في عيادة الجزيرة في معيذر ، معروف وممتاز ، فهل رحتي لحمدي في الجزيرة ولا رحتي لواحد ثاني في الجزيرة ؟ واذا رحتي لحمدي اش كان تشخيصه وعلاجه ؟

[Chambray]

سو تحليل لجرثومه المعده
سو منظار ولا تخاف

لازم تسوي علشان تعرف ايش فيك

وماعليك شر

[qatara]

تجنب القهوه واي شي فيه هيل

تجنب الكوافي الماكوله والمشروبه

تجنب المخللالات

والشاي الاحمر على جوع

وباذن الله باذن الله لن تحتاج الى طبيب .

فاي وعكه باطنيه يصاب بها اي شخص شوف
وشو الي تغير عليه من الاكل او من نظافته قبلها بيوم
والانسان طبيب نفسه

وماتشوف شر

[نتفـه]

جزاكم الله خير خف الالم بعد ما خففت من الاكل العشوائي ومع الحبتين اللي وصفهم لي الدكتور .. لكن بعد افكر اروح لحمدي و حمد العذبه باذن الله .. ابي دعواتكم وجزاكم الله خير لكل من نصحني ورد على موضوعي .. الله لا يوريكم مكروه يارب