استقدام خادمه واحده ودريول واحد فقط لاغيرر لكل عائله !!!!

[حمد 2002]

السلام عليكم ورحمه الله وبركاته

الموضوع يحمل العنوان التالي

(( استقدام خادمه واحده ودريول واحد فقط لاغيرر لكل عائله قطريه !!!!!!!!! ))

اطالب اللجنه المختصه بالجوزات _ لجنه الاستقدام )) بأعطاء فيزه خادمه واحده وفيزه دريول واحد فقط لكل عائله قطريه للأسباب التاليه :-

1- النسيج الاجتماعي بالاسره صاده خلل نتيجه اعتماد الامهات والاباء على الخدم بشكل كبير في ابسط امورهم الحياتيه اليوميه .
2- اختلال التركيب البيولوجي نتيجه الاعداد الضخمه من العماله المنزليه والتي اصبحت تشكل خطرا ولكن ليس على المدى القريب ولكن على المدى البعيد .
3- استقدام عدد 3 خادمات لأسره صغيره من ابو وام وطفلين ليس معقولا !!! حيث نرى بأن خادمه واحده تكفي حتى لو كان عدد الاسره كبير بأمكان الام وبناتها مساعده الخادمه بالاعمال المنزليه المختلفه .

واسباب اخرى يطول شرحها وسأذكرها لاحقا .

الهدف من الموضوع هو تقليل عدد العماله المنزليه قدر المستطاع . لأن خطرهم اكبر من فائدتهم ..

مع التحيه ....

[رجل تعليم]

حمد أنت تعرف أني أبحث عن وظيفة لديكم
فعوض أن تطالب بالتقليل أرجو احتراما لصداقتنا أن تطالب بالمزيد :)
على الأقل سأجد فرصة ما وسنرتشف معا قهوة كل مساء بعد نهاية الدوام .
حبيت أمزح معك شوية لعلمي برحابة صدرك والله يوفق قطر وأهلها لكل ما فيه خير لكم

[Aigner]

بس في ناس تحتاج اكثر من خادمه

وانت لك حرية اختيار

[بصمة قطرية]

أبشرك حمد ..
لكل عائلة ..
خادمتين
و مربيتين
و دريولين ..

:nice:
شكلك بتنجلط :tease:

[cartier]

خالف تعرف

[musel999]

اتفق معاك والخادمه الثانيه تكون مشورطه بالحاله الصحيه او مثل تكون العائله كبيره عشر اشخاص مثلا او في حال تعدد الزوجات

[قوت القلوب]

عن المواضيع اللي مال امها داعي !!

[قوت القلوب]

:anger1:عن المواضيع اللي مال امها داعي !!

[عيسى111]

حمد شرايك تروح كوريا الشمالية هناك يعيشون بدون خدم هلب يور سلف

وعندهم زعيم طيب اذا سويت شي تعرف ايش بيكون مصيرك :tease:

[aziz4z]

حسب ظروف الناس , لو الاب يجلس يساعد الام في البيت خدامة تكفي

[عندليب قطر]

حمد شرايك تروح كوريا الشمالية هناك يعيشون بدون خدم هلب يور سلف

وعندهم زعيم طيب اذا سويت شي تعرف ايش بيكون مصيرك :tease:

ممكن توضح اخوي ههههههههههه

[شيخ الديرة]

التركيب البيولوجي ----> التركيب الديموغرافي

[الفا برافو]

حمد احبك في الله بس خل عنك هالمواضيع ...
شلون دريول واحد الله يهداك اذا الاب يشتغل زامات والام ماتسوق سياره وعندهم ستة ابناء في مراحل دراسيه مختلفه ومدارس مختلفه في مناطق مختلفه !!!!
غير اللي عنده ميلس مفتوح يوميا ويبي طباخ .. ياخوي الناس اليوم غير الامس وحاجتهم غير عن الامس .. وكل حسب حاجته..
جملك الله برضاه

[ضوى]

خل قرارك لنفسك وعلى نفسك مالك شغل فينا

لو تدري عن اللي عندي بتذبحك الغيرة

[أسد الجزيرة]

و الي ما يبي دريول يصير يبدله بشغالة

[الأسبانية للمصاعد]

صح لسانك ياخوي حمد ...

يوم اشوف بعض الحريم واليهال ووراهم 5 خدامات ...... اتذكر القذافي

عن المفوشر والفسق

اللي محتاج خدامات اكثر ايقدم التماس للجنة

[قطريه22]

لا طبعاً مايكفي واحد
خصوصا للي يشتغلون
اذا ثنتين كل وحده في مكان ونفس الوقت لازم نكون في الدوام اشلون بنقدر نوصل بنفس الوقت واذا وصلنا قبل بعد فيه زحمه والثانية لازم بتتأخر

الخدامه عادي احنا عندنا وحده
بس الدريول لازم 2 في البيت

[طيش بدويه]

كل عائله على حسب احتياجاتها


العماله المنزليه يقهرون وينرفزون الشخص وهو محتاجهم نهقى بيزيد عددهم كذا بطره ؟


وبالنسبه للدريول فيه عوايل كبيره وممنوع المرأه من القياده تحفظ لمحارمهم هل بينفع دريول واحد بس ؟


تقبل مروري

[قطريه22]

لا ماوافق بهالشي

احنا اكثر من وحده انا في مكان وخواتي في مكان مب وكلنا دواماتنا في نفس الوقت
والاماكن بعيده عن بعض مايصير دريول واحد

[قطريه22]

لا ماوافق بهالشي

احنا اكثر من وحده انا في مكان وخواتي في مكان مب وكلنا دواماتنا في نفس الوقت
والاماكن بعيده عن بعض مايصير دريول واحد

[حسن]

صباح الخير ياحمد

الصراحه موضوعك فعلا مميز واتمنى من الجهات الرسميه
ممثلا ب عبدالله بن ناصر زير الداخليه
النظر في هذا الموضوع

لان اصبح الوضع خطيرا للاسره القطريه اولا والمجتمع بكبره ثانيا
واساءه سمعه قطر دوليا بسبب الخدم ونظام الكفاله وغيرها

ياسعاده الوزير الوضع اصبح اوفر

ياسعاده الوزير تعال المدارس وشوف الكم المهول من الخادمات

ياسعاده الوزير شوف المجمعات وشوف ابناءنا مع الخدم لكل طفل

ياسعاده الوزير اصبحت الفرجان الصبح مملوكه للخدم والخادمات يصولون ويجولون

ياسعاه الوزير اعيدو النظر في العدد

ياسعاده الوزير اصبح المجتمع تنبل بسبه الخدم

وياسعاده الوزير وحط بين قوسين (صداع واهانه لسمعه قطر من قبل المنظمات العالميه )


اشكرك ياحمد تطرقت لظاهره خطيره تهدد كيان المجتمع

واشكر قلمك المميز في هذا المنتدي

:)

[قطريه22]

شالسالفه ردي وين يروح مايطلع ليكون

[nony88]

حياتنا الحاليه صعبه والوقت ضيق وكل عاىله ولها ظروفها
ما اعتقد هاي هو الحل

[شيخ الديرة]

أولادي يقولون عادي جدا في مدرستنا الأخ يجي بسيارة والأخ الثاني أو الأخت تجي بسيارة ثانية, لأن واحدهم ما يحب ينتظر الثاني

[أم محمد 90]

معليه يحاول يطور من نفسه بالمواضيع شجعوه يمكن الموضوع له اهمية من وجهة نظر ...

[ضوى]

معليه يحاول يطور من نفسه بالمواضيع شجعوه يمكن الموضوع له اهمية من وجهة نظر ...

موضوع رائع وهادف ويسلط الضوء على مشاكل اجتماعية كبيرة جدا في المجتمع

[بشائر]

والله معاك حق صرنا لما نجتمع مع الأهل في بيت عدد الخدامات يفوق عددنا
يعني لو يصير احتجاج من قبلهم ماظن نسلم ..
فعلا الموضوع يحتاج له إعادة نظر ..
شكرا على الطرح .

[Rider]

سؤال وتجاوب بصراحة كم خادمة عندكم وكم سائق

[يمامـة]

على نظام لكل عائلة كيس عيش ..... موزحة

المشكلة مب في المواطنين يا حمد المشكلة في مشرعي القوانين
بروحهم ما يستغنون عن كل هالاعداد من الخدم ..

فطلبك مصيره الوأد هنا ..

[ذكـــــرى]

انا اموت واعرف شلون تركيبت مخك ياخي اذا انت مكتفي بخدامه واحده غيرك محتاج 3 خدامات فكلن يتكلم عن نفسه لو سمحت
خلصت مواضيع الدنيا علشان تجي تفتي عن الخدامات خلك في حالك ابرك لنا ولك

[ذكـــــرى]

سؤال وتجاوب بصراحة كم خادمة عندكم وكم سائق

اتحداك يقول الصدق

[عيسى111]

ممكن توضح اخوي ههههههههههه

اخوي عندليب قطر أمزح مع حمد

http://www.qatarshares.com/vb/showthread.php?574745-الزعيم-الكوري-زجّ-عمه-عارياً-في-قفص-نهشته-فيه-الكلاب

[moon_night]

اول مره اشوف ناس تبي تفرض سيطرتها على مجتمع بكبره ...اول شي مش سيطرتك في بيتك ومالك خص في الناس

وعلى فكره اعرف نوعيه مواضيعك ... بس تحب تسوي بلبله لا غير

[khalid525]

اقتراح جميل ومؤيد خصوصا للاسر الصغيرة

[qatara]

ليت كل يخدم نفسه وبيته بنفسه

الى مته الاتكاليه فاي تقدم ونحن اتكالييون من الاف الي الياء

اقتراحك طيب لاكن نحن اصحاب مضاهر واتكاليه

[عيسى111]

صعب كل بيت خدامة وسايق إذا واحد توه متزوج ممكن

بس إذا واحد عنده درزن عيال من اللي بيقوم بهم

بيوت أول كلها حجرتين ومطبخ وحمام الله يعزكم وممكن يعيشون بدون خدم

الغرفة ينامون ستة وسبعة أشخاص الفرش لين قاموا لايموهم في قرنة الحجرة

بس في زمانا البيت ست وسبع وثمان عرف غير المجلس والمطعم والملاحق

وكل واحد ينام في غرفة بروحه

من اللي بينظف البيت ومن اللي بيطبخ ومن اللي بيغسل الملابس ويكويهم ومن اللي بيغسل طابور السيارت في البيت

اقتراح يا حمد جيد في حال أن الدولة تخفض قيمة قرض بنك التنمية لين مئتين ألف ريال

وكل واحد يبني له ثلاث غرف وحمام ومطبخ أو الدولة توزع شقق على المواطنين بدل القرض والأرض

وكل مواطن يشتري له سيارة وحده له ولعياله

رأيي سكروا مثل هذه المواضيع اللي ما راح تحملون نتائجها

[نوار قطر]

والله ياحمد انت ماتحكم على ظروف كل بيت واشفيه وشنهو الي يحتاجه سواء خدامه او 2 او حتى 3 ..دريول ولا 2 ... كل بيت وله ظروفه الحين بيت فيه 4 بنات ولا وحده فيهم تسوق وفي منهم الطالبه ( مدرسة وجامعه) وفي منهم الموظفه والابو ريال كبير وماعندهم اخو او اخوها يشتغل شفتات المهم انه مايقدر يوصل خواته شيسووون؟؟ يتمون على دريول واحد ؟.. الدريول بيوصل من ولا بيخلي من زين متى تبيهم يطلعون من البيت الصبح عشان كل وحده فيهم توصل في وقتها.. ؟
والخدامه نفس الشي بيت كبير من 15 شخص تبي فيه خدامه وحده؟؟ اعنبو ذي سوبر وومن .. بتغشل وبتنظف وبتخم وبعض الناس تطبخ لهم .. متى بتسوي ذي كله ...

[نوآف]

حمد ليش ماتصير انت اول الناس ومن الاساس تستغنى عن الخدامه والدريول لان ماتوقع ان انت تجوف لهم فائده ف البيت ؟ يمكن الناس تمشي ع مذهبك :)

[بصمة قطرية]

حمد
حط في بالك شي واحد ..
الخدم والدريولية ( شرٌ لا بد منه )
لو تسأل كل شخص إنت مرتاح بوجودهم
بيقول لك لااا طبعاً بس ظروف الحياة إجبرتنا نجيبهم ..
والواحد يشتغل و عنده راتب عشان يريح نفسه
يجيب له خادمتين ولا دريولين ..
في الأخير كل بيت له ظروفه ..
في بيوت ما عندهم خدامة
و في بيوت فيها ثلاث خدامات ..

[لاجل QT]

ياما نفسي تتزوج وتجى بنت الحلال تغيرلك كل تفكيرك ومفاهيمك وفوقهم مواضيعك السنندارة

[نوار قطر]

ياما نفسي تتزوج وتجى بنت الحلال تغيرلك كل تفكيرك ومفاهيمك وفوقهم مواضيعك السنندارة

داعيه عليها امها وعليه كاسره خاطري قبل لا ياخذها :(

[تغلبية]

تم طال عمرك :secret:

[Aljans]

حمد اول غير عن الحين.

[naklan]

والله انك جبتها في الصميم يا حمد الشعب الدلوع البنت ماتعرف تسوي بيضة والولد ما يغسل كوب الحليب بعد الكرك ونسو ان الله خلق الجسم ليعمل وربعنا صادتهم الامراض السكر وغيره بالله بالعفو والعافية العقول جيمت من قلة الحركة جربنا الاعتماد على النفس في سفراتنا ًيا محلاً الحياة من غير خدم بس من يتعلم يبيلهم قنبلة ذرية تشيل هالعاده وإلا يتولاهم السيسي عاد انت اختار بين الثنتين

[وليف الشوق]

اتفق تماما وصاحب الموضوع الحيوي والحساس والاموال الطائلة التي تهدر للبلدان نتيجه وجود عدد الخدم والسائقين اللامعنى لوجودهم في منزل واحد واطالب او بالمعنى الصحيح اتمنى من اللجنه المختصه مراجعه قوانينها وان تكون هناك شدة في جلب الخدم والسائقين والعماله الاخرى في جميع المهن حيث انني الاحظ وجود خدم في عدة منازل لاحاجه العائلة لهم غير فشخره على الفاضي ولي مثال على كلامي يوم كنت اراجع في العيادة الخارجية بأحدى المستشفيات رأيت امراء وخلفها 3 خادمات !! خادمه تقوم بأمسك الطفل وخادمه تقوم بحمل ادوات الطفل وخادمه اخرى تمشي تدفع بعربة الطفل !! فهل هذا يجوز وبماذا اسميه ؟ ولا انكر ان بعض العوائل بالفعل تحتاج لخادمتين وثلاث ولكن لايسمح القانون باستخراج تأشيرة او فيزا الا بعد التأكد وبكل دقه وبشده من حاجه العائلة لعدد اكثر من خادمه
وبعدين تعالوا تدرون ان في سلبيات على وجود الخدم في المنزل ؟ وين البنات وليش مايشتغلون وين العيال وليش مايتحركون ؟ وش دور الام او ربة المنزل بالموضوع ؟ لاحول ولاقوة الا بالله العلي العظيم والله المستعان

[مجلان]

لا بعد قامو يتزوجن الخدم وكثره العنوسه

[qatara]

ذكرتني بسالفه قطري تزوج الخادمه على زوجته المهمله

وقيل له فلانه المشهوره التي والتي تتزوج عليها الخادمه



فقال الخادمه هي من ترتب البيت وهي من يهتم بالاولاد وهي من يهتم
باكلنا وشربنا وكل حياتنا الاسريه
وهي من تستحق ان يطلق عليها ربة بيت (يقصد الخادمه)


قال اما هي ربع يومها لوظيفتها (الاكاديميه )ونصف يومها خارج البيت
كل اهتمامها لنفسها

لاتاتي البيت الا للنوم

[خشوف]

الي عندها 3 توام لازم 3 خدامات ونص

مب كل الناس نفس تفكيرك عن نفسي مستحيل اكتفي بخدامه

كل واحد وظروفه

تخيل بيت كبير مافيه الا خدامه وحده بتجن كل شي على راسها
تخيل نفسك بالدوام وكل الشغل على راسك

[بصمة قطرية]

ذكرتني بسالفه قطري تزوج الخادمه على زوجته المهمله

وقيل له فلانه المشهوره التي والتي تتزوج عليها الخادمه



فقال الخادمه هي من ترتب البيت وهي من يهتم بالاولاد وهي من يهتم
باكلنا وشربنا وكل حياتنا الاسريه
وهي من تستحق ان يطلق عليها ربة بيت (يقصد الخادمه)


قال اما هي ربع يومها لوظيفتها (الاكاديميه )ونصف يومها خارج البيت
كل اهتمامها لنفسها

لاتاتي البيت الا للنوم

مع احترامي لك أخوي كاتارا
اللي يفكر هالتفكير إنسان مسكين ..!!
الخدامة يوم اهتمت و نظفت و طبخت مب عاشقة
سواد عيونه و لا من نفسها و طيب خاطر
هي ( خدامة ) يعني هاي اللي تسويه شغلها الطبيعي
اللي المفروض تسويه و جاية اساسا عشان تشتغل ..!!
الحين الموظف لنا يقوم بشغله على اكمل وجه و بيخلص فيه
كل مسؤول بيقعد يكافئه ..!!
تشتغل و في الأخير تاخذ راتب ..
أنا ما ادافع عن الأم ..
اللي تسوي جذي غلطانة و ستين ألف غلطانة
و تستاهل يحط على راسها مرة
لكن مش خدامة ..!!!!

[qatara]

مع احترامي لك أخوي كاتارا
اللي يفكر هالتفكير إنسان مسكين ..!!
الخدامة يوم اهتمت و نظفت و طبخت مب عاشقة
سواد عيونه و لا من نفسها و طيب خاطر
هي ( خدامة ) يعني هاي اللي تسويه شغلها الطبيعي
اللي المفروض تسويه و جاية اساسا عشان تشتغل ..!!
الحين الموظف لنا يقوم بشغله على اكمل وجه و بيخلص فيه
كل مسؤول بيقعد يكافئه ..!!
تشتغل و في الأخير تاخذ راتب ..
أنا ما ادافع عن الأم ..
اللي تسوي جذي غلطانة و ستين ألف غلطانة
و تستاهل يحط على راسها مرة
لكن مش خدامة ..!!!!


دائما لكل فعل ردة فعل

ولا ياتي شي من فراغ ولولا تركها لدورها الاساسي وتقصيرها لما حصل هذا وووو ......

تحياتي لج

[عيسى111]

حسبي الله على ابليسك صار اللي عنده ثلاث خدامات كنه حاط غزل اسرائيلي

تكفى يا بو شهاب الموضوع الجاي عن الكورة

بس يكفي اربعة في الملعب

حارس ودفاع وخط وسط وهجوم

ونبغي ديسكاونت في الحكام بعد

وكثر من الجمهور والصفيحة

[ابوعلي]

معاك اخوي في التقليل لأن البعض يبالغ والإتكالية من الزوج والزوجة على الخدم والدريولية


ولكن مب معاك في تخصيص خادم وسايق لكل بيت لأن ظروف الناس تختلف والبعض فعلا يحتاج اكثر

[Aaziz]

معاك اخوي في التقليل لأن البعض يبالغ والإتكالية من الزوج والزوجة على الخدم والدريولية


ولكن مب معاك في تخصيص خادم وسايق لكل بيت لأن ظروف الناس تختلف والبعض فعلا يحتاج اكثر

صادق صادق
:)

[Dana’1]

مطالباتك كثيرة..ومتنوعة مشاءلله!…ولكن بالطبع هي حق مشروع لك..وأتمنى أن لا تطبق أغلبها:)
موفق إن شاءلله

[بصمة قطرية]

دائما لكل فعل ردة فعل

ولا ياتي شي من فراغ ولولا تركها لدورها الاساسي وتقصيرها لما حصل هذا وووو ......

تحياتي لج


و لكل شخص نظرة من زاوية مختلفة ..!!
ليته بس فكر في أبنائه بكرة
راح يكونون أبناء خادمة ..!!




تحياتي لك ..

[القصار]

الأول خل يعطونا الفيزة الي نطلبها والجنسية الي نبيها مب اتدوخ وحب خشوم واسطة حتى في الفيز.

[لاجل QT]

داعيه عليها امها وعليه كاسره خاطري قبل لا ياخذها :(

معلية معلية خلها تحمل :nice: لها الاجر اهم شي يخف علينا هههههههه

عزوبي وماعندة شي يلهية اكيد بشوفون هذي حالتة

[عضو دائم]

العدل مطلوب في كل شيْ والشي اللي يتعدى حده دائماً عواقبة سلبية .. موضوع اجتماعي يستاهل النقاش بس بدون تعصب :protest:

[حمد بن سعد]

لا كثير ان اشوف بس خدامه وحده تكفي ونعلمها لسواقه شرايك طال عمرك

[missperfect]

هذا مايبيله بلووك يبيله ديليت :omen2:

[قطريه22]

مايسوى عليه طرح موضوع طحتو فيه طنازه
بل عليكم

[ضوى]

حسبي الله على ابليسك صار اللي عنده ثلاث خدامات كنه حاط غزل اسرائيلي

تكفى يا بو شهاب الموضوع الجاي عن الكورة

بس يكفي اربعة في الملعب

حارس ودفاع وخط وسط وهجوم

ونبغي ديسكاونت في الحكام بعد

وكثر من الجمهور والصفيحة

عجبني جدا تعليقك

[بن غيث]

وهل خدم المنازل هم السبب اﻻساسي لوجود خلل في نسيج المجتمع القطري ..!!
او ليس الانفتاح والتطور المنشود من الحكومة هو السبب ..
ولماذا اذا ما زالت عائﻻت قطرية متمسكة بدينها واخﻻقها المتوارثة عن اجدادهم الى اليوم رغم كثرة الخدم لديهم ..
خلني ساكت احسن ..

[سعادة الوزير]

ماعندي اي مشكلة طال عمرك ، بس بشرط ان الدولة توفر لي باصات لتوصيل ابنائي من والى المدرسة بالتوقيت المناسب ، وان المدرسة تهتم باستيعاب الطلاب وتخفيف الاعباء المنزلية على الطلاب كي لا اضطر انا وامهم انه نقضي نص يومنا في التدريس وحل الوظائف.

والشيء الثاني ، ابي اعرف (من باب الفضول فقط!) كيف سيتم تطبيق هذا على "الطبقة المخملية" من المجتمع ، وياريت تقول لي شلون في رسالة خاصة بدل من العام!

[طرف محايد]

(( اختلال التركيب البيولوجي ))

مادري انت فاهم هالكلمة؟

عارف معناها؟

ادري ماراح ترد

بس نقلك لهالكلمة يدل انك تكتب وما تعرف شتكتب



اتمنى من الي يكتب يعرف معنى الشي الي يكتبه

وان يكون دقيقا في اختيار المفردات

كل من طق الكيبورد قال انه كاتب !!

[ضوى]

(( اختلال التركيب البيولوجي ))

مادري انت فاهم هالكلمة؟

عارف معناها؟

ادري ماراح ترد

بس نقلك لهالكلمة يدل انك تكتب وما تعرف شتكتب



اتمنى من الي يكتب يعرف معنى الشي الي يكتبه

وان يكون دقيقا في اختيار المفردات

كل من طق الكيبورد قال انه كاتب !!

اييه لو يعرف يا طرف شنهو بيولوجي كان كل جيل اليوم عيال خدامات في الحقيقة :)

[بوراشد82]

اخر فترة بدت تطلع اصوات تطالب بإلغاء مواد التموين،، ويطالبون انه الكهرباء والماي تصير بفلوس لأنهم خايفين على فلوس الحكومة ،، والاسهم ما يكتتبون فيها اللي تحت الظ،ظ¨ ،، والخدم وحدة لكل بيت ،، وطلبات غبية مالها أول من تالي،، اقول تلايطوا واحمدوا ربكم عالنعمة ،، اللي حاب يوفر عالدولة خلاص يكنسل بطاقة التموين ويدفع رسوم للماي والكهرباء ولا يجيب خدم ودريولية خل يوصل اهله بنفسه ويخم ويطبخ ،، ابدى بنفسك وخلك من الناس،، ماعليك من حد ترانا مرتاحين وماشكينا لك،، حكومتنا خيرها مغطي دول العالم ماجات على عيالها ،، اللي مب عاجبته الديرة يطلع منها ويجرب يعيش في دول حولنا خليجية عشان يعرف ساعتها النعم اللي عايشين فيها،، ساعتها خل نشوف شلون الكلام بيتغير،،

[طرف محايد]

اييه لو يعرف يا طرف شنهو بيولوجي كان كل جيل اليوم عيال خدامات في الحقيقة :)

:):)

هو فعلا لو حللنا كلامه ( بيولوجياً) بيكون هذا هو التفسير الوحيد للموضوع

بس النتيجة مصيبة :)

[بوراشد82]

وعلى فكرة عندي رفيجتي من الطبقة المخملية عندها تسع خدامات وهي عندها ولدين بس(( للعلم انا عضوة وداشة بمعرف اخوي)) يالله خل نشوف شطارتكم على الروس الكبيرة ،،بعد ماكو حد احسن من حد ،،

[captin]

It's a free country
live like you wanna live

[حياة]

ذكرتني بسالفه قطري تزوج الخادمه على زوجته المهمله

وقيل له فلانه المشهوره التي والتي تتزوج عليها الخادمه



فقال الخادمه هي من ترتب البيت وهي من يهتم بالاولاد وهي من يهتم
باكلنا وشربنا وكل حياتنا الاسريه
وهي من تستحق ان يطلق عليها ربة بيت (يقصد الخادمه)


قال اما هي ربع يومها لوظيفتها (الاكاديميه )ونصف يومها خارج البيت
كل اهتمامها لنفسها

لاتاتي البيت الا للنوم




قدر وجهه الخدامه يوم تزوجها ولو حظه قايم كان خذا له من بلاده
والا ادب زوجته بحد يستاهل موب خدامه

[ضوى]

:):)

هو فعلا لو حللنا كلامه ( بيولوجياً) بيكون هذا هو التفسير الوحيد للموضوع

بس النتيجة مصيبة :)

مصيبة وبس يا طرف الا كارثة ومايندرا بيقام الحد على من والا من

حمد اسمها دميوغرافية الله يعافيك ، اختلاف التركيبة الديموغرافية او المورفولوجية الاجتماعية او الديمولوجية عاد انت واختيارك للكلمات حسب صياغ الجملة ، ننتظر موضوع يناقش هالمحاور اخ حمد

[لما]

محد ماكلها الا الخدامه

لا صارت بروحها وشايله شغل البيت كله

[bos3eed]

الاستعانه بالخدم وليس الاتكال عليهم, المراه اللي تبي تشتغل وتعتمد على نفسها لازم تسوق سياره. الاخوات ينطرون بعض في الجامعه وفي المشاوير الثانيه البنات اللي يتمشون في الاسواق ووراهم اكثر من خدامه يشيلون شناطها المفروض يسحبون منهم الفيزا

[يمامـة]

مصيبة وبس يا طرف الا كارثة ومايندرا بيقام الحد على من والا من

حمد اسمها دميوغرافية الله يعافيك ، اختلاف التركيبة الديموغرافية او المورفولوجية الاجتماعية او الديمولوجية عاد انت واختيارك للكلمات حسب صياغ الجملة ، ننتظر موضوع يناقش هالمحاور اخ حمد

شكلج تدرسين من ورانا بدل بنتج في الثانوية العامة ؟

من وين لج هالمصطلحات الغلجة ؟ :shy:

[يمامـة]

قدر وجهه الخدامه يوم تزوجها ولو حظه قايم كان خذا له من بلاده
والا ادب زوجته بحد يستاهل موب خدامه

ما تأدبت خذت الطلاق وقالت له قدر ويهك الخدامة ،،

عاد اللحين ما ينعرف هالخدامة الزوجة هي اللي تخدم ولا وراها خدم غيرها ؟


فالريال لا يقول انه تزوج الخادمة لأنها هي اللي تسوي كل شي

لأن هناك سيدات وامهات يسوون كل شي ونلقى الريل يتزوج عليها
بحجة انها ما عندها وقت لي ،،،

صنف بشري ما ينعرف له ؟!!

[نوآف]

نفس الرجال اللي جاب لحرمته خدامه هنديه , عقب تزوج الهنديه وجابلها خدامه فلبينيه , وتزوج الفلبينيه ( يآ رآجل ؟ )

هذآ مرض تحت حجة " مآعآد لهآ وقتت لي ! "

[qatara]

و لكل شخص نظرة من زاوية مختلفة ..!!
ليته بس فكر في أبنائه بكرة
راح يكونون أبناء خادمة ..!!




تحياتي لك ..


بالعكس الا تلاحق نفسه وبيته و ابنائه بمن يقوم بهم جميعا

ومثل هولائ النساء حقيقتن ولو جئنا بشخص محايد لقال
اصبحن عب على الزوج وعب على الدوله وعب على الوظيفه

[qatara]

قدر وجهه الخدامه يوم تزوجها ولو حظه قايم كان خذا له من بلاده
والا ادب زوجته بحد يستاهل موب خدامه

كانها بتطلع مثل الي قبلها وشيبي بها

وبعدين في السماء رزقكم وما توعدون


قدر وجه ذيك المهمله برغم ركزتها خادمه افضل منها

[بصمة قطرية]

بالعكس الا تلاحق نفسه وبيته و ابنائه بمن يقوم بهم جميعا

ومثل هولائ النساء حقيقتن ولو جئنا بشخص محايد لقال
اصبحن عب على الزوج وعب على الدوله وعب على الوظيفه

لكل شخص وجهة نظره ..
عن نفيي أشوف اللي سواه خطأ ..
لأن الخادمة هاي شغلتها و تاخذ عليها راتب ..!!!
مثل ما قلت في رد سابق لي ..!!

للحين الدنيا بخيد وفي بنات فيهم الخير
و أسسوا بيوت و ربوا عيالهم أحسن تربية
في منهم ربات بيت والكثير منهم موظفات ..
حالات فردية ما نقدر نعممها ..

[qatara]

لكل شخص وجهة نظره ..
عن نفيي أشوف اللي سواه خطأ ..
لأن الخادمة هاي شغلتها و تاخذ عليها راتب ..!!!
مثل ما قلت في رد سابق لي ..!!

للحين الدنيا بخيد وفي بنات فيهم الخير
و أسسوا بيوت و ربوا عيالهم أحسن تربية
في منهم ربات بيت والكثير منهم موظفات ..
حالات فردية ما نقدر نعممها ..

مثاليات نادره والنادر لا يقاس عليه

فاالارض الطيبه نبتها طيب
والعكس

[ضوى]

مثاليات نادره والنادر لا يقاس عليه

فاالارض الطيبه نبتها طيب
والعكس

من قالك نادر؟؟ النادر وجود شواذ ، والا بناتنا والنعم فيهم ، لا تقيس باللي حواليك بمجتمع كامل

[طرف محايد]

^^^^^^^^^^^^

[أم محمد 90]

من قالك نادر؟؟ النادر وجود شواذ ، والا بناتنا والنعم فيهم ، لا تقيس باللي حواليك بمجتمع كامل

عمري 23 سنة

وأمي صار لها 25 سنة مأسسة بيت ..

وكلنا فالبيت 9 اشخاص !

ولين يومنا ماجانا دريول ولا نبي !

اخواني الين اليوم يركبون الباص ! وبقى منهم 3 ويخلصون المدرسة ..

اكبرهم ف ثالث اعدادي وله شنب ويركب الباص ولا تدلع وقال حطوا لي دريول وسيارة !

ولا بغوا يطلعون يا نوصلهم المكان الي يبونه يا اذا احتدت راحو مع سواق خالتي

ومن وعيت ع الدنيا الين يوم ماعندنا الا خدامة وحدة ماقد كان عندنا خدامتين !!

ولا بعد ماتنظف الغرف يومياً لان امي علمتنا مانمشي ونقط الوصخ واول مانقوم من النوم نرتب السرير وثيابنا ماتم ع الأرض ..


فاللي يقول ان الحين البيوت كلها نفس الشي ، لا مو كلها نفس الشي للحين في عوايل قطرية تعرف تربي عيالها ..

[ضوى]

عمري 23 سنة

وأمي صار لها 25 سنة مأسسة بيت ..

وكلنا فالبيت 9 اشخاص !

ولين يومنا ماجانا دريول ولا نبي !

اخواني الين اليوم يركبون الباص ! وبقى منهم 3 ويخلصون المدرسة ..

اكبرهم ف ثالث اعدادي وله شنب ويركب الباص ولا تدلع وقال حطوا لي دريول وسيارة !

ولا بغوا يطلعون يا نوصلهم المكان الي يبونه يا اذا احتدت راحو مع سواق خالتي

ومن وعيت ع الدنيا الين يوم ماعندنا الا خدامة وحدة ماقد كان عندنا خدامتين !!

ولا بعد ماتنظف الغرف يومياً لان امي علمتنا مانمشي ونقط الوصخ واول مانقوم من النوم نرتب السرير وثيابنا ماتم ع الأرض ..


فاللي يقول ان الحين البيوت كلها نفس الشي ، لا مو كلها نفس الشي للحين في عوايل قطرية تعرف تربي عيالها ..

هاي اللي انا اقوله الدينا بخير وفيه من امج الله يعطيها الصحة والعافية وايد ، وفيه من بناتها وايد ، بس مشكلة لما نعمم على مجتمع كامل ، شايفين اللي حواليهم وخلاص صارت النادرة اللي تقوم ببيتها وعيالها

[طرف محايد]

مصيبة وبس يا طرف الا كارثة ومايندرا بيقام الحد على من والا من

حمد اسمها دميوغرافية الله يعافيك ، اختلاف التركيبة الديموغرافية او المورفولوجية الاجتماعية او الديمولوجية عاد انت واختيارك للكلمات حسب صياغ الجملة ، ننتظر موضوع يناقش هالمحاور اخ حمد



حمد مادري وش وضعه

بس يكتب الموضوع ويطلع

يمكن يبي يحفز الآخرين للكتابة


أما إقامة الحد فأرى أن يقام ع حمد لانه ما يتابع مواضيعه :)

لا لا امزح :)

[qatara]

من قالك نادر؟؟ النادر وجود شواذ ، والا بناتنا والنعم فيهم ، لا تقيس باللي حواليك بمجتمع كامل

استغفر الله

اضنني قلت الارض الطيبه يخرج نبتها طيب والعكس
الغالي الثمين نادر
ولاكن البعض من سلاطه لسانهم تتضح بيئتهم وتربيتهم


والا الحوار عام وشدخل الي حوالي ؟

[ولد العلي]

نفس الرجال اللي جاب لحرمته خدامه هنديه , عقب تزوج الهنديه وجابلها خدامه فلبينيه , وتزوج الفلبينيه ( يآ رآجل ؟ )

هذآ مرض تحت حجة " مآعآد لهآ وقتت لي ! "

من حقه :shy:

[المحاميه]

اقتراحك مرفوض
هالكلام صعب بحكم ظروفنا وبحكم الطريقه اللي عشناها ف مجتمعنا
يعني شي تعودنا عليه من سنين الحين جاي تبي تعدل الوضع ف يوم وليله !!!

[فتى الجود]

ما أيد أقتراحك

ظروف الناس ليست واحدة

ولازم يكون الواحد لديه نوع من تقدير احوال الناس

مب كل اللى يجيبون خدامتين عشان الاتكال عليهم

هناك امور اخرى

[مشاكل]

أخشوشنوا فإن النعمة لاتدوم

[ZURICH]

فالك ماقبلناه

[مشاكل]

اللهم دمها علينا نعمة واحفظها علينا من الزوال

[بصمة قطرية]

مثاليات نادره والنادر لا يقاس عليه

فاالارض الطيبه نبتها طيب
والعكس


الحمدلله
الطيب ما زال موجوداً ..

[moon_night]

لا احلى شي انكم تبررون له... من هو عشان تبررون له يبي يطبق من حقه بس على بيته في المكان الي له حق التصرف فيه

[moon_night]

مثاليات نادره والنادر لا يقاس عليه

فاالارض الطيبه نبتها طيب
والعكس
طبعا احنا نحب لك الخير بما انها مثاليات نادره وطبعا لانك انت نادر فلازم تروح اتدور الارض الطيبه الي تقول عنها ومانصحك تاخذ من ارضك
روح والقلب داعيلك

[alsoq]

اللي بينتقد لازم يضع الحلول قبل كتابته الموضوع
ويشرح كيف الحلول حتى يقنع الاخرين

اما انت اخي حمد فتخوض في مواضيع اكبر منك وليس لديك رد واحد او حل لها

اسألك بالله كم الخدم اللي في بيتكم

وانت مواضيعك كلها معا الاسف غير مدروسه مسوي عمرك فاهم وانت مخك خوا لا يوجد به تفكير

ارجع واقول ضع الحلول قبل طرح الموضوع وبعدها صغ الموضوع بطريقة احترافيه

نصيحة لوجة الله لا تكتب في مواضيع اكبر من فهمك فانت تضع نفسك في موقف حرج جدآ

[qatara]

طبعا احنا نحب لك الخير بما انها مثاليات نادره وطبعا لانك انت نادر فلازم تروح اتدور الارض الطيبه الي تقول عنها ومانصحك تاخذ من ارضك
روح والقلب داعيلك



ارضي اعرف تربتها واعرف التربه الدخيله حتا لو تلونت

[qatara]

بالعكس اخوي حمد اقتراحاتك وارائك بنائه لو اخذ بها

ونابعه من قلب غيور على بلده واهله

لاقلها خففت شي من الزحمه وخروج المليارات بسبب كثره العماله

ولا اقلها تعلمنا ولو الشي اليسير من الاعتماد على النفس

[hot2000]

موضوع ماله داعي

لو عندك خمس أطفال في مدارس مختلفه والزوجة تشتغل وانت عندك دوام وزحمة الشوارع كان ماقلت هالكلام

والحين يعني الخدم اللي بيجون في المنازل هم سبب التركيبة السكانية

[مسك روز]

خلص من مواضيع الحريم والتف صوب المجتمع

[بونو]

شر البليّة مايضحك !!!!!!

[qatara]

و لكل شخص نظرة من زاوية مختلفة ..!!
ليته بس فكر في أبنائه بكرة
راح يكونون أبناء خادمة ..!!




تحياتي لك ..

صحيح انه حلاة الثوب رقعته منه وفيه

لاكن مصيبتنا الرقعه اصبحت تريد ترقيع

[حسن]

بالعكس اخوي حمد اقتراحاتك وارائك بنائه لو اخذ بها

ونابعه من قلب غيور على بلده واهله

لاقلها خففت شي من الزحمه وخروج المليارات بسبب كثره العماله

ولا اقلها تعلمنا ولو الشي اليسير من الاعتماد على النفس

صدقت ياكتارا

اعتقد في الوضع القريب بنلاحظ امتناع الدول من السماح لابنائها في عمل
مثل ههذه المهن

دام الحال من المحال

والتغير سنه كونيه

بيجي يوم وبتشوف كل شي غير

كلها مسئله وقت بس


وتشكر على الكلمات في حق العضو المميز حمد
فعلا هو مميز

ويستحق مشرف عام المنتدى

:)

[بوغانم995]

ياخي هذه وجهة نظر .....من طرف واحد ..والذي عرجه في الماء ...غير ...الذي وووووو...بس

[قطري2022]

أنا احتج بكل ما اوتيت من قوة يا حمد :) ، كلن و له ظروفه ، و اذا كل شوي واحد بقدم التماس ،تعال فجج عاد ، كل موافقة شوف اشكثر بتاحذ لها و شوف الزحمة الي بتصير في الجوازات ، و بيزيد الضغط على الموظفين و هالشي بيكلف الدولة موظفين اكثر ورواتب اكثر ، بدل ما نمنع لازم نوعي الاسر على طريقة التربية الصحيحة و عن الحياة الاسرية الصحيحية و حقوق كل فرد في الاسرة تجاه الاخر ، جذي نكون حلينا المشكلة من جذورها ، و الدليل على صحة اقتراحي ، هو ان في عوايل عندهم بنات ربات بيوت وعندهم مسؤولية ووعي عن الحياة بشكل عام و عن الحياة الزوجية بشكل خاص ، و كذلك الشباب في شباب و نعم فيهم ، فيهم روح المسؤولية وقادرين يكونون اسر ناجحة ، و اخد بال حضرتك ؟

[qatara]

الحمدلله
الطيب ما زال موجوداً ..

لاشك في ذالك

فالخير في وفي امتي الي يوم القيامه

[qatara]

خلص من مواضيع الحريم والتف صوب المجتمع

صادقه
شكله ياذن في مالطا

[حمد 2002]

صادقه
شكله ياذن في مالطا

اخي كتارا لاحظت انتقاد حاد ولاذع لبعض الاخوات لاقتراحي الذي ذكرته بالموضوع !! ماسبب ذلك من وجهه نظرك يالذيب ؟

[qatara]

اخي كتارا لاحظت انتقاد حاد ولاذع لبعض الاخوات لاقتراحي الذي ذكرته بالموضوع !! ماسبب ذلك من وجهه نظرك يالذيب ؟

اولا لست بذيب
فاذيب كلب بر اجلك الله والجميع و الكلب اوفا منه

وكرمنا بني ادم على كثير من خلقه


السبب لان مجتمعنا تحول من مجتمع استهلاكي

الي مجتمع استهلاكي واتكالي

[qatara]

لان معنى كلامك ان كل وحده تهتم في عيالها وتربيهم بدال ما تتركهم للخادمات

فانت بهل الطريقه كانك تقول لهم قومو بدوركم الحقيقي باولادكم وبيوتكم

و اتركو او خففو من الا تكاليه على الخدم

فشولون ( بعضهم ) ما ينتقدونك انتقاد لاذع

وكلامك حق