رقم مسجل باسمك وانت ماتــــدري !! فودافون !!

[wanted boy]

السلام عليكم

امس زرت فرع فودافون الخور لشراء رقم جديد ..

وسالت الموظف ايش الارقام اللي موجوده بإسمي

فوجئت برقم اول مره اشوفه و مسجل باسمي صار له سنه !!!!

والمشكله الاكبر ان الرقم شغال وصاحبه قاعد يستعمله

اتصلت عليه قالي انا شاريه من الفرع وباسمي ... واقوله يابن الحلال انا تاكدت ان الرقم باسمي انا مش باسمك !!! ,, قالي روح راجع الفرع مره ثانيه !

اتصلت على خدمه العملاء وتاكدت انه بإسمي ,, قلت لهم ابي اعرف من اي فرع هالرقم وشلون صار باسمي !!

وقالوا لي انا لي الصلاحيه اني اسكر الخط او تتفاهم مع الرجال .. وانا مابي اخرب عليه لان هذه غلطه فودافون

عطوني رقم نظم المعلومات اللي في الغرافه للتاكد من اي فرع طلع هالرقم وماحد يرد

رايكم ماهي الاجراءات اللازم اتخاذها ؟؟

وشكرا

ملاحظه : كل واحد يشيك الارقام اللي تحت اسمه يمكن يكون في رقم مبب مالك واحد ثاني يستعمله

[العابد]

رأيي تروح تسكر الخط وخلاص

[Abdulraman]

تقدر تروحلهم وتلغي الخط ولكن براي تروحلهم وشوف شسالفه وشلون مطلعين رقم بإسمك وتقدر ترفع عليهم قضيه بعد

[wanted boy]

رأيي تروح تسكر الخط وخلاص

كنت اقدر بكل سهوله ,,, لكن مابي اضر الرجال يمكن هاي رقمه للشغل او شي ,, و الغلطه من فودافون

[wanted boy]

تقدر تروحلهم وتلغي الخط ولكن براي تروحلهم وشوف شسالفه وشلون مطلعين رقم بإسمك وتقدر ترفع عليهم قضيه بعد

عطوني رقم اتصل عليه وماحد يرد

مادري وين اروح اشتكي عليهم ؟؟

[الشاكوش]

ارفع عليهم قضية واطلب تعويض فلوسهم واجد :nice::nice::nice:

[wanted boy]

ارفع عليهم قضية واطلب تعويض فلوسهم واجد :nice::nice::nice:

شكله هاذا اللي راح يصير

اشكرك على ردك :)

[sout qatar]

نفس سالفتي بس مع اوريدو .. الوالد مشترك في خدمة نجوم ونلاحظ ان نقاط نجوم ماتتجمع كل شهر تنسحب بروحها فالأخير لقينا رقم مسجل بأسم الوالد وشغال كل شهر يشحن من النقاط ومفتل الحبيب فالأخير نتصل عليه مايرد رحت كلمة كيوتل ورجعو للأرشيف لقو ان الرقم مطلعينه من محل فالسد ومافي مع الطلب صورة البطاقة الشخصية (مع أن المفروض اي طلب فتح خط جديد يرفقون صورة من البطاقة) وقالو بنحل الموضوع وبنشوف من الي طلع الرقم وشلوون فالأخير طنشو وكل مانكلمهم يقولون بنشيك وبنشيك ويطنشون فالاخير رحنا وكنسلنا الرقم

فعاد اخوي اذا محد استجاب معاك اقطع الرقم وفك عمرر

[محمد11]

دامك مادفعت شي على الكرت
خل نيتك طيبه خلهم يردون عليك وتفاهم معاهم لين مايجبون الطلب
احتمال مغلطين ف رقم البطاقه الشخصيه عادي مغلطين في رقم واحد واساله كم رقم بطاقته
بعدها كلم الرجال وغير الاسامي
حرام تقطع الرقم ممكن هذا رقم الرئيسي
اكسب فيه احر

[khalid525]

بلغ الشرطة تخاف ذاك كان يستخدمه استخدام سئ

[qatarman8008]

رايي ان تقطع الخط اولا..
ثم تبحث في القضية او تنساها.. المهم انك الحين تسكر الخط..

[نوآف]

كلم صاحب الرقم اول شي , يجوز فودافون مغلطه مش هو !

بعدها حول الرقم باسمه بس ارفع عليهم قضيه ولتهم لان ممكن تصير مشاكل لو هالبني ادم استعمل هالرقم بطريقه غلط كنت ممكن انك تتورط

[بصمة قطرية]

يمكن الخطأ صار وقت تسجيل الرقم
يعني في الرقم الشخصي إختلاف رقم ..!!
تأكد منهم أحسن عقب كلم صاحب الرقم
انك راح تقطعه لأنه مسجل بإسمك
إذا يبي الرقم يحوله بإسمه ..

[شيخ الديرة]

اعطي الرجل أنذار خلال أسبوع راح تلغي الرقم, واذا هو مهتم يتصل بك مرة ثانية لتخويل النقل

[Bo Rakan]

اذا جفت انه فودافون ما تستجيب للمشكله روح اشتك عند المجلس الاعلى للاتصالات

[بوحمد1]

ارفع قضية مافيها واحد اثنين ........................ شوفلك محامي شاطر يطلع لك كم مليون وهذه فرررررررررصة

[أبورودي]

نصيحه حتى لاتتعرض لموقف قانونى قاسي
اوقف الخط وكنسله
لو تقدم احد للنيابه العامه بشكوي ضد أستخدام الخط بشكل يعاقب عليه القانون ستكون انت المسئول لان الخط بأسمك ولن يكون خوفك على مصالح الشخص الاخر مبرر لتركك للخط يعمل

[وليف الشوق]

نصيحتي لك وبالسرعه الممكنه روح لفرع فوادفون وسكر الخط ( اغلقه ) واطلب اثبات بأنك مسكرة واثبت ان في شخص ثاني يستعمله بأسمك مع ان الاثبات صعب تثبت انفيه شخص ثاني يستخدمه وثاني شخص شلون تقول ماتبي تضر الشخص دام يمكن اهو ضرك بمكالمات مزعجه او استخدام الخط بأشياء اخرى غير قانونية ؟ ومن الان ومن هذي اللحظه سكر الخط وخل اللي قاعد يستعمل خطك اهو اللي يراجع الفرع مش انت !! والشي الثالث تخيل ان احد اقسام الشرطة طلبوك بتمهه الازعاج كيف حزتها راح تثبت انك مش مستعمل الخط ؟
حزتها القانون لايحمل المغفلين وحزتها روح ارفع قضية على شركة الاتصالات بسبب الاحراجات والمشاكل اللي تعرضت لها

هذا اذا اخذت حقك القانوني واذا اثبتت فودافون ان الخط المستعمل مالك اي علاقة فيه

يااااااااخي لا تجنني قاعد تسال وش تسوي وانت الحين في ورطه ومخلي الشخص الثاني يصول ويجول في خطك وبأسمك بعد ؟

[داااايم السيف]

نصيحتي لك وبالسرعه الممكنه روح لفرع فوادفون وسكر الخط ( اغلقه ) واطلب اثبات بأنك مسكرة واثبت ان في شخص ثاني يستعمله بأسمك مع ان الاثبات صعب تثبت انفيه شخص ثاني يستخدمه وثاني شخص شلون تقول ماتبي تضر الشخص دام يمكن اهو ضرك بمكالمات مزعجه او استخدام الخط بأشياء اخرى غير قانونية ؟ ومن الان ومن هذي اللحظه سكر الخط وخل اللي قاعد يستعمل خطك اهو اللي يراجع الفرع مش انت !! والشي الثالث تخيل ان احد اقسام الشرطة طلبوك بتمهه الازعاج كيف حزتها راح تثبت انك مش مستعمل الخط ؟
حزتها القانون لايحمل المغفلين وحزتها روح ارفع قضية على شركة الاتصالات بسبب الاحراجات والمشاكل اللي تعرضت لها

هذا اذا اخذت حقك القانوني واذا اثبتت فودافون ان الخط المستعمل مالك اي علاقة فيه

يااااااااخي لا تجنني قاعد تسال وش تسوي وانت الحين في ورطه ومخلي الشخص الثاني يصول ويجول في خطك وبأسمك بعد ؟

اوافقك الراي

[بوخالد911]

ارفع عليهم قضية
وبعدين بدل اسمك

[ask_and_get]

جاتني نفس المشكله

قول حق الشخص الي يستخدم الرقم .. انا راح الغي الرقم حاب تحوله بأسمك قبل لا ألغيه حياك الفرع !

انتهت السالفه

[abdo222]

الرقم بأسمك وبكل بساطه يمكن اساءة استخدامه ,,
كانت غلطه فودافون او غلطه اي حد,, كنسل الرقم فورا واطلع من اي مسؤولية ,,, وخل راعي الرقم يتفاهم ويا فودافون,,

[وطن]

بلغ اللي يستخدم الخط بأنك راح تسكره
ولو هو يبي الرقم خل ينقله بإسمه

وعطه موعد محدد بعدها سكره

اما بخصوص الشكوى
الصراحة أتمنى انك تشتكي عليهم
بس الله يعينك ع المحاكم

[blackjacket]

انا كان عندي نفس المشكله بس بالعكس
تفاجئت انا وقمي متسجل باسم واحد ثاني
شريته منهم وكان باسمي بس بعدين تحول باسم واحد ثاني
وهاي اكتشفته بالصدفه
تميت معاهم قتره وكل يوم اتصل فيهم و ذيك الايام ماكان فيه خدمه تحويل الاسامي و يقولون ماندري شلون تحول من اسمك الي اسم ثاني
لانه في مستندات قبل ظ¢ظ*ظ،ظ¢ تبين انه الرقم باسمي بس بعدين تغير
المهم اخر شي قدمت شكوي في هيئه الاتصالات
والصراحه مشكورين ماقصرو
ثاني يوم اتصلو من فودافون وغيروًالرقم باسمي
انت روح اشتك عليهم

[اجرام]

أخطاء فودوفون بهذه الامور بشكل كبير انا اعرف واحد طلع رقم من عندهم وفوق السنه يستعمله مر وحده انقطع التلفون وبنفس اليوم الي يتصل على الرقم يحصله عند واحد توه مطلع الرقم ظلت المشكله شهور لين ما عوضه برقم ثاني

واريدو بعد صار لي معاهم نفس الشي بتجربه شخصيه طلعت رقم واستعملته تقريبا 3 سنين رحت ابي استبدل شريحه بشريحه صغيره للايفون انصدمت ان الرقم مو مسجل باسمي مسجل باسم شخص ثاني
قدمت شكوى لكن خلال اسبوع تسجل الرقم باسمي

[تاجر كشخة]

يا خوك مكبر المسألة ليييييييييييييييييييييييييييييييييييش دام بأسمك اقطع الرقم وريح راسك تروح وتتصل وتتجادل معاه وما ادري ايش ومنزل موضوع

وان كنت ماتبي تزعله قوله تعال عندي الفرع وحول الرقم بأسمه واذا ما جا اقطع الرقم في لحضتها وبكذا تنحل القضية ويا دار دخلها شر