المراهقين والحوادث والقانون والواسطه الى متى؟؟؟

[قطريه22]

حطيت هالكلمات لانها تعبر اكثر عن الي اقصده لاحظنا وشفنا كثير من الي اعمارهم صغيره ويسوقون سيايير بدون ليسن طبعاً السالفه تبدأ بإعطائهم سياره في الفريج يروح الدكان والا مكان قريب بس المشكلة لم تنعطى هالثقه لهالمراهق ويطلع بره الفريج ويسوي حادث ويشرد.

المصيبه لم الاهل يطلعون مع هالمراهق ويسوون حادث وتجي سياره تاخذهم ويخلون المصابين بدون اي تبليغ ولا اهتمام
ولم الشرطه يطلبون صاحب السياره وهو الاب او الاخ الكبير يحلف ويقسم ان الي كان يسوق كان الهندي ويحاكمونه والشرطه تتغاضى عن الموضوع ويصكرون السالفه بالواسطه..

انا ذكرت هالشي لسببين:

اولا: اتمنى من الأهل الاهتمام وعدم اهمال هالامر اذا هم مب خايفين على عيالهم يفكرون بعيال الناس مب كل شيء ينحل بالواسطه.

ثانياً : اتمنى من الداخليه محاسبة كل رجل أمن يتستر على هالامور ويصكرها بالواسطه وعمل تحقيق خاص لمثل هالامور.


اذا القانون والشرطه تتستر وتمشي بالواسطه اشلون الشعب بيأمن نفسه وبيظمن ان في قانون بياخذ له حقه؟؟


الواسطه في كل مكان موجوده بس اذا وصلت للقانون ولمثل هالامور للاسف تنعدم الثقه عند الناس

شالحل من وجهة نظركم؟

ولحد ينكر ان مافي مثل هالامور لانها للاسف منتشره وبكثره..

[بريق الحق]

لا يوجد قانون يطبق بالكامل فقط قانون حبر على ورق
التجاوزات في جميع الاشياء للاسف هذه ضريبة عدم تحكيم شرع الله وضع قوانين غربيه

[ضوى]

معاج حق

الواسطة بهالامر بالذات مضرة جدا لبلد في المقام الاول

[قطريه22]

المشكله الواسطه عندنا بزياده صارت في كل شيء

لازم هالشي يوقف

[كازانوفا]

يكفى الحلف بالله كذب ما فكر اللى يحلف ايش بيكون عقابه
لا حول ولاقوة الا بالله

[قطريه22]

يكفى الحلف بالله كذب ما فكر اللى يحلف ايش بيكون عقابه
لا حول ولاقوة الا بالله

ياكثر الي يحلفون ويشهدون كذب
للاسف ياكازانوفا هالفئه منتشره بكثره لو يفكرون بعقاب الله ماحلفو كذب

[قطريه22]

:telephone:

[يمامـة]

البعض ضمايرهم ميتة ،، تلقينهم حتى حزة الحوادث يزورون في التقارير
ماتبينهم يغطون على يهالوه يتسببون في حوادث وتجاوزات ؟

ربنا المستعان

[قطريه22]

البعض ضمايرهم ميتة ،، تلقينهم حتى حزة الحوادث يزورون في التقارير
ماتبينهم يغطون على يهالوه يتسببون في حوادث وتجاوزات ؟

ربنا المستعان

:omg: ام السعف
هلا هلا فيج عسى ماشر غيرتي اسمج:weeping:

اسعدني مرورج ومشاركتج وفعلاً كلامج صحيح

[وطن]

قمة الاستهتار من الأهل
ما يخافون على عيالهم

خل يراعون ان في ناس غيرهم بالشوارع
بشر غيرهم


شكثر نسمع عن حوادث و وفيات
شباب صغار
مب حرام !؟


ولين ماتوا عيالهم قطوا اللوم على الدولة
من مرور وأشغال و طرق وغيرها

زين من اللي ربى هالمراهق
من المسؤول عنه !!
من اللي عطاه سيارة ؟!

الله المستعان

[يمامـة]

:omg: ام السعف
هلا هلا فيج عسى ماشر غيرتي اسمج:weeping:

اسعدني مرورج ومشاركتج وفعلاً كلامج صحيح

اوبيه الحين منتظرة يشلون لي هالتوقيع الدفش وانتي توج منتبهة ؟
:"(

ابدا مافي شر خالص واصل الا الخير كله ولله الحمد

يمامة احلى من ام السعف
ولا اشرايج ؟

[قطريه22]

اوبيه الحين منتظرة يشلون لي هالتوقيع الدفش وانتي توج منتبهة ؟
:"(

ابدا مافي شر خالص واصل الا الخير كله ولله الحمد

يمامة احلى من ام السعف
ولا اشرايج ؟

ام السعف احلى له هيبه تهز المنتدى هههههههههه لحد يسمعني :omg:

[بوحارب]

الواسطة فوق القانون *^*

[حمد 2002]

حطيت هالكلمات لانها تعبر اكثر عن الي اقصده لاحظنا وشفنا كثير من الي اعمارهم صغيره ويسوقون سيايير بدون ليسن طبعاً السالفه تبدأ بإعطائهم سياره في الفريج يروح الدكان والا مكان قريب بس المشكلة لم تنعطى هالثقه لهالمراهق ويطلع بره الفريج ويسوي حادث ويشرد.

المصيبه لم الاهل يطلعون مع هالمراهق ويسوون حادث وتجي سياره تاخذهم ويخلون المصابين بدون اي تبليغ ولا اهتمام
ولم الشرطه يطلبون صاحب السياره وهو الاب او الاخ الكبير يحلف ويقسم ان الي كان يسوق كان الهندي ويحاكمونه والشرطه تتغاضى عن الموضوع ويصكرون السالفه بالواسطه..

انا ذكرت هالشي لسببين:

اولا: اتمنى من الأهل الاهتمام وعدم اهمال هالامر اذا هم مب خايفين على عيالهم يفكرون بعيال الناس مب كل شيء ينحل بالواسطه.

ثانياً : اتمنى من الداخليه محاسبة كل رجل أمن يتستر على هالامور ويصكرها بالواسطه وعمل تحقيق خاص لمثل هالامور.


اذا القانون والشرطه تتستر وتمشي بالواسطه اشلون الشعب بيأمن نفسه وبيظمن ان في قانون بياخذ له حقه؟؟


الواسطه في كل مكان موجوده بس اذا وصلت للقانون ولمثل هالامور للاسف تنعدم الثقه عند الناس

شالحل من وجهة نظركم؟

ولحد ينكر ان مافي مثل هالامور لانها للاسف منتشره وبكثره..

مره جفت شيء حدث امام عيني وانصدمت الصراحه !!!

جفت ولد صغير بالعمر يمكن عمره 16 سنه ايسوق سياره كروزر وجنبه الدريول ، ومرت عليهم دوريه شرطه فجأه ووقفتهم ، وتالي الشرطي نبه الولد والدريول ، وتالي نزل الدريول والولد من كراسيهم وتبادلوا السياقه = ساق الدريول بدل الولد وتالي الشرطي حرك عنهم والمياه عادت لمجاريها !!!!

الخطأ هنا على الشرطه !!!

المفروض الشرطه اذا جافت مثل هالحالات تتبع الاجراء التالي وهو قاسي ولكن بمصلحه الجميع :-

سحب ليسن الدريول وتسفيره !!!

سجن الولد بالاحداث لمده شهرين !!!

سجن الاب لمده شهر وفرض غرامه عليه 20 الف ريال

حجز السياره لمده سنه !!!!

صدقوني لو تشددنا بالعقوبات محد بيتجرأ وبيخالف القانون

لكن من أمن العقوبة أساء الأدب :) ،،

مع التحيه اختي قطريه 22 على الموضوع الاكثررر من رائع والله