مبلغ مسحوب من ماليزيا ومع انه الشخص في الدوحة .. كيف صار ...

[أم هشام]

السلام عليكم ورحمة الله وبركاته
صار لأخي موقف غريب وهو بالشغل (بالدوحة) اجاه مسج مكتوب فيه تم سحب مبلغ 3500 ريال من ( ماليزيا )
استغرب جدا من الموقف ولما راح سأل البنك قالوله اول مرة بتمر علينا هالحالة و اخذو بياناته وقالوله انتظر 100 يوم لنشوف شو الحل !!!!

حد صار معه موقف شبيه ,,
وهل تم حل المشكله ,,
وهل فيه جهه معينه يقدر يروح يتابع معهم غير البنك اللي حسابه فيه ,,
وهل الخطأ اللي صار له علاقة باضافة رقم(iban ) دولي للحساب الشخصي و بدأت تظهر الاخطاء من هذه الخطوة ,,

اتمنى اجد اجابة لاستفساراتي منكم اخاوني واخواتي اعضاء شبكة الاسهم

والسلام عليكم ورحمة الله وبركاته

[أم محمد 90]

انخصم من حسابه 3500؟

واي بنك هو؟

[الأسبانية للمصاعد]

اكيد في حد ايعرف رقم بطاقته

صارت في الدوحة وايد

[هسلان]

في الاونه الاخيرة حدثت كثير من عمليات السحب على بعض الحسابات والبنك يتحمل مسؤولية ضعف الحماية للنظام ولكن الموضوع يحتاج وقت وبالخير ترجع الفلوس لصاحبها والله المستعان

[القبطان سلفر]

هل السحب حدث بتاريخ 2014 /4/1 ؟

اذا بهذا التاريخ فبالتأكيد المبلغ مسروق وعليه مراجعة البنك .

[كبير المتداولين]

ياما صارت عمليات نهب وسرقات

والبنوك مكانك سر لايتابعون ولايتخذون اي اجراءات ممطاله لين العميل يمل ويتنازل عن الموضوع

المفروض مصرف قطر المركزي يتخذ اجراءات صارمه ضد البنوك في معالجه هالمشاكل لانها كثرت في الاونه الاخيره

[عيسى111]

قلنا لهم يجب أن لا تتم عملية سحب أي مبلغ إلا برسالة لهاتف صاحب البطاقة وتتم الموافقة من قبله بإعادة الرسالة للبنك بالموافقة على عملية صرف المبلغ من الصراف الآلي أو استقطاعه لأي شركة أو محل وبهذه الطريقة ستتقلص عملية السرقات

[بوخالد911]

هلا

نعم صارت لفريجي
كان في هونج كونج
ولما رجع بيومين
وصل له مسج بالخصم !!!

المشكلة تكمن في وجود بعض الأجهزة بالمحلات تقوم بنسخ بيانات البطاقة

الحل : ابلاغ البنك فورا وعدم التأخر

بس سالفة ال 100 يوووم اشوووفها واااايد

المفروض اسبوعين الى 3 اسابيع فترة كافية

[عيون الدوحة]

صارت معاي شهر ظ،ظ* من ظ¢ظ*ظ،ظ£ بنك المصرف
المسج جاء من اوربا بخصم ظ،ظ*ظ* يورو
ولين الحين ماعوضوني معني رحت لهم وقدمت طلب مطالبه

[Fahad Alqahtani]

سلامي على بنك اوف أميركا اكلمهم وانا في السيلية ما أوصل الريان الا الفلوس في الحساب .

[bos3eed]

الحل , حساب بدون بطاقة سحب من اي نوع وبدون انترنت مصرفي او هاتفي ويكون للمبالغ العاليه

[khalid525]

راجع البنك هذي عملية احتيال وال iban ماله علاقه

[أم هشام]

انخصم من حسابه 3500؟

واي بنك هو؟

نعم 3500
بخاف يحسبوه تشهير للبنك لكن هو ببنك محلي بالدوحة


هل السحب حدث بتاريخ 2014 /4/1 ؟

اذا بهذا التاريخ فبالتأكيد المبلغ مسروق وعليه مراجعة البنك .
صحيح بهذا التاريخ ,,, لكن ايش معنى حددت هذا التاريخ اخي .. في سي معين بهاليوم صاير

[أم هشام]

اشكر جميع اللي ردو علي .. عموما هي بطاقة atm عادية وليس بطاقة انترنت و لا فيزا

[القبطان سلفر]

صحيح بهذا التاريخ ,,, لكن ايش معنى حددت هذا التاريخ اخي .. في سي معين بهاليوم صاير

اعرف اسم البنك والوقت الذي تم السحب فيه فقط للتأكد .


الرجاء اعلامي بأسم البنك على الخاص لاقول لك كيفية استرجاع المبلغ .

[معماري قطري]

انا توصلني مسجات غريبة بأن تم الشراء من بطاقتي العادية بمبلغ معين ومن مكان معين

إتصلت بالبنك وقالوا الحل اننا نوقف البطاقة بس ما نشوف حسابك ناقص .. قلت خلاص اصبروا باشوف شالموضوع .. وتجيني مسجات وعلى الجوال القطري وأشوف حسابي بالنت ويوصلني حسابي بالايميل وتوصلني مسجات بأن حسابي كما هو ما أثر فيه هذا الشراء.

التفسير الوحيد إن شخص آخر يسحب من حسابه وبالغلط الرسائل توصل على رقمي أو هو كاتب الرقم غلط.

[بونووف]

عادي انا سحبوا مني حروة ال 3700 على 8 سحبات وكل سحبه 470 تقريبا
ومن دوله اسيويه ..وعقب 4 او 5 شهور رجعوا لي المبلغ في حسابي

حسابي في المصرف ..

قدمت شكوى
وقفوا البطاقه
عقب شهرين وشي اطلبوا مني اجيب جوازي فرع الفنار الطابق الثاني عشان يتاكدون اني كنت متواجد فالدوحه وقت السرقه
وعقبها بشهرين نزلوا المبلغ في حسابي

[أم هشام]

انا توصلني مسجات غريبة بأن تم الشراء من بطاقتي العادية بمبلغ معين ومن مكان معين

إتصلت بالبنك وقالوا الحل اننا نوقف البطاقة بس ما نشوف حسابك ناقص .. قلت خلاص اصبروا باشوف شالموضوع .. وتجيني مسجات وعلى الجوال القطري وأشوف حسابي بالنت ويوصلني حسابي بالايميل وتوصلني مسجات بأن حسابي كما هو ما أثر فيه هذا الشراء.

التفسير الوحيد إن شخص آخر يسحب من حسابه وبالغلط الرسائل توصل على رقمي أو هو كاتب الرقم غلط.

ان شاء الله يكون نفس كلامك اخي بسأل اخي


عادي انا سحبوا مني حروة ال 3700 على 8 سحبات وكل سحبه 470 تقريبا
ومن دوله اسيويه ..وعقب 4 او 5 شهور رجعوا لي المبلغ في حسابي

حسابي في المصرف ..

قدمت شكوى
وقفوا البطاقه
عقب شهرين وشي اطلبوا مني اجيب جوازي فرع الفنار الطابق الثاني عشان يتاكدون اني كنت متواجد فالدوحه وقت السرقه
وعقبها بشهرين نزلوا المبلغ في حسابي
الله يسمع منك عقبال اخوي :)

[أم هشام]

شكرا اخواني لمتابعتكم المشكله ..
ولو صار مع اخوي شي جديد بخبركم ,, لتوخي حذر وتنبيه الجميع ,,

[اليشم]

أنا انخصم مبلغ مني مبلغ بسيط من بريطانيا....محل بيتزا
كانت محاوله.....إذا نجحت، تتبعها السرقه الكبيره
البنك يعوض أي مبلغ، الواحد لازم بس ينتبه لحسابه الداخل والطالع