كيفية انشاء مطبخ شعبي؟؟؟ممكن مساعده

[OMM Ali]

السلام عليكم. ارجوا من كل الاخوان الي عندهم خبره في انشاء مطبخ شعبي ارجوا مساعدتي. لآني ناويه افتح مطعم شعبي. بس مو عارفه من وين اطلب الطباخين والعمال. مع العلم انني لي خبره في الطبخ الشعبي والمطعم انا الي راح اديره

[اعمار قطر]

هلا اختي تواصلي وياي وان شاء الله اساعدك بكل امورك

[رحال الدوحه]

السلام عليكم. ارجوا من كل الاخوان الي عندهم خبره في انشاء مطبخ شعبي ارجوا مساعدتي. لآني ناويه افتح مطعم شعبي. بس مو عارفه من وين اطلب الطباخين والعمال. مع العلم انني لي خبره في الطبخ الشعبي والمطعم انا الي راح اديره

وعليكم السلام ورحمة الله وبركاته ،،

هلا اختي والسموحه عالرد المتأخر ، بخصوص استفسارج اول شئ تطلعين السجل التجاري
وبعدها تشوفين لج محل تجاري او بيت او فيلا حسب اللي تشوفينه مناسب لج ...

( المطابخ الشعبيه ) من ضمن الانشطه الخدميه اللي مسموحه داخل الفريج من البلديه
وراح تكون متطلباتهم ( الدفاع المدني + ادارة المرور + قسم مراقبة الاغذيه ) بعد الحصول
على الموافقات يتم استخراج الرخصه التجاريه لمزاولة النشاط .

أما بخصوص الموظفين والعماله بعد السجل التجاري والرخصه التجاريه تفعلين بطاقتج الشخصيه
من الجوازات وتقدمين عن طريق حكومي على وزارة العمل وتطلبين العماله حسب التخصص .

أتمنى قدرت افيدج اختي وربي يوفقج والجميع

رحال الدوحه

[OMM Ali]

مشكور اخوي على الرد

[sameh _hamza]

موفقين باذن الله