ديكور بلازما

[amm]

السلام عليكم


شلونكم اعضاء المنتدى

جزاكم الله خير بغيت حد يفيدني بمحل يسوي ديكور جبسن بورد لمكان البلازما مثل هالصوره http://www.almuhands.org/forum/imgcache2009/4/18928almuhands.org.jpg

[معماري قطري]

تبي رايي هذا بيطلع ممل لو سويته وما فيه جمال

الأفضل لو حاب تسوي خشب مزخرف أو مثل الجبس اللي بنقوشات ملونة مغربية ويجي التلفزيون شوي بارز .. لأن تلفزيونات الحين تجي إضاءَتها قوية ولا تحتاج تظليل وتكون بارزة علشان تنشاف من الجنب وعلى زاوية .. شفت ناس مسوين كسرة في الحايط وداخلها التلفزيون وعلى التلفزيون مسوي فريم خشب وزجاج عادي .. وطالع الشكل حلو ونظيف بس العيب إن الزجاج العادي يعكس نور الليتات ويبين التلفزيون مب واضح وطالع غير عملي وإستحيت أبدي رأيي وقلت زين.

[بوNasser]

السلام عليكم


شلونكم اعضاء المنتدى

جزاكم الله خير بغيت حد يفيدني بمحل يسوي ديكور جبسن بورد لمكان البلازما مثل هالصوره http://www.almuhands.org/forum/imgcache2009/4/18928almuhands.org.jpg

السلام عليكم ورحمة الله

يمكن مثل ما قال اخونا معماري، لو كان التلفزيون بارز يعطي شكل جمالي افضل، ((مسألة انعكاس الاضاءة من زجاج التلفزيون، صج بلشه، الستاير في الصالة عندي دايما مسكره بسبب الانعكاس)).


بعد داخل الطوفة يمكن يكون مناسب "طبعا في الأخير المسألة اذواق"

كنت العب ببرنامج تصميم بسيط 3 دي، وطلعت بهذا الشكل كفكرة بس

http://www.ab2004.com/muntada/mj001.jpg


تحياتي لك وللجميع

[معماري قطري]

ما شاء الله عليك بو ناصر طلعت مصمم فنان .. صج الشكل هذا ممكن ينعمل بسهولة من الخشب أو من الخشب الملبس بجبس وممكن القواطع الصغيرة تكون من داخل منحنية .. بس الزين فيه التناظر .. وحبيت أوضح نقطة اللي هي إن تلفزيونات الال اي دي الحديثة اضاءتها قوية ولا تحتاج تكون مخفية .. ممكن تكون معلقة حتى على حائط ومعرضة للنور وتبين واضحة.

[Chambray]

مب سهل بوناصر :)

مثل ماقالوا الاخوان ( الخشب ) اجمل وارقى من الجبس

[قطر833]

طلبك موجود عند رافكو
الماده: ام دي اف، جلوسي (لامع)
الوانهم حلوه وموديرن ويسوون لك اضائه ال اي دي
انا انصح فيهم لسبب واحد
اول شي بياخذون القياسات وبيصممون لك على مزاجك وبيركبون الاضائه ولا بيعورون راسك
1-راعي المنجره مابيفرق في السعر+ ماله خص في الاضائه بتضطر تجيب كهربائي
ووراعي الجبس اصلا مابيجيك البيت على قطعه هالكبر+ بيعور راسك في التصميم+ وبيقلك جيب لي كهربائي
انا افضل مكان واحدتتعامل معاه افضل بغض النضر عن الماده الي بتستعملها خشب او جبس او ام دي اف
مووفق

[amm]

يعطيكم العااافيه على الردود

مشكوووور اخوي بوناصر على التصميم ....كنك عارف التصميم اللي ابيه :)


وياليت لو تعرفون محلات تسوي تصاميم خشب تفيدونا فيهم

[معماري قطري]

كثيرة المناجر اللي تسوي وطلعت مناجر سريعة يسوون اللي تبي وبرخيص

فيه مغربي في البنايات اللي صوب السنتر يدير محل ديكور اسمه اتيليه 99 على ما اعتقد أو رقم مقارب .. ورافكو أكيد مختصين وعندهم كل شيء وغيرهم الأرقى والغالي منجرة السلام.

بس ديكور يكون لاصق في الحايط ومب مغطي على التلفزيون يطلع حلو مع شوية أرفف قزاز ويجي التلفزيون معلق عليه .. وممكن تخفي وايرات سماعات ونظام صوتي متطور أو تاخذ وايرلس والسماعات تجي مدمجة مع الديكور ومحسوب حسابها .. وللرسيفر تحتاج رف قزاز بسيط .. لأن تلفزيونات ألحين وخصوصاً الإل اي دي تجي إضائتها قوية وتبين من الجنب واضحة وما تحتاج تغطية.

[dream~qa]

سؤال : رافكو يجي على شغلات بسيطة ؟؟؟؟

[ضوى]

والله سويته ووايد تحسفت بالفعل مثل ما قال اخوي معماري قطر ممل للنظر افكر اغير اللون الحين

[k.fatma]

ديكور للبلازما خشب مع جلد ملبس راقي وجاهز تلاقونه في محلات شارع ال شافي " ارابيسك" وننفسه في living اللي في النصر
وتقدرون تشلونه وتحطونه أي مكان اذا بتغيرون أحسن من الديكورات الثابته الممله
هذا رايي ""وشكرا