ظاهرة التسول تعود من جديد

[Bo Rakan]

[center]السلام عليكم ورحمة الله وبركاته ،،

في البداية ترددت في كتابة الموضوع ولكن فكرت في طرحه واخذ ارائكم فيه ونظرتكم حول هذه الظاهره التي اختفت وها هي الان بدأت في الظهور من جديد ...

امس صارلي موقف وبالتحديد في سوق الجبر كنت مودي الاهل ياخذون اغراض والخ وانتظرتهم في السياره امام احد المحلات مرت وحدة جدام السياره وشايله في يدها بنت صغيره تقريبا عمرها سنه ودخلت للمحل وبعد دقيقه طلعت ويوم جافتني جات لين السياره وسلمت رديت السلام الا تطلع لي ورقه شبه عاديه وتشكي الحال وتقول ساعدني بنتي تعبانه و و و و وانا قاعد اطالع البنت المسكينه ومافيها الا العافيه والهواء والبرد ضارب ويها :eek5:واكسرت خاطري البنت ورديت عليها باسلوب محترم لاكنها ما تنصرفت وتمت واقفه عند الباب يعني غصب طيب الا اعطيها ويوم زفيتها:anger1: قالت لي السموحه وانا اسفه وحركت وراحت دشت محل ثاني انا قعدت افكر وقلت بنادي راعي المحل واجوف شسالفتها ويوم كلمته وسألته عنها قالي هاي صارلها 3 ايام على نفس الحال ووغيرها 3 انا الي نرفزني انه شايله معاها هالبنت المسكينة وتدور فيها في هالبرد والهوا وتتبلى عليها بهدف تكسر خاطر الناس وتاخذ فلوس ،،
انا عن نفسي اتصلت في 999 وماقصرو خذو مواصفاتها ومواصفات البنت الي معاها وقالو راح يتم البحث ويتعاملون مع الموضوع

ياريت كل واحد يعطينا رأيه وشنو اسباب ظهور التسول وما الحل للحد من هالظاهره !!!؟

[نوآف]

كسب مال سريع بدون تعب هاي ظاهرة التسول

ولا ترى محد محتاج في قطر والكل يدري بهالشي !

انشالله ياخذون البنت منها لانها ماتستاهل تكون ام ,

جنسية الطراره شنو ؟ عربيه - خليجيه

لان ماتوقع القطريه تتنزل تسوي كذا

[Bo Rakan]

كسب مال سريع بدون تعب هاي ظاهرة التسول

ولا ترى محد محتاج في قطر والكل يدري بهالشي !

انشالله ياخذون البنت منها لانها ماتستاهل تكون ام ,

جنسية الطراره شنو ؟ عربيه - خليجيه

لان ماتوقع القطريه تتنزل تسوي كذا

فعلا كسب المال السريع هو الهدف الاساسي واستغلال البنت في هالموضوع هو جريمه بحد ذاته وبالنسبه للجنسيه فهي عربيه وانا اذكر هالشي عشان الكل ينتبه ويكون على دراية بالموضوع

[الخيالة]

مره كنت في عيادة نسيم الربيع ناطرين الدور دشت علينا وحده وقامت تقول ساعدوني وماعرف شنو والحريم اللي كانوا اهناك كل وحده دفعت وانا بنية الصدقة دفعت مبلغ بسيط بس ماحب اعطيهم دوم لان اذا صج محتاجين يروحون جمعيات الخيرية مب يطرون كانت مرة كبيره انا استحيت والله مب حلوه

[Bo Rakan]

مره كنت في عيادة نسيم الربيع ناطرين الدور دشت علينا وحده وقامت تقول ساعدوني وماعرف شنو والحريم اللي كانوا اهناك كل وحده دفعت وانا بنية الصدقة دفعت مبلغ بسيط بس ماحب اعطيهم دوم لان اذا صج محتاجين يروحون جمعيات الخيرية مب يطرون كانت مرة كبيره انا استحيت والله مب حلوه

الله يعطيج على قد نياتج اختي ، الجمعيات الخيريه موجودة والحمدلله قايمه بواجبها على احسن وجه ولكن البعض يقوم باستغلال طيبه الناس في كسب سريع وغير مشروع ،، امرأه كبيره فالسن اهون من وحدة شايله بنت صغيره فهالبرد وتتبلى عليها والمسكينه مافيها شي

[فارس قطر]

اسيويون وعرب قاعد ين يوميا يدورن في شارع مخبز الرغيف الساخن الى في نجمة وسوق الجبر طرارة في الفترة المسائية من المسئول

[غير البشر]

مره كنت في عيادة نسيم الربيع ناطرين الدور دشت علينا وحده وقامت تقول ساعدوني وماعرف شنو والحريم اللي كانوا اهناك كل وحده دفعت وانا بنية الصدقة دفعت مبلغ بسيط بس ماحب اعطيهم دوم لان اذا صج محتاجين يروحون جمعيات الخيرية مب يطرون كانت مرة كبيره انا استحيت والله مب حلوه



انا جاتني وحده في عياده الدوحه
قالت لي امي تعبانه والحين ماخذينها تصوير
وماعندي فلوس حق علاجها

قلت لها ان شاء الله ابشري علاج والدتج كامل علي
انا ادفع لها كل علاجها

بس لما تخلص شوفي كم المبلغ كامل وجيبي معاج الفواتير وبروح ادفع المبلغ
وانا قاعد في نفس المكان ماراح اتحرك مطول

وبس ماشفتها كلش :rolleyes2:

[بصمة قطرية]

حرام عليهم يتبلون على عيالهم و أهلهم ..!!!
يعني عشان الفلوس يمرضونهم ..
إستغفر الله العظيم ..
تنبط جبدي لما يجيني رجال يطر ..!!!
مب حلوة في حقي يوقفني قدام العالم
من فترة منت في شارع معيذر التجاري
جاني واحد و أنا بركب السيارة
يلحقني لو سمحتي إختي و لو سمحتي إختي
قبل لا أفتح الباب وقفت و قلت له :
عييييب عليك توقفني و تكلمني والله عيب ..
ماد الأوراق ما عطته مجال لأني ما أحب هالشي ..
و مرة دخلت محل دخل وراي واحد
أول ما تكلم قلت له عيب عليك تدخل معاي المحل ..!!!!

[Bo Rakan]

اسيويون وعرب قاعد ين يوميا يدورن في شارع مخبز الرغيف الساخن الى في نجمة وسوق الجبر طرارة في الفترة المسائية من المسئول

هالشي كان مختفي تقريبا بشكل نهائي لما قامت وزاره الداخليه بالتشديد على ظاهرة التسول والتصدي لهم والقاء القبض عليهم ولكن خلال الاونه الاخيره بدأو بالظهور وانا من راي اذا جفت هالشي بلغ 999 وهم راح يقومون بواجبهم لانه اذا جافو محد اعترض لهم راح تزداد هالظاهره وراح انعاني منها فالمستقبل

[Bo Rakan]

حرام عليهم يتبلون على عيالهم و أهلهم ..!!!
يعني عشان الفلوس يمرضونهم ..
إستغفر الله العظيم ..
تنبط جبدي لما يجيني رجال يطر ..!!!
مب حلوة في حقي يوقفني قدام العالم
من فترة منت في شارع معيذر التجاري
جاني واحد و أنا بركب السيارة
يلحقني لو سمحتي إختي و لو سمحتي إختي
قبل لا أفتح الباب وقفت و قلت له :
عييييب عليك توقفني و تكلمني والله عيب ..
ماد الأوراق ما عطته مجال لأني ما أحب هالشي ..
و مرة دخلت محل دخل وراي واحد
أول ما تكلم قلت له عيب عليك تدخل معاي المحل ..!!!!

ما هو الحل لايقافهم والحد من هالظاهره ؟!

[بصمة قطرية]

ما هو الحل لايقافهم والحد من هالظاهره ؟!

لازم يشددون العقوبة
عشان نحد من هالظاهرة اللي رجعت بقوة ..

[الأسبانية للمصاعد]

اشرايكم من كم سنة وحدة طلبت المقسوم وحصلت اللي كان مكتوب لها وبعدين شكيت في تصرفها ولين حاولت اراقبها بين السيارات ..... شفتها اركبت بنتلي وكانت فيه وحدة بسواق

الظاهر عصابة

[بوخالد911]

ظاهرة سلبية مرفوضة

المهم ارقام مكافحة التسول :

2347444 ( 24 ساعة )
2347453


يا ريت تخزنون الارقام عندكم

[سرايات]

في يوم راحوا الاهل ازدان مول وكان قرب وقت الصلاة فدخلو ا غرفة الصلاة المخصصة للنساء وهناك كان في[وحده من جنسية
عربية صغيرة في السن حول 23 سنه جالسة وشوي فتحت معاهم موضوع عادي جدا فردوا
عليها شوي وحولت الموضوع الى احتياج وطرارة وكله تقول لهم عسى ما زعلتكم او ضايقتكم وان زوجها مريض
بالسل وفصل من شغله بسبب المرض وان ولدها صغير عمره شهور وابوه جالس معاه وانهم جايين من عمان وبقعدون
شهرين بس ما عندهم حق الايجار ومتورطين وعقب الشهرين بيسافرون بلادهم وصبت دموعها صب الاهل حسوا ان الكلام
تمثيل فطلبوا يوصلونها بيتها ويشوفون حالتها عشان يطلبون لها مساعدة اكثر ولمل قاموا عشان يصلون التفتوا لها فلقوها
ماسكة التلفون الظاهر تتفاهم مع زوجها عشان يستعد ويهئ المكان لانها ما كانت راضية يوصلونها ولا صلت المهم الاهل عطوها
المقسوم وهي تنطر قيمة الايجارالفين ريال على قولها بس الواحد من كثر ما شاف ما يصدق كل شيء بعد فترة راحوا
الاهل ازدان مول ولما دخلو غرفة الصلاة غير اللي صلوا فيها قبل والا نفس المراة جالسة بس عرفتهم وطول الوقت عينها
عليهم ولا نطقت بكلمة لهم ولا للحريم اللي موجودين يعني مش جاية تصلي

[بوخالد911]

يا جماعة : المتسولين لا تعطوهم وجه

مجرد حرامية ونصابين يستغلون الطيبة فيكم

[مشاكل]

قال تعالى : ( وأما السائل فلاتنهر )

قال رسول الله صلى الله عليه وسلم : ( قال رجل لأتصدقن الليلة بصدقة فخرج بصدقته فوضعها في يد زانية فأصبحوا يتحدثون تصدق الليلة على زانية قال اللهم لك الحمد على زانية لأتصدقن بصدقة فخرج بصدقته فوضعها في يد غني فأصبحوا يتحدثون تصدق على غني قال اللهم لك الحمد على غني لأتصدقن بصدقة فخرج بصدقته فوضعها في يد سارق فأصبحوا يتحدثون تصدق على سارق فقال اللهم لك الحمد على زانية وعلى غني وعلى سارق فأتي فقيل له أما صدقتك فقد قبلت أما الزانية فلعلها تستعف بها عن زناها ولعل الغني يعتبر فينفق مما أعطاه الله ولعل السارق يستعف بها عن سرقته )

[مخطط قطري]

انا اختلف مع الجميع اي حد يجيني افتح البوك واعطيه الي قاسمه انتو ماتطلعون على قلوبهم ولاتعلمون الغيب مادفعها لهذا الشي الا الشين وش بتخس عليك 500ريال ولا الف الخير واجد عط وعند الكريم الخير كله
استغرب من بخيل يعلم الناس البخل
وبعدين اذا الدوله حضاريه وماتسمح بهالامور تكثف حملاتها وتحقق في الامر المحتاج توديه الجمعيه الخيريه وتسد حاجته والي ماخذ العمليه نصب تحاكمه اما اني احكم عليه بنفسي وماعطيه واقول للناس لاتعطونهم لانهم يخربون الواجهه الحضاريه للبلاد يراجع ايمانه ومستوى البذل والعطاء عنده ابرك

[Bo Rakan]

انا اختلف مع الجميع اي حد يجيني افتح البوك واعطيه الي قاسمه انتو ماتطلعون على قلوبهم ولاتعلمون الغيب مادفعها لهذا الشي الا الشين وش بتخس عليك 500ريال ولا الف الخير واجد عط وعند الكريم الخير كله
استغرب من بخيل يعلم الناس البخل
وبعدين اذا الدوله حضاريه وماتسمح بهالامور تكثف حملاتها وتحقق في الامر المحتاج توديه الجمعيه الخيريه وتسد حاجته والي ماخذ العمليه نصب تحاكمه اما اني احكم عليه بنفسي وماعطيه واقول للناس لاتعطونهم لانهم يخربون الواجهه الحضاريه للبلاد يراجع ايمانه ومستوى البذل والعطاء عنده ابرك

الشيخ رايك ونحترمه وجزاك الله كل خير وهاي مب بخل او مسأله فلوس وبالنسبه لموضوع تعطي او لا الاشخاص المحتاجه يكون مبين عليهم هالشي والنصاب بعد ينكشف وبسهوله وبعدين انا تكلمت عن موقف اثارني ما قلت عط او لا تعطي فلما انا اجي امسك بنت صغيره مايتجاوز عمرها سنه واطلع فيها فهالبرد والهواء وابتلي عليها وهي مسكينه مافيها الا العافيه هالشي محد يرضاه مهما كان ،، ويعتبر استغلال :yes::yes:

[وحيد-الشوق]

اغلبهم كذابين ياما ناس محتاجة وعندها عزة نفس وماتطلب من احد اما ذيلا في كل مكان بنتي وامي ومحتاج ومن هالخرابيط صدقوني هم مب محتاجين وهذيلا اغلبهم عصابة في اوروبا اغلب المتسولين عصابات تديرهم وتحطهم في المكان الفلاني والموضه الجديده يشوفون المسلم والعربي ويسلمون عليه والله صادفت موقف وحده تمت تلاحقنا من محل لين محل واخوي قال والله مابعطيها وانا ماعندي خردة ههههههه ركبت معانا الاصنصير لعوزتنا وفي الاخير اختي عطتها وبعد ساعتين شافتنا في مطعم وجات بعد والله لو رجال كنت ضربته ههههههههه

[ذكـــــرى]

المصيبه انه بعضهم (خليجيين) قسم بالله كانت قاعده في مقهى ويوم مريت وقفتني وتقولي عطيني فلوس انا جايه من ........ وماعندي فلوس حق الفندق قلت لها طيب شلون جيتي وليش جايه من الاساس دام ماعندج فلوس ؟ والله لو عندي ماعطيها ربع ريال حتى لحد يعطيهم هذولا نصابين ويستغلون طيبت شعبنا

[Dana’1]

فعلا الطرارة وإنهم فقرانين بأشكالهم منتشرة بقطر وسوق الجبر شكله مرتع لهم
أنا جاني واحد ودخل علي بالمحل يورني ورقة وانه مسكين ما أعرف إيش جنسينة بالضبط لبسة لبس البتان
قلت الله يعطيك.. تم يحن قلت أنت إذا أنت مسكين فعلا بساعدك وادخل إسمك للجمعية خيرية ققام يخربط ... قلت أجل روح وحط رجله
قلت للبابعه والبايع الي بالمحل ليش تخلونهم يدخلون مايصير كذا
ليش مايبلغون ما اعرف

[STAR2012]

الموضوع ومافية بعد تشديد دول الخليج وابعاد المتخلفين غيرو الخطة وطريقة اللعب الى الطرارة في الاسواق وعند الاشارات وطرق ابواب البيوت حريم واطفال ورجال لانهم يتوقعون ابعادهم اي لحظة فيحتاجون يكون عندهم مال اذا رجعو لبلدانهم وهذا شي تم معرفته بعد القاء القبض على رجال بملابس نساء

[bos3eed]

انا اختلف مع الجميع اي حد يجيني افتح البوك واعطيه الي قاسمه انتو ماتطلعون على قلوبهم ولاتعلمون الغيب مادفعها لهذا الشي الا الشين وش بتخس عليك 500ريال ولا الف الخير واجد عط وعند الكريم الخير كله
استغرب من بخيل يعلم الناس البخل
وبعدين اذا الدوله حضاريه وماتسمح بهالامور تكثف حملاتها وتحقق في الامر المحتاج توديه الجمعيه الخيريه وتسد حاجته والي ماخذ العمليه نصب تحاكمه اما اني احكم عليه بنفسي وماعطيه واقول للناس لاتعطونهم لانهم يخربون الواجهه الحضاريه للبلاد يراجع ايمانه ومستوى البذل والعطاء عنده ابرك

لاحول ولاقوة الابالله, الموضوع مب بخل الموضوع ان الصدقات حق للفقراء واذا راحت للي مب محتاج بينحرم اللي بالفعل محتاج. وترى مب كل الناس بتعطي ريال او ريالين تبرءة ذمه, في ناس للاسف تعطي ها النصابين بالاف وبكره لما يكون في حد صدق محتاج يتورع في الانفاق. لا والف لا لمن يكسب بدون عمل, هذي افه على المجتمع ويجب التخلص منها. هذا اللي كسب اموال طائله بالحرام وش تتوقع يسوي فيها غير كل مايفسد المجتمع.

[خفيف الروح]

سبحان الله ان صارت مع مرتين


الاول كانت في عيادة الدوحه وان كنت صوب الاشاعه الا وحده جاتني وقالت بنتي باقي علية 350 وقلت له طيب وين ابوه قالت متوفي بصراحه ان كنت متردد وبعد قالت لي خذ هذا الختم خقي """يعني رهن "" ومن حسن نية من عندي عطيتها 300 قالت بس ان قالت 350 والله واعصب علية قالت خلاص جبي المبلغ قالت خلاص والمشكلة انها لبسة عباية اسلامية ؟؟؟

والثانية كنت في شارع ام الدوام وكان وقت في المساء وان طالع من المحل وابي اركب سيارتي واشوف حرمتين جين صوب واسمع وحده قالت لثانية انتي روحي حق السيارة الثانية وان اركب بسرعه على شان اتجنبهم وتطق على دريش السيارة قلات السلام وعليكم ورديت السلام قلت نعم فيه شي قالت عندي مصحف صغير يعلقون في السيارة نوع من انوع التسول قلت بكم قالت 30 وقلت ويش دعوه في السوبر ماركت 10 وانتي 30 قلت لا خلاص مابية وبعد قلت ممكن تساعدني ان محتاجة قلت الله يعطيج وان افكر قلت ليش ما اكلام ادارة التسول

السؤال اللي يطرح نفسة ايذ صار مثل هذه المواقف كيف التصرف ؟؟؟؟

[توشيبا]

استغفرالله من بعض الردود

وشكلهم نسوو الايه ( وَأَمَّا السَّائِلَ فَلا تَنْهَرْ )

ياخوان اذكرو الله ولا احد ينفش عظلاته علي محتاج

عندك خير تعطيع لوجه الله عطه سوا كان صدق محتاج او نصاب فلا نعلم بس مدام مد يده قوله الله يرزقه ويرزقنا او عطه من الخير اللي ربك عطاك

[توشيبا]

سبحان الله ان صارت مع مرتين


الاول كانت في عيادة الدوحه وان كنت صوب الاشاعه الا وحده جاتني وقالت بنتي باقي علية 350 وقلت له طيب وين ابوه قالت متوفي بصراحه ان كنت متردد وبعد قالت لي خذ هذا الختم خقي """يعني رهن "" ومن حسن نية من عندي عطيتها 300 قالت بس ان قالت 350 والله واعصب علية قالت خلاص جبي المبلغ قالت خلاص والمشكلة انها لبسة عباية اسلامية ؟؟؟

والثانية كنت في شارع ام الدوام وكان وقت في المساء وان طالع من المحل وابي اركب سيارتي واشوف حرمتين جين صوب واسمع وحده قالت لثانية انتي روحي حق السيارة الثانية وان اركب بسرعه على شان اتجنبهم وتطق على دريش السيارة قلات السلام وعليكم ورديت السلام قلت نعم فيه شي قالت عندي مصحف صغير يعلقون في السيارة نوع من انوع التسول قلت بكم قالت 30 وقلت ويش دعوه في السوبر ماركت 10 وانتي 30 قلت لا خلاص مابية وبعد قلت ممكن تساعدني ان محتاجة قلت الله يعطيج وان افكر قلت ليش ما اكلام ادارة التسول

السؤال اللي يطرح نفسة ايذ صار مثل هذه المواقف كيف التصرف ؟؟؟؟

اما اللي تبغي تبيع لك مصحف لو مكانك كان بدال 30 ريال عطيتها من طيب نيبه طالب الاجر مبالغ اكثر او شريته بنفس المبلغ اللي اهي تبيعه

ماتعرف يمكن يكون سبب يشفع لك اما الخالق يوم الحساب

[الوسيط العقاري]

انا اختلف مع الجميع اي حد يجيني افتح البوك واعطيه الي قاسمه انتو ماتطلعون على قلوبهم ولاتعلمون الغيب مادفعها لهذا الشي الا الشين وش بتخس عليك 500ريال ولا الف الخير واجد عط وعند الكريم الخير كله
استغرب من بخيل يعلم الناس البخل
وبعدين اذا الدوله حضاريه وماتسمح بهالامور تكثف حملاتها وتحقق في الامر المحتاج توديه الجمعيه الخيريه وتسد حاجته والي ماخذ العمليه نصب تحاكمه اما اني احكم عليه بنفسي وماعطيه واقول للناس لاتعطونهم لانهم يخربون الواجهه الحضاريه للبلاد يراجع ايمانه ومستوى البذل والعطاء عنده ابرك

أتفق معاك

[على العهد]

انا اختلف مع الجميع اي حد يجيني افتح البوك واعطيه الي قاسمه انتو ماتطلعون على قلوبهم ولاتعلمون الغيب مادفعها لهذا الشي الا الشين وش بتخس عليك 500ريال ولا الف الخير واجد عط وعند الكريم الخير كله
استغرب من بخيل يعلم الناس البخل
وبعدين اذا الدوله حضاريه وماتسمح بهالامور تكثف حملاتها وتحقق في الامر المحتاج توديه الجمعيه الخيريه وتسد حاجته والي ماخذ العمليه نصب تحاكمه اما اني احكم عليه بنفسي وماعطيه واقول للناس لاتعطونهم لانهم يخربون الواجهه الحضاريه للبلاد يراجع ايمانه ومستوى البذل والعطاء عنده ابرك


معاك في كل كلمة :ok2:

[ريم الشمال]

من اعطا اعطى نفسه
هي ظاهره غير محببة ولكن من المخول بمحاربة هذه الظاهرة الدولة بحيث يتم ضبط هؤلاء ودراسة حالتهم المادية وتحويلها للجمعيات الخيرية حتى يتم بتر هذه الظاهرة بحيث أن الدولة قامت بواجبها من خلال مؤسساتها وما في إي خلل لوقام الشعب بالمساعدة للقضاء على هذه الظاهرة لأن انتشارها يسبب تشويه للبلاد خاصة مثل بلادنا ولله الحمد والمنه معظم شعبها في خير والدوله ترعى مواطنيها من المحتاجين أما الذي دخل بلادنا وضاقت عليه الدنيا لإي سبب من الاسباب الدولة تساعده والعباد يساعدونه ولكن دون تسول يضر بجمال بلادنا

ومسئلة التعاطي مع هؤلاء نجعل اخلاقنا مثل ما اوصنا ديننا وأما السائل فلا تنهر

[جبر ال جبر]

:victory:
انا اختلف مع الجميع اي حد يجيني افتح البوك واعطيه الي قاسمه انتو ماتطلعون على قلوبهم ولاتعلمون الغيب مادفعها لهذا الشي الا الشين وش بتخس عليك 500ريال ولا الف الخير واجد عط وعند الكريم الخير كله
استغرب من بخيل يعلم الناس البخل
وبعدين اذا الدوله حضاريه وماتسمح بهالامور تكثف حملاتها وتحقق في الامر المحتاج توديه الجمعيه الخيريه وتسد حاجته والي ماخذ العمليه نصب تحاكمه اما اني احكم عليه بنفسي وماعطيه واقول للناس لاتعطونهم لانهم يخربون الواجهه الحضاريه للبلاد يراجع ايمانه ومستوى البذل والعطاء عنده ابرك
كثر الله من امثالك وجزاك الله خير

[الصغيره]

قدااام مكتبة ابن القيم هندي لابس لباس ما يدل انه فقير ابد ابد قاعد يطلب فلوس لعلاج امه

[المحاميه]

انا كل ماظهرت اتعرض حق هالمواقف
قبل كنت اقول يمكن صاجين بس الحين قمت اشك واصرفهم

تحصلونهم فالمجمعات والجمعيات ومساجد المجمعات
ماخلولنا مكان لاحقينا كل صوب

:secret:

[بصمة قطرية]

استغفرالله من بعض الردود

وشكلهم نسوو الايه ( وَأَمَّا السَّائِلَ فَلا تَنْهَرْ )

ياخوان اذكرو الله ولا احد ينفش عظلاته علي محتاج

عندك خير تعطيع لوجه الله عطه سوا كان صدق محتاج او نصاب فلا نعلم بس مدام مد يده قوله الله يرزقه ويرزقنا او عطه من الخير اللي ربك عطاك

أخوي المشكلة إنهم راح يزيدون بهالطريقة ..!!
ما صرنا نعرف المحتاج من اللي مش محتاج ..
صدقني اللي في الشوارع أغلبيتهم مب محتاجين
خذوا الطرارة مهنة ..!!
يكذبون بحجة علاج أو حاجة ...إلخ ..!!
كم موقف صار لي و إنكشفول فيه و عرفت إنهم نصابين
يجونا بإنهم مساكين ومحتاجين ..
لو فعلاً محتاجين مستعدين نوديهم لين صندوق الزكاة و نساعدهم ..
لو عرضت عليهم هالفكرة شردوا ليش ..!!؟؟؟

[جمال اليافعي]

الأمن مسؤولية الجميع ( الداخلية + الشعب ) ان شفتم متسولين الرجاء الاتصال على الارقام التاليه وهي شغاله 24 /7


دائرة مكافحه التسول

2347453
2347444
جوال
66414040

[قطريه22]

ياكثرهم في الجمعيات
في كارفور كم مره اشوف وحده تتسوق واول ماتشوف حد مار تخلي العربانه وتروح تطر
اتنرفز منهم لان يبين عليهم الكذب
اطنش ولاكاني اسمع واروح عنهم

السبب : انه كله يقولون القطريين اغنياء وعندهم فلوس والكل طمعان على بالهم بكم كلمة يقصون فيها على الناس وبيصدقونهم.
اتمنى من الي يشوف هالاشكال يطنش لهم ولايعطيهم اي اهميه.

[أسد الجزيرة]

ادارة التسول سوا رقمكم ثلاثي سهل الحفظ عشان الناس تتصل وقت الحاجة مثلاً

[يمامـة]

الله يهديهم

[الواثق باالله]

ظاهرة التسول غير مقبولة اطلاقاً وخصوصاً في دولة قطر الذي يتواجد فيها جمعيات خيرية

قابلت امرأة قبل شهر تقريباً وانا انتظر على باب مشفى الولادة وهي تطلب من الناس...قلتلها ليش ماتروحين الجمعيات الخيرية

قالتلي رحت والقانون عندهم يعطونك مساعدة كل ستة أشهر!!! وانا عندي أربع عيال وأبوهم يشتغل براتب قليل جداً

طبعاً المرأة من جنسية عربية...المقصودمن الكلام ليش الجمعيات الخيرية ماتتكفل باالعيل يلي تحتاج مساعدة بشكل شهري

بعد التأكد من حالتهم الإجتماعية ولو بتخصيص مبلغ صغير كل شهر بالإضافة إلى المساعدات العينية

أعتقد إذا تطبق هالأمرمن قبل الجمعيات الخيرية ماعاد نشوف ظاهرة التسول وإذا شفنا هاالظاهرة يكون موضوع كذب

وعلى الجهات المختصة الإهتمام بالأمر

كل الشكر على طرح الموضوع

[Abdullah_89]

ألحل طال عمرك كل ميجيك متسول بلغ عنه وحاول تكون قريب منه والدوريه جايه بالطريق

كلم مكافحة التسول واهم يجونك للمكان اللي انت فيه ويمسكون الشخص المتسول

الحين الموضة تجيك وحده معاها طفل وغالبا يكون عمره تحت ال 3 سنوات وتتسول فيه