هل العلاج في اسبيتار للاجانب والرياضيين فقط ؟ ولا شالموضوع ؟

[N203]

السلام عليكم

هل مستشفى اسبيتار للأجانب والرياضيين بس ؟ والقطريين مايتعالجون فيه ؟ ولا شالموضوع ؟

نشوف قطريين يتعالجون وقطريين لا؟ هل الموضوع بعد يبيله واسطه ؟ وكلم فلان وعلان ؟ ولازم اعرفك وتعرفني ؟

أتمنى حد يفيدني !!

شكلها قطر كلها بتصير واسطات ، والغريبه حتى على القطريين الي ينعدون على الأصابع..

مادري متى بنصير دوله متقدمه فعليا ومب بس على الورق !!

[اهل قطر]

حسب لو عندك واسطه
انا لي تجربه رحت مرتين ابغي علاج
قالوا دامك سويتي عمليه في حمد الدكتور ما يشوفك
شدخل؟

[N203]

حسب لو عندك واسطه
انا لي تجربه رحت مرتين ابغي علاج
قالوا دامك سويتي عمليه في حمد الدكتور ما يشوفك
شدخل؟

المشكله انهم دايما يقولون : (( دام المريض راح حمد قبل . خلاص مانقدر نستقبله )) , زين أولا مانتوا اعندكم طوارئ .. وثانيا: في ناس يتعالجون عندكم وناس لا .. يعني الواسطه موجوده ..

هذا احنا القطريين شوي وجذي .. شلون لو عددنا كثير..

الله المستعان

[بصمة قطرية]

قالوا لي روحي و دفعي 300 و سجلي موعد ..!!
بجرب حظي و بروح هالإسبوع و بشوف شيصير ..

[N203]

قالوا لي روحي و دفعي 300 و سجلي موعد ..!!
بجرب حظي و بروح هالإسبوع و بشوف شيصير ..

ماتشوفون شر..

بس هذه أتوقع حق فتح الملف .. اهم شيء بعد او فحص ... هل بيتابعون العلاج ولا بيقولون كالعاده: (( دام انك تعالجت برع قبل ، لازم تكمل برع ))... الكلام هذا ممكن فيه منطق بس مب للحالات الي راحت طوارئ برع وجاتلهم ... لان هم ماعندهم طوارئ من الأساس ..

[بصمة قطرية]

ماتشوفون شر..

بس هذه أتوقع حق فتح الملف .. اهم شيء بعد او فحص ... هل بيتابعون العلاج ولا بيقولون كالعاده: (( دام انك تعالجت برع قبل ، لازم تكمل برع ))... الكلام هذا ممكن فيه منطق بس مب للحالات الي راحت طوارئ برع وجاتلهم ... لان هم ماعندهم طوارئ من الأساس ..

الشر ما يجيكم يااارب ..

لين رحت لهم بستفسر من كل شي ..
عموماًكل فحوصاتي في مستشفيات خاصة ..

[يوسف0]

قطر من زمان وواسطات مب شئ غريب :secret:

هلي تعالجوا هناك ماادري اذا بواسطه ولا لا

[الدووحة]

السلام عليكم
بالنسبة لي كان الأمر مختلف ...... طلبت رقم اسبيتار من اوريدو و بعدين كلمتهم طلبت قسم المواعيد تم تحويل المكالمة على طول للمواعيد .. أخذ من يالموظف البيانات و قال بتكلمك ممرضة الدكتور تحدد لك موعد
بعد 3 ايام كلمتني الممرضة و طلبت تفاصيل أكثر.
بعدها بيومين اتصلت و عطتني موعد (بعد شهر) متأخر شوي بس للأمانه حبيت أذكر الموقف . و لا واسطات و لا غيرها.

[ولد المنصور]

وانا موضوعي مثل اخوي الدووحة الصراحه لا بدون واسطات ومشالله عليهم مهتميين واييد في القطرين

[N203]

السلام عليكم
بالنسبة لي كان الأمر مختلف ...... طلبت رقم اسبيتار من اوريدو و بعدين كلمتهم طلبت قسم المواعيد تم تحويل المكالمة على طول للمواعيد .. أخذ من يالموظف البيانات و قال بتكلمك ممرضة الدكتور تحدد لك موعد
بعد 3 ايام كلمتني الممرضة و طلبت تفاصيل أكثر.
بعدها بيومين اتصلت و عطتني موعد (بعد شهر) متأخر شوي بس للأمانه حبيت أذكر الموقف . و لا واسطات و لا غيرها.

وعليكم السلام

اول موعد مافي مشكله .... انا أتكلم عن تكمله العلاج .. اول مره تفتح ملف ويقابلونك عادي , وتجلس مع الدكتور ويشرح حالتك..

بس تكمله العلاج عندهم هني المشكله.

[N203]

وانا موضوعي مثل اخوي الدووحة الصراحه لا بدون واسطات ومشالله عليهم مهتميين واييد في القطرين

اخوي : الحمد لله مشت معاك وان شاء الله تمشي مع الكل ويكملون علاجهم عندهم .. وصحيح في قطريين هناك , بس مب كل القطريين... هذا قصدي .. يمكن انا مقرود ولا يمشون الي يعجبهم ..

انا واحد رحت وقالولي : لازم يكون الي بيتعالج رياضي ( athlete ) , وشفت بنفسي قطريين مب رياضيين يتعالجون وكبار في السن .. وبعد شفت أجانب وكلمتهم , وقالولي مش رياضيين ولا لهم في الرياضه .. بس صارت لهم كسور واصابات وجاو وتعالجوا بدون أي مشكله..

واكيد اذا انت تتعالج عندهم بيهتمون فيك اخوي , سواء انت قطري او لا. (( هذا مفروغ منه ))
واقولك انت مشت معاك ومب الكل تمشي معاهم . انا اعرف قطريين ماقدرو يتعالجون عندهم , او ماعالجوهم .. اذا تبي تكلمهم وتتاكد بنفسك كلمني على الخاص وبعطيك ارقامهم .. (( قابلتم وهم يتعالجون في الصحة المدرسيه سابقا )) ما اعرف اذا غيروا الاسم..

عندك العضو (( أهل قطر )) .. مثال ..

انا يوم فتحت الموضوع وتكلمت لاني سألت وشفت وقالولي شخصيا , مب أتكلم وبس..

[Cute Mother]

أنا مثل حالتك أخوي .. رحت لهم ومشى موعد عادي وكشف حاله و .. و .. وفي الآخر قالولي حالتك مزمنة وهي شلل أطفال وما عندنا لك علاج !!
وأنا كنت أبي بس علاج طبيعي وتقوية للرجل السليمة عشان اقدر استغني عن وحدة من العكازات
مع أني كنت اتعالج بمستشفى الرميلة من صغري بس ما استفدت الصراحة ..
الدكتورات ما شاء الله زينات .. بس روحوا شوفوا قسم العلاج الطبيعي
حالته يرثى لها والأجهزة قديمة وأكل عليها الدهر وشرب .. غير الزحمة من كثر المريضات وهو أصلا قسم صغيييير !!!


نبي لنا حل ..

[اهل قطر]

الصراحه سبيتار شيء عجيب , شلون يرفضون حد سوى عمليه في حمد , ما يمكن يبغي يشوف رايء ثاني
حتى العلاج الطبيعي عندهم افضل
حتى قابلت العلاقات العامه , قالت مب ذنبه الدكتور يشوف عمليه سواها دكتور غيره
يمكن انها غلط
قلت لها لو رحت اي مكان في العالم ما رفضوني لهالسبب

[N203]

مانقول الا الله المستعان