جربت التعامل مع هذه المحلات ؟عطنا رأيك لو سمحت

[q6ryah]

الموضوع من عنوانه بعطيكم اسماء محلات وقولوا رأيكم لو جربت وا التعامل معاهم او سمعتوا عنهم
اولا خزائن المطابخ ايس رأيكم في الدهليز ومحل خزانة ومطابع العبيدلي والخزائن المبتكرة وكيتشن ون والقصر اللبناني
ثانيا خزائن الغرف ليش رأيكم في الخزائن المبتكرة والدهليز وخزانة ورافكو ؟
أرجوكم ردوا علي ابي أشوف الموضوع صار عشر صفحات الصراحة تعبت وانا أدور
بالنسبة المطابخ ابي المونيوم بحريني وأبي خشب او المونيوم يشبع الخشب يكون كلاسيك وراقيً مالقيته الا عند العبيدلي اما الخشب كل المحلات يقولون الضمان خمس سنوات وهذا اللي معور قلبي ادفع وآخر شي ضمان خمس سنين

[Chambray]

والله انا افتتحت بيتي في بانتري من ايكيا ههههههههههههه والله عجبني جداً وشغلهم روعه صراحة

احين باقيلي المطبخ الرئيسي مادري من وين اسويه
رحت العبيدلي عطاني سعر خرافي مع ان شغله ممتاز
رافكو كل الي عنده خشب . روعه حق بانتري .. لكن حق رئيسي ما انصحج
الباقي ما مريت عليهم صراحة

وانا نفسك محتار جداً

بس الخزائن اغلب الضن اني باسويها عند منجره الشرق

لكن المطابخ لحد الآن متوهق شوي نفس حالتج

[amm]

مووضوع مفييييد

وانا بعد محتاج جدا لأسماء محلات خزائن الملابس

[الســـهم]

اللي عنده استعداد يدفع مبلغ وقدره بمطابخ الالمنيوم انصحه يسويهم عند كيتشن استوديو ..

[q6ryah]

اللي عنده استعداد يدفع مبلغ وقدره بمطابخ الالمنيوم انصحه يسويهم عند كيتشن استوديو ..
صج أخوي تدري أنا أول محل رحت له كيتشن استوديو وعطاني تصميم لكن بدون السعر ومادري ليش مارجعت له ولا حطيته في بالي يمكن لأنه المونيوم سعودي وعلى ماسمعت أن أحسن شي الألمونيوم البحريني

[علـــي]

شيك الخاص

[إعلامي قطر]

الموضوع من عنوانه بعطيكم اسماء محلات وقولوا رأيكم لو جربت وا التعامل معاهم او سمعتوا عنهم
اولا خزائن المطابخ ايس رأيكم في الدهليز ومحل خزانة ومطابع العبيدلي والخزائن المبتكرة وكيتشن ون والقصر اللبناني
ثانيا خزائن الغرف ليش رأيكم في الخزائن المبتكرة والدهليز وخزانة ورافكو ؟
أرجوكم ردوا علي ابي أشوف الموضوع صار عشر صفحات الصراحة تعبت وانا أدور
بالنسبة المطابخ ابي المونيوم بحريني وأبي خشب او المونيوم يشبع الخشب يكون كلاسيك وراقيً مالقيته الا عند العبيدلي اما الخشب كل المحلات يقولون الضمان خمس سنوات وهذا اللي معور قلبي ادفع وآخر شي ضمان خمس سنين

..

عن نفسي وقعت عقد مع الميره للمطابخ الداخلي خشب والخارجي ألمونيوم، وخزاين الغرف، ومغاسل المجالس، وبصراحه لفيت كل المحلات إللي ذكرتيها وغيرها أيضاً
أكثر من مره صار لي من الصيف لين الشهر الماضي وخذت وقتي بالسؤال والنقاشات وإلخ وبأمانه قلبي إرتاح للميره أكثر شي من كل النواحي، وصدقاً رغم محاولتي
تصعيب المسأله عليهم لدرجة إني طالبت يكون الضمان 10 سنوات بدال 5 على كل الشغلات المذكوره أعلاه وعدلت بصيغة العقد أكثر من مره إلا أني تفاجأت بتعاونهم
وموافقتهم على كل طلباتي ولله الحمد !!

وأيضاً عندي صديق مفصل عندهم ويمدح شغلهم والفنش مالهم مع إن ضمانه 5 سنوات واستغرب لما قلت له عطوني 10 سنوات !!

وإذا تبين تعرفين رأيي فيهم بعد التسليم وعندج وقت للانتظار إن شاء الله في بداية إبريل
أحط إنطباعي الكامل لأني لازلت أعدل في بعض الشغلات ومب مستعجل على البدء بصراحه !

..

[q6ryah]

مشكورين كل اللي ردوا والباقي المتفرجين نترك لكم المايك شدعوة ماجربتوا التعامل مع المحلات في قطر.

[q6ryah]

والله انا افتتحت بيتي في بانتري من ايكيا ههههههههههههه والله عجبني جداً وشغلهم روعه صراحة

احين باقيلي المطبخ الرئيسي مادري من وين اسويه
رحت العبيدلي عطاني سعر خرافي مع ان شغله ممتاز
رافكو كل الي عنده خشب . روعه حق بانتري .. لكن حق رئيسي ما انصحج
الباقي ما مريت عليهم صراحة

وانا نفسك محتار جداً

بس الخزائن اغلب الضن اني باسويها عند منجره الشرق

لكن المطابخ لحد الآن متوهق شوي نفس حالتج

مشكور أخوي أنا أمس كنت في العبيدلي أشوف التصاميم لكن لين الحين ماشفت عرض السعر بس بعدين في البيت حبيت أغير لون البانتري
فشكلي بمر على إيكيا لأني شايفة أن اللون اللي ابيه عندهم .مطابخ ايكيا خشب صح؟

[خزامئ]

واحن مثل اعلامي قطر لفينا اكثر المحلات وارتحت حق الميره من جميع النواحي فصلنها خزانات ومطبخ دخالي بس ماطلبن الظمان عشر سنين ماتوقعت يوافقون
بس للحين مابدينا الشغل بدري شوي وقت التنفيض
العبيدلي كلش ماعجبوني الدهليز اسعار خيالي ورافكو بعد
وكتشن اسعار مبالغ فيها بزياده

[Chambray]

مشكور أخوي أنا أمس كنت في العبيدلي أشوف التصاميم لكن لين الحين ماشفت عرض السعر بس بعدين في البيت حبيت أغير لون البانتري
فشكلي بمر على إيكيا لأني شايفة أن اللون اللي ابيه عندهم .مطابخ ايكيا خشب صح؟

نعم خشب
بس صراحة ممتاز .. انا عجبني

[dream~qa]

شوفي أختي أنا مسويه خزاناتي عند الخليج للخزائن الامريكية من زمان شغلهم حلو بس في عيب وهو أن الرفوف الداخلية تتقشر مع الاستعمال وبعد مرة طلبت منهم يغيرون لي باب تأخروا علي 4 شهور وكانوا يماطلون ...

وجربت الميرة في خزانة لوحدة من الغرف الصراحة كتعامل ومواعيد وفنشينج وايد اعجبوني وأنصح أي حد فيهم بعد تجربتي معاهم .

أما العبيدلي فشغلهم حلو بس طلع في عيب واحد اللي هو أن الخزانات تقشرت من تحت بسبب غسيل أرضية المطبخ لذلك أنصح أي حد أن يسوي صبية بارتفاع 10 سم تحت الخزانات علشان ما يصيدها الماي .

[q6ryah]

شوفي أختي أنا مسويه خزاناتي عند الخليج للخزائن الامريكية من زمان شغلهم حلو بس في عيب وهو أن الرفوف الداخلية تتقشر مع الاستعمال وبعد مرة طلبت منهم يغيرون لي باب تأخروا علي 4 شهور وكانوا يماطلون ...

وجربت الميرة في خزانة لوحدة من الغرف الصراحة كتعامل ومواعيد وفنشينج وايد اعجبوني وأنصح أي حد فيهم بعد تجربتي معاهم .

أما العبيدلي فشغلهم حلو بس طلع في عيب واحد اللي هو أن الخزانات تقشرت من تحت بسبب غسيل أرضية المطبخ لذلك أنصح أي حد أن يسوي صبية بارتفاع 10 سم تحت الخزانات علشان ما يصيدها الماي .

العبيدلي خذت خشب ولا المونيوم بحريني ؟
أنا ابي افصل الألمونيوم االبحريني وعجبني السعر اللي عطاني إياه.

[دوحة حمد]

..

عن نفسي وقعت عقد مع الميره للمطابخ الداخلي خشب والخارجي ألمونيوم، وخزاين الغرف، ومغاسل المجالس، وبصراحه لفيت كل المحلات إللي ذكرتيها وغيرها أيضاً
أكثر من مره صار لي من الصيف لين الشهر الماضي وخذت وقتي بالسؤال والنقاشات وإلخ وبأمانه قلبي إرتاح للميره أكثر شي من كل النواحي، وصدقاً رغم محاولتي
تصعيب المسأله عليهم لدرجة إني طالبت يكون الضمان 10 سنوات بدال 5 على كل الشغلات المذكوره أعلاه وعدلت بصيغة العقد أكثر من مره إلا أني تفاجأت بتعاونهم
وموافقتهم على كل طلباتي ولله الحمد !!

وأيضاً عندي صديق مفصل عندهم ويمدح شغلهم والفنش مالهم مع إن ضمانه 5 سنوات واستغرب لما قلت له عطوني 10 سنوات !!

وإذا تبين تعرفين رأيي فيهم بعد التسليم وعندج وقت للانتظار إن شاء الله في بداية إبريل
أحط إنطباعي الكامل لأني لازلت أعدل في بعض الشغلات ومب مستعجل على البدء بصراحه !

..


اتفق معاك اخوي اعلامي قطر انا وقعت معاهم عقد للمطبخ الداخلي للفيلا وبصراحه جدا جدا متعاونين ومحترمين ونفس الشي درت على اكثر من محل للمطابخ بس ما ارتحت الا عندهم واسعارهم مب مبالغ فيها عندهم اكثر من فكره لاماكن التخزين نصيحه اللي يبغي يسوي له تصميم للمطبخ ياخذ له لفه عندهم :victory::victory: