عندي اراضي وابي ابنيها بس ماعندي تمويل

[ولد الدفنه]

السلام عليكم
عندي بلوك مكون من 10 اراضي كقطعه واحده وطلعت مخطط وجاهز للبناء ولكن سمعت ان التمويل لازم ادفع دفعه مقدمه كيف احصل تمويل يرهنون فيه الارض وبدون دفعه مقدمه .

[شموخ دائم]

,

,


مرحبا

الله يزيدك من فضله

اخوي الكريم

الارض بتكون مرهونه هذا شرط اساسي عندهم بكل البنوك
الى ان تدفع ( اخر ) قصد في القرض

وماله علاقه في الدفعه المقدمه

السؤال الان

نفرض مولوا لك ( البناء ) وطلع القصد الشهري ( اكبر ) من الايجار والمدخول
ايش راح تسوي ؟

من الضروري تعرف كم الايجار ( المتوقع ) !!
وكم القصد ( المتوقع ) !!

وبعدها تتخذ القرار

اخذ الملكيه والخرائط وقدمها الى

المصرف الاسلامي
الريان
الاولى للتمويل
الجزيره

وشوف منو بيقدم لك تسهيلات في ( الدفعه المقدمه )
ومنو القصد الشهري اقل
ومنو الفائده ( الاجماليه ) اقل

تحتاج تاخذ المعلومات من مصدرها الحقيقي
وتوزن الامور بما يتناسب مع وضعك


موفق ان شاء الله



,

,


اخوك

شموخ دائم

[ولد الدفنه]

تسلم اخوي وبيض الله وجهك

[البرونزي]

عندك بعض شركات المقاولات يدخلون ك شريك معاك في المشروع
مثلا يتم تقييم ارضك كم تسوا وتكلفة البناء كم تكلف وعلى هذا الاساس يتم تحديد. نسبة الربح لكل طرف منكم
طبعا أنا اتلكم إذا كنت ناوي تبني وتبيع
أمأ إذا كنت ناوي تأجر البيوت يمكن لهم طريقة تضمن حقك وحقهم
والله يوفقك

[المزاجي قطر]

في طريقه افضل تبيع 3اراضي وتبني 7او تبني مجمع سكني او انك تبيع ارض وتكون هي المقدم

[شموخ دائم]

,

,

مرحبا

اخوي المزاجي قطر

رايك هو الراي الزين وكنت بكتبه الا ان ( الارض ) بملكيه وحده

لو في امكانيه بيع 3 بيكون هو الحل الافضل

بدون دين وقروض
ملكيه حره
وتستفيد من الايجار على طول
وبدون شريك

احسن من تنتظر 7 سنوات والايجار يروح للبنك والمالك ما يستفيد شي

لو في امكانيه فصل الاراضي بيكون هو الخيار الاحسن والافضل

ولو كنت مكانك بختار هذا الخيار

,

,

اخوك

شموخ دائم