بغيت رايكم في الجهاز...

[الأصيلة]

السلام عليكم ورحمة الله وبركاته

اش رايكم في جهاز نوكيا الجديد

اللي بقياس 8 بوصات ويعمل بنظام التشغيل "ويندوز 8.1 آر تي"

صراحة شكلة ومواصفاته مغرية ...

وأيضا السوني ينافسه ..لكن أحد جرب الأثنين وأي واحد أحسن..؟

[للصبر اخر]

اختي انا عن نفسي نظام الويندوز ماحبيته
بالنسبه للسوني اي واحد تقصديين ؟؟

[للصبر اخر]

وبعدين انتي ماحددتي جهاز تلفون او تابلت او شنو

وشنو استخدامج للجهاز

[نوافـ]

شفته عند واحد من الاصدقاء اذا هو نفس اللي تقصدين نظام ويندوز 8 وشكله نحيف

الشكل ok لكن تصفح الانترنت فاشل واغلب صفحات الانترنت ماتطلع كامله بمعنى تفتحين المنتدى مايطلع الا نص المنتدى والنص الثاني مختفي

وسلامتج

[الأصيلة]

مشكورين على الرد
الجهاز من اسبوع نازل وحجمه زين
بغيته لتصفح الانترنت والانستغرام والتويتر
وفيه مثله جهاز سوني بس البائع
يقول أن النوكيا أفضل


وهذا هو الجهاز الموجود الآن في فيرجن
http://www.microsoft.com/en-us/news/presskits/windowsphone/

[للصبر اخر]

اولا اختي الفاضله الموقع مايشتغل
لو تحطين رقم الجهاز راح ابحث عنه
وثانيا لاتسمعين للبائعين لنه اكيد يكون لهم نسبه من التسويق للمنتجات

[بونووف]

عندي جهاز مايكروسوفت سورفس ار تي

http://dri1.img.digitalrivercontent.net/Storefront/Company/msintl/images/English/en-INTL_Surface_WinRT_64GB_7ZR-00002/en-INTL_L_Surface_WinRT_64GB_7ZR-00002_mnco.jpg

ماينفع لانه برامجه لازم انزلها من الستور .. مب نفس ال بي سي

نزل بعده سورفس برو .. هو تابلت و بي سي في نفس الوقت

انصحج اذا هالجهاز برمجه تنزل من ستور وبرامج معينه رايح يكون فاشل لانه ستور الويندوز مافيه شي ومحدوده

خذي لج ابل ولا اندرويد .. واذا حابه ويندوز خذي البرو لا تاخذين ار تي

[للصبر اخر]

نظام الويندوز قوي ولكن الستور لازال يفتقر لكثير من البرامج

[بونووف]

صح للصبر من جي مارشح اي تابلت وندوزار تي ..اما اذا كان برو افضل .. لانه يكون نفس الابتوب وداليسك توب البرامج تنزل دايركت مب شرط ستور