أوقف الأجانب من قتل متعة الفقع

[بوغانم995]

قبل نزول المطره المباركة ....كنا مع الأهل من كبار السن والشباب ...كاشتين شمال المايده ...في ذلك البر الجميل الذي يكسوه رونق الطبيعه من غدير الى حواء وخبيزي ..ومصيلمو ...هذه أسماء تظهر مع الوسمي ....

لكن المفاجأه ...ان هناك ....قطعان من الأجانب الذي لايميز الفقع صغير ولا كبير ....يأخذ الأخضر واليابس ...يعني بالفصيح ...أعدام ممنهج لهذه النبته ..التي ..متعتها ..انك تمشي ولا تحس بالمشي ....وخاصه امهاتنا وأبائنا ....تنطلق الأرجل ...وتفرح النفس ...بهذا الخضار الطيب الذي يسر الناظرين .
المفاجأه ...ان هناك أجانب ...بيدهم ..أكياس ....من الفضول أوقفنا واحد ..الظاهر من البتان ...يعرف اللغه ....وجدنا عند أربع حبات فقع ...صغر ...فقاله ...خالي ..رفيق ليش يشيل هذا صغير ...خله يكبر ...يصير زين ...رد ...فقال انا معزب يقول ..روح ..دور فقع وجيب .....
المنطق ألا يعلم المعزب بمتعة التفقع .....وجمال البر ...وريحة لصخبر .....جاء ..علينا الليل والخال والخالات مايبون يرجعون ..بس صراحه البرد هو الذي شردهم ...بعد مغيب الشمس ,

الرجاء من المسؤلين عن الطبيعه ..عدم ترك الأمر سائب لمن يعرف الفقع ومن لايعرف و عدم السماح لهم بتخريب البر ...ونبش كل فرقوع ...صغير ....

ليستمتع الناس بالفقع ...ماشاء الله على هذا الجو الجميل اللهم أعده علينا كل سنه وحول ...وبس

[حسن]

يابوغانم

سبق واني قلت لهم ياجماعه الخير خلو الفقع يستوي
مافي حد يسمع

وخصوصا الحين كله حق هل الاستغرام

ومن هل الخرابيط

البلا من الكثير منا الجهل الى حد الحبل الشوكي

يارجال خلهم يعني الاي يقول الفقع كلش

العلي ولم ابرك منه والفندال


خلها على الله

[بوغانم995]

تسلم ياحسن ....بس يد وحده ..!! ..تكفون فزعه ...الحميه ياهل الدار أحموا جالها ...وياسلامي عد ما لاح برقاً له لميع .

[حسن]

تسلم ياحسن ....بس يد وحده ..!! ..تكفون فزعه ...الحميه ياهل الدار أحموا جالها ...وياسلامي عد ما لاح برقاً له لميع .

والله يابوغانم
يااني اكثر من نظف هل البيئه القطريه وحافظ عليها انا

ومن ارسى ثقافه النظافه على السياف
والان اصبحنا نرى فائده وضع البراميل
اللي عوروضو عليها جهال البيئه والبلديه
في بادي الامر

مشكلتنا اصبحنا كله نبي قوانين تردعنا لانى ماعاد في توجه ونصح ووعي

عجزنا واحنا نرسل رسايل للمسؤلين من خلال هذا المنتدى
والكثير موثقه بالصور

وش نسوي اليد الوحده ماتصفق

تعرف لما تموت الغيره على هذا الوطن

هني الكارثه

[حسن]

انا اتمنى من البيئه ارسال رسائل الى جميع الناس

رسائل وعي بالالغتين

وان يكون هناك رقم لغرفه عمليات يوزع برسائل الى الجميع
وفيه القوانين والارشادات
واتمنى مشاركه المقيمين على ارض قطر
بتصوير اي شي يختص بالبيئه وارساله لهم

يجب ان يكون هناك وعي بيئي حقيقي

يالله نشوف ان شاء الله

[رجل الجزيرة]

يا أخوي البيئة على الأقل أرسل لهم رسالة نصية وحدد المكان لهم وهم بتصرفون.

[khalid525]

والله يابوغانم
يااني اكثر من نظف هل البيئه القطريه وحافظ عليها انا

ومن ارسى ثقافه النظافه على السياف
والان اصبحنا نرى فائده وضع البراميل
اللي عوروضو عليها جهال البيئه والبلديه
في بادي الامر

مشكلتنا اصبحنا كله نبي قوانين تردعنا لانى ماعاد في توجه ونصح ووعي

عجزنا واحنا نرسل رسايل للمسؤلين من خلال هذا المنتدى
والكثير موثقه بالصور

وش نسوي اليد الوحده ماتصفق

تعرف لما تموت الغيره على هذا الوطن

هني الكارثه

صدقت حسن

[تغلبية]

البيئة عندهم مفتشين بيئين لهم صفة الضبطية القضائية يراقبون البر والبر

الحين وقتهم وهذا دورهم .. ولهم تقريبا رقم للطواري يمكنك تبلغ وتعطيهم المكان بالضبط


والله يجزاك خير على التنبيه


هاللي قاصر .. ياجوج وماجوج يخربون البر وينغصون علينا فيه

[أم محمد 90]

اعنبو تبون حتى قانون يمنع الاجانب ان يقطفون ثمرة ولا يدورون فقع !

الحمدلله والشكر ...

[لمت اب]

بو غانم شكرا على التنبيه المهم
وانا اعتقد 90% ان البتان كذاب
يخربون البر ويكسرون الحطب وينبشون الفقع
واذا حد جاهم قالوا الكفيل يقول حتى نسكت عنهم وهم كذابين
والمشكلة ما يهمهم شيء يعني يدوس بسيارته الروض والوديان والنبت الجميل
ما افتكينا منهم وبو كليناتهم مشوهين المنظر في الدوحة بعد وصولوا البر
الله يحفظ بلادنا من كل حاسد وحاقد

[أم محمد 90]

بو غانم شكرا على التنبيه المهم
وانا اعتقد 90% ان البتان كذاب
يخربون البر ويكسرون الحطب وينبشون الفقع
واذا حد جاهم قالوا الكفيل يقول حتى نسكت عنهم وهم كذابين
والمشكلة ما يهمهم شيء يعني يدوس بسيارته الروض والوديان والنبت الجميل
ما افتكينا منهم وبو كليناتهم مشوهين المنظر في الدوحة بعد وصولوا البر
الله يحفظ بلادنا من كل حاسد وحاقد

هل تظن ان (هالبتان) متعمدين يخربون البر !؟ لانهم حاقدين وحاسدين

[تغلبية]

اعنبو تبون حتى قانون يمنع الاجانب ان يقطفون ثمرة ولا يدورون فقع !

الحمدلله والشكر ...

صحيح .. الحمدلله والشكر على النعمة


ما مسكنا عنهم شي

لكن الفقع في البر حاله حال الربيان في البحر

اذا صادوه وهو صغير ينقرض ويروح ماعاد يبقى منه شي ولا عاد يتكاثر لاننا ما حافظنا على مصادرنا الطبيعية

وطلع قرار بمنع الصيد والصيد الجائر علشان يتكاثر بكمياته الطبيعية

يعني افعال بسيطة وغير مسؤولة تكلف الدولة الكثير

خله يكبر ويلقط محد حوّط البر عنه

[الأسبانية للمصاعد]

غريبة تاكلون اكلهم يوم اتسافرون بلادهم بحجة التجربة
خلهم ياكلون فقع خير يا طير
نازل من الجنة ؟
كله حصا
في أوروبا ايخلون الخنازير اتدور عليه في الأرض
وانتوا بكرامة

[عيسى111]

الفقع ما يكبر يطلع بحجمه ويسوق عمره وإذا تأخر لقطه تغير طعمه

مجوعة الزبيدية اللي تكون في فرقوعة وحده إذا توه شالخ الأرض ممكن تخلونه يسوق عمره ويتجمع ويصير واحد بس هذا النوع من الفواصل اللي فيه يكون مليان تراب المهم إنه يكون شكله كبير وحلو فقط للتصوير وليس للأكل أما اللي يجي قطعة وحده وكبير هذا أجود أنواع الزبيدي للأكل

[alsoq]

الحسد اعوذ بالله

حتى في خيارات الله تحسدون الناس

[ريم الشمال]

ذكرتني بأول مرة تعلمت فيها شلون اعرف واميز بين رفعة الفقع من غيره
الوالده الله يرحمها كانت يوم تلقى فقع صغير ترد تردمه وتقول خليه يستوي بعد اسبوع نرد له
الفقع في ناس وايد تعتقد أنا ندور عليه بس عشان نأكله ... لا تدوير الفقع متعه وقدرات تختلف من شخص لأخر فيه الي يقدر يمر على فرعه ولا يقدر يشوفه وفيه شخص يمر بعده نفس الفرعه ولكن يحصل الفقع

الله يحمي البلاد والعباد من العابثين

[لاجل QT]

طيب سؤوال.؟

واذا صادو احدهم

قطري او بتاني في يدة فقع صغير هل بيسجن او بيمنعونهم من الذهاب الى البر؟؟

شنهي العقوبة ههههه

[ابوعلي]

اخوي من كلامك البلا في المعزب لان المفترض ما يسمح له او يفهمه

والمفترض تكون هناك حملة توعية من الجهات المختصة في جميع وسائل الاعلام والتواصل الاجتماعي

[jassim_007]

يا جماعه انا اطالب البيئه يحطون عداد اكسيجين لكل اجنبي في قطر و يدفعونهم !
ياخي مايصير يلوثون البيئه بنفسهم بدون مايدفعون ولا ريال


اشرايكم يالربع بالفكره ؟
حمد وينك انت اكيد اول واحد تأيد كلامي لانك شفت مصدر دخل اضافي للبلد؟

[حسن]

طيب سؤوال.؟

واذا صادو احدهم

قطري او بتاني في يدة فقع صغير هل بيسجن او بيمنعونهم من الذهاب الى البر؟؟

شنهي العقوبة ههههه


العقوبه تختلف من الاتجار ولا تعاطي !!

والله انتو يالخلايجه سويتو للفقع دعايه
ويقصون عليكم هل المستغلين الشغله

خيشه على ولم ابرك منه

سو حمله

اسمها خلوه يخيس

؟؟

[النهار]

العقوبه تختلف من الاتجار ولا تعاطي !!

والله انتو يالخلايجه سويتو للفقع دعايه
ويقصون عليكم هل المستغلين الشغله

خيشه على ولم ابرك منه

سو حمله

اسمها خلوه يخيس

؟؟

يصير خير ههههههههه اكيد تبي ينزل سعره علشان تشيل الحموله
حسن وين العلوولم وين الفقع فرق السماء والارض
سنه من السنين كنت اشوف الفيتنامين على طريق الشمال كل واحد حاط له صندوقين ولاثلاثه جدامه
لاومتمسك بالسعر الصندوق 500 ريال والعالم تشتري هههههههههه حافرين البر حفار

[حسن]

يصير خير ههههههههه اكيد تبي ينزل سعره علشان تشيل الحموله
حسن وين العلوولم وين الفقع فرق السماء والارض
سنه من السنين كنت اشوف الفيتنامين على طريق الشمال كل واحد حاط له صندوقين ولاثلاثه جدامه
لاومتمسك بالسعر الصندوق 500 ريال والعالم تشتري هههههههههه حافرين البر حفار

زين قول فندال مايصلح نفس الشي
انت تعرف الفقع في اوربا مايطلعه الا الخنازير

هل الاجانب من علمهم هل الاعلوم

غير احنا

من الاربعاء وانا على البحر واشوف هل العالم اللي تتفقع حولي
ياعالم ياهو خلوه يطلع خلوه يفرقع
ودك تراقب من بعيد وتزرع لك وادي كله شراخيات بوخيشه
من يقرب الفرقوعه تولعه
ههههههههه

علشان يقولون الفقع في سكن

ههههههههه

الفقع حديث الساعه يالنهار غطى على سعر الذهب

:victory:

[بوخالد911]

ابي فقع
ووووين؟!؟

[جبر ال جبر]

عوين هالاجانب اللي خليتوهم شماعه لكل شي رفقا بهم ياجماعه الخير تراهم في غربه والي يتعدى على البيئه ولا الامن ولا المجتمع بصفه عامه انت مواطن ليش تتحندى وتكلم في المنتديات ويكون دورك سلبي وقف اي عبث في مقدرات وطنك سواء من اجنبي ولا مواطن مثلك

[تغلبية]

^


سلامي عليك ..

قلت اللي احس فيه ومب عارفة أقوله

مقدرات وطنكم يا أهل قطر

لاتستهينون بفقع ... انتو مايعني لكم شي

لكن الله ما أوجده الا لحكمه منها قد يكون احدها الرزق ومنها التوازن البيئي .. .. مهم ومطلوب ..

... لو انقرض الفقع مثل ما انقرض الغضى وغيره يختل توازن البيئة واتغير حياتنا واحنا ما نحس



احنا ما منعناه عن أحد .. لكن دام الدولة قننت الحفاظ على البيئة ومقدرات الدولة الطبيعية مهما الشي كان صغير ..

يجب علينا كلنا نحافظ عليه ووقف الهدر اللا مسئوووووووووول


وخلكم من التعاطف السلبي .. اللي يشوفكم يقول البتاني ميت من الجوع ورايح ايدور له لقمة في البر!!!!!!!!!!!

[يوسف0]

الله يعين

عاد جان زين ياكلونه يجمعونه عشان يبيعونه علينا :) وشرايين الجماعة

[أم هشام]

قبل نزول المطره المباركة ....كنا مع الأهل من كبار السن والشباب ...كاشتين شمال المايده ...في ذلك البر الجميل الذي يكسوه رونق الطبيعه من غدير الى حواء وخبيزي ..ومصيلمو ...هذه أسماء تظهر مع الوسمي ....

لكن المفاجأه ...ان هناك ....قطعان من الأجانب الذي لايميز الفقع صغير ولا كبير ....يأخذ الأخضر واليابس ...يعني بالفصيح ...أعدام ممنهج لهذه النبته ..التي ..متعتها ..انك تمشي ولا تحس بالمشي ....وخاصه امهاتنا وأبائنا ....تنطلق الأرجل ...وتفرح النفس ...بهذا الخضار الطيب الذي يسر الناظرين .
المفاجأه ...ان هناك أجانب ...بيدهم ..أكياس ....من الفضول أوقفنا واحد ..الظاهر من البتان ...يعرف اللغه ....وجدنا عند أربع حبات فقع ...صغر ...فقاله ...خالي ..رفيق ليش يشيل هذا صغير ...خله يكبر ...يصير زين ...رد ...فقال انا معزب يقول ..روح ..دور فقع وجيب .....
المنطق ألا يعلم المعزب بمتعة التفقع .....وجمال البر ...وريحة لصخبر .....جاء ..علينا الليل والخال والخالات مايبون يرجعون ..بس صراحه البرد هو الذي شردهم ...بعد مغيب الشمس ,

الرجاء من المسؤلين عن الطبيعه ..عدم ترك الأمر سائب لمن يعرف الفقع ومن لايعرف و عدم السماح لهم بتخريب البر ...ونبش كل فرقوع ...صغير ....

ليستمتع الناس بالفقع ...ماشاء الله على هذا الجو الجميل اللهم أعده علينا كل سنه وحول ...وبس

قطعان !! .. هؤلان من بني البشر ابناء ادم وحواء واخوانك .. القطعان تقال للحيوانات وانتم بكرامة اخواني القراء ,,
هل وصل مستوى بعض البشر لان ينظر لاي شعب اخر بالحيوان ..
معناه لا نستغرب ان وقع علينا البلاء والحرب والفقر والحرمان كما يحدث لدول الجوار
اللهم ارحمنا برحمتك

[غير البشر]

الله يعين

عاد جان زين ياكلونه يجمعونه عشان يبيعونه علينا :) وشرايين الجماعة



الفقع حلاته الواحد يدوره ويحصله
اهني متعته الحقيقيه :victory:

[QtrGate]

عامة
قطيع ، قطعان ، سرب ، أسراب ، جماعة من الناس
القصد تشبيهي اي عدد كبير

[أم هشام]

عامة
قطيع ، قطعان ، سرب ، أسراب ، جماعة من الناس
القصد تشبيهي اي عدد كبير

انا فاهمة عليه وبعرف انه زعلان على تخريب البيئة القطرية والتقاط الفقع قبل لا ينضج هاد شي طيب منه لكنه لم يستطع ان يخفي نظرته السيئة لباقي البشر .. وهو حر طبعا بس حبيت اذكر .. فان الذكرى تنفع المؤمنين

عموما القطيع للحيوانات الاغنام الابل و ...
والاسراب تلفظ للطيور
والجماعة لبني البشر ..
صار درس عربي هلأ :)

[مو مهم]

استغفر الله العظيم

الرسول صلى الله عليه وسلم كان يوصي الصحابه عند صلاه الاستسقاء باحضار اردى الملابس والغنم الهزيله الضعيفه
والحين حاسدين الفقارى المساكين انهم يدورون فقع .. يارب عفوك

الله سبحانه خلقنا سواسيه ما فرق قطري وهندي وبتاني الا بالتقوى

ما وسمت الارض من 1998¨ والحين 2014 من 16 سنه
قال تعالى(( لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيد ))

اتقوا الله

[شبح الصمت]

سحارة الفقع الحين وصلت على 1500 ريال بوغانم

اشلون ما تبي العالم تفقع دام منها خير

صدقني راح تشوف هالايام العالم تخم الخضر واليابس

[ضوى]

^


سلامي عليك ..

قلت اللي احس فيه ومب عارفة أقوله

مقدرات وطنكم يا أهل قطر

لاتستهينون بفقع ... انتو مايعني لكم شي

لكن الله ما أوجده الا لحكمه منها قد يكون احدها الرزق ومنها التوازن البيئي .. .. مهم ومطلوب ..

... لو انقرض الفقع مثل ما انقرض الغضى وغيره يختل توازن البيئة واتغير حياتنا واحنا ما نحس



احنا ما منعناه عن أحد .. لكن دام الدولة قننت الحفاظ على البيئة ومقدرات الدولة الطبيعية مهما الشي كان صغير ..

يجب علينا كلنا نحافظ عليه ووقف الهدر اللا مسئوووووووووول


وخلكم من التعاطف السلبي .. اللي يشوفكم يقول البتاني ميت من الجوع ورايح ايدور له لقمة في البر!!!!!!!!!!!

اتفق معاك تغلبية ، تعاطف سلبي هنا

[هداف]

احسنت ياكاتب الموضوع كلامك في محله وماعليك من اخواننا سكان المدينه الفاضله ابواق المثاليه !!! خذ وخل

البر ونبات البر ومكاشيت البر وكذلك البحر ما خربوا ودمروه الا قله من المواطنين الغشمان والاجانب بصوره عامه لانهم يجهلون ايش الصح وايش الغلط
يجيك اجنبي يكشت ويدوس بموتره الريضان وينصب خيمته في وسط الروضه ويكسر عيدان خضر يبي يشب ضو الخ الخ من الجهاله وكذلك البحر
يقطون غزولهم على الشعاب المرجانيه ويكسرونها بالدق بهيب ولا عصاا علشان يشرد السمك ويضرب في الغزل !! اهم شي عنده الربح ,, الفلبينين
هذول ادمروا الحياه الفطريه على الشواطيء !! كل شي ينبرونه وياكلونه صقوع ,, حويت .. دود ,, شربيان ,, محار ,, الخ الخ مادري شخلوا للسمك
علشان ياكل !!

وكذلك البنغالي ولا البتاني اللي منفك في البر يدور فقع علشان يبيعه !!! من سمح له ومن قال له هذا صح وهذا غلط لااااا يجماعه بر قطر حوش بيتنا
الكبير مانرضاااا عليه بالتصرفات الغلط ولا الاستغلال !! والبيئه تمنع ها لشي ! شبكوو علينا القيعان ومنعوا الابل تسرح كله خوف على البيئه ورضينا
جايين تبون ها لغشمان ينهدون في برنااا ويحرقونه لا طبعااااااااااااااااا يمنعع مثل ما امنعوا الاجانب اللي كانوا يقنصون يدور احبارى لمعزبه وكسروا
العوسج وداسوا القيعان دوس لابوهم لابوها حبارى !! وش عينا من وراهم الا الدمار ,,,,, يفارقونا في السعه برنا لنا اللي بيطلع البر لازم توضع انظمه
يمشون عليها روحوا شوفوا هالاجانب الاغلبيه لي قاموا من مكانهم عزكم الله الزباله اللي مخليها وراه !! جنبا مهوب جنبك جره على الشوك وبعد مانقول
مافيه من المواطنين يقوم بهذا العمل ولكن قله قليله الاغلبيه يغار على ديرته ولا يرضاااا !

[GENIUS]

اخوي الفاضل هداف . كفيت و وفيت كتبت كل اللي في خاطري

[أنت]

حاسدين الفقير على موتت الجمعه

العقل زينه

[دنيا الاسهم]

اخوي هداف قلت اللي في خاطري بردت قلبي هذا اللي ودي اقولة
امنوا الاجانب من بتان وهنود وفلبينونيبال وكل الجنسيات من العبث في البيئة القطرية
ماخلوا شي اضعفة كل شي استولوا علية ، ، قلنا جايين ياكلون ويشتغلون امرنا الله مع الوصاخة والزحمة .. بس بعد يدمرون الحياة الفطرية ويخربون البر اللي يعتبر مدرسة للاجيال بكل ما يحوية من نباتات هنا انقول لا وكفاية فوضى وتلوث
نتمنى ان توضع قوانين من الدولة للعبث اللي صاير في البر

[أنت]

أخوي دنيا احترم وجهة نظرك

بس ياخي الفقع والحياه الفطرية لنا أحنا القطرين وحق الجاليه الاجنبيه

لا تحكرها بس حق القطرين
يعني انتو تبون تحرمونهم من الطلعه من السكن من التجمع عن البقالات او الشوارع

مايصير وانا أخوك هم نفسنا بشر جاين حق لقمة العيش مب معناته ان يحبسونه ولا يخلونهم يروحون البر او البحر
اذا سوينا جي معانته ان ساجنينهم ليش تحكرهم ياخي خلهم في البر والفقع والرزق من الله

[دنيا الاسهم]

الفقع من عادات اهل قطر والاجانب ماخذينها تجارة يلقطون الفقع من من بر قطر ويبيعونة علينا بالف والفين ،، ايصير كذية يعني ليش الانانية
نبي نعلم الصغار شلون يلقطون الفقع ويتعلمون العادات الحلوة ما نلقى الا الحصى والفقع مجلع كلة مايصير

[يمامـة]

اعنبو تبون حتى قانون يمنع الاجانب ان يقطفون ثمرة ولا يدورون فقع !

الحمدلله والشكر ...

يا ام محمد الدولة حطت مناطق معينة وسمتها محميات ،
يحمون فيها الطبيعة من ايادي البشر سواء كانت تنمو فيها نباتات ولا يحمون فيها انواع من الحيوانات
فمن باب اولى ان يتم معاقبة اللي تطال يده لبيع فقع توه نونو صغيرون !!

على الأقل خله يكبر ويستوي وعقب شله وبيعه !!