سوق المواشي والمطر والرواااااااااائح الكريهة ( الى متى )؟؟؟

[بوسنيدة]

سوق المواشي والابل والروائح الكريهة ومع المطر تزيد الروائح !!
وين البلدية ؟؟؟؟؟؟؟؟
وين الحكوكة ؟؟؟؟؟؟
وين حماية البيئة ؟؟؟؟
وين المواصفات والمقايس ؟؟؟
من المسؤل عن تاخير نقل سوق المواشي من منطقة بوهامور ومسيمير
البنيان حوط السوق والناس تعبو من الشكاوي
من ينصف الساكن ؟؟؟

وين الحل ؟ من يعالج مرضى الربو والحساسية ؟ الناس مب قادرة تفتح درايش بيوتهم في جو المطر من شدة الروائح الكريهة ؟


هرمناااااااااااااااااا ياوزير البلدية :anger1:

[أم محمد 90]

اكره اروح ارامكس والسبب سوق المواشي ....

[khalid525]

الله يعين سكان ذاك الفريج مدري شلون مستحملين الريحة

[Abdulraman]

سوق المواشي يعني ايش تبون ريحة مسك وعنبر

[tnt789]

سوق المواشي يعني ايش تبون ريحة مسك وعنبر

الرجال قصده ان السوق يقع في وسط منطقة سكنية والله مكثر الاماكن فالبر ليش ماينقلونه في اي داهيه بعيد عن المناطق السكنية

[ضوى]

الرجال قصده ان السوق يقع في وسط منطقة سكنية والله مكثر الاماكن فالبر ليش ماينقلونه في اي داهيه بعيد عن المناطق السكنية

الله يسامحه فهد سويلم ، لما كان مدير بلدية الدوحة قبل ، قاله زوجي سوق الغنم وريحة قاله انتي اللي رحت لهم مب هم اللي جوك ، طيب اذا الدولة عطتنا اراضي هناك تبونا نتبطر ؟؟

زوجي ومعاه اهل الفريج قاعدين يدرسون هالقضية وناوين يرفعون قضية على مواشي ويشوفون منهو المسؤول وبيرفقون بالقضية اليهال اللي جاهم الربو في فترة سكنهم والامراض الصدرية اللي صابت الكبار بعد وكلها بتقارير موثقة وان شاء الله يمشون ويباشرون فيها قريب وعسى الله ياخذ الحق منهم

[حسن]

لا زم بيصرفون لكم فلاتر من الدوله ولا كمامات مالت الحلاليق

المفروض المعرض بكبره ينقلونه برع

يعني يقربونه صوب ام بيريك من شمال الخط

:)كلم عضو المجلس البلدي للمنطقه هذه بسيطه كلش

يقدر ينقله لكم

:)

[هسلان]

كان في مشروع لنقل السوق لمنطقة ام الافاعي وكذا منطقة اخرى وتم منح على ما اضن اراضي للشركة بس مدري ايش اللي صار
الربع يومهم بسنه والمتضرر هو المواطن

[كازانوفا]

انا بس مرور واختنق كيف اللى عايشين بنفس المنطقه
كان الله بعونهم وييسر امرهم يارب

[أسد الجزيرة]

ارض مواشي اذا انباعت بتطلع مليارات

[عيسى111]

كان في مشروع لنقل السوق لمنطقة ام الافاعي وكذا منطقة اخرى وتم منح على ما اضن اراضي للشركة بس مدري ايش اللي صار
الربع يومهم بسنه والمتضرر هو المواطن

أكبر خطأ ينقلون سوق الغنم منطقة أم الأفاعي المفرض ينقلونه جنوب غرب طريق سودا نثيل ويفكون العالم مرة وحدة لأن البلد كل ما لها تكبر والسوق بيكبر والروايح بتنتشر على مساحة أكبر

[لاجل QT]

المفروض مكان المواشي يتبدل يكون في مكان بعيد عن مساكن البشر

يراعى النظافة الدورية ...تكون في اجهزة لشفط الراوئح

كل ماامر صوبهم اقول لين الحين سوق الغنم وسوق السمج اهني بين البيوت؟؟؟الله يعين السكان بصراحة

[ريم الشمال]

المشكلة لو تم نقله سوف تزحف المناطق السكنية على الاماكن التي يذهب إليها وهنا لم نحل المشكله
الحل بسيط ويحتاج توافر جهود ومجموعة تحب تستغل كل شيء انتم تعرفون أن الدابشه تحتاج مكان نظيف
مثلاً يتم بناء حوط ذات نفع مستمر بحيث يتم تنظيم مكان الحوط وبنائها على طريقة الاستفاده من مخلفات هذه الحيونات تكون أرضية هذه الحوط مصنوعة من لوائح يتم وضع رمل عليها ويصنع لكل غرفة تصريف وانابيب تصريف مثل المجاري بحيث يتم غسلها بالماء وبتالي تغير الرمل كل فترة وهذا الرمل الذي يصرف يتم الاستفاده منه في تسميد الزرع وبيعه ... يعني يعهد بأمر المنطقة لمجموعة من الشباب في البلدية قسم يكون مسؤول عن التفتيش والاستنفاع بهذه الحوط بيدخل ذهب بس احنا ما نعرف نستفيد لن يجينا واحد اجنبي ثم يقترح علينا ونلقى اقتراحه مثل إلى سقط علينا من السماء لكن نفكر ونستغل كل شئ في بلادنا لصالحنا !!!
اعتقد هذه المشكلة سهل حلها بس تبي ناس تفكر وتخطط وتحط لكل مشكله حل ولا بتشمون روائح ولا بتعانون مشاكل

[ابوعلي]

ياما سمعنا ان خصصوا لهم اماكن ولكن للاسف كلام في كلام

الله يعين اهل المنطقة والي لهم حاجة بهالمكان

[بوسنيدة]

نبي حل ،،، نبي حل ،،، نبي حل ،،،،،،،، نتمنى من المسؤولين ان يحسون في سكان المنطقة ويمرون ويشمون الروائح اذا يرضون على عيالهم يعيشون في المنطقة يعلنون وحنا راضين ونوكل رب العالمين عليهم

[بوخالد911]

نبيهم يوزعووون فلاتر علينا

[قطري سهم]

بدل هالمحميات شرق وغرب لو يخصصون جزء منها سوق متكامل للماشية ويكون بعيد عن المناطق السكنية افضل

[كشافات بيجو]

انا مامرر هناك الامجبووور الصراحه ريحه لاتطاق لين متى يعني .
نبي حل .ويجزاه الخير اللي فتح الموضوع كلامك عين العقل والصواب

[PathFinder]

المشكله ان مقابل سوق المواشي يوجد مركز صحي كبير ولا أدري كيف تمت الموافقة على بناءه مقابل سوق المواشي لأن الرائحة تصل الى داخل المركز, وهذا الأمر أكيد بعيد عن المعايير العالمية للصحة.

[بوسنيدة]

خلهم يعوضونا ويعطونا اراضي جديدة ويسمحون بترخيص شقق من 3 ادوار في بيوتنا تعويض لنا عشان الي متضرر يبيع ويستفيد من الترخيص الجديد ويشتري له بيت جديد ,,, شرايكم في الاقتراح

[ضوى]

خلهم يعوضونا ويعطونا اراضي جديدة ويسمحون بترخيص شقق من 3 ادوار في بيوتنا تعويض لنا عشان الي متضرر يبيع ويستفيد من الترخيص الجديد ويشتري له بيت جديد ,,, شرايكم في الاقتراح

ما اييد هالاقتراح ، المنطقة وايد حلوة وشرحة وكل شي صار جنبنا ، وبكرة بيشيلونه وبتطير الاسعار فوق ونكون احنا الخسرانين

[مهره]

محلك سر كل السواح الي يجون الدوحه منصدمين من هالسوق وموقعه وقطر تخطط لكاس العالم لحدث ضخم وهالسوق والروايح لكن هذا ان دل علي شي دل علي غياب التخطيط والعشوائيه في العمل

[بوسنيدة]

محلك سر كل السواح الي يجون الدوحه منصدمين من هالسوق وموقعه وقطر تخطط لكاس العالم لحدث ضخم وهالسوق والروايح لكن هذا ان دل علي شي دل علي غياب التخطيط والعشوائيه في العمل

:nice::omen2:

[بوسنيدة]

اليوم الريحة زادت تكرمون مجاري على سهج على زريبه شكل المواشي ازعلو على طرح الموضوع حتى لقطاوه متلثمين من قوه الريحة ههههههههه

[فارس قطر]

خزانات وقود ... المعمورة \\\ مجمع النفايات .... الهلال \\\\ سوق المواشي بقر وغنم وجمال .... عين خالد

وين اعضاء مجلس البلدي ومجلس الشورى هل مازالوا في سبات عمبق وين وعودهم.

[البانوش]

ياليت ربعتا يتعلمون من الدول المجاورة

شوف سوق المواشي ابوظبي روعة

http://www.alfajr-news.net/sites/default/files/styles/large/public/field/image/%D9%85%D9%84%D8%AD%D9%82-3-%D8%B9%D9%85%D9%88%D8%AF_40.jpg

[بوسنيدة]

خزانات وقود ... المعمورة \\\ مجمع النفايات .... الهلال \\\\ سوق المواشي بقر وغنم وجمال .... عين خالد

وين اعضاء مجلس البلدي ومجلس الشورى هل مازالوا في سبات عمبق وين وعودهم.

الله يكون يسامحهم

[مجلان]

مافي خاروف شارد دخل البيت بال غلط