ما هي افضل طريقة لعمل حبل الغسيل في سطح البيت وين تجاربكم ؟

[فريج النجادة]

ما هي افضل طريقة لعمل حبل الغسيل

في سطح البيت وين تجاربكم ؟

[MAZEN37]

صباح الخير حبل غسيل ماعاد يستخدموه
الحين نشافات تومتيك وامورك خالصه

[حمد 2002]

وليش فوق اللبيت !!! حطه بالحوش بجانب المطبخ الخارجي افضل لك

[وطن]

وليش فوق اللبيت !!! حطه بالحوش بجانب المطبخ الخارجي افضل لك

عشان ريحة الأكل تعلق بالثياب على طول :rolleyes2:

[حمد 2002]

عشان ريحة الأكل تعلق بالثياب على طول :rolleyes2:

شدخل مب داخل المطبخ !!! بالحوش بجانب الملاحق والمطبخ الخارجي وغرفه الغسيل ان وجدت بالمنزل !!! يعمل عمودين ويترك بينهم مسافه وتالي يشتري حبل ويربط كل حبل بعامود !!

[وطن]

شدخل مب داخل المطبخ !!! بالحوش بجانب الملاحق والمطبخ الخارجي وغرفه الغسيل ان وجدت بالمنزل !!! يعمل عمودين ويترك بينهم مسافه وتالي يشتري حبل ويربط ك حبل بعامود !!

الهوا ينقل الريحة يا حمد

ادري ان بره المطبخ و أكيد مب داخله

[حمد 2002]

الهوا ينقل الريحة يا حمد

ادري ان بره المطبخ و أكيد مب داخله

انا ضد عمله فوق السطح بل بالحوش لاسباب كثيره ،،

[وطن]

انا ضد عمله فوق السطح بل بالحوش لاسباب كثيره ،،

انا ما اقترح فوق السطح ،،
بس بمكان بعيد عن المطابخ :nice:

[حمد 2002]

انا ما اقترح فوق السطح ،،
بس بمكان بعيد عن المطابخ :nice:

:nice:

[النهار]

صباح الخير حبل غسيل ماعاد يستخدموه
الحين نشافات تومتيك وامورك خالصه

ياخوي مافي احسن من الشمس للغسيل تقتل البكتيرا والجراثيم النشافات فقط تنفع للشغلات السريعه
او اذالجو غائم وحرارة النشافه ماتقتل الجراثيم

[حمد 2002]

النهار ماشاء الله عليك شكلك خبره بالــ هههههه :secret:

[وطن]

ياخوي مافي احسن من الشمس للغسيل تقتل البكتيرا والجراثيم النشافات فقط تنفع للشغلات السريعه
او اذالجو غائم وحرارة النشافه ماتقتل الجراثيم

حرارة النشافة أقوى و افضل يا النهار

و انت تعرف جونا يا غبار يا رطوبة
:rolleyes2:

[حمد 2002]

حرارة النشافة أقوى و افضل يا النهار

و انت تعرف جونا يا غبار يا رطوبة
:rolleyes2:

وشفيه جونا ياوطن :) ،،

ولا يوم رحتي لندن تذمرتي وانتقدتي جونا المشمس والي ربينا عليه منذ نعومه اظافرنا = منذ ان ولدنا !!

[وطن]

وشفيه جونا ياوطن :) ،،

ولا يوم رحتي لندن تذمرتي وانتقدتي جونا المشمس والي ربينا عليه منذ نعومه اظافرنا = منذ ان ولدنا !!

أقول تعوذ من ابليس
ولا تنحرف عن مسار الموضوع :telephone:

[الكواري 1972]

ماعاد في شي يتنشف غير خلق المطبخ
بعد بدون ربط احبال

اما الباقي نشافة الغسالة

[Chambray]

ماعاد في شي يتنشف غير خلق المطبخ
بعد بدون ربط احبال

اما الباقي نشافة الغسالة
ههههههههههه والله انك صادق

[بصمة قطرية]

شدخل مب داخل المطبخ !!! بالحوش بجانب الملاحق والمطبخ الخارجي وغرفه الغسيل ان وجدت بالمنزل !!! يعمل عمودين ويترك بينهم مسافه وتالي يشتري حبل ويربط كل حبل بعامود !!

مطبخي ورا البيت
و حبل الغسيل ورا البيت
عمر الريحة ما علقت في الثياب ..!!

[بصمة قطرية]

ياخوي مافي احسن من الشمس للغسيل تقتل البكتيرا والجراثيم النشافات فقط تنفع للشغلات السريعه
او اذالجو غائم وحرارة النشافه ماتقتل الجراثيم

نفس فكرتي
لااااازم الشمس
عشان البكتيريا ..
ما خذت غسالة أوتوماتيك خذت عادية عشات تتعلق الملابس في الشمس على الحبل ..

اللي قال قاعدة يمين و قاعدة يسار و يتثبت الحبل
بيت هلي أبوي مسوي هالطريقة ورا الحوش
والحمدلله من سنين طويلة و للحين عايش الحبل ..

[MAZEN37]

كنت افكر انه الشمس افضل وبعد بحوث واكتشافات استنتجت انه النشافه الجيده النوع مب الرخيصه افضل من الشمس

[ضوى]

اذا الشمس ماتضرب الثياب والا مايرتاح قلبي ، استخدمت النشافة في اوروبا لاعت جبدي ، انا معلقة لي حبل غسيل تحت بالحوش ورا البيت ، وحاطة لي منشر فوق السطح لوقت الحاجة ، نصيحة لاتحط حبل غسيل بالعوايد فوق السطه منظر السطح يتشوه حط لك منشر بمستوى السطح ومايبين وتشيله وقت ماتبي

[رجل تعليم]

http://im32.gulfup.com/ga6qj.jpg (http://www.gulfup.com/?bu2cSr)

هذه هي الطريقة الشائعة بخصوص شكل حبل الغسيل
عند اللحام نجهز قطعتين كما في الصورة ونثبت إحداهما على الحائط بحيث تكون مقابلة للأخرى التي تون مثبتة بدورها على الحائط
نربط بينهما بثلاثة أسلاك من النوع اللي ما يتصدأ
سلكان يربطان بين طرفي القطعتين الحديديتين وسلك آخر في الوسط على هذا الشكل
http://im35.gulfup.com/X14NE.jpg (http://www.gulfup.com/?EYR5lF)


نهاركم سعيد

[فريج النجادة]

انا محتاج واحد يركب لي مثل هذا الحبل للغسيل

[بصمة قطرية]

اذا الشمس ماتضرب الثياب والا مايرتاح قلبي ، استخدمت النشافة في اوروبا لاعت جبدي ، انا معلقة لي حبل غسيل تحت بالحوش ورا البيت ، وحاطة لي منشر فوق السطح لوقت الحاجة ، نصيحة لاتحط حبل غسيل بالعوايد فوق السطه منظر السطح يتشوه حط لك منشر بمستوى السطح ومايبين وتشيله وقت ماتبي

أنا مثلج أهم شي الشمس تضرب الثياب ..
مش مقتنعة بفكرة إن النشافة تكفي ..!!