ليش الحريم ما يشتغلون من البيت

[أسد الجزيرة]

الحين اكثر الشغل يتم بالكمبيوتر و برامج الكمبيوتر و ممكن ينعمل من البيت

يكون في مكتب يستقبل الطلبات و الحريم يتابعون المعاملات و يخلصونها
و الراتب على عدد المعاملات الي تخلصها و كذا خففنا الزحمة
و شاركنا عدد اكبر من الحريم في تنمية عجلة المجتمع
و المرة تجابل بيتها و عيالها و لا تقصر في اسرتها
و الشغل تخلصه متى ما فضت

[القلب المؤمن]

الحين اكثر الشغل يتم بالكمبيوتر و برامج الكمبيوتر و ممكن ينعمل من البيت

يكون في مكتب يستقبل الطلبات و الحريم يتابعون المعاملات و يخلصونها
و الراتب على عدد المعاملات الي تخلصها و كذا خففنا الزحمة
و شاركنا عدد اكبر من الحريم في تنمية عجلة المجتمع
و المرة تجابل بيتها و عيالها و لا تقصر في اسرتها
و الشغل تخلصه متى ما فضت


والله اخوي هذي الفكرة تم تطبيقها من الاف السنين بالدول الاوروبية ، لعلمك البلد في طريقها للانفجار السكاني بسبب تزايد عدد الوافدين بشكل لاتستوعبه المرافق بكافة انواعها بالدولة فلاتفكر بأن الزحمة بتخف لو جلسوا الحريم في بيوتهم هههه.

بعدين ليش الرجال عقلياتهم محدوده وتتمحور حول المرأه وحياتها بدل مايناقشون مشاكل اساسيه في الانظمه والقوانين بالدولة اللي بتنظم حياة الفرد بالمجتمع مثل النظام في الدول الاوروبيه ؟ سؤال يطرح نفسه 😏

[ya3coub]

و اشدراك انه المرة الي بتشتغل او احد عيالها الي قاعدين فالبيت

او اذا صارت مشكلة فالانترنت او الكمبيوتر من بيصلحه و يتوقف العمل او المعاملات

و نظام النت عندنا للأسف ما يعتمد عليه اسم الياف ضوئية اول ما تركبه تحس بفرق و عقب يومين يرجع على السرعه القديمة الأولية

انا ضد الي تبي تشتغل تشتغل فمكان عمل و لما الدولة تصير اماكن الشغل فيها عدلة عقب نقدر انقول يشتغلون فالبيت

اهم فمكان عمل و توصل متأخرة و تروح اتريق و المراجع ضايع <<<< بعض الوزارات موش الكل

و شنو نظام المعاملات الي اهي بتسويها فالبيت لازم احد يسويلها سكان يعني زدت عدد الموظفين بدال ما تقلل

و اذا كل واحد بيسويه بالأيميل و بيطرشه يقولك يمكن يصير تزوير انا مع المعاملات عن طريق الانترنت سوائا موظف او موظفه من بيتهم او من مكتب ولا اني اروح شخصيا و اراجع

[على العهد]

أسمحلي أخ اسد الجزيرة برد عليها,,




بعدين ليش الرجال عقلياتهم محدوده وتتمحور حول المرأه وحياتها

لانه المرأة أمي
لانه المرأة أختي
لانه المرأة عمتي
لأنه المرأة خالتي

لأنه المرأة زوجتي>> فالمستقبل إن شاء الله :shy:

لانه المرأة شي غالي فالمجتمع ومؤثر جدا

صلاح المرأة من صلاح المجتمع

بإختصار المرأة أساس المجتمع

لهذه الأسباب نجد كثير من الناس يناقشون مواضيع حول المرأة وذلك نابع
من الشعور بالمسئولية والخوف على أساس المجتمع (المرأة)

وجهة نظر شخصية، وأسف على التدخل :nop:

[نوآف]

ماجوف هالفكره لها فايده !

لان اللي يشتغل مفروض تركيزه يكون 100ظھ ع الشغل

ماتروح تجوف الغدى ولا تشل ولدها ولا تسكت ولدها الثاني :)

الا بيكون تأخر فالشغل ومراح يكون بذمه وضمير

[قطري سهم]

والله لو يمشون رواتب لربات البيوت الي صاينة بيتها وعيالها وزوجها افضل

هذي وجهه نظري لني ماحب اذا اتزوج تكون زوجتي تشتغل

البيت له رجل واحد وليس رجلان

[ذكـــــرى]

والله لو يمشون رواتب لربات البيوت الي صاينة بيتها وعيالها وزوجها افضل

هذي وجهه نظري لني ماحب اذا اتزوج تكون زوجتي تشتغل

البيت له رجل واحد وليس رجلان

والله ياخوي كل وحده وضروفها بعض الرجال مثله مثل الطوفه قاعد عله على القلب لاشغله ولا عمله فلاازم المره تشتغل وتصرف على نفسها وحياتها والا تبيها تطرر
كبروا عقوولكم وفكروا في الكل مو بس نفسكم

[بصمة قطرية]

نظام العمل عن بعد ..

الفكرة ممتازة
و عن نفسي بحثت عن هالوظيفة للأسف ما لقيت ..!!
أتمنى أشتغل من البيت ..
يا ليت يطبقونها ..

[قطري سهم]

والله ياخوي كل وحده وضروفها بعض الرجال مثله مثل الطوفه قاعد عله على القلب لاشغله ولا عمله فلاازم المره تشتغل وتصرف على نفسها وحياتها والا تبيها تطرر
كبروا عقوولكم وفكروا في الكل مو بس نفسكم


اذا الله باليها بزوج (( دعلة )) الله يعينها على ماابتلاها .

[قطريه22]

صعب الوحده تشتغل من البيت

اولاً: الشغل يوفر بيئة عمل للموظف بحيث يقدر ينجز ويشتغل.
ثانياً: التركيز مطلوب في العمل وماعتقد في البيت الواحد يقدر يركز وفي اوراق ومعاملات سريه ماتطلع بره الدوام.
ثالثاُ: انت تدري ان قومت الشخص الصبح وخروجه للدوام هذي بحد ذاتها تاخذ عليها أجر لأنك رايح تأدي مهمه وأمانه .
رابعاً: في اشياء تتطلب العمل مع الجماعه او الاستشاره او التوقيع على اوراق والمتابعه اذا كنا في البيت اشلون بنقدر ننجزها.
خامساً: ماعتقد أحنا شعب كسول ومتعايزين على 8 ساعات عمل في اليوم.
سادساً : الواحد يحمد ربه ويشكره والله اخاف من كثر هالمواضيع الي صارت تنطرح في الفتره الاخيره النعم الي احنا فيها تزول.

سؤال : ليش اغلبية مواضيعك معارض فيها كأنك ماتبي الخير لأهل بلادك مع ان لا الدوله ولا الحكومه مقصريين معانا والكل يبي زياده ويبي فلوس وبعد يعارضون تبي الدوله تصرف رواتب لنا واحنا في بيوتنا؟؟

اشرايك تطلب من الدوله بعد تنزل علاوة جديده اسمها علاوة سفر وتمتع للمواطنين؟؟

[قطريه22]

والله لو يمشون رواتب لربات البيوت الي صاينة بيتها وعيالها وزوجها افضل

هذي وجهه نظري لني ماحب اذا اتزوج تكون زوجتي تشتغل

البيت له رجل واحد وليس رجلان

الشغل مب عيب ولا حرام الي بتصون نفسها وبتحفظها ومتربية وخايفه ربها مب مسوية شيء غلط.
الريال الحين قام يقول ماقدر ادفع مهر وماقدر على مصاريف الزواج اشلون بيقدر يصرف عليها؟
انت تكلمت عن نفسك بس الاغلبية يبون وحده تشتغل

[بريق الحق]

والله لو يمشون رواتب لربات البيوت الي صاينة بيتها وعيالها وزوجها افضل

هذي وجهه نظري لني ماحب اذا اتزوج تكون زوجتي تشتغل

البيت له رجل واحد وليس رجلان

بارك الله فيك

[قطري سهم]

الشغل مب عيب ولا حرام الي بتصون نفسها وبتحفظها ومتربية وخايفه ربها مب مسوية شيء غلط.
الريال الحين قام يقول ماقدر ادفع مهر وماقدر على مصاريف الزواج اشلون بيقدر يصرف عليها؟
انت تكلمت عن نفسك بس الاغلبية يبون وحده تشتغل

اذا البنت مو متزوجة ممكن تشتغل لاكن اذا متزوجة زوجها وعيالها اولى من القرشين الى من ورا الشغل .

[قطريه22]

اذا البنت مو متزوجة ممكن تشتغل لاكن اذا متزوجة زوجها وعيالها اولى من القرشين الى من ورا الشغل .

في هالاوضاع الي احنا فيها والغلى الي عايشينه الزوج صعب يوفر كل الاحتياجات ، ولاتنسى الحين الواحد في اي وقت يتوقع يجيله كتاب تحويل للتقاعد وهو بسن صغير اشبيسوي اذا ثلاث ارباع الراتب راح

[قطري سهم]

في هالاوضاع الي احنا فيها والغلى الي عايشينه الزوج صعب يوفر كل الاحتياجات ، ولاتنسى الحين الواحد في اي وقت يتوقع يجيله كتاب تحويل للتقاعد وهو بسن صغير اشبيسوي اذا ثلاث ارباع الراتب راح

اذا الزوجة ماتراعي ضروف الزوج وتطلب فوق طاقتة هذا موظوع اخر

لاكن الزوج دخله 13 وصرفها بروحها 10 هذي اسراف منها بالنسبة لدخل زوجها

ان كان زوج صالح وخايف على عيالة وبيته ماراح يبخل عليهم باللي يقدر علية ورب خلقهم مانساهم.

والرجل الحكيم هو من يعرف يدبر امور بيتة .

لكن للاسف كل ماشوفة قدامي ان الناس صايره مشفوقة عاللقمة مع العلم لو نظرو الى ابسط مثال عمال الشوارع او العمال الي عايش حياتة ب 900 ريال وعايش ؟

الحمد والشكر نعمة من الله.

[قطريه22]

اذا الزوجة ماتراعي ضروف الزوج وتطلب فوق طاقتة هذا موظوع اخر

لاكن الزوج دخله 13 وصرفها بروحها 10 هذي اسراف منها بالنسبة لدخل زوجها

ان كان زوج صالح وخايف على عيالة وبيته ماراح يبخل عليهم باللي يقدر علية ورب خلقهم مانساهم.

والرجل الحكيم هو من يعرف يدبر امور بيتة .

لكن للاسف كل ماشوفة قدامي ان الناس صايره مشفوقة عاللقمة مع العلم لو نظرو الى ابسط مثال عمال الشوارع او العمال الي عايش حياتة ب 900 ريال وعايش ؟

الحمد والشكر نعمة من الله.

بس الواقع يقول غير كل شيء غالي
طيب لو الزوج جاله تقاعد مفاجئ نفس الي صار فجأه لبعض الموظفين وهم صغار في السن
والراتب من بعد ماكان 30 صار 15 الف لو عليه دين للبنك بيروح نص الراتب تتوقع النص الباقي بيكفي يعيشه هو وزوجته واعياله باقي الشهر؟؟

[قطري سهم]

بس الواقع يقول غير كل شيء غالي
طيب لو الزوج جاله تقاعد مفاجئ نفس الي صار فجأه لبعض الموظفين وهم صغار في السن
والراتب من بعد ماكان 30 صار 15 الف لو عليه دين للبنك بيروح نص الراتب تتوقع النص الباقي بيكفي يعيشه هو وزوجته واعياله باقي الشهر؟؟

للظروره احكام اذا هي بتتبرع من نفسها توقع معاه وتشتغل ابرك انها تساعد زوجها

لاكن وش حال الي كتاكيت توهم متزوجين كل واحد راس مالة نفسة وولد ولا ولدين مو الافضل ياتفرغون لتربيتهم بدل مايكون في 2 رجال فالبيت رايحين الشغل الصبح ؟

لاكن في ناس راح منها الحمد والشكر صارت الدنيا ومواكبتها ومادياتها اولى من اسرتة وبيتة .

انا اتكلم عن المقتدر الي راتبة يشوف انه يكفية

صدقيني في رجال رواتبها 20 الف ومرتة معززه مكرمة فالبيت وحامده وشاكره والله موسعها علية ورازقة ومخلية حامد وشاكر ومرتاح وفي عرب مقيمين رواتبهم ماتتجاوز ال 9 الاف ومكفي وموفي حق زوجتة وعيالة وبيتة

دام العين مليانة والحمد والشكر موجود والقلوب نظيفة دنياه بخير ان شاء الله

[ضوى]

جربت اشتغل من البيت اندوشت ، هذا يبي شي وهذا ينادي والتلفون يرن ، بيشة شغل المكاتب غير ، هدوء وكل شي مجهز للعمل باريحية

[كازانوفا]

الموضوع والاقتراح حلو ويارب يتحقق اليوم قبل بكره
والاحسن هو صرف رواتب لربات البيوت
لكن ما اظن انه ممكن يصير سهل او يتقبله الكثير من النساء

[الواثق باالله]

فكرة رائعة وياليت تتطبق

[الواثق باالله]

أخوي قطري سهم أنا معك بكل شي قلتوبس اذا الشغل للزوجة لايعيق واجباتها في البيت

فلامانع في ذلك...بارك الله فيك

[يمامـة]

فكرة جميلة ن،