مطبخ خارجي وداخلي ومطبخ تحضيري

[حمد 2002]

السلام عليكم ورحمة الله وبركاته

تحيه عطره لكل الأعضاء الكرام وبعد

في الحقيقة حبيت اسلط الضوء على
الموضوع التالي

(( مطبخ خارجي وداخلي ومطبخ تحضيري ))

اخي الفاضل اختي الفاضله...

ليش نهتم بعمل مطابخنا من احسن مايمكن عمله من ديكورات وتأثيثها من احسن انواع الخزائن والبلاط ومختلف واغلى الكماليات ونعمل بدال المطبخ الواحد 4 مطابخ مدام اغلب اكلنا من المطاعم ؟ :)

ليش كل يوم انجوف ستين مطعم فاتح بقطر ؟ :) :)

ليش انسويلنا 3 مطابخ واكثر مدام المطبخ هاملينه على الشغاله ميري ومادري شنو ؟ :) :) :)

ليش انسويلنا مطابخ هالكثر واحنا ماندري شنو بالمطبخ من تموين ومصاريف واكل منتهي وخساير ؟ :) :) :) :)

ليش بالزمن القديم مطبخ واحد وكبتات ودروج قليله بالمطبخ وكان هالمطبخ يطبخ اكل للفريج كله ؟ :) :) :) :) :)

ماذا حصل وماذا جرى ولماذا ذلك ؟ :) :) :) :) :) :)

مع فائق تحياتي ،،

[بوخالد911]

منقول ولا !؟!؟!؟!؟!؟

[حمد 2002]

منقول ولا !؟!؟!؟!؟!؟

لا والله ، ودور بالنت ولو حصلت موضوع نفسه بعطيك مليون ريال عدا ونقدا ،،

[تغلبية]

المشكلة .. ان في مرات كثيرة كلامك صحيح!


طبيعة الحياة تغيرت .. وراعية البيت موب فيه ..

وقتها محدود .. والمطبخ متروك للخدم للأسف


الحين ...

البيوت قصور .. والغداء يجي من بيت الأهل يوميا والعشاء من برا

[النهار]

دررررر ياحمد
اي صج اذا كان الغداء من برعه والعشاء من برعه يمقن علشان الريوق
حمد مو المطبخ التحضيري والله مادري ايش يسمونه كأنه بار

[بصمة قطرية]

مطبخي هو جزء من مملكتي ..
إذا ما كان على مزاجي و مثل ما أتمناه
ما راح أرتاح و لا أتشجع إني أدخله
و أطبخ ..
لازم النفسية مرتاحة من المكان عشان الطبخ يكون على الكيف ..
بالنسبة للي ما يدخلون المطبخ و يكلفون عليه
ما عندهم سالفة بصراحه ..!!

[بوخالد911]

لا والله ، ودور بالنت ولو حصلت موضوع نفسه بعطيك مليون ريال عدا ونقدا ،،

اوك
يصلحوووون حق الاكتتااااااب
:nice:

[تغلبية]

مطبخي هو جزء من مملكتي ..
إذا ما كان على مزاجي و مثل ما أتمناه
ما راح أرتاح و لا أتشجع إني أدخله
و أطبخ ..
لازم النفسية مرتاحة من المكان عشان الطبخ يكون على الكيف ..
بالنسبة للي ما يدخلون المطبخ و يكلفون عليه
ما عندهم سالفة بصراحه ..!!






الحين صار فيه بعض الامهات يمنعون بناتهم من الطبخ ... علشان ماتصيدهم الريحة ويتوصخون!

اذا في خاطرها كلش .. تسوي سويتات خفيفة في المطبخ التحضيري !!!!!!!!!!

[حمد 2002]

الحين المطبخ فقط للانستغرام والمفوشر !!!!

لي عوده غدا مره ثانيه للموضوع ،،

اخذوا راحتكم ،،

[بصمة قطرية]

الحين صار فيه بعض الامهات يمنعون بناتهم من الطبخ ... علشان ماتصيدهم الريحة ويتوصخون!

اذا في خاطرها كلش .. تسوي سويتات خفيفة في المطبخ التحضيري !!!!!!!!!!


يمنعونهم ..!!
أنا عيالي الله يحفظهم قاعدة أعلمهم الطبخ
على الأقل الأشياء الخفيفة ..
بكرة بيروحون رحلات و لا بيسافرون دراسة
ينفعون نفسهم ..
شلون الأم تمنع بنتها و ما تعلمها ..!!

[غير البشر]

حمد غير المطابخ الي ذكرتها

في مصاعد = انسرسير = لفت حجمهم صغير حق الاكل يرفع الطباخ من تحت للدور الثاني
وفي الاخير الاكل من المطاعم هههه :secret:

[غير البشر]

الحين المطبخ فقط للانستغرام والمفوشر !!!!

لي عوده غدا مره ثانيه للموضوع ،،

اخذوا راحتكم ،،



اهم شي الحبتين هههههههه

[الشامخ]

الله يعيينك حالتك صعبه ياراعي الموضوع

[تغلبية]

يمنعونهم ..!!
أنا عيالي الله يحفظهم قاعدة أعلمهم الطبخ
على الأقل الأشياء الخفيفة ..
بكرة بيروحون رحلات و لا بيسافرون دراسة
ينفعون نفسهم ..
شلون الأم تمنع بنتها و ما تعلمها ..!!

أمهات آخر زمن !


يفكون راسج .... صرنا نشوف شوفات غريبة ...

الحين بيطلعون لج اللي ضد الموضوع بكبرة وضد المطبخ ...

ترى الدعوى في الاخير استقرار اسرة ومنها "الاكل النظيف" اللي فيه نفس الأم

موب ترس بطون وبس

[Dana’1]

بالنسبة لي في بيتي مطبخ داخلي واحد بس
ومرتبته وماخذته بشكل حابتة ونوعية زينه ..لاجل يفتح النفس للطبخ ولأيضا اذا حبينا ناكل فية خصوصا إذا ماعندنا شغاله:)

بس أكيد الي عندهم مطبخين لهم أسبابهم..من حجم البيت وعدد الأسرة ومنن الي يدخل للمطبخ وهكذا

[بصمة قطرية]

أمهات آخر زمن !


يفكون راسج .... صرنا نشوف شوفات غريبة ...

الحين بيطلعون لج اللي ضد الموضوع بكبرة وضد المطبخ ...

ترى الدعوى في الاخير استقرار اسرة ومنها "الاكل النظيف" اللي فيه نفس الأم

موب ترس بطون وبس

إي والله أمهات آخر زمن ..!!!
اللي حيعيش يا ما حيشوف ..


ننتظر باقي الردود ..!!!

[مو مهم]

اولا لا تعم يا خوي حمد
حنا عندنا مطبخين واحد تحت للاكلات المطبوخه غداء عشاء ولايم ومطبخ صغير فوق للاشياء الخفيفه الريوق والعصريه والفجريه (( لقمه سريعه))

الغداء والعشاء على حريم البيت بس يوم واحد ما يطبخون غداء الي هو الجمعة لان عندنا ظ¥ بيوت بحاره وحده كل جمعه على عائله..

والله يا حمد حتى المفاطيح اغلبها بالبيت الا اذا كانت مناسبه كبيره في المطعم

يعني اذا انت تشوف مطبخ بيتكم مسكر فهذا مب معناتها ان مطابخنا مسكره

شوف الخلل الي عندكم وحاول تحله

[طبيب قطري]

السلام عليكم ورحمة الله وبركاته

تحيه عطره لكل الأعضاء الكرام وبعد

في الحقيقة حبيت اسلط الضوء على
الموضوع التالي

(( مطبخ خارجي وداخلي ومطبخ تحضيري ))

اخي الفاضل اختي الفاضله...

ليش نهتم بعمل مطابخنا من احسن مايمكن عمله من ديكورات وتأثيثها من احسن انواع الخزائن والبلاط ومختلف واغلى الكماليات ونعمل بدال المطبخ الواحد 4 مطابخ مدام اغلب اكلنا من المطاعم ؟ :)

ليش كل يوم انجوف ستين مطعم فاتح بقطر ؟ :) :)

ليش انسويلنا 3 مطابخ واكثر مدام المطبخ هاملينه على الشغاله ميري ومادري شنو ؟ :) :) :)

ليش انسويلنا مطابخ هالكثر واحنا ماندري شنو بالمطبخ من تموين ومصاريف واكل منتهي وخساير ؟ :) :) :) :)

ليش بالزمن القديم مطبخ واحد وكبتات ودروج قليله بالمطبخ وكان هالمطبخ يطبخ اكل للفريج كله ؟ :) :) :) :) :)

ماذا حصل وماذا جرى ولماذا ذلك ؟ :) :) :) :) :) :)

مع فائق تحياتي ،،

موضوعك ذكرني برساله وصلتني على الوتس اب : سبعة نساء لا ينفعن للزواج:

(كثيرة النوم) (وقبيحة الأخلاق) (وكثيرة المطالب) (وسيئة المزاج) (وكثيرة الكلام) (وقليلة الطبخ) (وكثيرة التبرج)

[يوسف0]

محد من البيت يطبخ :( كلن مشغول في وظيفته

انتوا في نعمه يالي اهلكم يطبخون احمدوا ربكم

مافي الا المطاعم واكل الخدامات اسغفر الله العظيم

[moonبنتnight]

لا تلف ولا تدور يا حمد على المطابخ .. أدخل في الموضوع على طول أنت تقصد صرفية المطاعم والا السمنة ؟؟
والمطبخ التحضيري أيده عشان الحريم ما يطلعون حق المطبخ الخارجي في ليل .. حتى لو البيت محصن بكل أنواع الاسلحة لكن الشيطان ما ممات والبلدية مانعة ضم الملحق ( المطبخ الخارجي ) حق البيت ...

[qatarman8008]

مطبخ تحضيري ومطبخ داخل واخر خارجي للتصوير ورفع الصور في الانستقرام .. فقط..
البنت تقول لك انا متعودة في بيت اهلي ما اطبخ..
طيب وش ذنب الزوج المسكين ياكل من هالمطاعم..؟؟
فاهمين الحياة غلط..

[الأصيلة]

بالعكس الحمدالله بالذات في قطر
أغلب الناس تاكل من بيوتها وتطبخ أحلى الأكلات
المفروض على الأب والأم يعودون عيالهم على الأكل الصحي الصادر من البيت
ومحاولة توضيح خطر الأكل السريع على الصحة او منعهم قدر الإستطاعة..
المطبخ الخارجي لـ طبخ وجبات الغداء والعشاء والداخلي
للأكلات السريعة والحلويات والقهوة والشاي...
وأي طبخة بدون بصل وثوم وريحة الحمسة..
واعيدها ترى الأغلبية تستخدم مطابخها في البيت ...
والحمدالله على النعمة التي نسأل الله أن يديمها ويحفظها من الزوال..

[بومحمد المطاوعه]

بارك الله فيك ياخوي حمد

الصراحه صدقت

بس انا من وجهه نظري

اسوي مطبخين

خارجي مع الملحق وداخلي التحضيري فقط

وفوق في الطابق الثاني يكون

مثل البار

http://forum.hwaml.com/imgcache2/hwaml.com_1285375756_245.jpg

وجذي يكفي

اما 3 مطابخ مايبيله الصراحه

[غايه الطواش]

الصراحه انا مع الثلاث مطابخ فوق وتحت والمطبخ الخارجي ....

[Aljans]

لكي يتحقق لك كل ماتريد طالب بتخفيض الرواتب الى مستوى رواتب منتصف الستينات.

[غير البشر]

لكي يتحقق لك كل ماتريد طالب بتخفيض الرواتب الى مستوى رواتب منتصف الستينات.



وتحويل العمله الى روبيه هههههههه

[Rider]

اخوي حمد اذا بنيت بيتك لا تسوي فيه مطبخ

[بنت مريخ]

عندنا مطبخين واحد للغدى و العشى والعزايم
الثاني تحضيري للاشيا الخفيفه و السويتات

[هسلان]

مطبخ تحضيري ماتحضيري اهم شي الطبخة تجي ممتازة وبس :victory:

[ضوى]

عندي مطبخين المطبخ الخارجي فيه الطباخة للاكلات الرئيسية ، والمطبخ الداخلي لي انا اطبخ فيه متى ماطقت براسي خاصة العشا ، ماحب اكل المطاعم ونادر اذا ناكل من المطاعم ،

حمد الغي مطابخ بيتكم ولعرست وبنيت بيتك تحمل تعمل حساب للمطبخ ترا بينهجر

[حسن]

الحمد لله ماعندي الا مطبخ واحد كبير برع رئيسي
اما الداخلي مافي شي غير مغسله وكبتات وثلاجات وبدون فرن
الطباخ برع

الصراحه الطباخ داخل البيت مهب شي

في بيوت اعرفهم ياحمد مايطبخون خير شي ومطبخهم الخارجي فاضي يقرش
ومشاء الله مافي سياره مطعم ماتدل بيتهم

ياخي شكثر اعرفهم طباخهم يلوع الجبد وخصوصا لما اسوي لهم عشى
ياكلون اكل غير طبيعي

تقول ماشافو خير
:(
شنهو هل الاوادم

:eek5:

مهب منهم من الغلاغه اللي يلغلغون لهم الخدم
وكسل النسوان في بيوتهم

الحمدلله كلشي فرش من بهارات وغيره

اخبر طرشت طباخي حق واحد بليه ياحمد اوه
يقول لقيت كل بهاراتهم منتهيه الصلاحيه
مشاء الله على المدام مديره عوده

مديره على خرطي

:omg:

[يمامـة]

الناس احرار في اسلوب حياتهم مالم يخلوا في التركيبة الثقافية للمجتمع

ولكل بيت ظروفه وحاجته ومزاج الافراد فيه بخصوص تقبل اكل البيت او الطلب من المطاعم ..


فوجود مطبخ حلو ومرتب امر طبيعي يا حمد وان ما دخلت ربة البيت تطبخ فيه
فمايصير تخلي المطبخ اي كلام لان الخدامات هم اللي بيطبخون فيه ولا لان عندها طباخ
يطبخ لهم ،،

اما موضوع الزامية ان الام تطبخ بعد هذي امور خاصة بالاسر نفسها
في ناس كبروا على السندويشات والمقالي الخفيفة وفي ناس كبروا على طلبات
المطاعم .. في الاخير محد اشتكى عندنا وقال والله انا متضرر من هالشي ..

لذلك اشوف ان هالامور حرية شخصية مالنا خص في التدخل فيها
ان شاء يحولون البيت كله مطابخ على احدث الطرازات العالمية لكنهم
في الاخير اكلهم من برع فهذا خاص فيهم وفي اسلوب حياتهم ،،