نصائحكم بمواصفات عقود الكهرباء والصرف الصحي

[][ Q6r ][]

السلام عليكم ورحمه الله وبركاته

نصائحكم افضل مواصفات عقود الكهرباء والصرف الصحي

لو ممكن وضع صور العقود او كتابه بالتفصيل ،،، والاسعار تقريباً

وذكر اسم الشركه اللي تمت تجربتها ،، والعماله غير الجنسيه العربيه

[معماري قطري]

هذا الموضوع ممكن يفيدك .. والله يوفقك ويعينك على قراءته .. ممكن تمر بسرعة لين توصل مواصفات الكهربه والبايب فيتر .. والمواصفات عموماً من الأسهل تاخذها من مورد رئيسي مضمون وتذكرها بالتفصيل في العقد ويكون تفصيل العقد عن طريق استشاري مختص وتراجعه تتأكد منه.

العقود الهندسية
http://www.qatarshares.com/vb/showthread.php?t=536017

[][ Q6r ][]

تسلم اخوي معماري
بس الموضوع طويل وبالإنجليزي
لو بالعربي ومختصر أفضل

.
.
اسم شركة تم تجربتها

[][ Q6r ][]

شرايكم في مواصفات الكهرباء

1- pvc pipe dubai
2- gi box d.d
3- wire + cable ducab for oman
4- D.B + panel english
5- T.V + tele phone point only blank cover

وسعر للفيلا مساحه 635
60 الف

[مضارب دوسري]

مب واضحه اخوي
النقطه 3 واضحه ونفس مواصفات بيتي
والنقطه 1 كذلك
الدي بي كاتب انجليزي مب كاتب اسم الشركه وهذا فتح لمجال الغش اشرط عليهم ماركة بل او سيمنز
وايرات التلفزيون والتلفون اشرط عليهم تكون صناعه انجليزيه عشان ماتضطر تغير كل فترة
السوكتات اشرط عليهم ماركة بل او ام كي انجليزي مع تزويدك بفواتير من الوكيل

[][ Q6r ][]

تسلم اخوي مضارب دوسري عالتنبيه

[اللوز]

اهم شي الكهربائي يكون متواجد في الموقع ويخلص لك الشغل

[][ Q6r ][]

شكرا على الملاحظه

[MAZEN37]

635 متر مساحة الارض او مساحة الفيلا ?

[][ Q6r ][]

مساحه الفيلا

[معماري قطري]

[ Q6r ][;9329078']تسلم اخوي معماري
بس الموضوع طويل وبالإنجليزي
لو بالعربي ومختصر أفضل

.
.
اسم شركة تم تجربتها

الموضوع طويل لأن فيه كل المواصفات .. لكن تاخذ منه اللي يناسبك .. وبالنسبة للشركات إذا للتركيب وايد لكن مهم يكون تحت اشراف ناس مختصين كهربه .. شركة اتش بي كي شركة قوية جداً وغالية جداً إذا للحين يشتغلون كهربه وإذا ياخذون مشاريع صغيرة .. بس شغل الكهربه عندهم والتكييف عالي جداً.

مشكلتنا سوقنا فيه الرخيص اللي ما يسوى وغش وصناعات أي كلام .. لدرجة إن الفيوزات تحترق أو تطلع ريحة مزعجة أو تصدر صوت ونين .. الوايرات تجي ضعيفة وبمرور التيار فيها تبين عيوبها وأوقات تنقطع بسبب تكون في مكان ضعيفة وايد .. وصراحة اللي ما عندهم ذمة وايد ممكن يبيعونك أو يركبون مادة رخيصة بسعر غالي .. لذلك اشراف المختصين أهم شيء .. وبعدين يجي اختيارك انت مع شخص مختص بعد للمواد الرئيسية من وايرات ودي بيات وسوكتات وحتى ليتات ومحولاتها إذا تحتاج مساوي تقريباً في الأهمية.

[MAZEN37]

انا اشوف السعر وايد رخيص يمكن انا غلطان

[مضارب دوسري]

لا مو رخيص سعر مناسب
انا عندي البيت مساحة البنيات قرابة 670 واخذ الكهربائي 68000