المقاول عوج الحديد !

[مواقف النجادة]

السلام عليكم ..

بعد صب الاساس و قبل صب عمود الاساس .. اكتشف المقاول ان الحديد (في عمودين من اصل اربعة) ليس على نفس الخط مع الطوفة الخلفية للمنزل .. (على بعد ثلاث امتار من السور) و السبب على حد قوله ان الحديد تحرك اثناء صب الريديمكس .. فما كان منه الا ان ثنى الحديد حتى يرجع الى مكانه في المخطط ..كما هو باين في الصور في الاسفل..

كلمت الاستشاري .. قالي: عادي و الامور طيبة .. و لكن لا زال في قلبي شيء.. خصوصا ان هذا هو الضلع الخلفي من البيت و اللي يقع فوقه البنت هاوس ..

ارجوا من اصحاب الخبرة اسداء النصيحة و الراي اذا تكرمتم..

http://im39.gulfup.com/8U3Te.jpg (http://www.gulfup.com/?glsCx9)

http://im39.gulfup.com/MG6Az.jpg (http://www.gulfup.com/?n2pvfs)

http://im39.gulfup.com/6eh9G.jpg (http://www.gulfup.com/?QA5gS7)

[الكبير الله]

وضعك طبيعي و امورك طيبة

ماله اي تأثير بالعكس هذا الاجراء هو اعادة الحديد الى وسط الخرسانة واللي لازم تكون نهايتها تحدد اباعاد البناء

وتعيد العمود الى المسار الصحيح وسط البناء

وهذا الاجراء يسمونه (ترحيل)

[معماري قطري]

حسب الصور ما عندك مشكلة لو كانت الأعمدة داخلية ويهتم بأنه يخلي الحديد داخل الخرسانة بتغطيته بسمك مناسب من الخرسانة .. جهة داخل الغرف ما يقل عن 3 سم وجهة الخارج 4 سم وملامس للتربة 5 سم والأرقام تقريبية وكل استشاري له راي فيها.

إنتبه لو فيه تقشر للطلاء عن الحديد خله يصبغه بنفس المادة.

الصورة الأخيرة مرعبة شوي الإنحناء قوي والحديد شبه طالع من تحت عن خط الحائط .. خل المقاول يعرض العمود بالخرسانة حول 5 سم وبالاتفاق مع الاستشاري .. وخله يسوي ترتيب للحايط حول العمود بتعريضه قليلاً وبحيث ما يبين بروز العمود .. ولازم هذي تكون " قرصة " حق إذن المقاول حتى ينتبه ويسوي شغله صح من البدايه .. أما يسوي الحايط عريض من طبقتين من الطابوق 10 و15 سم أو يرتبه في الأخير بس العمود ينعمل عريض .. ولا يحط بلاستر سميك وايد .. ممكن بسمنت بورد وبعده بلاستر أو بلاستر بسيط عليه ألواح جبس.

[مواقف النجادة]

وضعك طبيعي و امورك طيبة

ماله اي تأثير بالعكس هذا الاجراء هو اعادة الحديد الى وسط الخرسانة واللي لازم تكون نهايتها تحدد اباعاد البناء

وتعيد العمود الى المسار الصحيح وسط البناء

وهذا الاجراء يسمونه (ترحيل)


مشكور يالغالي .. الله يطمنك بالخير .. و بارك الله فيك..



حسب الصور ما عندك مشكلة لو كانت الأعمدة داخلية ويهتم بأنه يخلي الحديد داخل الخرسانة بتغطيته بسمك مناسب من الخرسانة .. جهة داخل الغرف ما يقل عن 3 سم وجهة الخارج 4 سم وملامس للتربة 5 سم والأرقام تقريبية وكل استشاري له راي فيها.

إنتبه لو فيه تقشر للطلاء عن الحديد خله يصبغه بنفس المادة.

الصورة الأخيرة مرعبة شوي الإنحناء قوي والحديد شبه طالع من تحت عن خط الحائط .. خل المقاول يعرض العمود بالخرسانة حول 5 سم وبالاتفاق مع الاستشاري .. وخله يسوي ترتيب للحايط حول العمود بتعريضه قليلاً وبحيث ما يبين بروز العمود .. ولازم هذي تكون " قرصة " حق إذن المقاول حتى ينتبه ويسوي شغله صح من البدايه .. أما يسوي الحايط عريض من طبقتين من الطابوق 10 و15 سم أو يرتبه في الأخير بس العمود ينعمل عريض .. ولا يحط بلاستر سميك وايد .. ممكن بسمنت بورد وبعده بلاستر أو بلاستر بسيط عليه ألواح جبس.


تسلم يا خبيرنا على النصائح .. الله لا يهينك و يبارك فيك ..