ايش سالفة الرنج السبورت الجديد

[tawareq]

ايش سالفة الرنج السبورت الجديد 2014

اشوف الشباب عارضينهم للبيع في السوق اقل بكثير من سعر الوكالة واصفار

يعني السبورت ما مشى مثل الفوج

[ابن الرومي]

أي والله صحيح
امس في احد المعارض
لقيت سعره طايح ما دري ليش
علشان الأسهم ممكن

[أبوهيا]

موتر كريه وشكله حق واحد عمره 18 سنه ولا حق وحده توها ماخذه السين
الفوج افخم واحلى واقوى منه

[911Turbo]

اتفق معك ياخوي في كل شي الا انه اقوى .... السبورت الجديد 8 سلندر سوبر تشارج هو الاسرع بين الرنجات حاليا. و هذا مب كلامي. هذي البيانات من الشركة نفسها.
مع اني كنت احب الشكل القديم بس مستحيل افكر اخذه لانه فعلا ما يسوى

[مخطط قطري]

اعتقد الناس اذواق

[jorri]

هذا اكيد سعر ال 6 سلندر . .

[911Turbo]

اعتقد الناس اذواق

اعتقادك في محله ياخوي الناس اذواق

[الوثيقة]

والله انا شريت الرنج السبورت 370 الف وبعته 190 ذبحني .. تم في المعرض 6 شهور وما انباع الا لما نزلت السعر

[bus3od]

سلامتكم الموتر و لله الحمد ما يشتكي من شي

قوه و رزه و سيرفس و ضمان الحمدلله من أحسن الموديلات اللي نزلتها الرنج و عروف أي موتر ينزل سعره بسرعه باستثناء التيوتا

و بالنسبه للأسعار على حسب الفئه الظ¦ سلندر ستاندر يبدأ من ظ£ظ¨ظ¥ ألف وانت طالع لين الاوتوبايغرفي اللي هو ظ¨ سلندر فل اوبشن ب ظ¦ظ¢ظ* ألف

و اللي يقول من ظ¦ شهور بايع واحد بنص سعره ترى الموتر ما صار له ظ£ شهور نازل

و الناس أذواق

[Bozizoo]

واحد من الربع كان شاري الرنج اسبورت 520
باعه ومشاي 4000
بسعر 450 الف
وانا حصلت 6 سلندر ماشي الف ب 360 و التامين شامل بعد
ماله سوق بالمره ..والله عقب ماسفت سعره كذا خفت منه
و حذروني منه الي عندهم ..قالوا سعره يطيح بس مافيه مشاكل

[فــلان]

الرنج الجديد من واقع تجارب فشل فالتصميم الخارجي ( وجهة نظر شخصيه ) مقارنه بالموديل السابق. أما العزم و الداخليه الجديد طبعا ً ممتازه و الموتر من أمتع السيارات اللي جربتها كسواقه. موتر طربه مع قوته وصوته وسكانه سوبر باور كأنه دوج قديم تحسون إنكم تلفون السكان فالهوى. المصيبه الكبيره مب فالسياره في وكالتهم التعيسه يفرضون عليك كل تشييكه أما عدد كيلومتر محدد أو تاريخ أيهما أسبق ومجرد إنك ما تحظر السياره فالتاريخ يطيح عليك الضمان ولازم تدفع 3800 عشان يردون لك إياه حتى لو كنت مب فالبلاد وهالشي صار معاي أكثر من مره وكأني مأجر السياره مب شاريها. وكاله إبتزازيه 100%

بعت اللي كانوا عندي وللعلم السيارات 2014 وحلفت ما عاد أتعامل معاهم مره ثانيه لو ماغيروا سياستهم و هالإستغلال والتصييد للعملاء.

الحين مع المرسدس و الوضع ماشي زين على الأقل ما يلزمونك تجيب السياره في تاريخ معين. بينك وبينهم مواعيد التشييك على الكيلو متر وسلام سلام.

[911Turbo]

السلام عليكم
والله ياخوي فلان من ناحية الابتزاز كل الوكالة تبتزنا لكن وكالات تبتز بالمعقول و وكالات تبتز بما لا يعقل ... عيل تنزل performance exahust system الي المفروض يكون سعره حول 31 الى 32 الف و السعر موجود في النت و لما اتصلت اسألهم عنه قالوا لي ممكن نطلبه لك و بيطلع عليك ب62 الف !!!!! القيمة مضاعفة !!!! وعلى فكرة القطعة اصليه من نفس الشركة . يعني ابتزاز مع سبق الاصرار و الترصد. ههههههه لين متى بيتمون يبتزونا و حماية المستهلك يتفرجون !!! ياخي الناس تطلع فائدة 30% او 40 % يالله بنقول 50% معليش لكن فوق 100% ولا هذا غير التركيب بعد. الشرهه مب عليهم لكن على الناس الي تدفع. انا بثرحة صرت اطلب القطع من برع ارخص لي بواجد. حسبنا الله و نعم الوكيل.

[الدوسري قطر]

صادق اخوي

شفت واحد في احد المواقع سعره 385 وكلمت الوكالة اسأل عن السبورت المرتجع قالي بعد الخصم 450 يعني فرق كبير مع انهم نفس المواصفات والممشى

[فــلان]

السلام عليكم
والله ياخوي فلان من ناحية الابتزاز كل الوكالة تبتزنا لكن وكالات تبتز بالمعقول و وكالات تبتز بما لا يعقل ... عيل تنزل performance exahust system الي المفروض يكون سعره حول 31 الى 32 الف و السعر موجود في النت و لما اتصلت اسألهم عنه قالوا لي ممكن نطلبه لك و بيطلع عليك ب62 الف !!!!! القيمة مضاعفة !!!! وعلى فكرة القطعة اصليه من نفس الشركة . يعني ابتزاز مع سبق الاصرار و الترصد. ههههههه لين متى بيتمون يبتزونا و حماية المستهلك يتفرجون !!! ياخي الناس تطلع فائدة 30% او 40 % يالله بنقول 50% معليش لكن فوق 100% ولا هذا غير التركيب بعد. الشرهه مب عليهم لكن على الناس الي تدفع. انا بثرحة صرت اطلب القطع من برع ارخص لي بواجد. حسبنا الله و نعم الوكيل.

ومصيبتهم مصيبه يعني أي شي ممكن ينطلب من برى و الموضوع بسيط لكن إن ركبت لقزوز مثلا ً وشيكو على هيستري الموتر وما طلع راكب عن طريقهم سلم على الضمان أو فيه حل ثاني هو إنك تدهن سيرهم و أنا بالنسبه لي ما أعرف أسوي هالشكل أحسها إهانه. الله يكون في عونكم

الرنج لسبورت RS قرب ينزل و الفوج بعد ناز منه إصدار جديد Long wheel base ومافيه شي من الزود غير إنه شوي أطول ومركبين طاولتين ورى بس على ثقافة سوقنا هنيه شوف شلون أسعارهم بتهوي. سياسه رخيصه جداً لشركة LandRover. الله يعينكم يا هل الرنجات الجديده

[qatari 111]

الله يخلي لنا الياباني

[وبشرالصابرين]

كرجات الوكالات بشكل عام صارت اخر ثلاث سنوات تستغل الناس وتخوفهم بالضمان

يعني تدخل السياره سيرفيس مافيها ولا شي عادي تشوف الفاتوره مبلغ وقدره وانت طبعا لازم تدفع ماتعرف ايش السالفه

ويقصون عليك خصم عشره بالميه وانت تصدق

يعني لا تستبعد تدخل تبدل مساحات في الوكاله تطلع الفاتوره 7500 ريال يقولك شعب مستوى الدخل مرتفع

...