مشروع وكاله مفارش عالميه

[ولد الدفنه]

ايش رايكم يا اعضاء المنتدي الكرام
فيه وكاله نسائيه حق مفارش وحق فوط وحق روبات
حق العرسان والولاده وحق البيت
وطلبوا علي مبلغ 180الف دولار لمده 5 سنوات
وشرط اسوي تصميم معين ومحل يكون في مول
وانا بروحي بصراحه ماقدر خصوصا اني عندي مشروع ثاني شغال فيه حاليا
عطوني ارائكم
اجيب شريك
اسوي المشروع
الغي الفكرة

[شموخ دائم]

,

,


مرحبا


لا تخلي كلمه ( وكاله ) تغريك

ترى مو كل وكاله يعني راح تكسب منها
اعرف اصدقاء عندهم عشرات الوكالات ومتورطين فيها يبون الفكه منها

مع ان شكل المشروع شي طيب ومغري
الا ان للشخص الممارس للتجاره يعرف ان هذا النوع من المشاريع
محفوف بالمخاطر
ومصاريفه كثيره جدا
وفتح محل في مول
هذا لوحده كفيل ان يخسرك

نصيحتي تتركه

المفروض المفارش الي لها اسم
يبيعها ( محل ) متخصص في المفارش
وما تكون لها محل لوحدها
بينما تكون في قسم
داخل المحل
والمفروض المفاوضات تكون بهذه الطريقه
ان من غير الممكن ان يكون لها محل لوحده
لانها راح تخسر بسوق الدوحه

والمفروض يكون لها ( موزع )
تاخذ البضاعه منهم وتعرضها على محلات والشركات المفارش
يشترون منها بالجمله

هذا انسب حل اذا وافقوا توكل على الله وتعمل لها ( تسويق )
وكل محلات المفارش راح تاخذها منك
بالكميات الي تتناسب وحجم مبيعاتهم

اذا ما وافقوا اتركها

,

,


اخوك

شموخ دائم

[مشتاقة لقطر]

بالتوفيق

[بن غيث]

انا مع رأي اخونا .. شموخ دائم

تقدر تكون موزع معتمد للمنتج من حفظ حقك بأعتمادك كوكيل رسمي في حال تحقيق ارباح

[راس لفان]

عندي لك نصيحة

اذا حاب الفكرة !!!

سوا لك تصاميم معينة

روح الصين

اطلب تنفيذ تصاميمك عبر احدى المصانع

لاتكثر الطلبية خلك على 100 حبة كبداية

تعال ودش السوق وجرب في قبول

اذا كان هناك قبول سو لك ماركة باسمك وتوكل على الله


تحياتي