«هيئة الأمر» تُنقذ فتاة قطرية من ابتزاز شاب سعودي

[(المهندس)]

الشرق

وضعتْ هيئة الأمر بالمعروف والنهي عن المنكر بمحافظة الجبيل حدّاً لشاب سعوديّ حاول استغلال فتاة قطرية وابتزازها بعد خداعها. وكان الشاب قد تعرف إلى الفتاة في بلادها، وحصل منها على مبالغ مالية كمساعدة تلقائية منها دون إكراه. إلا أنه طمع فيما هو أكثر من المال،

وحصل منها على صور شخصية، ليستغلّها ـ لاحقاً ـ في الضغط عليها. وقالت مصادر مطلعة لـ «الشرق» إن الفتاة العشرينية اتصلت بفرع الهيئة في الجبيل، وكشفت معاناتها مع الشاب الذي تمادى في الابتزاز. وأكدت المصادر أن الفتاة اتصلت من بلادها، مشيرةً إلى أن جهاز الهيئة تعامل مع البلاغ بشكل رسمي تماماً مثل معاملة أخرى، وباشرت الهيئة عملية الضبط، بعد متابعة القضية بالبحث والتحري للتثبت من صحة الشكوى. وانتهت الإجراءات بإيقاف الشاب قبل أربعة أيام، واتخذت الإجراءات المعتادة في مثل هذه القضايا، وأنهت معاناة الفتاة من الابتزاز.

ومن جهة موازية أوضح لـ «الشرق» المتحدث الرسمي بفرع الهيئة في المنطقة الشرقية، دبيخي الدبيخي، أن الهيئة حريصة على مكافحة جريمة الابتزاز، وتخليص المجتمع منها بقدر الإمكان، خاصة أنها تمس الضرورات الخمس التي أمرت الشريعة بالحفاظ عليها، ومنها ضرورتا الحفاظ على المال والعرض. ودعا الدبيخي ولاة الأمور إلى متابعة بناتهم وأبنائهم بالنصح والتوجيه، وبيان الأثر السيِّئ للعلاقات لما لها من خسران في الدين والدنيا، حماية لهم من الوقوع في فخ الابتزاز الذي قد يجرفهم إلى ما لا تحمد عقباه.

[حسن]

:eek5:

:secret:

لاحول ولا قوه الا بالله

[قطري سهم]

ياريت يكون عندنا هيئة الامر بالمعروف في قطر

[بشائر]

لاحول ولاقوة إلا بالله العلي العظيم ..

ماعليهم شرهه القطرية بالنسبة لهم كنز متحرك ..

وهذا درس لازم الكل يتعلم منه :(

[طير حوران]

اللهم لك الحمد على نعمة الاسلام

[الخيالة]

شلون حصل علي صورها الشخصيه؟؟؟؟

[moonبنتnight]

الله يخلي الاستغرام ..
للبنات ما يخلون صورة الا حطوها .. ثلاث اربع جسمهم طالع ..
الله يستر على بناتنا وبنات المسلمين ..

[khalid1975]

ما درينا حجم المبالغ المرسلة حق هذا الخسيس !!


في قصة وحدة قطرية .. (الله يستر عليها وعلينا) فقط للعظة

ارسلت على دفعات ما يقارب 500الف ريال !!!!!!!
لواحد سعودي من الجبيل بهدف الزواج!!
(طبعا قصة طويلة )

لكن الخلاصة ..


انه ظهر نصاب في النهاية!!!


وربك ستر عليها بعد معاناة طويلة !!


ترا القصص كثيره .. فانتبهو يا بنات على اعراضكم واعراض اسركم ..

[اجرام]

العضيد يقوم بالدور هذا في مثل هذه الحالات

[مثير للجدل]

ياهالبنات يقدمون على خطوه وبعدها ياليت وياليت ،، من الاول ليش يعني تقدمين ع هالشغله الله يستر القلب متروس خلني ساكت بس :rolleyes2:

[مثير للجدل]

شلون حصل علي صورها الشخصيه؟؟؟؟

هي مطرشتهم له وبعدها تندم هاي الي يقهر يطرشون وعقب يتبجبجون

[خوي الدرب]

بيض الله وجوههم

والله يسترنا ويستر المسلمين

ضعف العقول مصيبة

[moonبنتnight]

ما درينا حجم المبالغ المرسلة حق هذا الخسيس !!


في قصة وحدة قطرية .. (الله يستر عليها وعلينا) فقط للعظة

ارسلت على دفعات ما يقارب 500الف ريال !!!!!!!
لواحد سعودي من الجبيل بهدف الزواج!!
(طبعا قصة طويلة )

لكن الخلاصة ..


انه ظهر نصاب في النهاية!!!


وربك ستر عليها بعد معاناة طويلة !!


ترا القصص كثيره .. فانتبهو يا بنات على اعراضكم واعراض اسركم ..

نفس القصة بس كانت تصرف على قطري وعدها بالزواج .. بس تزوج غيرها ..

[بصمة قطرية]

لا حول و لا قوة إلا بالله ..
الله يستر على بنات المسلمين ..

[وطن]

الله يهدي بنات المسلمين و يستر عليهم

[يمامـة]

الله يهدي بنات المسلمين و يستر عليهم

اللهم آمين يارب العالمين

[متواصل]

خل وحدة ترسل لي خمسة ريالات بتزوجها صج
وبرد لها الخمسة مع المهر والشبكة
بس بدون صور رجاءا
الستر زين

[ضوى]

الله يستر على بنات المسلمين ويحفظهم

[يمامـة]

خل وحدة ترسل لي خمسة ريالات بتزوجها صج
وبرد لها الخمسة مع المهر والشبكة
بس بدون صور رجاءا
الستر زين

عرض مغري :telephone:

[Dana’1]

جرايم الابتزاز حتى مع السعوديات أنفسهم كثيرة... ياليتهم ما ينغرون بالشباب عموما والخليج والعرب خصوصا ... ترى المسلسلات الي بالتلفزيون هي بالتلفزيون وبس..بأرض الواقع مافي منه وإذا صحت بعضها فهي بمجتع دون أخر

الله يستر عالمسلمين والمسلمات آمين يارب العالمين

[خالد البلوشي]

لا حول ولا قوة الا بالله
الله يستر عليها و على بنات المسلمين و جزا الله القائمين على الهيئة كل خير

[اليشم]

للأسف في بنات يخافوا من التهديد ويستسلموا ويقدموا تنازلات أكثر ... وبالنهايه بعد ينفضحوا، لأنهم يعالجوا الخطأ بخطأ أكبر
الحمد لله إنها تشجعت واتحملت مسؤولية غلطتها وبلغت عليه، ولا كانت اتورطت أكثر
الله يستر علينا دنيا وآخره

[vip-30003]

هذا هم يخلون القطري البيور الجنتل الشجاع الفارس نجم سهيل

ويرحون للغير ،،، هذا اللي يقول ....... الفريج اتحب ....... الغريب

على اساس روح بعيد وتعال سالم ،،، والفضايح كلها عند الغير

نشوفهم في السفر سبحان الله الابتسامات والتضبط للغريب يعني ساتر عليج ولا من العايلة

طبعاً البعض والله يستر على الجميع واتمنى هالقصه اتكون درس لكل البنات

وانا مع حملة حلاة الثوب رقعته منه وفيه

[فرهود]

اكيد البنت من جماعته ووثقت فيه لكن قص عليها .

[اليشم]

ابن بارم ذيله:shy:

[فرهود]

ابن نافخ كرشه:)

[مخطط قطري]

بصراحة بعض البنات لايتعض ولا تفيد معاه النصايح واعتقد هالشي درس لها ولغيرها
مثل هالسوالف لو صارت قبل سنين كان طيرو راسها وراسه بس مع الاسف مع التقنيات الحديثه وضعف الوازع الديني والتفكك الاسري صارت مثل هالامور وكثرت ومع الاسف الشديد بعض الشباب السعودي بلا اخلاق ولا مبدا وصدمت من مجموعه منهم ملحدين والعياذ بالله ولهم حسابات موثقه في التويتر وبدو يكثرون وعذرهم في ذلك الكبت والفقر ونكايه في السلطه الدنيه قبحكم الله وقبح عذركم ولاتشوف من المضافين عندهم او المتابعين لوجدتهم بنات ساقطات منحرفات وبعض المستخدمين الاسرائيلين فالحذر واجب الموضوع كبير ويجب الانتباه

[همر]

من سوت نفسها عنز العبوا بها الخرفان..

[خليفـة]

البنت الي سلمت نفسها له
وهي الي جابت لنفسها كل هالمشاكل
ولما طاح الفاس في الراس .. راحتت تتبكى وتتشكى

الله يصلح ويهدي بنات المسلمين
امين

خليفــة

[بوخالد911]

الله يهدي نون النسوة

[الزعيـم]

بعض البنات الله يستر عليهم

تتعرف على الشاب وبعد يومين صورها من يوم وهي صغيره عنده ...!!

[بوغزلان28]

شلون حصل علي صورها الشخصيه؟؟؟؟

عافيه عليج اختي الخياله هالسؤال اللي كنت ابي اطرحه بس خفت من الناس اتشن هجوم علي !!

[قطريه22]

اول مره ينزل خبر في الجريده عن بنت قطريه
ليش منزلين هالموضوع وشالهدف منه؟

والا بس يحبون الفضايح؟

الظاهر خلصت الاخبار ويدورون اي خبر ينشرونه في الجريده..

[بنت مريخ]

الله يستر عليها و على جميع بنات المسلمين

[شبح الصمت]

اول مره ينزل خبر في الجريده عن بنت قطريه
ليش منزلين هالموضوع وشالهدف منه؟

والا بس يحبون الفضايح؟

الظاهر خلصت الاخبار ويدورون اي خبر ينشرونه في الجريده..



منزلينه لاجل يوعون البنات المفهيات مثل حالت هذه الي الصورة اهي مرسلتهم له بالراحة لانه اشلون بتوصله صورها


والا ليكون حاطين اسمها ومشهرين فيها

خلونا واقعيني لا تقعدون تقولون استغلها ومدري ايش اهي ليش من بدايتها ما خافت من ربها وما خافت على سمعة اهلها


اذا فات الفوت ما ينفع الصوت

[قطريه22]

منزلينه لاجل يوعون البنات المفهيات مثل حالت هذه الي الصورة اهي مرسلتهم له بالراحة لانه اشلون بتوصله صورها


والا ليكون حاطين اسمها ومشهرين فيها

خلونا واقعيني لا تقعدون تقولون استغلها ومدري ايش اهي ليش من بدايتها ما خافت من ربها وما خافت على سمعة اهلها


اذا فات الفوت ما ينفع الصوت

انا ماقلت استغلها ولاشي
بس من متى الجريده تحط مثل هالاخبار ؟
عسى ماشر خلصت الاخبار؟
والبنات مب مفهيات يدرون بكل شيء احنا في 2014

[شبح الصمت]

انا ماقلت استغلها ولاشي
بس من متى الجريده تحط مثل هالاخبار ؟
عسى ماشر خلصت الاخبار؟
والبنات مب مفهيات يدرون بكل شيء احنا في 2014


واشله معصبه انزين

ويعني ما همج الاستغلال كثر الخبر والتوعية ويفتحون عيون العالم على اشياء مخفية

خبر ونزل روحي اشتكي على الجريدة قولي لهم اشله منزلين هالخبر !!

وقولي لنا ردهم

[قطريه22]

واشله معصبه انزين

ويعني ما همج الاستغلال كثر الخبر والتوعية ويفتحون عيون العالم على اشياء مخفية

خبر ونزل روحي اشتكي على الجريدة قولي لهم اشله منزلين هالخبر !!

وقولي لنا ردهم

هههههههههههههههههه مب معصبه انت المعصب
التوعيه موجوده والكل يعرف الغلط من الصح

الي يضايق ذاكرين الخبر في الجريده تتوقع الجريده ناشرته للعضه؟
انا اتوقع ناشرينه للفضايح ان قطريه في السالفه

تتوقع هاي خبر مهم يكون في اوراق الجريده
الاخبار خلصت وقامو يدورون اي موضوع عشان يحطونه مثل المخلوق الفضائي الي لقوه في الكورنيش وغيره وغير

[الركادة]

الشرق

وكان الشاب قد تعرف إلى الفتاة في بلادها، وحصل منها على مبالغ مالية كمساعدة تلقائية منها دون إكراه. إلا أنه طمع .

يعني كيف تعرف عليها وكيف هي ساعدته ؟؟
بس صارت مشكلة يوم انه طمع !! لا حول ولا قوة الا بالله

انتبهوا يا بنات السالفة مو انه سعودي ولا قطري
السالفة انكم تتنتبهون على سمعتكم وسمعة اهاليكم ..


وين ايام الطيبين ..اللي مطول شعرة يقرعونه << :eek5:

[الخيالة]

عافيه عليج اختي الخياله هالسؤال اللي كنت ابي اطرحه بس خفت من الناس اتشن هجوم علي !!

صح لان اهيه الغلطانه اذا اهيه اللي عطت صورها بتكون غبية بالعقل في حد يعطي صورها حق واحد غريب الله يهديها ويهدي الجميع

[موظف ((حكومي]

لاحول ولاقوة إلا بالله العلي العظيم ..

[captin]

اول مره ينزل خبر في الجريده عن بنت قطريه
ليش منزلين هالموضوع وشالهدف منه؟

والا بس يحبون الفضايح؟

الظاهر خلصت الاخبار ويدورون اي خبر ينشرونه في الجريده..

مثل هاذي الحادثة والأحداث موجودة بشكل متكرر عندنا في قطر
كثير من حالات الابتزاز يتعرضون لها البنات عندما تكون في علاقة مع شاب
وتتبادل معاه الصور وبعض الخصوصيات الاخرى .
لكن ما تطلع للاعلام وجزاهم الله خير ربعنا في دوائر الأمن يسترون كثير مثل تلك الموضوعات.

لاحظت للأسف كثير من البنات ومنهم ايضا اللي فوق الثلاثين او اكبر حتى تنقاد وراء الشاب اللي
يعزف على وتر الوعد بالزواج ومتلهفين على سالفة الزواج والعرس .
ولا شك ان هاذي نقطة ضعف يمكن يستغلها اي شخص عديم مروءة للحصول على ما يريد .
الله يهدي الجميع .

هناك أشياء اهم في الحياة ممكن الواحد يشغل نفسه فيها

[كازانوفا]

غريبه لليوم في موضوع تبادل الصور ؟؟
ياااااه طيب كويس موضه قديمه بس موجوده :)

[بومحمد المطاوعه]

اللهم لك الحمد على نعمة الاسلام

يالله سترك وعفوك

استغفرك ياربي واتوب اليك


لاحول ولاقوه الابالله

شنو تبوني اقول وشنو تبوني اتكلم

مابي اتكلم ولا ابي اقول

استغفرالله
استغفرالله
استغفرالله