استفسار الله يخليكم: حق التصرف بالمال بعد الوفاة

[مليونيرة مفلسة]

السلام عليكم و رحمة الله

هل يصير الواحد يكتب وصية بإهداء ماله إلى شخص معين أو جهة خيرية معينة بعد وفاته على أساس أنها فلوسه و شقا عمره مايبغيها تروح لأسرته الجاحدة بإسم توزيع الإرث و لايبيهم يستفيدون من الفلوس طبعن مثل هاشخص له أسبابه بس هل يحق له؟ و كيف يتصرف و وين يروح يوثق الوصية

جزاكم الله كل خير

[شموخ دائم]

,

,


مرحبا


لا اخوي ما يجوز نهائيا وحرام شرعا
في امكانيه كتابه ( جزء ) من المال لجهه معينه او شخص معين
وهو جزء معلوم من الورث
ولكن ليس من حق اي انسان ان يحرم الورثه الذين حددهم الله سبحانه وتعالى
لاي سبب من الاسباب
ولو تصرف فيه ( بقصد ) حرمان الورثه عليه اثم كبير يحاسب عليه يوم القيامه

في المسيحيه يجوز اما في الاسلام لايجوز

,

,


اخوك

شموخ دائم

[مليونيرة مفلسة]

أشكرك أخوي شموخ دائم على مرورك و ردك. هل يوجد دليل واضح أو نص من القرآن و السنة على تحريم التصرف في المال بعد الوفاة؟

[ضوى]

تصرف فيهم على حياتك

[خزامئ]

الله يعينك ويكفينا شر الجحود
ممكن تخلي لهم ثلث الميراث
والباقي تصدق فيه
وكتبه اوقاف لك
مثل مافهمنا انهم مامنهم خير
فحسن لك تحط لك وقف ينفعك وانت ميته بعد عمر الطويل
عندك مركز الوقف ممكن توقف انت حي
لك العمر الطويل في طاعته

[دانة الطواش]

أخوي اعتقد انك تلجأ لمحامي لكتابة الوصية بس لا تحرم اهلك من الورث لان وان شالله عقب عمر طويل راح يكون سبب في أنهم يدعون لك بالمغفرة والرحمة ويندمون على ما فعلوه معاك والله الموفق /// وإذا تبي اسمي حتى تكتب لي شوي وأدعي لك ترا مساعده !!!! ههههه عسى ربي بوعيهم ويردون لك في الدنيا قبل الآخرة ويصفي النفوس ويهدي الأمور يارب .

[moonبنتnight]

تبي نصيحتي وزع عليهم الفلوس وأنت حي ..
هذي أرحامك والله وصى بهم .. عطهم جزء من الفلوس شوف بتغير طبعهم وإلا لا ..
مب معقولة كلهم جاحدين بس على سبت الفلوس .. ولا تزعل من كلامي ..

[لبيبة]

يقدر يتصرف فيها في حياته، لو يهبها بالكامل

أما كوصية، له أن يوصي بالثلث فقط، والباقي بين الورثة.

والتصرف الأفضل أن يوصي بالثلث، ويترك الباقي للورثة يوزع بينهم كما أراد الله، ربما يدعون له بعد الممات

[tareq_qa]

يقدر يتصرف فيها في حياته، لو يهبها بالكامل

أما كوصية، له أن يوصي بالثلث فقط، والباقي بين الورثة.

والتصرف الأفضل أن يوصي بالثلث، ويترك الباقي للورثة يوزع بينهم كما أراد الله، ربما يدعون له بعد الممات



أضيف على كلام اخوي انه يجوز الوصية بأكثر من الثلث مع أخذ موافقة جميع الورثة والتوثيق .......

[قطري سهم]

بس حسب ماعرف إن الوصية ينطعن فيها وتعتبر باطلة ؟

[Q0T0R]

الاقربون اولى بالمعروف

وبعد يصير تتبرع بجزء للخير

[مجلان]

الاهل يتذكرون ويدعولش الغير ياخذ وينساش اول مايصرف المال

[أسد الجزيرة]

يمكن الحين انتي معصبة و لكن لا هديتي و روقتي فكري مرة ثانية

اذا ممكن الورثة جاحدين و ما فيهم خير ممكن تعملين وقف و انتي حية مسجد او بير او صدقة جارية حيث قال رسول الله صلى الله عليه و سلم :((إذا مات الإنسان انقطع عنه عمله إلا من ثلاثة،إلا من صدقة جارية، أو علم ينتفع به، أو ولد صالح يدعو له))

[قطريه22]

تبرع فيهم

[لبيبة]

أضيف على كلام اخوي انه يجوز الوصية بأكثر من الثلث مع أخذ موافقة جميع الورثة والتوثيق .......




ممكن توضيح كيفية ذلك؟ أول مرة أعرف إن قانوناً يصير، لكن هل جائز شرعاً؟ وهل هناك إمكانية للتراجع عن ذلك بعد الوفاة والمطالبة بنصيبه؟

[حسن]

بعد الوفاه مايصير ولا لك الحق بريال واحد
اولا انت مت خلاص
وثانيا اصبحت ملك لغيرك

يعني تركه
اما الوصيه هي على حسب مااضن في مصر غير وهني غير
وبعدين اللي اعرفه مايجون توصي عن ثلثين على مااعتقد
والوصيه لها احكام
وتبي الصج انك تروح لقاضي التركات وتسئل هناك وهم بيعطونك الزبده
واذا انت متضايق من شي
ارسلك رقم حسابي على الخاص وانا اتكفل لك فيهم

:)