أيهما افضل النسبة ام الحصول على متطلبات الجامعة ؟!!

[يمامـة]

مبارك عليكم المطر وربنا يغسل فيها ذنوبنا ويرحمنا برحمته ويتمم على الجميع الصحة ويديم على بلادنا نعمة الأمن والأمان

ندخل في الموضوع

كل طالب في المرحلة الثانوية كسلان ولا شاطر يتمنى يحقق نسب عالية في النتائج النهائية للاختبارات الثانوية العامة

سابقا قبل عشر سنين كانت النسبة مهمة جدا للحصول على بعثة او للالتحاق في الجامعات المختلفة ،،

لكن مع مرور الوقت وتغيير المتطلبات العامة للجامعات الموجودة في قطر ،، ما عادت النسبة هي الهاجس
بل دخلت متطلبات ثانية من ايلتز و ايه سي تي تنافس النسبة وتاخذ من وقت الطالب وجهده ،،

سؤالي لكل ولي أمر وطالب ،،

ايهما اهم عندك الحصول على نسبة عالية ام الحصول على متطلبات الدخول للجامعات مع نسب عادية مقبولة ؟

[ضوى]

والله يا يمامتي الاثنين محد يضمن قوانين هالمجلس التعيسة ولا قوانين جامعة قطر البائدة

نسبة مرتفعة + متطلبات الجامعة وان شاء الله تتيسر الامور

كل التوفيق لبناتنا ياااارب

[يمامـة]

والله يا يمامتي الاثنين محد يضمن قوانين هالمجلس التعيسة ولا قوانين جامعة قطر البائدة

نسبة مرتفعة + متطلبات الجامعة وان شاء الله تتيسر الامور

كل التوفيق لبناتنا ياااارب

يعني اللي تشوفينه ان تهيئتهم للاثنين من البداية افضل من التركيز على واحد دون الثاني يا ضوى ؟

[ضوى]

يعني اللي تشوفينه ان تهيئتهم للاثنين من البداية افضل من التركيز على واحد دون الثاني يا ضوى ؟

نعم يمامة هذا اللي اشوفه ، وانتي بنفسج شوفي قوانين الجامعات اللي نسبته خمسين يقبلونه لو جايب ايلز وسات ، جامعة قطر تبي هالثلاث النسبة والمتطلبات وطبعا قوانين قابله للتغير والبركة في المجلس الاعلى

[Summer Fruits]

اذا كان التخصص اللي بيدخلة الطالب عليه ضغط وايد طلاب يبون يدخلون فالجامعة تاخذ أعلى النسب
فضروري يكون الطالب عنده نسبة عشان يضمن مكانه
أما بخصوص الايلز والمتطلبات الثانية ف مب ضرورية اذا ماقدر عليها الطالب خصوصا انه الحين يقدر يدخل جامعة قطر بدونهم

[يمامـة]

نعم يمامة هذا اللي اشوفه ، وانتي بنفسج شوفي قوانين الجامعات اللي نسبته خمسين يقبلونه لو جايب ايلز وسات ، جامعة قطر تبي هالثلاث النسبة والمتطلبات وطبعا قوانين قابله للتغير والبركة في المجلس الاعلى

ايه ملاحظة ان النسبة بشكل عام صارت مب مهمة لأنها ما تحقق للطالب افضلية في قبوله في التخصصات
اللي تحتاج متطلبات خاصة في الوقت اللي لو يايب ادنى نسبة مطلوبة ممكن ينقبل لو عنده المتطلبات ،،

[ضوى]

اذا كان التخصص اللي بيدخلة الطالب عليه ضغط وايد طلاب يبون يدخلون فالجامعة تاخذ أعلى النسب
فضروري يكون الطالب عنده نسبة عشان يضمن مكانه
أما بخصوص الايلز والمتطلبات الثانية ف مب ضرورية اذا ماقدر عليها الطالب خصوصا انه الحين يقدر يدخل جامعة قطر بدونهم


كلامك صحيح بس هالشي ينطبق للتخصصات الأدبية فقط مثل العربي والشريغة والقانون ، بس التخصصات العلمية ضروري الايلز والسات

[يمامـة]

اذا كان التخصص اللي بيدخلة الطالب عليه ضغط وايد طلاب يبون يدخلون فالجامعة تاخذ أعلى النسب
فضروري يكون الطالب عنده نسبة عشان يضمن مكانه
أما بخصوص الايلز والمتطلبات الثانية ف مب ضرورية اذا ماقدر عليها الطالب خصوصا انه الحين يقدر يدخل جامعة قطر بدونهم

في تخصصات علمية مطلوبة فيها متطلبات ،، وجامعات جامعة حمد بن خليفة في المدينة التعليمية لها شروط
ومتطلبات تحتاج من الطالب انه يحصل عليها وما يكتفي بالمجموع والنسبة الأخيرة في الاختبارات ،،

ومب بس الايلتز هو المهم مع ايه سي تي الا الحين صارت شهادات التطوع والمشاركات في الدورات
والانشطة المختلفة تعطي الطالب افضلية في القبول في هالجامعات على طلاب نسبهم عالية وعندهم النسب
مقبولة في الايلتز والايه سي تي ،،

[شيخ الديرة]

سؤالك غريب جداً. إذا تستطيع تحصل نسبة عالية من المتوقع إنك تستطيع متطلبات الجامعة، والعكس صحيح.

حصلها الاثنين، ويكن القرار لك ، قبل فوات الأوان.

[يمامـة]

سؤالك غريب جداً. إذا تستطيع تحصل نسبة عالية من المتوقع إنك تستطيع متطلبات الجامعة، والعكس صحيح.

حصلها الاثنين، ويكن القرار لك ، قبل فوات الأوان.

عيل انت مب عايش في قطر ولا مطلع على مخرجات المدارس المستقلة يا اخوي شيخ الديرة

النسب فوق 90% ومافي ايلتز ولا ايه سي تي ،،

او قول لو عرفوا الايلتز ما يدرون عن الايه سي تي ولا قربوا صوبه !!

[تغلبية]

طيب شالهدف ...

انه يدخل الجامعة ؟

وماذا بعد الجامعة ... وظيفة بس .. والا منصب قيادي ؟


امممم

فيه قاعدة ان اللي عندهم انزيم الصميشن عالي ويحبون يجيبون نسب عالية جداً ..

هذول بشكل عام مايمسكون مناصب قيادية لان قدراتهم عالية في الحفظ والفهم وأداء الامتحانات!

اما اذا كان الهدف البعيد هو الحصول على مركز مرموق والشهادة الثانوية بتكون في هالحالة مجرد وسيلة اولى ..

ومن بعدها الشهادة الجامعية كدرجة علمية هي وسيلة ثانية

بالتالي .. خلنا في مستوى فوق متوسط واذا ممتاز ما يمنع .. مع ما يصاحب هذا التفوق الدراسي

مهارات أخرى مساعدة للحصول على المركز القيادي .. فمنها المكتسب ومنها بالفطرة.

[يمامـة]

طيب شالهدف ...

انه يدخل الجامعة ؟

وماذا بعد الجامعة ... وظيفة بس .. والا منصب قيادي ؟


امممم

فيه قاعدة ان اللي عندهم انزيم الصميشن عالي ويحبون يجيبون نسب عالية جداً ..

هذول بشكل عام مايمسكون مناصب قيادية لان قدراتهم عالية في الحفظ والفهم وأداء الامتحانات!

اما اذا كان الهدف البعيد هو الحصول على مركز مرموق والشهادة الثانوية بتكون في هالحالة مجرد وسيلة اولى ..

ومن بعدها الشهادة الجامعية كدرجة علمية هي وسيلة ثانية

بالتالي .. خلنا في مستوى فوق متوسط واذا ممتاز ما يمنع .. مع ما يصاحب هذا التفوق الدراسي

مهارات أخرى مساعدة للحصول على المركز القيادي .. فمنها المكتسب ومنها بالفطرة.

اكيد نسبة عالية = يدخل الجامعة + زيادة ثقة في قدراته

كلامج خلاني اوقف امام مطلب اسري لازمنا واصبحنا نورثه عيالنا وهي ضرورة
الحصول على النسبة العالية في المرحلة الثانوية أي في السنة الأخيرة ،،

هل تحسين يا تغلبية ان هالمطلب غلط ولا صح ؟

[تغلبية]

اكيد نسبة عالية = يدخل الجامعة + زيادة ثقة في قدراته

كلامج خلاني اوقف امام مطلب اسري لازمنا واصبحنا نورثه عيالنا وهي ضرورة
الحصول على النسبة العالية في المرحلة الثانوية أي في السنة الأخيرة ،،

هل تحسين يا تغلبية ان هالمطلب غلط ولا صح ؟

أشك ان النسبة العالية تعطي الطالب زيادة ثقة في قدراته .... الا بعض الطلبة العباقرة اللي عندهم نسبة ذكاء عالية!

ترا مب كل طالب حصل على نسبة عالية بالضرورة هو ذكي .. لان الاغلبية يعتمدون على الحفظ ودراسة نماذج امتحانات كثيرة.


في هالزمن ... يبدو لي ان معتقدات كثيرة لازم يتغير ..

خلنا على مستويات عالية من التفوق والذكاء والتحصيل لكن ما نرص على الولد لأنه خسر نص درجة !

في الاخير .. اشوف ان اللي جاب 95% في الثانوية العامة ووظيفته عادية .. اشفادته النسبة في غير الفرحة الذاتية وفرحة الوالدين وبس !

يعني حدها اشياء معنوية


اما اذا كانت التنافسية عالية على بعض التخصصات فلابد من النسبة العالية علشان يضمن له بعثة خارجية او كرسي في التخصص المطلوب.

[OM_OMAR_QATAR]

جزاك الله خير ، وبارك الله فيك على الإفادة.

[يمامـة]

أشك ان النسبة العالية تعطي الطالب زيادة ثقة في قدراته .... الا بعض الطلبة العباقرة اللي عندهم نسبة ذكاء عالية!

ترا مب كل طالب حصل على نسبة عالية بالضرورة هو ذكي .. لان الاغلبية يعتمدون على الحفظ ودراسة نماذج امتحانات كثيرة.


في هالزمن ... يبدو لي ان معتقدات كثيرة لازم يتغير ..

خلنا على مستويات عالية من التفوق والذكاء والتحصيل لكن ما نرص على الولد لأنه خسر نص درجة !

في الاخير .. اشوف ان اللي جاب 95% في الثانوية العامة ووظيفته عادية .. اشفادته النسبة في غير الفرحة الذاتية وفرحة الوالدين وبس !

يعني حدها اشياء معنوية


اما اذا كانت التنافسية عالية على بعض التخصصات فلابد من النسبة العالية علشان يضمن له بعثة خارجية او كرسي في التخصص المطلوب.

النسبة جدا مهمة يا تغلبية وخاصة لو توفرت المتطلبات فالطالب اللي نسبته اعلى هو الأحق في الكرسي ،،
هذي من ناحية ومن ناحية ثانية ،، عندنا موروث محلي او عربي ان صح التعبير يطالب بوجود نسبة
وخاصة من الطلاب اللي اساسا متفوقين في رحلتهم الدراسية ،،

الحصول على النسبة من اجتهاد ومب غش دافع كبير لزرع الثقة في النفس
وخاصة في مجتمعنا اللي يحترم النسب العالية ويقدر الطالب اللي نسبته عالية،،

كنت احرص اني اساعد بنتي في انها تحقق طلبات الجامعات اللي ودها تلتحق فيها
وقلت لها النسبة مب هامتني وايد ،، لكن لاحظت مثل ما هي لاحظت ان الضغط الخارجي
مركز على النسبة بشكل كبير ،، ولاحظت اشلون امهات صديقاتها يرددون هالجملة
" نبي نسبة ترفع الراس " واشلون اخوانها ناطرين منها نسبة عالية ،، وهي تردد ما اعتقد
باييب نسبة عالية ،،

فاشوف ان النسب العالية تستحق المجهود من الطالب ،، اما اذا الطالب كان يلعب
وما يابها وهو قدر انه اييبها اهنيه هالطالب فوت على نفسه فرحة كبيرة كان بيخلقها في نفوس اللي حوله ،،

اما لو الطالب درس واجتهد وما قدر اييبها بعد الحمدلله انه ادى اللي عليه وكفى ،،

[يمامـة]

جزاك الله خير ، وبارك الله فيك على الإفادة.

ويجزيج كل خير يا ام عمر

[ya3coub]

الأثنين و اشدد على متطلبات الجامعه

مثلا ايلتز راح من غير يحس يرفع مستواه بالأنجليزي فبالمقابل ارتفعت نسبته بمادة اللغه الانجليزية اكادميا

sat, act اذا يحل كلشي تزيد من ثقافته العامة فالعلوم و الرياضيات بالذات

و بالتالي مراجعة الســات و الإلتز ينفعون اكثر من وجهة نظري و راح يساعدون على رفع النسبة و يكون الطالب او الطالبه من الفايزين

بس هالشي ما يجي بيوم و ليلة لازم من اول ثنوي تعلمون الطلاب على هالشي و المثابرة و القراية و التكلم باللغه الانجليزية اكثر مع البياعه و غيرهم من الاجانب



النسبة موب كلشي بوقتنا الحالي

ياما ناس متخرجين بأعلى النسب و ما قدرو يكملون دراستهم الجامعية او انهو الدراسات الجامعية و لم يتمكنو من البقاء على عملهم او لم يجدو وظيفه و السبب نقص فالمهارات

بالنسبة لي الشخص الي يتخرج ب 75% و عنده قدرة على التكلم مع الناس مهارات قيادية تطوع او اختلاط مع الناس ممكن يسافر يعتمد على نفسه

يدبر امور حياته "يعتمد عليه" افضل بكثير من شخص انطوائي يعرف يحفظ و يطبق و بس


الجامعات الامريكية الحين تطلب حد ادنى للنسبة و متطلبات و فوق هاي تطلب رساله تكتبها ليش تبي تدخل الجامعه و الأسباب الي تخلي الجامعه تقبلك
حتى لو كانت نسبتك اقل من النسبة المطلوبة الرياضه المهارات القيادية كيفية التواصل كلها تشفع لصالح الطالب لازم يكون في توازن.

موب شاطر و عبقري دراسة و على الورق و فالحياة او فالبيت ما يتكل عليه

[يمامـة]

الأثنين و اشدد على متطلبات الجامعه

مثلا ايلتز راح من غير يحس يرفع مستواه بالأنجليزي فبالمقابل ارتفعت نسبته بمادة اللغه الانجليزية اكادميا

sat, act اذا يحل كلشي تزيد من ثقافته العامة فالعلوم و الرياضيات بالذات

و بالتالي مراجعة الســات و الإلتز ينفعون اكثر من وجهة نظري و راح يساعدون على رفع النسبة و يكون الطالب او الطالبه من الفايزين

بس هالشي ما يجي بيوم و ليلة لازم من اول ثنوي تعلمون الطلاب على هالشي و المثابرة و القراية و التكلم باللغه الانجليزية اكثر مع البياعه و غيرهم من الاجانب



النسبة موب كلشي بوقتنا الحالي

ياما ناس متخرجين بأعلى النسب و ما قدرو يكملون دراستهم الجامعية او انهو الدراسات الجامعية و لم يتمكنو من البقاء على عملهم او لم يجدو وظيفه و السبب نقص فالمهارات

بالنسبة لي الشخص الي يتخرج ب 75% و عنده قدرة على التكلم مع الناس مهارات قيادية تطوع او اختلاط مع الناس ممكن يسافر يعتمد على نفسه

يدبر امور حياته "يعتمد عليه" افضل بكثير من شخص انطوائي يعرف يحفظ و يطبق و بس


الجامعات الامريكية الحين تطلب حد ادنى للنسبة و متطلبات و فوق هاي تطلب رساله تكتبها ليش تبي تدخل الجامعه و الأسباب الي تخلي الجامعه تقبلك
حتى لو كانت نسبتك اقل من النسبة المطلوبة الرياضه المهارات القيادية كيفية التواصل كلها تشفع لصالح الطالب لازم يكون في توازن.

موب شاطر و عبقري دراسة و على الورق و فالحياة او فالبيت ما يتكل عليه

ماشاءالله عليك مشاركة مميزة ومرجع مهم لكل ولي أمر يا ياعقوب فشكرا اوي خالص عليه ،،

طيب اسمح لي اسئلك ،، في حال الطالب حقق المتطلبات كلها
ملفه التطوعي كامل ملفه في مجالات الانشطة كاملة وملفه في مجالات الرياضة كاملة
عنده الايلتز وعنده الاي ايه سي تي ،،

اهنيه هل النسبة مطلب ولا لا ؟

يعني طالب قدر يحقق هالأمور كلها ،، الا يستحق انه يكافئ نفسه
بنسبة عالية في اختبارات الثانوية العامة ؟

[Bin Hood]

اختي الاثنين يسيران في مستوى واحد

يعني الي جايب نسبة عالية في المدرسة غالبا راح يجيب متطلبات الايلس او اللغة


اما اذا مثل ما تفضلتي في المشاركة رقم 10 ان الطالب ممكن يحصل درجة 90% وما يقدر على الايلس فهذه مشكلة كبيرة في التعليييييم
وشكرا

[رجل مثالي]

وبعدين في جامعة قطر عندهم المهم معدل الطالب مهم يكون اوكي ممكن فوق 2

وممكن من ادارة الجامعة تساعد الطلاب القطريين بخصوص هذا المعدل والله اعلم

[يمامـة]

اختي الاثنين يسيران في مستوى واحد

يعني الي جايب نسبة عالية في المدرسة غالبا راح يجيب متطلبات الايلس او اللغة


اما اذا مثل ما تفضلتي في المشاركة رقم 10 ان الطالب ممكن يحصل درجة 90% وما يقدر على الايلس فهذه مشكلة كبيرة في التعليييييم
وشكرا

بالفعل مشكلة تعليم وهذا اللي حاصل في قطر ،، تحصلهم فوق 95 % بعضهم
وما يعجزون عن تحقيق المتطلبات ،،

وعفوا

[يمامـة]

وبعدين في جامعة قطر عندهم المهم معدل الطالب مهم يكون اوكي ممكن فوق 2

وممكن من ادارة الجامعة تساعد الطلاب القطريين بخصوص هذا المعدل والله اعلم

اعتقد انك تتكلم عن المعدل التراكمي للتخرج ؟

وهذا بحد ذاته قضية مهمة جدا ،، تحتاج الى توعية الطلاب له ،،

[CH Engineer]

على حسب هدفج

[حمد 2002]

مبارك عليكم المطر وربنا يغسل فيها ذنوبنا ويرحمنا برحمته ويتمم على الجميع الصحة ويديم على بلادنا نعمة الأمن والأمان

ندخل في الموضوع

كل طالب في المرحلة الثانوية كسلان ولا شاطر يتمنى يحقق نسب عالية في النتائج النهائية للاختبارات الثانوية العامة

سابقا قبل عشر سنين كانت النسبة مهمة جدا للحصول على بعثة او للالتحاق في الجامعات المختلفة ،،

لكن مع مرور الوقت وتغيير المتطلبات العامة للجامعات الموجودة في قطر ،، ما عادت النسبة هي الهاجس
بل دخلت متطلبات ثانية من ايلتز و ايه سي تي تنافس النسبة وتاخذ من وقت الطالب وجهده ،،

سؤالي لكل ولي أمر وطالب ،،

ايهما اهم عندك الحصول على نسبة عالية ام الحصول على متطلبات الدخول للجامعات مع نسب عادية مقبولة ؟

تبين اجاوب بصراحه يايمامه :)


الجامعين مب لاقين وظايف الي يبونها ويمكن مايحصلون بسهوووله

والثانويه العامه ياشرطه ياجيش يابترول

اهم شيء عندك بهالزمن واو وفلوسسس

وبس ،،،

[ya3coub]

ماشاءالله عليك مشاركة مميزة ومرجع مهم لكل ولي أمر يا ياعقوب فشكرا اوي خالص عليه ،،

طيب اسمح لي اسئلك ،، في حال الطالب حقق المتطلبات كلها
ملفه التطوعي كامل ملفه في مجالات الانشطة كاملة وملفه في مجالات الرياضة كاملة
عنده الايلتز وعنده الاي ايه سي تي ،،

اهنيه هل النسبة مطلب ولا لا ؟


النسبة لا تزال مطلب اختي

ولكن عندما تذكرين النسبة ما هي النسبة التي تتحدثين عنها أختي يمامة ؟؟ هل تتكلمين عن 50% , 60% ,70% من اي منهج "انجليزي ,عربي, علمي , تجاري, صناعي, الخ" و من اي مدرسة " مستقلة او خاصة, مع نظام ib او بدون و على ايامي المدرسة العلمية"

كل هذه المعلومات لها دور و تأثر على التقييم النسبة بحد ذاتها



يعني طالب قدر يحقق هالأمور كلها ،، الا يستحق انه يكافئ نفسه
بنسبة عالية في اختبارات الثانوية العامة ؟

الطالب الذي يحقق كل هذة الأمور من المفترض ان يحصل على نسبة جيد جدا فالثنوية العامة

ولكن يجب ان يعطى كل نشاط حقه !!
الدراسة وقتها ,التطوع وقته ,الرياضه وقتها ولا شيء على حساب الدراسة.
أيضا يجب ان لا تأخذ الدراسة اكثر من حقها

[خالد32]

تبي تشتغل في درجه عاليه ولا شغله مقبوله ( بدون واسطه او حظ)

[يمامـة]

النسبة لا تزال مطلب اختي

ولكن عندما تذكرين النسبة ما هي النسبة التي تتحدثين عنها أختي يمامة ؟؟ هل تتكلمين عن 50% , 60% ,70% من اي منهج "انجليزي ,عربي, علمي , تجاري, صناعي, الخ" و من اي مدرسة " مستقلة او خاصة, مع نظام ib او بدون و على ايامي المدرسة العلمية"

كل هذه المعلومات لها دور و تأثر على التقييم النسبة بحد ذاتها



الطالب الذي يحقق كل هذة الأمور من المفترض ان يحصل على نسبة جيد جدا فالثنوية العامة

ولكن يجب ان يعطى كل نشاط حقه !!
الدراسة وقتها ,التطوع وقته ,الرياضه وقتها ولا شيء على حساب الدراسة.
أيضا يجب ان لا تأخذ الدراسة اكثر من حقها

اعجبتني جدا مشاركتك يا يعقوب ،، لأن حطيت نقاط نستند عليها ،،

طبعا المدارس الخاصة امهات النظم الغربية مافيها نسب ،،

لكن نتكلم عن المدارس الحكومية ،، ولما نقول نسب اكيد نقصد نسب عالية يتشرفون
فيها الأهل والطلاب بهذه النسب وما نقدر ننكر اهمية النسبة في تقدير الطالب في نظر المجتمع بشكل عام
فالدولة تخصص جائزة التفوق العلمي للطالب اللي نسبته فوق 95% فالنسبة مهمة ،،

لكن اللي لفت في نظري انك صنفت النسبة بناء على نوع الدراسة ،،

فخلني اسئلك وانا امك ومب اختك واقول ،،

طالب يدرس في مدرسة مستقلة هل حصوله على نسبة عالية مهمة ولا لا ،،

وشلي يفرق لو كان الب آخر يدرس في مدرسة مستقلة ولكنه يدرس ib تزامنا مع منهج الحكومة
هل اهنيه لو حصل على نسب تحت 90% او 90% ممكن يكون له عذر ؟

يهمني رايك جدا لأني الاحظ عليك عندك خلفية جيدة بخصوص هالموضوع ,,

[يمامـة]

تبي تشتغل في درجه عاليه ولا شغله مقبوله ( بدون واسطه او حظ)

ما فهمت عليك يا خالد !!


على حسب هدفج

راحت علي اهدافي ،، اتكلم عن اهداف عيالنا ،،


تبين اجاوب بصراحه يايمامه :)


الجامعين مب لاقين وظايف الي يبونها ويمكن مايحصلون بسهوووله

والثانويه العامه ياشرطه ياجيش يابترول

اهم شيء عندك بهالزمن واو وفلوسسس

وبس ،،،


لا يا حمد الحمدلله الدولة مب مقصرة مع الطلاب سبونسرات وبعثات ورواتب
ووظايف تنتظرهم ،، بس الطلاب محتاجين يشدون على نفوسهم وبس ،، والخير في كل مكان ولله الحمد ،،

[قلوب قطر]

حاليا اهم شيء نسبة في الثانوية عالية .. لدخول الجامعة لان في تخصصات يقبلون على اعلى النسب في الثانوية

و اما المتطلبات الثانية مش مهمه الا اذا كنتي تبين تدخلين الهندسة او تخصصات علمية لازم تجيبنها او تقضين سنه تأسيسي بدون ماتجيبن الايليز

ركزي على نسبة الثانوية و بالتوفيق حبيبي

اختج : قلوب قطر

[تأملات]

أتوقع الأهم هي النسبة لانها لاتتحاح الا مرة. واحد. لهذا يجب التركيز للحصول نسبة ولكن قبلها وضع هدف ليتم تحديد النسبة المطلوبة مثلا جامعة قطر قد تحتاج ما بين 70-75 كنسبة ولكنها لا تتطلب حاليا اي متطلبات الا في التخصصات العلمية ولكن في حالة التفكير في الابتعاث فان الأمور تتغير.
فالنسبة الأدنى للحصول على بعثة حكومية هي 80 كنسبة اضافة الى الحصول على معدل في الأيلس 5
وهذه سهلة ولكن تحتاج فقط الى جهد مركز
ملاحظة اخيرة. متطلبات الجامعات الأجنبية في مؤسسة قطر فنديشن تحتاج الى طالب متميز وقدرات عالية في البحث. اضافة الى متطلبات اللغة الانجليزية

[يمامـة]

حاليا اهم شيء نسبة في الثانوية عالية .. لدخول الجامعة لان في تخصصات يقبلون على اعلى النسب في الثانوية

و اما المتطلبات الثانية مش مهمه الا اذا كنتي تبين تدخلين الهندسة او تخصصات علمية لازم تجيبنها او تقضين سنه تأسيسي بدون ماتجيبن الايليز

ركزي على نسبة الثانوية و بالتوفيق حبيبي

اختج : قلوب قطر

شكرا لج يا قلوب قطر على المشاركة :nice:

[يمامـة]

أتوقع الأهم هي النسبة لانها لاتتحاح الا مرة. واحد. لهذا يجب التركيز للحصول نسبة ولكن قبلها وضع هدف ليتم تحديد النسبة المطلوبة مثلا جامعة قطر قد تحتاج ما بين 70-75 كنسبة ولكنها لا تتطلب حاليا اي متطلبات الا في التخصصات العلمية ولكن في حالة التفكير في الابتعاث فان الأمور تتغير.
فالنسبة الأدنى للحصول على بعثة حكومية هي 80 كنسبة اضافة الى الحصول على معدل في الأيلس 5
وهذه سهلة ولكن تحتاج فقط الى جهد مركز
ملاحظة اخيرة. متطلبات الجامعات الأجنبية في مؤسسة قطر فنديشن تحتاج الى طالب متميز وقدرات عالية في البحث. اضافة الى متطلبات اللغة الانجليزية

تسلم يا تأملات ،، لكن ما تتفق معاي ان المجتمع يحترم الطالب اللي نسبته عالية في الثانوية العامة ؟

[تأملات]

الدولة تقوم بتكريم الطالب المتفوق فقط فهو تكريم اما المجتمع فلا ينظر الى النسبة ولكن الى النتيجة فمثلا
طالب. تخرج بنسبة عادية. اقل 65 وقدر يخلص المرحلة الجامعية. وبعدها وصل للدكتوراه
وطالب تخرج بنسبة 75 او 80 ووقف عند. المرحلة الجامعية. وعند المقارنة. نجد الاول بو نسبة 65 ووصل الى المرحلة الأعلى دكتوراة يعني الأمور بخواتيمها.
تبقى الأمور تتوقف على أشياء كثيرة. أهما الاجتهاد. و العلاقات والتخطيط

[يمامـة]

الدولة تقوم بتكريم الطالب المتفوق فقط فهو تكريم اما المجتمع فلا ينظر الى النسبة ولكن الى النتيجة فمثلا
طالب. تخرج بنسبة عادية. اقل 65 وقدر يخلص المرحلة الجامعية. وبعدها وصل للدكتوراه
وطالب تخرج بنسبة 75 او 80 ووقف عند. المرحلة الجامعية. وعند المقارنة. نجد الاول بو نسبة 65 ووصل الى المرحلة الأعلى دكتوراة يعني الأمور بخواتيمها.
تبقى الأمور تتوقف على أشياء كثيرة. أهما الاجتهاد. و العلاقات والتخطيط

اسمح لي اختلف معاك ،، في قطر نادر اللي اييب نسبة 65% ممكن يكمل الدكتوراه
وهالشي ممكن يصير مع طلاب ظروفهم كانت صعبة حزة الاختبارات اخوي تاملات ،،

لكن هذا ما يعني ان اللي نسبته 90% فهو الأفضل بشكل مطلق ،،

لكن اللي حبيت اقوله ،، احنا كمجتمع عايشين فيه النسبة في الثانوية العامة تخلق هلع في قلوب الناس
وهو مطلب للتفاخر مابينهم ،، فمن جذيه وايد شفنا ناس كانوا فرحانين في نسب عيالهم في المدارس المستقلة
في الوقت اللي عيالهم كانوا عاجزين من الحصول عل ىابسط المتطلبات للالتحاق في الجامعات ،،

[تأملات]

فيه ناس واييد. حصلوا الدكتوراة. وهم حتي اقل من 50 عموما. الناس بدأت تتغير. وحاليا الكثير الكثير من طلابنا. يحققون المتطلبات قبل الشهادة الثانوية هذا يتوقف على استعداد الطالب وحرص الوالدين.
وعن التفاخر. أتوقع ما هو تفاخر بقدر ما هو فرحة الأهل.
يمامه خلصتي الثانوية او بعدج

[يمامـة]

فيه ناس واييد. حصلوا الدكتوراة. وهم حتي اقل من 50 عموما. الناس بدأت تتغير. وحاليا الكثير الكثير من طلابنا. يحققون المتطلبات قبل الشهادة الثانوية هذا يتوقف على استعداد الطالب وحرص الوالدين.
وعن التفاخر. أتوقع ما هو تفاخر بقدر ما هو فرحة الأهل.
يمامه خلصتي الثانوية او بعدج

عندي اثنين من عيالي متخرجين من الجامعات وموظفين
والثالث في طور التخصص في مجاله والرابعة ثانوية عامة والصغير خامس ابتدائي
الحمدلله رب العالمين،،

:shy:

[تأملات]

حيويتج خلتني أتخيل انج طالبة ؟
بارك الله في عيالج والله يحفظهم لج ويبلغج فيهم غاية أملج ومناج بحول الله وقوته

[بصمة قطرية]

مساء الورد يمامتي ،،

موضوعج حلو و الردود أحلى ..
بعد ما قريته سألت ولدي السؤال ..
كان جوابه النسبة أهم ..
لما أجيب نسبة بقدر أدخل الجامعة اللي أبيها
و أختار التخصص اللي أليه ..
قلت له صح بس بدون مقررات الجامعة النسبة ما راح تسوي لك شي
لأن المقررات ضرورية ..
لما تدخل الجامعة خلاص محد راح يعاملك على أساس نسبتك
يعني لنفرض نسبتك 90 و غيرك نسبته 60 ممكن اثنينكم تدرسون نفس التخصص ..
النسبة مهمة للتخصصات اللي تشترط نسبة معينة فقط ..!!

[يمامـة]

حيويتج خلتني أتخيل انج طالبة ؟
بارك الله في عيالج والله يحفظهم لج ويبلغج فيهم غاية أملج ومناج بحول الله وقوته

كح كح كح....................> لا اتدقق على الحيوية حركات ما خلف الشاشة

اللهم آمين ويحفظ لك من يعزون عليك ياتأملات ،،

[يمامـة]

مساء الورد يمامتي ،،

موضوعج حلو و الردود أحلى ..
بعد ما قريته سألت ولدي السؤال ..
كان جوابه النسبة أهم ..
لما أجيب نسبة بقدر أدخل الجامعة اللي أبيها
و أختار التخصص اللي أليه ..
قلت له صح بس بدون مقررات الجامعة النسبة ما راح تسوي لك شي
لأن المقررات ضرورية ..
لما تدخل الجامعة خلاص محد راح يعاملك على أساس نسبتك
يعني لنفرض نسبتك 90 و غيرك نسبته 60 ممكن اثنينكم تدرسون نفس التخصص ..
النسبة مهمة للتخصصات اللي تشترط نسبة معينة فقط ..!!

النسبة هيبة للطالف وفخر وفرحة للأهل بشكل عام ،، الشي الوحيد اللي شلناه معانا ونفتخر فيه
او نخشه هي نسبتنا في الثانوية العامة ..................> إرث توارثناه وشكلنا بنورثه عيالنا ،،

صحيح كلام ولدج النسبة مهمة جدا حتى لو الجامعات ما تطلبها بشكل كبير ،،

لكنها في الأخير لو الطالب شد على نفسه راح يتعلم حياة الجد والاجتهاد وتنظيم الوقت
علشان يحصل على النسبة ،،

لكني اضيف لهم ان الطالب حتى لو بيدرس في اللغة العربية ،، لازم يتعلم انجليزي
ويحاول يحصل على لغة تعينه في حياته العملية والعملية بشكل عام ،،
وربنا يوفقه وليدج ويتخرج من الجامعة بالتخصص اللي خاطره فيه ،،

[ya3coub]

اعجبتني جدا مشاركتك يا يعقوب ،، لأن حطيت نقاط نستند عليها ،،

طبعا المدارس الخاصة امهات النظم الغربية مافيها نسب ،،

لكن نتكلم عن المدارس الحكومية ،، ولما نقول نسب اكيد نقصد نسب عالية يتشرفون
فيها الأهل والطلاب بهذه النسب وما نقدر ننكر اهمية النسبة في تقدير الطالب في نظر المجتمع بشكل عام
فالدولة تخصص جائزة التفوق العلمي للطالب اللي نسبته فوق 95% فالنسبة مهمة ،،

لكن اللي لفت في نظري انك صنفت النسبة بناء على نوع الدراسة ،،

,,

المدارس الحكومية على حسب علمي تحولت كلها للمدارس المستقلة

و في تصنيف للمدارس المستقلة بالأمتحانات الوطنية او حتى امتحانات المجلس الأعلى للتعليم و يصنفون احسن 3 مدارس بنين و بنات و الخ و المفرض ان المواطن له الحق بالإطلاع عليها

لأن اخبر على ايام دراستي كان المدير يجي يهنينا و يراوينا جدول البيانات و انه مدرستنا حصلت على المركز الأول للبنين و نفس مدرستنا للبنات تكون بالمكز الأول

جائزة التفوق العلمي او على ايامي كان في جائزتين الي اهي من الوالد سمو الشيخ حمد الله يطول بعمره و جائزة ولي العهد وقتها الشيخ تميم و اتوقع انها عبارة عن 80 الف او من هالقبيل

و لكن يمه حطي فبالج موب كل من جاب فوق الــ95 ياخذها في عدد معين كل سنة و تبتدي من الي نسبته الأعلى حتى يصلون للعدد المحدد

لا يكون طموحج يمه حاليا انه يرفع راسج بتواجد اسمه على اللسته او بتكريمه قد لا يحصل عليها و يظن انه اقل من غيره بالعكس الدافع للدراسة يجب ان لا يكون لهدف معين. الهدف الرئيسي ارضاء نفسه و من ثم الوالدين

هالنسبة فقط نهاية مرحلة دراسية وحدة و بتظل معاه
عنده المرحلة الجامعية + مرحلة الابداع اثناء الدراسة الجامعية المؤتمرات تمثيل الدولة بما يتمكن من اتقانه الخ
بعدها مرحلة العمل و تميزه و مؤهلاته التي تسمحله بدخول العمل و الي يعجبني ان بعض الأماكن بدت تستوعب انه النسبة لا تعتبر مقياس بحد ذاتها
انما هو كشخص وين يبي يوصل بطموحه و انجازاته حتى لو نسبته عادية ولكن انجازاته و تقديراته قد تكون شاملة و من اكثر من فئه بالمجتمع بعكس الشخص الي امتيازه فقط بالحفظ و دراسته و لا يملك مهارات اخرى



فخلني اسئلك وانا امك ومب اختك واقول ،،

طالب يدرس في مدرسة مستقلة هل حصوله على نسبة عالية مهمة ولا لا ،،



ردا على سؤالج يمه أي نعم النسبة مهمة لإكمال مشوار حياته الدراسة بحيث انها كل ما زادت النسبة زادت خيارات الجاامعات و البعثات و تخليه يتخير الشركة الي يبيها و الجامعه الي يرتاحلها ولا ينحصر بعدد قليل من الخيارات.



وشلي يفرق لو كان طالب آخر يدرس في مدرسة مستقلة ولكنه يدرس ib تزامنا مع منهج الحكومة
هل اهنيه لو حصل على نسب تحت 90% او 90% ممكن يكون له عذر ؟



نظام الــib عبارة عن دراسة لمدة سنة كاملة و الي اهي سنة "13" يعني بعد ثالث ثنوي بعد يروح المدرسة و يدرس سنة زود تعتبر لبعض الجامعات موازية لسنة الفاونديشن "الــتأسيسي"

الي متأكد منه انه موجود بمدرسة البيان المستقلة الثانوية للبنات و اكادمية الجزيرة و يمكن ايضا بأكاديمة قطر

ليس للطالب اي عذر و الطلاب قدرات قد تكون لديه صعوبات بالحفظ ولكن بالفهم قد يكون احسن الناس قدراتهم تختلف عن بعضهم البعض <<<< مشكلة بعض الوالدين خوفهم على ابنائهم و حبهم لهم انهم يكونون احسن منهم ينسيهم هالشي

نصيحه اذا ولدك بثالث ثنوي حاولي معاه بالأنجليزي بس لا ترهقينه خل ياخذ كفايته من كل شي دوررات ممارسة اللغه و نمي عنده حب التعامل مع الناس بالتواصل تنمين عنده الثقه بالنفس و اهي اهم شي
و يعطي للدراسة حقها كل مالها و الدراسة تصير اسهل و اسهل و بيتمنى عقب ما يخلص انه يرجع يعيدها.

و اذا ليلحين ما وصل ثالث معناتها صاده التغير المفاجئ للعلوم و الرياضيات باللغه العربية حاولي تشاركينه و تدرسين معاه اذا عندج وقت و بنفس الوقت اليوتيوب ينفع كثير بالمحاضرات و الدروس التبسيطيه و خصوصا انها باللغه الأنجليزية
بحيث لو قدر يفهم و يطبق باللغه الانجليزية بيرتاح ان شاء الله فالجامعه


يهمني رايك جدا لأني الاحظ عليك عندك خلفية جيدة بخصوص هالموضوع

اشكرج يمه يمامة لحسن كلماتك

يهمني كمواطن قطري ان انصح و افيد اي قطري او غير قطري ساكن على هالأرض الطيبة و بيفيد بلادنا قطر و خصوصا فئة الشباب لأنهم "قادة المستقبل "

يمكن تفاعلت مع الموضوع من بدايته كوني خريج جديد و موظف جديد + اوقات تطوعي كلها لخدمة و ارشاد الشباب لدي خبرة بالتطوع فيها ما يقارب ال5 سنين

ودي اشوف كل شخص اصغر مني يقدر ينتج احسن مني و ابي اوفرله الي ما توفرلي علشان يتقدم بدون ما يطيح بعقبات او التأخير الي صادني و كثير من الناس الي اكبر مني بالعمر

[يمامـة]

المدارس الحكومية على حسب علمي تحولت كلها للمدارس المستقلة

و في تصنيف للمدارس المستقلة بالأمتحانات الوطنية او حتى امتحانات المجلس الأعلى للتعليم و يصنفون احسن 3 مدارس بنين و بنات و الخ و المفرض ان المواطن له الحق بالإطلاع عليها

لأن اخبر على ايام دراستي كان المدير يجي يهنينا و يراوينا جدول البيانات و انه مدرستنا حصلت على المركز الأول للبنين و نفس مدرستنا للبنات تكون بالمكز الأول


اعذرني يا يعقوب على التأخير في الرد عليك لأن الموضوع ضاع توني لقيته اليوم :shy:..........> شكرا لبيبة صايرة لي الباحث الرسمي للمواضيع :nice:

بعدها هالتصنيفات موجودة ويعلن عنها فاللي يكونون قريبين من هالاهتمام راح يلاحظ ان المدرسة
تعلن انها افضل مدرسة وانها افضل طالبة او طالب من عندها في كل المسابقات والتقديرات التصنيفية اللي يحطونها.
لكن تبقى اشكالية التعميم على الجميع، يمكن يعلنون في الجرايد واحنا ما ننتبه او يعلنون في مواقعهم واحنا ما ننتبه بعد.



جائزة التفوق العلمي او على ايامي كان في جائزتين الي اهي من الوالد سمو الشيخ حمد الله يطول بعمره و جائزة ولي العهد وقتها الشيخ تميم و اتوقع انها عبارة عن 80 الف او من هالقبيل

ما ادي من كم سنة متخرج انت ،، بس الجائزة من يوم ما استوت كانت باسم ولي العهد يومها الشيخ تميم
وهو اللي كان يكرم الفائزين فيها ،، الجائزة البليتينة والجائزة الذهبية ان ما خانتني الذاكرة البليتينة كانت للبحث العلمي
قيمة الجائزة 35 الف ريال والثانية كانت للتفوق العملي وقيمنها 25 الف ريال قطري.
ومازالت قائمة للحين للطلاب بس ماادري هل تغيرت قيمة الجائزة ولا لا. وهناك تكريم ايضا لغير الطلاب في هاليوم.



لكن يمه حطي فبالج موب كل من جاب فوق الــ95 ياخذها في عدد معين كل سنة و تبتدي من الي نسبته الأعلى حتى يصلون للعدد المحدد

لا يكون طموحج يمه حاليا انه يرفع راسج بتواجد اسمه على اللسته او بتكريمه قد لا يحصل عليها و يظن انه اقل من غيره بالعكس الدافع للدراسة يجب ان لا يكون لهدف معين. الهدف الرئيسي ارضاء نفسه و من ثم الوالدين



ادري ان للدخول الى قائمة المرشحين لابد انه يكون متفوق من اول سنة ثانوية ودرجاته تكون عالية ويكون طالب عنده انشطة
ومشاركات وشهادات خارجية ومسيرته في الحياة مشرفة وجدا اثني عليهم لوضع مثل هالشروط
فالنسبة بحد ذاتها مب دافع لتطور الطالب، فالجامعات الكبيرة تهتم وايد في ساعات العمل والانشطة والشهادات اللي يحصل عليها
الطالب في حياته، فطموحي ان عيالي يدخلون هالقائمة وكتب الله لأحدهم انه دخلها وفاز بفضل من الله وكرمه، ولكن لو ما دخلوا غيره
ما عادت تشكل عندي هاجس ،، لأن في امور استجدت في المسيرة التعليمية وخلتنا نركز عليها اكثر .



عنده المرحلة الجامعية + مرحلة الابداع اثناء الدراسة الجامعية المؤتمرات تمثيل الدولة بما يتمكن من اتقانه الخ
بعدها مرحلة العمل و تميزه و مؤهلاته التي تسمحله بدخول العمل و الي يعجبني ان بعض الأماكن بدت تستوعب انه النسبة لا تعتبر مقياس بحد ذاتها
انما هو كشخص وين يبي يوصل بطموحه و انجازاته حتى لو نسبته عادية ولكن انجازاته و تقديراته قد تكون شاملة و من اكثر من فئه بالمجتمع بعكس الشخص الي امتيازه فقط بالحفظ و دراسته و لا يملك مهارات اخرى


كلامك سليم وواقعي وهذا اللي الاحظه من عيالي لما يبتدون يناقشون اخوانهم اللي اصغر منهم في التخصصات اللي يبون يلتحقون فيها
ولكن في الوقت نفسه النسبة تكون مهمة عندنا في البيت ،، فمن غير المعقول طالب يحقق المتطلبات الجامعية فوق المطلوب ويعجز عن تحقيق
هالنسبة لأن حزتها بيكون هناك تراخي منه في التعامل مع اهمية ارتفاع النسبة وان كان ضامن قبوله في الجامعات بالنسب الأدنى.





دا على سؤالج يمه أي نعم النسبة مهمة لإكمال مشوار حياته الدراسة بحيث انها كل ما زادت النسبة زادت خيارات الجاامعات و البعثات و تخليه يتخير الشركة الي يبيها و الجامعه الي يرتاحلها ولا ينحصر بعدد قليل من الخيارات.

واتفق معاك في هذه بعد النسبة مهمة لو ما كان محتاجها للجامعات بيحتاجها للمجتمع اللي يقدر الطالب من خلال نسبته اللي يحصل عليها.



نظام الــib عبارة عن دراسة لمدة سنة كاملة و الي اهي سنة "13" يعني بعد ثالث ثنوي بعد يروح المدرسة و يدرس سنة زود تعتبر لبعض الجامعات موازية لسنة الفاونديشن "الــتأسيسي"

الي متأكد منه انه موجود بمدرسة البيان المستقلة الثانوية للبنات و اكادمية الجزيرة و يمكن ايضا بأكاديمة قطر


اسمح لي اصحح لك معلوماتك يا وليدي يعقوب،
نظام ال IB هي نظام 1*2 يعني سنة في سنتين ،، الطالب يختار مواد في المدارس الأجنبية بينما في البيان تنفرض عليه
مواد لأن النظام مطبق عندهم على مسارين فلازم المواد المختارة مفروضة مع المسار،، يدرسونها في سنتين ويقدمون فيها الاختبار الخارجية مع نهاية
السنة الثانية ،، نظام جدا مرهق ومتعب في البيان على عكس المدارس الأجنبية ،، لأن الطالب يضطر مع نظام الاي بي في البيان انه يدرس منهج المدارس
الحكومية فوقته لازم يكون موزع مابين منهجين ولازم يغطيهم كلهم
،، وهذا يستدعي استهلاك كبيير لوقت الطالب ،، فنظام الآي بي اصعب من نظام IGCSE البريطاني لأن النظام البريطاني مافيه لابتات
ولا تقارير ولا مقالات مطولة ولا شي من هالسوالف حتى في نسخته الاعلى واللي تسمى AS or A level
بينما الآي بي اشوف ان يستحقون جوائز نوبل في "المجهود الذهني "اللي بيتخرجون من البيان ويايبين 6من 7 :telephone:





ليس للطالب اي عذر و الطلاب قدرات قد تكون لديه صعوبات بالحفظ ولكن بالفهم قد يكون احسن الناس قدراتهم تختلف عن بعضهم البعض <<<< مشكلة بعض الوالدين خوفهم على ابنائهم و حبهم لهم انهم يكونون احسن منهم ينسيهم هالشي

نصيحه اذا ولدك بثالث ثنوي حاولي معاه بالأنجليزي بس لا ترهقينه خل ياخذ كفايته من كل شي دوررات ممارسة اللغه و نمي عنده حب التعامل مع الناس بالتواصل تنمين عنده الثقه بالنفس و اهي اهم شي
و يعطي للدراسة حقها كل مالها و الدراسة تصير اسهل و اسهل و بيتمنى عقب ما يخلص انه يرجع يعيدها.

و اذا ليلحين ما وصل ثالث معناتها صاده التغير المفاجئ للعلوم و الرياضيات باللغه العربية حاولي تشاركينه و تدرسين معاه اذا عندج وقت و بنفس الوقت اليوتيوب ينفع كثير بالمحاضرات و الدروس التبسيطيه و خصوصا انها باللغه الأنجليزية
بحيث لو قدر يفهم و يطبق باللغه الانجليزية بيرتاح ان شاء الله فالجامعه


اشكرك وليدي يعقوب على هالنصايح الثمينة اللي راح اعمل عليها على ولدي الصغير لتجهيزه ان شاءالله للمرحلة الثانوية
وفي المقابل اهدي مشاركتك لكل أم ولدها او بنتها في اعتاب الدخول للمرحلة الثانوية يمحصون ويدققون فيها وياخذ بكل حرف مكتوب فيها،،
فجزاك الله خير



اشكرج يمه يمامة لحسن كلماتك

يهمني كمواطن قطري ان انصح و افيد اي قطري او غير قطري ساكن على هالأرض الطيبة و بيفيد بلادنا قطر و خصوصا فئة الشباب لأنهم "قادة المستقبل "

يمكن تفاعلت مع الموضوع من بدايته كوني خريج جديد و موظف جديد + اوقات تطوعي كلها لخدمة و ارشاد الشباب لدي خبرة بالتطوع فيها ما يقارب ال5 سنين

ودي اشوف كل شخص اصغر مني يقدر ينتج احسن مني و ابي اوفرله الي ما توفرلي علشان يتقدم بدون ما يطيح بعقبات او التأخير الي صادني و كثير من الناس الي اكبر مني بالعمر


جزاك الله كل خير وانت بكلامك يوضح لناانك نموذج للشاب الطموح المتطوع صاحب همم وافعال ومب صاحب كلام وشعارات

والله يوفقك يا يعقوب في اللي تعمله ويعطيك على قد نياتك.

[لبيبة]

اعذرني يا يعقوب على التأخير في الرد عليك لأن الموضوع ضاع توني لقيته اليوم :shy:..........> شكرا لبيبة صايرة لي الباحث الرسمي للمواضيع :nice:





عفواً يا يمامة :shy:

[ya3coub]

اعذرني يا يعقوب على التأخير في الرد عليك لأن الموضوع ضاع توني لقيته اليوم :shy:..........> شكرا لبيبة صايرة لي الباحث الرسمي للمواضيع :nice:



بالعكس حياج الله يمه اي وقت و اشكر اختنا لبيبه
و انا اقول وين اختفتي !!!!!


جزاك الله كل خير وانت بكلامك يوضح لناانك نموذج للشاب الطموح المتطوع صاحب همم وافعال ومب صاحب كلام وشعارات

والله يوفقك يا يعقوب في اللي تعمله ويعطيك على قد نياتك.

اللهم امين و مشكورة على هالكلام الطيب :shy:
والله يسمع منج يا رب