اقتراحاتكم لمكان المشروع

[بيلسان]

السلام عليكم ورحمة الله وبركاته
ابي مساعدتكم ،
بعد تفكير طويل ودراسة قررت افتح محل اكسسوارات وهدايا
وسويت الدراسة بس المشكلة المكان ، موب لاقيه مكان افتح فيه المحل

واذا لقيت المكان ياما الايجار غالي او صغير
ايش اقتراحاتكم لمساحة المكان المناسبة واذا عندكم مكان دلوني عليه واكون لكم من الشاكرين
ووتتوقعون المشروح حينجح ولا لا:shy:

[شموخ دائم]

,

,


مرحبا

اكبر مشكله في قطر هو ( الايجار ) و ( المكان )
واكثر المشاريع تخسر باحد السببين
للاسف الوضع صعب بقطر
ومافي خيارات امام التاجر
وكثر من المشاريع يتم التوقف عنها بعد دراسه الجدوى
والتعثر في قيمه الايجار

الدخول بالتجاره هذا شي نشجع عليه
والدخول في شي تفهمين فيه هذا شي طيب

اهم شي في اسباب نجاح المشروع
ان يكون في سوق ( عليه ) اقبال

على قوله اخوانا المصرين
مكان عليه رجل

ومن الذكاء تختارين مكان عليه اقبال ( نسائي ) ونفتح جنبه او امامه
:)


ويكون الايجار في حدود المعقول



,

,


اخوك

شموخ دائم

[تغلبية]

صغير أوكي .. تمام ... مو مشكلة بس المهم ان المكان عليه دوس والمنافسة فيه قليلة

[بيلسان]

شكرا العضو شموخ دائم والعضوة تغلبية على الرد ،
كلامكم صح بس اي منطقة تنصحوني فيها ادور عدل
وكم مفروض تكون مساحة المحل ، لاني مااعرف في هالسوالف

[الدوحه1]

نصيحه:
لحد يفكر في أي مشروع لان السوق الصيني بيفتح قريب في شارع بروه التجاري.
ماخذين مساحه كبيره !!

[مضارب دوسري]

انتظري الشوارع التجاريه الجديده اختي
يمكن ينخفض الايجار
اما الحين الربح فالمجمعات فقط خصوصا ان مشروعج يعتمد عالعنصر النسائي فالربح ف صعب تسوقين نفسج في شارع تحاري

[مضارب دوسري]

واذا مستعجله عليج بالخور شوفي مول الخور او محل في الشارع التجاري فالخور لان المنافسه هناك بتكون معدووووومه لانه لا يوجد منافس

[captin]

السلام عليكم ورحمة الله وبركاته
ابي مساعدتكم ،
بعد تفكير طويل ودراسة قررت افتح محل اكسسوارات وهدايا
وسويت الدراسة بس المشكلة المكان ، موب لاقيه مكان افتح فيه المحل

واذا لقيت المكان ياما الايجار غالي او صغير
ايش اقتراحاتكم لمساحة المكان المناسبة واذا عندكم مكان دلوني عليه واكون لكم من الشاكرين
ووتتوقعون المشروح حينجح ولا لا:shy:

مرحبتين

مشروع الاكسسوارات والهدايا منهو راح يكون الزبون
هل هو هاي كلاس كاستمر ؟؟؟
هل متوسط الدخل
هل محدود الدخل ؟؟؟

من وين راح يكون مصدر الهدايا والاكسسوارات
هل الصين او هونج كونج او مصدر ثاني ؟؟

اذا كان الزبون المستهدف في هذا المشروع هو العربي محدود الدخل
لازم نشوف وين التركز السكاني هل هو وسط الدوحة هل الريان والمنطقة الغربية الخ

معروف عندنا كل جالية وجنسية لها أماكن خاصة للتسوق سواء العرب او الاسيويين
عموما لنشاط الاكسسوارات والهدايا انا انصح باخذ مساحة لكشك
في احد المولات ويكون قريب من احد محلات الملابس والبضائع المتنوعة الكبيرة
بحيث لو خرجت العائلة او الاسرة من ذلك المحل الكبير وتتوقف لتشتري الاكسسوارات
المطلوبة او الهدايا وخصوصا اذا كانت معروضة بطريقة تجذب العنصر النسائي
والبنات في سن المراهقة مثل مستلزمات الشعر وغيرها من مواد.

بالتوفيق ان شاء الله