مهم جدا جدا .. حدود السرعه على الاراضي السعودية

[+abc]

السلام عليكم ورحمة الله وبركاته

السفر على طريق السعودية

يقولون الحين فيه قانون جديد عندهم انهم يحجزون السايق اذا تعدت سرعته 130 كيلو
وتدرون الواحد لما يكون مسافر وخصوصا مع هله مب ناقص غرابيل فالسفر
لانهم يعطونك نص ساعه تدبر نفسك وتخلي حد ياخذ هلك وعقب يودونك للحجز

انا والله سمعت هالكلام وحبيت احذر الجميع عشان يعملون حسابهم ويرجعون سالمين
وياليت لو فيه احد ياكد هالكلام لاني سمعته امس من واحد جاي من النعيريه

وقبل كانت حدود السرعه 140 والحين غيروها ... حاسبوووووووا

[النهار]

الله يجزاك كل خير على نقل الخبر

[Abdulraman]

احسن عشان محد يسرع

[ألعب بعيد]

قبل يومين طالع من سلوى لين الحسا على 180 ماخف الا عند ساهر ( الرادار المتحرك ) لانه اذا صادك بتحصل ثبوت وتفتيش وحجز ووجع راس
والامور طيبة والكلام كذب

[+abc]

ياخوي وشدراك بمكان الرادار وبعدين مالك حاجة تحد الناس على السرعه اذا انت تعرف مكان الرادار غيرك مايعرفه

[حسن]

130 وعلى هل الاجواء البارده

ممتاز وكلها تاخير نصف ساعه ولا ساعه

روح سالم وتعال سالم

ولا تعرض نفسك غيرك للخطر

:victory:

[النهار]

130 وعلى هل الاجواء البارده

ممتاز وكلها تاخير نصف ساعه ولا ساعه

روح سالم وتعال سالم

ولا تعرض نفسك غيرك للخطر

:victory:

كلام من ذهب يالذيب الي يمشي 300 او 100 الاثنن بيوصلون بس ابو300 نسبة وصلوه 50%

[طير حوران]

130 وعلى هل الاجواء البارده

ممتاز وكلها تاخير نصف ساعه ولا ساعه

روح سالم وتعال سالم

ولا تعرض نفسك غيرك للخطر

:victory:

يابوعلي

نحن شعوب لاتمشي الا بالخوف من عصا الشرطه

نتمنى ان يكون هذا الكلام صحيحا ليتأدب كل من يرى ان حياته وحياة الاخرين رخيصه

أما عن رخص حياته لديه فلامانع من انهاء حياته بالطريقه التي يريد

واما حياة الاخرين فليستريح قليلا وليراجع نفسه

تحياتي

[جارح]

قبل يومين طالع من سلوى لين الحسا على 180 ماخف الا عند ساهر ( الرادار المتحرك ) لانه اذا صادك بتحصل ثبوت وتفتيش وحجز ووجع راس
والامور طيبة والكلام كذب
عفيه عليك يابطل صراحه سوبرمان زمانك اقول الله يصلحك ويهديك ويخليك لشيبانك
الكلام الي ورد صحيح ومتشددين بالسرعه وياليت ينزلون السرعه 120 بيكون افضل
وعلى فكرة يالبطل ترى اعترافك بسرعتك يجعلك تحت التحقيق قانونيا لو احد شاف مشاركتك وحب يستدعيك ماتقدر تنكر هاذا اعترافك بنفسك

[همر]

ضربنا حمايه عالفاضي..

راحت فلوسك ياحسين..

[عضو دائم]

قبل يومين طالع من سلوى لين الحسا على 180 ماخف الا عند ساهر ( الرادار المتحرك ) لانه اذا صادك بتحصل ثبوت وتفتيش وحجز ووجع راس
والامور طيبة والكلام كذب



عفيه عليك يابطل صراحه سوبرمان زمانك اقول الله يصلحك ويهديك ويخليك لشيبانك
الكلام الي ورد صحيح ومتشددين بالسرعه وياليت ينزلون السرعه 120 بيكون افضل
وعلى فكرة يالبطل ترى اعترافك بسرعتك يجعلك تحت التحقيق قانونيا لو احد شاف مشاركتك وحب يستدعيك ماتقدر تنكر هاذا اعترافك بنفسك

خف على الرجال ترى يمزح :stop:

[ka2ka2]

السلام عليكم ورحمة الله وبركاته

السفر على طريق السعودية

يقولون الحين فيه قانون جديد عندهم انهم يحجزون السايق اذا تعدت سرعته 130 كيلو
وتدرون الواحد لما يكون مسافر وخصوصا مع هله مب ناقص غرابيل فالسفر
لانهم يعطونك نص ساعه تدبر نفسك وتخلي حد ياخذ هلك وعقب يودونك للحجز

انا والله سمعت هالكلام وحبيت احذر الجميع عشان يعملون حسابهم ويرجعون سالمين
وياليت لو فيه احد ياكد هالكلام لاني سمعته امس من واحد جاي من النعيريه

وقبل كانت حدود السرعه 140 والحين غيروها ... حاسبوووووووا
اجل يقولون صارت مصدر !!..الله يهديك بس

[توشيبا]

اجل يقولون صارت مصدر !!..الله يهديك بس

اي والله شفت اشلون مع اني للحين ماعطيت امر بخصوص حجز السيارات

[راس مشعاب]

للأسف الخبر صحيح وبالذات في الشرقية !!
توني راد الأسبوع اللي راح من الجنوب وتوقفت عند نقطة مفرق نجران
وعطوني مخالفة سرعة وقسيمة وقالوا بتجيك للدوحة !!
بس الشرقية مدري بلاهم علينا حد زعلهم بالدوحة ؟!!!

[عضو مشاكس]

انا 120 حدي

[البانوش]

قبل يومين طالع من سلوى لين الحسا على 180 ماخف الا عند ساهر ( الرادار المتحرك ) لانه اذا صادك بتحصل ثبوت وتفتيش وحجز ووجع راس
والامور طيبة والكلام كذب

لاحول ولا قوة الا بالله

عسى الله يهديك 180 حاسب بدل مانشوف اسمك في صفحة الوفيات خلنا نشوف اسمك في صفحة المبدعين والمميزين في قطر

[بوخالد911]

ضد السرعة وبقوووة

هدوا السرعة

والله يشفي ويهدي العقول الطائشة
وللأسف معظم الشباب سواقة بلا عقل

[مضارب دوسري]

هالخطوه رد على حجز سيارات السعوديين في العيد ومنعها من الخروج
يعني مثل ما تبونهم يحترمون قوانينا ف ديرتنا احترمو قوانينهم ف ديرتهم :)

[راس مشعاب]

هالخطوه رد على حجز سيارات السعوديين في العيد ومنعها من الخروج
يعني مثل ما تبونهم يحترمون قوانينا ف ديرتنا احترمو قوانينهم ف ديرتهم :)
بس عفوا القانون واحد بالدوحة وعالكل مهما كان جنسية السايق والسيارة
ليش هناك قوانين الشرقية غير والجنوب غير مب قانون واحد !!

[مضارب دوسري]

بس عفوا القانون واحد بالدوحة وعالكل مهما كان جنسية السايق والسيارة
ليش هناك قوانين الشرقية غير والجنوب غير مب قانون واحد !!

من قالك القانون فالسعوديه في كل انحاء السعوديه 140 تاخذ ستكر اعلى من 160 تدفع مخالفه وتبيت عندهم فالسجن
كردع
واتمنى يتم هالشي فالدوحه اسلوب ممتاز للردع
المستعجل واللي مايبي عوار راس في اختراع اسمه طياره

[+abc]

والله ياجماعه القصد تنبيه للي مايدري لان قبل كان فوق 140 يوقفونك وتاخذ مخالفه وماتوصل للدوحه وفوق 160 توقيف يوم واحد
الحين صار فوق 130 وهالشي من كم يوم صاير وهو علشان هنا عندنا كانوا السعوديين بعد نفس الشي ماتوصل مخالفاتهم فخذوا البعض راحتهم عالاخر في المخالفات وقاموا ربعنا شدوا عليهم شوي وهم هناك ردوا بنفس الطريقه وبالذات الشرقيه والحسا


اجل يقولون صارت مصدر !!..الله يهديك بس


اي والله شفت اشلون مع اني للحين ماعطيت امر بخصوص حجز السيارات

مادري شنو الي مب عاجبكم لكن مبين انكم من النوع الي حياته كلها انتقاد يعني اذا ماتنقد يموت

[OREO]

يزاك ربي كل خير اخوي و اتمنى من السلطات السعودية بعدم التهاون و تطبيق القانون بصرامة و الله يزاهم كل خير ،،

[FCB 123]

السالفة صج .. و الله والله واحد من الربع كان مع هله متجه من الخبر للدوحة وكان مسرع .. وقفوه وقالوا لهم تجيكم سياره من الدوحة تاخذ الحريم واليهال

وهو خلوه عندهم 3 ليالي وطلع والموتر قالوا له راااااااجعنا عقب شهر وبنتفاهم

[شبح الصمت]

توني راد الاسبوع الي طاف


حطوا رادارت ساهر تحصلهم على جمب نسيت اسم السيارة اعوذ بالله من الشيطان


وعادي ينبهونك الربع الي جاين على الخط الثاني اذا عطاك اكثر من مره وديم لك اعرف وخفف السرعه انه في رادار

بس السرعه الزينه مع هلك لا تجاوز الـ 130

لو بروحك بعد حاول تثبت السرعة ترى كذى والا كذى بتوصل الفرق بسيط جداً


والله يحفظ كل المسافررين

[Abdulraman]

مشكورين على التنبيه صراحه انا كله مكيم

[شبح الصمت]

من خاف سلم


والي يبي الدح لا يقول اح

[captin]

إجراء في محله قام به المرور في السعودية

لأن ربعنا مجانين وما ينفع معاهم الا الحجز والسجن والغرامة
ويالله يالله يعقلون

ولا شفيها لما الواحد يسوق 120 ولا حتى 110
متى ما وصل وصل على شنو مستعجل يعني بيلحق على بورصة نيويورك
ولا بيلحق يسوي عملية جراحية ولا بيشغل مصنع ينتج غاز .

آخرتها
واقف عند قهوة يشرب كرك ولا في مجلس يلعب ورقة
ولا يدخن شيشة .

ارواح كل يوم تروح بسبة السرعة والمطلوب الحزم في معاقبة كل واحد يسرع
يعرض نفسة والآخرين للخطر .

[rayyani4ever]

رادارات ساهر تصيد في الوجه مثل رادارات دبي

[حفيد الأنصار]

توني راد الاسبوع الي طاف


حطوا رادارت ساهر تحصلهم على جمب نسيت اسم السيارة اعوذ بالله من الشيطان


وعادي ينبهونك الربع الي جاين على الخط الثاني اذا عطاك اكثر من مره وديم لك اعرف وخفف السرعه انه في رادار

بس السرعه الزينه مع هلك لا تجاوز الـ 130

لو بروحك بعد حاول تثبت السرعة ترى كذى والا كذى بتوصل الفرق بسيط جداً


والله يحفظ كل المسافررين





خخخخخخخ سالفة اللي ينبهون بالخط الثاني هذه لازم منها

[عنيــــد]

الكلام صحيح و واحد من اقاربي تم حجزه في السجن و حجز سيارته ،،

اتمنى توخي الحذر

[ضوى]

شكرا عالتنبيه

[QTR TV]

طيش وسرعه وطيش وخبلان طيش ومجانين والله ما عندكم ماعند جدتي الي بيسرع بكيفه والي بيمشي على هون بكيفه لأكن ماله داعي هل أسلوب ربعنا مجانين ربعنا خبلان طايشين
فيك خير تكلم عن الياسن الي تطلع من المرور بواسطه ولا الشباب مساكين شماعه لامليتوا وما عندكم مواضيع فتريتوا عليهم الدين النصيحة بلتي هي احسن واضن ان اغلبكم مثقفين ويقدر ينتقي الفاضه
وكل واحد منكم مر في هذا المرحلة فلا نقعد ان كابر ويا بطل وياجونقر صراحه أسلوب استفزازي رخيص لأكن راعي الرد كبر عقله جزاه الله خير دام في مرور ودوريات الكل يستريح ويحب العافية لايقعد يألف على كيفه وفي نهاية الموضوع يقول انا مب متزوج ويحط لك وجه مادي شل مقصد
يالله الله يعينك ياراعي الموضوع وجزاك الله خير على النصيحة

[doha1]

من كم يوم حاجزين واحد من ربعنا من هل البحرين

لمدة 10 ايام وسيارته 15 يوم

والسرعه 160

[ألعب بعيد]

عفيه عليك يابطل صراحه سوبرمان زمانك اقول الله يصلحك ويهديك ويخليك لشيبانك
الكلام الي ورد صحيح ومتشددين بالسرعه وياليت ينزلون السرعه 120 بيكون افضل
وعلى فكرة يالبطل ترى اعترافك بسرعتك يجعلك تحت التحقيق قانونيا لو احد شاف مشاركتك وحب يستدعيك ماتقدر تنكر هاذا اعترافك بنفسك

الشيخ ياليت طريقة الرد تكون افضل من كذا .. اذا انت ماتعرف ظروفي ليش انا مسرع لاتقعد تقول يابطل وياسوبر مان ومادري شنو .. انا واحد كان معي ظرف طارئ فالاحساء والموضوع مستحيل ينتظر تأخير ف مالي حل الا اني اسرع ..
ثاني شي ساهر هو رادار متحرك يكون في سيارات تويوتا فورتشنر ولا برادو ولا كامري ويكون صاف على يمين الشارع ويصور لوحة الموتر من قدام .. وبعد 3 او 4 كيلو تلاقون ثبوت قدامكم يعطيكم قسيمة فورية والسرعة فوق 160 حجز للمركبة وسائقها @

[الحاقول]

ربعنا مسخوها بالسرعه الزايده على طريق سلوي

[+abc]

العفو من الجميع والقصد تنبيه لااكثر ولااقل والهدف المصلحه العامه
والله يحفظ الجميع

[مضارب دوسري]

هل تعلم اخي المواطن ان حجز سيارتك لمدة يوم واحد فقط يخليك تكره سيارتك وتكره اليوم اللي شريتها فيه :)

[كلاسيك قطر]

انا ولد خالي توه طالع من السجن ماشي 200 واحجزو 10 ايام

[اللوز]

الظاهر بابيع البورش
لما كنت اسرع على الخط بسرعة 350

[ka2ka2]

انا ولد خالي توه طالع من السجن ماشي 200 واحجزو 10 ايام

يستاهل اكثر .. ارواح الناس مو لعبة

[رجل تعليم]

الحياة أمانة ....لنحافظ عليها
كان هذا شعار اللجنة الوطنية للوقاية من حوادث السير ذات صيف
===============
تأملوا الشعار جيدا
ثم إن احترام السرعة المسموح بها هو في الواقع ثقافة
والناس الذين حددوا لنا سرعة معينة -على طريق ما -لم يحددوها عبثا ، إنما لضرورات جغرافية ومناخية وما إلى ذلك

[معماري قطري]

ضربنا حمايه عالفاضي..

راحت فلوسك ياحسين..


هههههههه والله مت ضحك .. طلعت ناوي لك على نية .. تعال يا اخوي شوفني انا مودي ولدي بيدرس في الإمارات وخدعني بإنه خذ تندرا وسقت به في قطر بس ما استحملت من رادار لرادار أدوس لها لين توقف بسبب ربط السرعة على 185 .. ويوم ساقها من الحسا كل شوي آسئله كم تمشي يقول 120 أقول له ما اصدق شكلك تمشي 90 .. طلع الكبير أخبل من الصغير هههههههه

[معماري قطري]

الظاهر بابيع البورش
لما كنت اسرع على الخط بسرعة 350

خاطري أجرب سرعة 350 انا مسكين حدي 260 على ما اذكر.