استفسار عن شركة يو بي في سي [الأرشيف] - منتديات شبكة الأسهم القطرية

المساعد الشخصي الرقمي

مشاهدة النسخة كاملة : استفسار عن شركة يو بي في سي

ابو جمال

19-01-2014, 09:20 PM

مضارب دوسري

19-01-2014, 10:13 PM

كثرت شركات اليو بي في سي
والان اصبح شغل شركات الالمنيوم دبل جلاس افضل واوفر من اليو بي في سي

ابو جمال

19-01-2014, 10:54 PM

معماري قطري

19-01-2014, 11:11 PM

صحيح إذا حصلت شركة ألمنيوم تسوي لك المنيوم تيوبلار وبمصنعية وحرفية ممتازة وبسعر حتى 75% أرخص من أتعس شركة يو بي في سي توكل على الله .. أهم شيء تكون أكبر المساحة ثابتة وجزء بسيط ينفتح بمفصلات وتكون له ربلات نوعية جيدة وانتبه لطريقة تثبيتها مع الألمنيوم بحيث يكون لها مكان خاص وتثبت فيه بدون تلزيق .. يعني تجي قطعة خاصة من الربله تدخل في تخويف خاص من الألمنيوم وتثبت .. وشوف الربلة شلون متانتها وقوتها ومصنعيتها .. بعضهم يركبون نوعيات رخيصة لونها يجي رصاصي ورقيقة سواءً لليو بي في سي أو الألمنيوم .. وانتبه لمواصفات الزجاج .. فيه بعضه يجي عاكس من الصوبين .. يعني نهار وليل .. واطلب عينة تجريبية منه قبل لا تتفق نهائي.

رايي تسوي مقارنة بين منتج قطر يو بي في سي .. والاختيار الألماني .. واللي عندك من الألمنيوم .. وفي الأخير الاختصاصي للألمنيوم والاختصاصي لليو بي في سي .. هم على كلامهم يحقنون غاز الأرغون في تجويف الزجاج وهذي أهم نقطة في العزل الحراري والصوتي .. ونبي نستفيد من مقارنتك إنت ما شاء الله شخص متحرك ومتابع أول بأول.

تصدق نسيت التحدي اللي بيننا باقي شكثر .. على ما اذكر لين 1 - 11 - 2014 .. ما شاء الله جدامك حول 10 شهور شكلي مهزوم مهزوم مهزوم

خذ راحتك تأخر شوي منها تضمن شغل زين ومنها أفوز انا .. يالله عساك على القوة وتخلص بأفضل ما يمكن.

معماري قطري

19-01-2014, 11:18 PM

إخوي بو جمال نسيت أنبهك لنقاط مهمة

أول شيء بخصوص موقع النافذة وإذا تحتاج عزل رؤية أو لا .. بعض المرات عندك باب خلفي محد يمر صوبه وتبيه زجاج ويطل على حديقة تبي تستمتع برؤيتها فلا تحط عازل رؤية .. نفس الشيء للنوافذ العالية واللي تعتبر مناور .. ومن ضمنها تكرم اللي للحمامات خلها زجاج محبب في الطبقة الخارجية وعادي داخل لسهولة التنظيف.

ثانياً .. إحنا نحسب عزل نظام الدريشة ولا نحسب عزل الستارة ومحتوياتها ولا نحسب عزل لو حطينا شترات ألمنيوم خارجية .. ولا حتى الكسرات اللي في الحايط لو عندنا وتكسر حدة الصوت العالي.

مضارب دوسري

20-01-2014, 12:58 AM

والله يالدوسري انا جاتي عقده من كثر الشركات ماعاد تعرف الزين من الشين كانك تعرف شي عن الشركات الي مضبوطه شغلها علمني عليها ولا تهون

وشركات الالمنيوم وشغل الدبل جلاس هل يعزل مثله مثل اليو بي في سي والا في فرق في النقطه هذي ؟؟

توكل على الله وسو دبل جلاس
عندك الاختصاصي
انا سويت عند سيتي كابن في صناعية الخور خلال شهر تم التركيب
13 دريشه
مع 9 حمامات
مع
4 ابواب المنيوم للمخزن واثنين لغرفة الخدامه وواحد ف غرفة الغسيل
مع باب للمطبخ الخارجي دبل جلاس تيوبلر
كله طلع علي ب 27000 ريال :)
والحمدلله الشغل والتركيب تمام

مضارب دوسري

20-01-2014, 01:03 AM

وفوق هذا قالي خل 5000 من حسابي عندك متى ماتشوف ان الشغل كان تمام تعال عطني اياها
تعرفت على المحل يوم شفتهم يشتغلون كباين ولوازمها ف راس لفان

اللوز

20-01-2014, 08:24 AM

عندك قطر لليو بي في سي
شغل محترم 100 %

RAGA

20-01-2014, 10:28 AM

سلام عليكم

يا اخوان حد فيكم سمع او جرب شركة ( أراد - Arad ) لليو بي في سي ؟

الشركة هذي مقر مصنعها في الامارات ولها سنتين تقريبا بقطر وعلى كلام مندوبهم مستلمين اكثر من 400 مشروع بقطر لكن ماني عارف عن جودتهم

الي سمع او جرب الشركة هذي يعطينا معلومات عنها وشكرا مقدماً

السلام عليكم

اليو بي في سي ماده ممتازه احسن من الالمنيوم العادي انه جربت الشغل مع شركة معماري قطر يو بي في سي طريق سلوى جانب الخطوط القطريه مواعيدهم ممتازه والمقاطع من تركيا ولاكسسوارات من المانيا وشغلهم نضيف

شكرا

إعلامي قطر

20-01-2014, 11:01 PM

بوجمال أنصحك بالأختيار الألماني أو القطريه الكويتيه..

..

حسن الاحمد

21-01-2014, 12:56 AM

هذا رقم المدير القطري لشركة معماري قطر ... 55968000 يوسف المهندي
بالتوفيق...

Waseem

21-01-2014, 08:42 AM

سلام عليكم

يا اخوان حد فيكم سمع او جرب شركة ( أراد - Arad ) لليو بي في سي ؟

الشركة هذي مقر مصنعها في الامارات ولها سنتين تقريبا بقطر وعلى كلام مندوبهم مستلمين اكثر من 400 مشروع بقطر لكن ماني عارف عن جودتهم

الي سمع او جرب الشركة هذي يعطينا معلومات عنها وشكرا مقدماً

السلام عليكم يابوجمال

خلك مع معماري قطر يو بي في سي صاحب الشركه اقطري وهوابنفسه يتابع الشغل اسعارهم جيده والشغل ممتاز وبضاعتهم من المانيا

تحياتي لك

ابو جمال

24-01-2014, 01:03 AM

لاهنتوا على الردود والتفاعل هذا والي هو مو غريب عليكم انا اتصلت في قطر يو بي في سي وخذو القياسات وبشوف كم سعرهم لعدد 35 شباك منها اثنين كبار جدا وثلاث بيبان