من يحمينا من شركات التأمين في قطر !!

[Chambray]

اليوم مر علي موقف يبط الجبد صراحة

كنت مع صاحبي من كم يوم ، دعمنا واحد من ورى ( يعني السيارة الاخرى هي الغلطانه 100% )
صاحب السيارة الاخرى اعترف بالخطأ في المرور .. وعطونا ورقه للتأمين وورقة تصليح

ذهبنا للتأمين ، واخترنا الكراج

ذهبنا للكراج اليوم ، واخبرنا ان سعر قطع الغيار 5000 ريال ، ولازم احنا ندفع 50% من سعر قطع الغيار يعني ندفع 2500 ريال !!

انزين ليش !!

قال هذا قرار من التأمين ..

انزين مب احنا الغلطانين .. ليش ادفع هالمبلغ !!
على التشحطط في الصناعيه والتعطل في المصالح ، بعد ادفع فلوس للتصليح !!!

اخبر قبل ماكان فيه هذا القرار !!

وفي دول العالم المتقدمة مافي هالقرار !! ومتأكد من هالشئ 100000% لاني تعاملت مع التأمين في اوروبا اكثر من 5 سنين واعرف الانظمة والقوانين عندهم


لكن المشكلة هنا كل شركات التأمين لها قرارات محد يقدر يوقفها عند حدها والمشكلة الاكبر ان ( احنا مب غلطانين في الحادث ) !!!

يعني بادعمك وصلح 50% من التصليح على حسابك

معقوله حماية المستهلك ماتقدر على ( شركات التأمين ) !!!

موضوع قهرني وحبيت اطرحه للنقاش

[برشلوني قطر]

والي دعمك ممكن موتره مافيه شي ويدفع 100 ريال وهو رايح

ليش مايجبرون الغلطان يدفع ال 50% ؟؟

[Chambray]

والي دعمك ممكن موتره مافيه شي ويدفع 100 ريال وهو رايح

ليش مايجبرون الغلطان يدفع ال 50% ؟؟

حتى لو .. ليش يلزمون الناس ( تسوي تأمين ضد الغير )
المشكلة الي بيتوهق هو المدعوم ..

نظام التأمين عندنا ( نصب واحتيال ) للاسف

شوف الفرق بين نظام التأمين ( الطبي ) بين قطر واوروبا
التأمين في اوروبا يشمل عمليات السمنه ( تكميم تحويل إلخ .. )
لكن في قطر ، تعتبر هالعمليات ( عمليات تجميل ) !!!

التأمين على السيارات في اوروبا يشمل معظم الدول الاوروبية
لكن في قطر فقط في قطر ،

الحين طلعوا لنا بنظام جديد وهو موضوع ال 50% من سعر قطع الغيار !!!

[New Vision]

التامين عندنا محمي من الحكومه ومحد يقدر يطلع تصريح لانشاء شركة تامين جديده والمفروض تفتح جميع التصاريح حتى يكون هناك منافسة فالاسعار ولاكن للاسف هالشي فالدول المتقدمه فقط

[الواثق باالله]

نظام التأمين عندنا ( نصب واحتيال ) للاسف


صدقت أخوي نصب واحتيال ...لازم ينحطلن حد الصراحة !!!!

[الواثق باالله]

أعتقد الــ 50 باالمية يدفعها الشخص اذا كان يريد يصلح باالوكالة

أما في غير الوكالة التأمين تدفع المبلغ كامل

أخوي بما انك تعاملت مع شركات التأمين بأوربا...هل يتكفلون بإعطائك موترلبين مايتلصح الموتر الخربان ؟؟

[بوخالد911]

الله يعينك
وايد شغلات تبط الچبد!!!

[qtr qtr]

السلام عليكم
شخباركم عساكم طيبين
الموضوع جا بعد ما دعم الوالد بموتره وطلع الغلط على الي دعمه
ويوم راح التامين قالوا له تدفع 50 بالميه من التصلييح لكن مافي شي في القانون اسمه 50 بالميه

فعطاهم الوالد كتاب قانوني وصلحوا سيارته بدون ال50 بالميه؟؟ وتفضلوا هاي ملخص اتمنى يفيدكم


احذروا تلاعب شركات التأمين
لقد دأب شركات التأمين تطالب المتضررين بدفع قيمة التحمل بدون وجه حق وبخلاف القانون وذلك لمعرفتهم التامة بجهل الكثيرين منا بالقانون لذلك احببت ان اوضح لأخواني واخواتي ان شركات التأمين ملزمة بنص القانون بتغطية الضرر دون ان تحمل المتضرر قيمة التحمل في حال مطالبة شركة التأمين ذلك يمكنكم تقديم شكوى لوزراة الداخلية أورفع دعوى قضائية ضد أي شركة تأمين تطلب ذلك.
ولكن يجب ان نفرق بين المتضرر والمتسبب لأختلاف موقفهما القانوني

أولاً : المتضرر ( بالعامية يعني أن الغلط على الطرف الثاني ):
وفي هذا ورد نص القانون في المادة ( 89 ) الصادرة بقرار وزارة الداخلية رقم ( 6 ) لسنة 2010 بإصدار اللائحة التنفيذية لقانون المرور الصادر بالمرسوم رقم ( 19 ) لسنة 2007.
تنص على أن المؤمن ( يعني شركة التأمين ) ملزم بتغطية المسؤولية المدنية الناشئة عن الاضرار المادية والجسمانية الناجمة عن حوادث المركبة إذا وقعت داخل حدود إقليم الدولة ويكون التزام المؤمن ( شركة التأمين ) عن قيمة ما يحكم به من تعويض مهما بلغت هذه القيمة ( يعني ان مافي شي اسمه قيمة تحمل ) وتشمل الوفاة والأضرار الجسمانية أو اية إصابة بدنية أخرى.
هذا يأخواني ويأخواتي نص القانون القطري الذي يلزم شركة التأمين بتصليح السيارة بدون قيمة تحمل أو حتى قطع غيار مستعملة
فلا تتنازلوا عن حقكم بتحمل اي مبلغ لأن القانون واضح يلزم شركة التأمين بالتصليح مهما بلغة قيمة التصليحات.
واذا ماطلت الشركة أو تراخت فأن المادة ( 256 ) من القانون القطري المدني رقم ( 22 ) الصادر في سنة 2004 تلزم المدين ( شركة التأمين ) في هذه الحالة بدفع تعويض عن الضرر الناتج عن التأخير
يعني ممكن تتطالب بأجرة سيارة ليموزين وممكن تطلب تعويض مادي عن كل يوم تأخير ومماطلة وتراخي في تصليح السيارة.
ثانياً : المتسبب ( بالعاميه يعني الي عليه الغلط )
وهنا القانون يحمله في حال كان التامين شاملاً قيمة تحمل فيما يخص تصليح سيارته هو حسب الجدول التالي :
– يتحمل المؤمن له مبلغ الـ350 ريال الأولى من كل حادث عندما يكون سائق المركبة وقت وقوع الحادث أقل من 21 سنة.
7– يتحمل المؤمن له 15% من الأضرار الناشئة عن خدوش في المركبة بفعل مجهول.
8– في حالة إعتبار السيارة خسارة كلية بناء على اتفاق الشركة والمؤمن له فإنه عند التعويض على أساس القيمة التأمينية يكون احتساب الاستهلاك من تاريخ إصدار هذا العقد وحتى تاريخ وقوع الحادث كما يلي:
2% من كل شهر وبحد أدنى 5% وبحد أعلى 20% لجميع السيارات.
9– أما الاستهلاك على القطع الجديدة المستبدلة بموجب الالتزامات المترتبة عن هذا العقد فيحتسب كما يلي:
(أ) المركبة التي يتم تأمينها فور شرائها جديدة من وكالتها ويكون موديلها هو نفس السنة التي تم فيها البيع أو السنة السابقة لها تعفى قطعها من الاستهلاك من السنة التأمينية الأولى.
(ب) السيارة التي عمرها أكثر من سنة وحتى سنتين حسب موديلها أو سنة صنعها المدونة بدفتر ملكيتها تكون نسبة استهلاك قطعها بواقع 20%.
(ج) السيارة التي عمرها أكثر من سنتين وحتى ثلاث سنوات حسبما تقدم تكون نسبة استهلاك قطعها بواقع 30%.
(د) السيارة التي عمرها أكثر من ثلاث سنوات وحتى أربع سنوات حسبما تقدم تكون نسبة استهلاك قطعها بواقع 40%.
(هـ) السيارة التي عمرها أكثر من أربع سنوات حسبما تقدم تكون نسبة استهلاك قطعها بواقع 50%.
وختاماً ارجو ان اكون قد استطعت توضيح ما يتعلق بقيمة التحمل وانا حاضر لأي استفسار قانوني يتعلق بهذا الموضوع أو اي موضوع اخر.


اتمنى الفايده للجميع ويالربع حاسبوا ترى هاذيلا لارقيب ولاحسيب

منقول من احدى المنتديات القطريه من الاخ العضو الدينجر

[النهار]

الله يعينك من اسبوعين انا واياهم ضرب مضارب لين خذيت حقي منهم بالقوه

[ANONYMOUS]

أعتقد الــ 50 باالمية يدفعها الشخص اذا كان يريد يصلح باالوكالة

أما في غير الوكالة التأمين تدفع المبلغ كامل

أخوي بما انك تعاملت مع شركات التأمين بأوربا...هل يتكفلون بإعطائك موترلبين مايتلصح الموتر الخربان ؟؟



شخصيا حصل معي حادث في إحدى الدول

وكان الطرف الآخر غلطان

وشركة التأمين " او الوكاله" لا اتذكر الآن الموضوع قديم شوي .. عطتني موتر لمدة 3 اسابيع لين ماخلص موتري

ومادفعت اي مبلغ

وشكرا

[Chambray]

أعتقد الــ 50 باالمية يدفعها الشخص اذا كان يريد يصلح باالوكالة

أما في غير الوكالة التأمين تدفع المبلغ كامل

أخوي بما انك تعاملت مع شركات التأمين بأوربا...هل يتكفلون بإعطائك موترلبين مايتلصح الموتر الخربان ؟؟

هلا اخوي ..
للاسف كلامك غير صحيح يالغالي
ال 50% على قطع الغيار ، سواء كان التصليح في الوكاله او في اي كراج !!!

في اوروبا يعطونك موتر إذا كان في العقد مختار هال option
انا سيارتي تعطلت في الكراج 6 شهور ، عطوني الكراج سيارة في هالفترة ( مادري كرم منهم ولا في العقد مكتوب )
بس الي في العقد ان وقت الحادث في تاكسي يوصلني لاقرب مكتب تأجير سيارات
ومن المكتب اخذ السيارة واروح فيها لين المدينة او الوجهه الي ابغيها ، ثم ارجعها للمكتب من جديد ، واتفاهم مع الكراج يوفر لي سيارة بديله

التعامل سلس جداً وبسيط وبدون تعقيد
وكل شئ واضح في ( بوليصه التأمين )

[Chambray]

السلام عليكم
شخباركم عساكم طيبين
الموضوع جا بعد ما دعم الوالد بموتره وطلع الغلط على الي دعمه
ويوم راح التامين قالوا له تدفع 50 بالميه من التصلييح لكن مافي شي في القانون اسمه 50 بالميه

فعطاهم الوالد كتاب قانوني وصلحوا سيارته بدون ال50 بالميه؟؟ وتفضلوا هاي ملخص اتمنى يفيدكم


احذروا تلاعب شركات التأمين
لقد دأب شركات التأمين تطالب المتضررين بدفع قيمة التحمل بدون وجه حق وبخلاف القانون وذلك لمعرفتهم التامة بجهل الكثيرين منا بالقانون لذلك احببت ان اوضح لأخواني واخواتي ان شركات التأمين ملزمة بنص القانون بتغطية الضرر دون ان تحمل المتضرر قيمة التحمل في حال مطالبة شركة التأمين ذلك يمكنكم تقديم شكوى لوزراة الداخلية أورفع دعوى قضائية ضد أي شركة تأمين تطلب ذلك.
ولكن يجب ان نفرق بين المتضرر والمتسبب لأختلاف موقفهما القانوني

أولاً : المتضرر ( بالعامية يعني أن الغلط على الطرف الثاني ):
وفي هذا ورد نص القانون في المادة ( 89 ) الصادرة بقرار وزارة الداخلية رقم ( 6 ) لسنة 2010 بإصدار اللائحة التنفيذية لقانون المرور الصادر بالمرسوم رقم ( 19 ) لسنة 2007.
تنص على أن المؤمن ( يعني شركة التأمين ) ملزم بتغطية المسؤولية المدنية الناشئة عن الاضرار المادية والجسمانية الناجمة عن حوادث المركبة إذا وقعت داخل حدود إقليم الدولة ويكون التزام المؤمن ( شركة التأمين ) عن قيمة ما يحكم به من تعويض مهما بلغت هذه القيمة ( يعني ان مافي شي اسمه قيمة تحمل ) وتشمل الوفاة والأضرار الجسمانية أو اية إصابة بدنية أخرى.
هذا يأخواني ويأخواتي نص القانون القطري الذي يلزم شركة التأمين بتصليح السيارة بدون قيمة تحمل أو حتى قطع غيار مستعملة
فلا تتنازلوا عن حقكم بتحمل اي مبلغ لأن القانون واضح يلزم شركة التأمين بالتصليح مهما بلغة قيمة التصليحات.
واذا ماطلت الشركة أو تراخت فأن المادة ( 256 ) من القانون القطري المدني رقم ( 22 ) الصادر في سنة 2004 تلزم المدين ( شركة التأمين ) في هذه الحالة بدفع تعويض عن الضرر الناتج عن التأخير
يعني ممكن تتطالب بأجرة سيارة ليموزين وممكن تطلب تعويض مادي عن كل يوم تأخير ومماطلة وتراخي في تصليح السيارة.
ثانياً : المتسبب ( بالعاميه يعني الي عليه الغلط )
وهنا القانون يحمله في حال كان التامين شاملاً قيمة تحمل فيما يخص تصليح سيارته هو حسب الجدول التالي :
– يتحمل المؤمن له مبلغ الـ350 ريال الأولى من كل حادث عندما يكون سائق المركبة وقت وقوع الحادث أقل من 21 سنة.
7– يتحمل المؤمن له 15% من الأضرار الناشئة عن خدوش في المركبة بفعل مجهول.
8– في حالة إعتبار السيارة خسارة كلية بناء على اتفاق الشركة والمؤمن له فإنه عند التعويض على أساس القيمة التأمينية يكون احتساب الاستهلاك من تاريخ إصدار هذا العقد وحتى تاريخ وقوع الحادث كما يلي:
2% من كل شهر وبحد أدنى 5% وبحد أعلى 20% لجميع السيارات.
9– أما الاستهلاك على القطع الجديدة المستبدلة بموجب الالتزامات المترتبة عن هذا العقد فيحتسب كما يلي:
(أ) المركبة التي يتم تأمينها فور شرائها جديدة من وكالتها ويكون موديلها هو نفس السنة التي تم فيها البيع أو السنة السابقة لها تعفى قطعها من الاستهلاك من السنة التأمينية الأولى.
(ب) السيارة التي عمرها أكثر من سنة وحتى سنتين حسب موديلها أو سنة صنعها المدونة بدفتر ملكيتها تكون نسبة استهلاك قطعها بواقع 20%.
(ج) السيارة التي عمرها أكثر من سنتين وحتى ثلاث سنوات حسبما تقدم تكون نسبة استهلاك قطعها بواقع 30%.
(د) السيارة التي عمرها أكثر من ثلاث سنوات وحتى أربع سنوات حسبما تقدم تكون نسبة استهلاك قطعها بواقع 40%.
(هـ) السيارة التي عمرها أكثر من أربع سنوات حسبما تقدم تكون نسبة استهلاك قطعها بواقع 50%.
وختاماً ارجو ان اكون قد استطعت توضيح ما يتعلق بقيمة التحمل وانا حاضر لأي استفسار قانوني يتعلق بهذا الموضوع أو اي موضوع اخر.


اتمنى الفايده للجميع ويالربع حاسبوا ترى هاذيلا لارقيب ولاحسيب

منقول من احدى المنتديات القطريه من الاخ العضو الدينجر

بالضبط هذا الي اقوله
ان شركات التأمين ( لا حسيب ولا رقيب ) محد يقدر يحاسبهم للاسف
لاعبين لعبتهم

[qatarman8008]

طيب لنا وقفة هنا.. يطلبون الخمسين بالمئة اذا بغيت تركب قطع غيار اصلية جديدة..
يقول لك انت موترك قديم .. تبي تركب له قطع غيار جديدة ادفع خمسين في المية..
وانا اقول لهم.. اولا..
انا موالغلطان .. لو في حد بيدفع الخمسين يدفعها الغلطان ..
واقول لهم.. ثانيا..
عوضوني عن القيمة اللي خسرها موتري.. بعد الدعمة صار سعره اقل بعشرين الف عالاقل..
واقول لهم.. ثالثا..
عطوني سيارة استخدمها الى ان تنتهي سيارتي من التصليح..

[Riku3]

دفعت الكثير بسبب هال 50 ٪ سابقا لان سيارتي ما كان لها قطع في السكراب او تجاري .. واذا تبي اصلي لازم تدفع وتقدر تكاسر وتتهاوش علشان تخف النسبه ..

ما فهمت رد الاخ بخصوص اتخاذ اجرائات قانونيه ! كيف يعني اروح محامي او بمكان في المرور لتقديم الشكاوي.

[CH Engineer]

صادق اخوي الحق القانوني واضح ومب سالفة موظف التأمين ذكي وينصب المشكله صعب تاخذ حقك

انا متلعوز فالمحاكم مشتكي على وكالة وصارلي معاهم 6 شهور وللحين بالاستئناف واخر شي يقولون لك خذ كم ريال واذا خذيت حقك كامل زين
تتلعوز لين تاخذ حقك , المفروض يكون في غرامة تاديبية يعني لو كل نصاب بيلعوز راعي الحق سنين فالمحاكم واخر شي بيعطيه حقه هذا يعتبر تشجيع على النصب

اخذ منك 400 الف وارجعها لك بعد سنتين,, طبعا انا المستفيد وانت متلعوز غير خسايرك وروحاتك وجياتك للمحاكم

[الواثق باالله]

شخصيا حصل معي حادث في إحدى الدول

وكان الطرف الآخر غلطان

وشركة التأمين " او الوكاله" لا اتذكر الآن الموضوع قديم شوي .. عطتني موتر لمدة 3 اسابيع لين ماخلص موتري

ومادفعت اي مبلغ

وشكرا

المفروض كل شركات التأمين تلتزم بهاالشي

وبنفس الوقت مليصير في مماطلة باالتصليح
شكراُ للتوضيح ياالطيب

[الواثق باالله]

هلا اخوي ..
للاسف كلامك غير صحيح يالغالي
ال 50% على قطع الغيار ، سواء كان التصليح في الوكاله او في اي كراج !!!

في اوروبا يعطونك موتر إذا كان في العقد مختار هال option
انا سيارتي تعطلت في الكراج 6 شهور ، عطوني الكراج سيارة في هالفترة ( مادري كرم منهم ولا في العقد مكتوب )
بس الي في العقد ان وقت الحادث في تاكسي يوصلني لاقرب مكتب تأجير سيارات
ومن المكتب اخذ السيارة واروح فيها لين المدينة او الوجهه الي ابغيها ، ثم ارجعها للمكتب من جديد ، واتفاهم مع الكراج يوفر لي سيارة بديله

التعامل سلس جداً وبسيط وبدون تعقيد
وكل شئ واضح في ( بوليصه التأمين )

غريبة والله ...صديقي من حوالي أسبوع انكسر بلور الموتر الأمامي بسبب حصا نقفت على البلورمن الموتر يلي يمشي قدامه

المهم ياطويل العمر....انكتب ضبط عند المرور وتأمين الموتر الامامي تكفل باالتصليح وبعتو لكراج تابع لهم عشان يبدلون البلور

قلهم أبغى أركبو وكالة...قالولوا تدفع نص المبلغ...وطبعاً باالوكالة غالي فاضطر يركبو عن طريق الكراج ومادفع شي

للتذكير الموتر موديل 2006

[naklan]

للاسف نصب في نصب وما فيه حد يردهم والي مساعدهم ادرة المرور
ليش ادارة المرور يوم طلبوا انه التامين يكون اجباري ما الزموهم بالتصليح الكامل اجباري
الحين لو حصل وانكسر عندي الرود او الرنق او اي قطعة وتبدلت تجارية بتكون خطر على
الاخرين ويمكن تسبب حادث لا سمح الله المفروض بما ان السالفة صارت ماصخه
والحق ضايع يصير التامين اختياري وما يلزمونا بالدفع لشركات نصابه

[معماري قطري]

في شركات التأمين حقنا ضايع

في العلاج خطأ طبي ويتكرر آلاف المرات والحق ضايع

في بنك بروه وكثير من الشركات المساهمة مصدر رزق لا ينضب لمجلس الإدارة وحق الكثير من المساهمين ضايع

حتى في شوارع آمنه وما فيها مطبات حقنا ضيعته أشغال

[Chambray]

غريبة والله ...صديقي من حوالي أسبوع انكسر بلور الموتر الأمامي بسبب حصا نقفت على البلورمن الموتر يلي يمشي قدامه

المهم ياطويل العمر....انكتب ضبط عند المرور وتأمين الموتر الامامي تكفل باالتصليح وبعتو لكراج تابع لهم عشان يبدلون البلور

قلهم أبغى أركبو وكالة...قالولوا تدفع نص المبلغ...وطبعاً باالوكالة غالي فاضطر يركبو عن طريق الكراج ومادفع شي

للتذكير الموتر موديل 2006

انا اتكلم عن قطع الغيار اخوي انت اكيد فاهم الموضوع غلط ..
اتمنى لو تنقل لنا تجربتك الشخصية .. افضل

اتمنى لك التوفيق

[Chambray]

للاسف نصب في نصب وما فيه حد يردهم والي مساعدهم ادرة المرور
ليش ادارة المرور يوم طلبوا انه التامين يكون اجباري ما الزموهم بالتصليح الكامل اجباري
الحين لو حصل وانكسر عندي الرود او الرنق او اي قطعة وتبدلت تجارية بتكون خطر على
الاخرين ويمكن تسبب حادث لا سمح الله المفروض بما ان السالفة صارت ماصخه
والحق ضايع يصير التامين اختياري وما يلزمونا بالدفع لشركات نصابه

:anger1::anger1:

ربك كريم

[Bo Rakan]

بالنسبة لي مريت بهالوقف عراوي البيت اندعم من ورا وتضرر الصدام كامل ويوم خلصنا من شركة التأمين ووديناها للكراج قال بركب صدام تجاري ويوم قلنا له نبي صدام اصلي قال لازم تدفعون النص يعني نتفاجأ بقانون اول مرة نسمع عنه ولا جفنا شيء رسمي بخصوصه حتى الواحد مايعرف في مثل هالحاله لمن يتقدم بشكوى والي مظطر ومحتاج لموتره وماعنده غيره مسكين بيظطر يدفع اتمنى يجوفون حل لهالمصيبه

[مجلان]

اكثر من مليون سياره وشركات التامين تنعد بالاصابع ماذا تتوقع

[احب قطر]

حسبي الله عليهم . شركات نصابة واللي مساعدهم وزارة الداخلية ، والمصيبة لو انك بتشتكي في المحاكم يبي لك سنين لين ما تأخذ حقك ، أنا كانت عندي سياره ماخذها ب ثمانمية الف بعد سنتين واحد دعمني وعوضني التامين أربعمائة وسبعين الف مع ان سعرها في السوق كان مابين خمسائة وخمسين الى ستمائة الف. فكرت ارفع قضية بس عقب قلت اسلم لي الحين على هال مبلغ ولا اتشحطط في المحاكم والله العالم ايش راح احصل عقب كم سنة.

[شيخ الديرة]

أهم شي نعرف أي شركة تأمين وأي ورشة تصليح يستخدمها موظفو هيئة حماية المستهلك

[بوغانم995]

لاحول ولا قوة الا بالله .......الغاليه ......واقفه ....في موقف السيارات ......وجاء واحد من الجنسيه الأسيويه ...عنده عراوي ....وتقولي ..اشوفه يبي يدخل الموقف بالريوس ...اطقله هرن ....طبعاً ...السياره واقفه .....اطلقه هرن ...والأخ ...اذن من طين ووحده من رصاص .

ودعم سيارتها ...بكل برود ...وعدم أكتثار ..

تونا مأخذين ورقة التصليح من المرور ...ويقول الشرطي ان ..موقع الشركه الجديد على طريق سلوى .....قطر للتأمين . ....والسياره ...من السيارات التي مش أرخيصه ..
..صدام السياره الخلفي ....تأثر ..ونشق ....يعني مافيه ..غير تبديل الصدام .
خوفي والله يقلبون الموظوع في التأمين ..علينا علماً بان السياره صافه في الموقف.....وتبون الصدق .....اي صبغ او سمكره ينزل من قيمة الموتر عند البيع ....ياساتر ....السياره بنتلي !!! ....النصيحه .

[Chambray]

بالنسبة لي مريت بهالوقف عراوي البيت اندعم من ورا وتضرر الصدام كامل ويوم خلصنا من شركة التأمين ووديناها للكراج قال بركب صدام تجاري ويوم قلنا له نبي صدام اصلي قال لازم تدفعون النص يعني نتفاجأ بقانون اول مرة نسمع عنه ولا جفنا شيء رسمي بخصوصه حتى الواحد مايعرف في مثل هالحاله لمن يتقدم بشكوى والي مظطر ومحتاج لموتره وماعنده غيره مسكين بيظطر يدفع اتمنى يجوفون حل لهالمصيبه

وين حماية المستهلك

حماية المستهلك ( تحمي الشركات من التقليد )
وشركات التأمين ( تشجع الناس على التقليد )

والله لو في اوروبا كان فيها سجن وقضايا وعلوم

[Chambray]

لاحول ولا قوة الا بالله .......الغاليه ......واقفه ....في موقف السيارات ......وجاء واحد من الجنسيه الأسيويه ...عنده عراوي ....وتقولي ..اشوفه يبي يدخل الموقف بالريوس ...اطقله هرن ....طبعاً ...السياره واقفه .....اطلقه هرن ...والأخ ...اذن من طين ووحده من رصاص .

ودعم سيارتها ...بكل برود ...وعدم أكتثار ..

تونا مأخذين ورقة التصليح من المرور ...ويقول الشرطي ان ..موقع الشركه الجديد على طريق سلوى .....قطر للتأمين . ....والسياره ...من السيارات التي مش أرخيصه ..
..صدام السياره الخلفي ....تأثر ..ونشق ....يعني مافيه ..غير تبديل الصدام .
خوفي والله يقلبون الموظوع في التأمين ..علينا علماً بان السياره صافه في الموقف.....وتبون الصدق .....اي صبغ او سمكره ينزل من قيمة الموتر عند البيع ....ياساتر ....السياره بنتلي !!! ....النصيحه .

الله يعينك والله

بيدفعونك 50% من سعر الصدام

لكن التصليح عليهم حتى لو في الوكاله

لكن قطع الغيار بتدفع 50% منها ( والغلط مب عليك ) والله شئ يقهرررررررررررررر

[الدوحه1]

اعضاء مجلس الشورى هم اللي يتحملون المسؤليه؟؟
ليش اعضاء مجلس الشورى مايطالبون بتعديل القوانين الغير عادله واللي مب في صالح المواطن
مثل موضوع النقاش "تصليح السيارات"؟؟؟؟
صحيح ان دور مجلس الشورى "استشاري" وقراراتهم مب الزاميه بس على الاقل يحسسون المواطنين انهم
حاسين بمشاكلهم!!!!!

[Riku3]

الله يعينك والله

بيدفعونك 50% من سعر الصدام

لكن التصليح عليهم حتى لو في الوكاله

لكن قطع الغيار بتدفع 50% منها ( والغلط مب عليك ) والله شئ يقهرررررررررررررر

على حسب موديل السياره مب دوم 50 ٪ .. لو موديل السنه بلاش التبديل وكل سنه لها نسبه وبعد 3 سنوات اظن توصل 50 ٪ للاصلي.

[New Vision]

اعضاء مجلس الشورى هم اللي يتحملون المسؤليه؟؟
ليش اعضاء مجلس الشورى مايطالبون بتعديل القوانين الغير عادله واللي مب في صالح المواطن
مثل موضوع النقاش "تصليح السيارات"؟؟؟؟
صحيح ان دور مجلس الشورى "استشاري" وقراراتهم مب الزاميه بس على الاقل يحسسون المواطنين انهم
حاسين بمشاكلهم!!!!!

مدام مجلس الشورى مب منتخب من قبل المواطنين لاتتوقع منه شي

[لمت اب]

شركات التأمين تتحكم وتحط الأسعار الي تبيها
والمسؤلين عمي اصمخ
قبل سنتين اطلبوا من المرور ان القلص وراء الشاحنات
يجب ان يكون عليه تأمين
القلص مافيه محرك ولا يمشي بروحه
الا لازم شيء يقلصه ,,
يعني الرأس تأمين والقلص تأمين

الله المستعان

[جوال 11]

شركات التامين ما فيه حد يفرض عليها القانون مع الاسف هي الخصم وهي الحكم حصل معاي نفس الموقف وصاحب الكراج حرامي وكذاب متعاون معاهم المشكلة هذه الشركات تبحث عن الربح باي طريقة والمرور اذا حول اوراقك لشركة التامين انتهت مهمته .
نامل بوضع جهة رقابية على هذه الشركات وحماية الناس من جشعهم .

[Chambray]

شركات التامين ما فيه حد يفرض عليها القانون مع الاسف هي الخصم وهي الحكم حصل معاي نفس الموقف وصاحب الكراج حرامي وكذاب متعاون معاهم المشكلة هذه الشركات تبحث عن الربح باي طريقة والمرور اذا حول اوراقك لشركة التامين انتهت مهمته .
نامل بوضع جهة رقابية على هذه الشركات وحماية الناس من جشعهم .

كلام من ذهب