افضل محل لتلميع وتنظيف السياره من الداخل ؟؟؟

[ريوم]

حبيت استفسر منكم
وشو احسن مكان لتنظيف وتلميع السيارة من الداخل

من الغبار وغيره ابي تنظيف من الداخل
مع العلم السيارة جلد من الداخل ..

وين تنصحوني وجزاكم الله الف خير :shy:

[Rider]

عندج البحريني شغله عدل ماكل الجو عنده محل في شارع بن محمود صوب الكراجات وعنده محل صوب دوار الفروسية سوق البادي

[jassas]

للحين البحريني افضل واحد كتجربة ومش دايم بس ان شاء الله مايتغير ويتم نفس ماهو على طول

[QS20000]

البحريني معاملتهم تعبانه , رحت الفرع اللي في سوق البادي وعطيت المفتاح الفلبيني وسألت عن السعر وقال 700 وطلبت خصم وقال روح للمدير ويعطيك
خصم ودخلت وحصلت المدير كبر واحد من عيالي وقلت ابغي خصم وسألني هذي اول مره قلت نعم وقال مالك خصم وبعد مناقشات معاة يرد علي ويقول انت وش عرفك
في التجاره ؟ وقلت له اعرف التجاره قبل ما تنولد وخذت المفتاح ورحت الوسام مع ان الموظف مصري ولكن جدا محترم والكلمه الطيبه قبل كل شي.


وبعد ما شفت شغل الوسام ما اشوف ان البحرين يستاهل الغلا في الاسعار

[BuFaisal]

الوسام باللاند مارك جابوا واحد مصري تعبان جدا والتنظيف ما انصح فيه .. شغل شوارعي صاير على قولتهم

شوف فروع الوسام الثانية ان شاء الله ما تغيروا للاسوا نفس الوسام باللاندمارك

[حياة البراري]

انصح بالبحريني شغلة ممتاز الي في سوق البادي

[نمساوي]

من واقع تجربة .. الوسام اللي في محطة بترول اللاند مارك

[ياشايل الظبي]

الوسام ممتاز

[ibn.qtr]

المحترف في شارع العزيزية .. انا جربته وعجبني الصراحة

[ABM]

اخوي شوف محل بروفشونال الي في العزيزيه
شغل الجلد ماشاء الله شي من الاخر
تقدر تدخل الانستقرام وشوف الصور بنفسك

@professionalqtr

واسعاره ممتازه من تجربه