الواجهة الزجاج --أفكاركم-- توجد صورة

[عيد بن شاكر]

السلام عليكم

اذا كانت واجهة الفيلا كبيرة و نص دائرية مثل الصورة المرفقة ايش الافكار الي ممكن تركب عليها و تكون عملية و سعرها مقبول؟

http://www.homekw.com/bet/attachment.php?attachmentid=3201&stc=1&d=1257613471

يعطيكم العافية

[@north_star@]

ممن تركب glass block بيطلع حلو وتعطيه اضائة خفيفة من داخل متوفر عند الدرويش والعمودي صناعة المانية ونابينا اظن ماليزي او صيني

[عيد بن شاكر]

ممن تركب glass block بيطلع حلو وتعطيه اضائة خفيفة من داخل متوفر عند الدرويش والعمودي صناعة المانية ونابينا اظن ماليزي او صيني

فكرة حلوة و تسلم ع المرور .. بس اشلون بالنسبة لعزل الصوت و الماء و الغبار؟ عملي؟

نرحب بالإفكار الثانية

[شموخ دائم]

,

,


مرحبا

الله يعطيك العافيه

الواجهات الزجاجيه تعطي حس جمالي عالي بكل مشروع
ومنظر رائع من الداخل للخارج . انا اسميه منزل ( طموح ) وراقي

ولكن له مشاكله الي لازم نتغلب عليها
وهذا يعني ان ( نصرف ) بزياده

من المفتروض ان الزجاج يكون صافي وواضح
يعطيك منظر رائع للحديقه الخارجيه المقابله للزجاج
وهذا هو الهدف من تركيبه في الواجهات

مشاكل الزجاج

الحراره
غبار
تسرب الماء

والحلول موجوده مع التقدم في صناعات مواد البناء
ونحن من الجيل الي يعيش الان ( قمه ) الرفاهيه في الصناعات والتكنولوجيا

وكل مشكله ولها حل .


http://www.lindusconstruction.com/blog/wp-content/uploads/2012/11/window-double-pane-window1.jpg

يكون الزجاج ( دبل جلاس ) يعزل الصوت والضوضاء والحراره
يكون عاكس من الخارج او فيه لمعه معينه ما يكشف الداخل في النهار او مظلل
زجاج وهو نوع من الزجاج يشبه زجاج السياره الامامي في حال انكسر يكون متماسك
عازل للماء في حال المطر وفي حال ايام الغبار

http://i00.i.aliimg.com/photo/v0/282109284/double_glazing_glass.jpg

وفي شركات ممتازه بقطر للتعامل في الزجاج والالمنيوم

ممكن يكون الزجاج معاه ( المنيوم ) فريم
وممكن الزجاج يكون بدون فريم يعطي مساحه اكبر ( للرؤيه )

اخونا المهندس معماري قطري ما شاء الله عليه له من الخبرات الكثير
مع الزجاج والقبب والاضاءه
ممكن يفيدك عظيم الفائده

,

,

اخوك

شموخ دائم

[عيد بن شاكر]

,

,


مرحبا

الله يعطيك العافيه

الواجهات الزجاجيه تعطي حس جمالي عالي بكل مشروع
ومنظر رائع من الداخل للخارج . انا اسميه منزل ( طموح ) وراقي

ولكن له مشاكله الي لازم نتغلب عليها
وهذا يعني ان ( نصرف ) بزياده

من المفتروض ان الزجاج يكون صافي وواضح
يعطيك منظر رائع للحديقه الخارجيه المقابله للزجاج
وهذا هو الهدف من تركيبه في الواجهات

مشاكل الزجاج

الحراره
غبار
تسرب الماء

والحلول موجوده مع التقدم في صناعات مواد البناء
ونحن من الجيل الي يعيش الان ( قمه ) الرفاهيه في الصناعات والتكنولوجيا

وكل مشكله ولها حل .


http://www.lindusconstruction.com/blog/wp-content/uploads/2012/11/window-double-pane-window1.jpg

يكون الزجاج ( دبل جلاس ) يعزل الصوت والضوضاء والحراره
يكون عاكس من الخارج او فيه لمعه معينه ما يكشف الداخل في النهار او مظلل
زجاج وهو نوع من الزجاج يشبه زجاج السياره الامامي في حال انكسر يكون متماسك
عازل للماء في حال المطر وفي حال ايام الغبار

http://i00.i.aliimg.com/photo/v0/282109284/double_glazing_glass.jpg

وفي شركات ممتازه بقطر للتعامل في الزجاج والالمنيوم

ممكن يكون الزجاج معاه ( المنيوم ) فريم
وممكن الزجاج يكون بدون فريم يعطي مساحه اكبر ( للرؤيه )

اخونا المهندس معماري قطري ما شاء الله عليه له من الخبرات الكثير
مع الزجاج والقبب والاضاءه
ممكن يفيدك عظيم الفائده

,

,

اخوك

شموخ دائم

لا عدمناك يالغالي ع النصيحة و بالفعل انا افكر في الـ Frameless Glass

نرحب بالمزيد من الأفكار

[نور الحور]

بالتوفيق اخوي عيد .. بالفعل انا مع راي شموخ .. القزاز لو خليناه رملي او قطع بلوك ما استفدنا من وجوده إلا الإضاءة والحرارة بس ..

وأكبر ميزه في الزجاج جمالياته في شف ما ورائه ..

لكن المشكلة الوحيدة هي في العزل .. ولو بتركب لك يو بي في سي << إن شاء الله الاسم صح :shy:

فالمشكلة شكله مو حلو .. خاصه إطاراته عريضة وثقيلة ..

ياليت أستاذنا معماري يجي ينورنا بالبدائل .. لأن عندي نفس تساؤلك ..

بالتوفيق يارب :)

[@north_star@]

فكرة حلوة و تسلم ع المرور .. بس اشلون بالنسبة لعزل الصوت و الماء و الغبار؟ عملي؟

نرحب بالإفكار الثانية

يعزل الصوت والسماكة تقريبا 8سم وبينهم فراغ هوا واهم شي التركيب الصح والمواد اللاصقة الاصلية وبالنسبه للغبار يبيلك كل فترة تغسله من الخارج وهذا شي طبيعي
بس اذا بتركب لا تحط غير الالماني والمشكلة بالتكلفة كان من فترة سعر النوع الابيض العادي بحدود 11 ريال والالون من 20 الى 25 للحبة والحين اتوقع الاسعار ارتفعت

[@north_star@]

اسم الشركة solaris
,وهذا رابط الموقع
http://www.solaris-glasstein.de/en/company.html

[معماري قطري]

السلام عليكم

مشكور إخوي شموخ على الثقة والإطراء .. وانا اعتبر نفسي تلميذ المنتدى

أكيد واجه الأخ عيد مشاكل مع الموردين والمركبين .. وما شاء الله آراء الإخوان كلها صحيحة وتسوي حيرة .. انا رايي يمكن يزيد الحيرة أكثر لأن عندك الواجهة كبيرة شوي وشركات الزجاج خوافين أكثر من اللازم.

حط في اعتبارك الآتي .. أولاً لو تبي الواجهة مفتوحة ومعتمة في النهار ومعتمة في الليل من الخارج ومكشوفة للي داخل فيه حلول مع الدبل غليزنغ قلاس وهذي لازم تشترطها وتجرب عينة نهار وليل مع الإضاءَة من داخل .. والعينة مهمة تقدر تعرف منها طريقة التركيب والمواد المجمعة لنظام الحائط الزجاجي.

ثانياً لو تبي النور فقط بيكون عندك نظام الطوب الزجاجي فعال بس بتواجهك صعوبة تركيبه على هذا الإرتفاع خصوصاً مع قلة الخبرة هنا .. عندي لك اقتراح لو حبيت راي مختص في الزجاج المعشق أو حتى خلط النظامين وهو شخص خبرة بس أسعاره فلكية صراحة ويشتغل قزاز كهواية وهو في الأصل مهندس إنشائي خبرته توصل ل 30 سنة.

في الأخير أشوف لو حاب قطاع خفيف حق هذا الجزء عندك الفريم الألمنيوم القوي التيوبلار، وهذا يسونه شركة الإختصاصي وشركة الإختيار الألماني يقدرون يسونه بطريقة حلوة ولاف .. بس يجيك الزجاج قطع سيده .. ويسوون الفريم مقوى بالحديد داخله .. مر عليهم في العزيزية وشوف طريقتهم وطريقة تركيبهم .. الفريم ممكن يكون شوي عريض وما يطلع عندك الشكل نفسه بالضبط لكن بيكون عملي خصوصاً لو ضمنت الخصوصية ليل ونهار وعدم وضع ستارة نهائياً.

أشوف لو تم عمل الزجاج بفريم ألمنيوم مع ترك بعض القطع لتكون زجاج معشق أو ملون من نابينا أو حتى بعض الأجزاء تجي قلاس بلوكس بألوان مختلفة بتعطيك لوحة فنية رائعة، بس يبي لها تصميم بفن ياخذ عدة اعتبارات من ناحية موقع القطعة.

لو ركزت على نوعية زجاج ضد الكسر أو لو إنكسر يتناثر بترتفع التكلفة وايد .. رايي تخليه زجاج عادي معزول ولو حصلت بنظام غاز الأرغون بتستمتع بأشعة الشمس المباشرة بدون حرارة تذكر.

وبالتوفيق لك إن شاء الله ونبي تفيدنا شحصلت ونتابع معاك للنهاية.

[نور الحور]

ما شاء الله عليك معماري على هالتوضيح .. وأستأذن من صاحب الموضوع .. حبيت اسأل ..

ممكن لو تكرمت توضح زيادة أكثر عن طريقة القزاز اللي ما يحتاج ستاير نهائياً .. حبيت الفكرة وايد .. :shy:

بس ما فهمتها .. وشلون بيكون شكله ؟ هل له فريمات عريضة ؟

[معماري قطري]

ما شاء الله عليك معماري على هالتوضيح .. وأستأذن من صاحب الموضوع .. حبيت اسأل ..

ممكن لو تكرمت توضح زيادة أكثر عن طريقة القزاز اللي ما يحتاج ستاير نهائياً .. حبيت الفكرة وايد .. :shy:

بس ما فهمتها .. وشلون بيكون شكله ؟ هل له فريمات عريضة ؟

صباح الخير إخت نور عليج وعلى الجميع

قصدت الله يسلمج إذا كانت هذي الواجهة الكبيرة بهذا الشكل تم تنفيذها لتكون مفتوحة، فالأفضل بما أنها في صالة تكون بدون ستاير خصوصاً مع الإرتفاع العالي وصعوبة فتح وتسكير الستارة والإكتفاء بتعتيم الرؤية في الليل وفي النهار .. ممكن تنحط حول الإطارات الداخلية قطع غرانيت مبرومة بطريقة متدرجة وتغطي الزوايا وممكن تتركب قطع خشبية ويتم إلصاق ورق خاص خشبي على الفريم الداخلي .. وهذا موجود عند شركات اليو بي في سي .. يعني يجي شكل خشبي من داخل ومن الخارج أبيض حتى يقاوم أشعة الشمس وما يتغير .. الخشبي برا بيبهت بسرعة .. ويطلع الشكل سواءً بيتم تركيب الجزء الكبير ألمنيوم والباقي للبيت يو بي في سي .. أو كله يو بي في سي تقريباً واحد ومتجانس.

لاحظت في الواجهة وجود عمودين عراض وايد حول المدخل وفوقهم قوس غير متناسب مع حجمهم .. وكأن الرسام حطه تحصيل حاصل والأفضل تصغير الأعمدة شوي .. نقدر نقول 50% .. أو حتى عملها غير ملتصقة في الحائط وواقفة بذاتها وفوقها القوس متصل مع الحائط وفيه إنارة علوية تنور لأسفل مع وجود إضاءَة سفلية حول العمودين.

ممكن بعد الأعمدة تكون أطول وواصله لين المثلث فوق والمثلث يجي بارز أكثر وبدون القوس الكبير.

[نور الحور]

^

صباح الخيرات معماري ..مشكور وايد على التوضيح ..

بس أنا سؤالي كان عن نوع هالقزاز .. اللي ما يكشف ليل ولا نهار .. أو تقنيته بالأصح ..

ووين ممكن نحصله وسعره وطريقة تركيبه ..وهل هو عازل للغبار والصوت والماي؟

هههههههههههه .. كثرت الأسئلة عليك .. سوري :shy:

[معماري قطري]

شركات الألمنيوم واليو بي في سي حسب ما فهمت يقدرون يسوونه عازل للرؤية أو معتم في الليل والنهار بوضع طبقتين من العزل .. بس لازم يجرب الواحد أقل شيء دريشة وحده قبل التركيب النهائي وهذا شيء يتهربون منه غالبية شركات التركيب لأن بيلزمهم بمواصفات معينة ما يقدرون يغيرون عنها .. الوضع الثاني نسوي العزل في النهار ونخلي إنارة خارجية في الليل من فوق لتحت أو من تحت لفوق بحيث تزيد عن الإنارة الداخلية ويستوي عندنا معتم ليل بسبة الإضاءَة الخارجية ومعتم نهار بسبب إضاءَة الشمس .. وممكن الواجهة تكون داخلية وغير واضحة للخارج أو البيوت المحيطة ونقدر نخليها شفافة بالكامل بدون تعتيم .. كلها تبقى خصوصيات أهل البيت واختيارهم للأنسب.

فيه نوعيات بقزاز دبل وفراغ كبير نسبياً في الوسط تجي فيه ستاير خاصة تتسكر وتنفتح بكهربة حسب الإختيار والتحكم .. هذي أتوقع موجودة عند سيدار .. وفيه نوعيات تجي مخصوصة بغاز خاص يتعتم من 0 الى 100% بضغطة زر وبكهربة ضعيفة القوة .. وهذا هاي تك قلاس بعيد عن شركاتنا مع إنه موجود وممكن يطلبونه ويستخدمونه.

أكيد بيكون عازل لو تركب صح على ألمنيوم أو يو بي في سي وبمواد خاصة.

وهذا مثال من اليوتيوب.

http://www.youtube.com/watch?v=gszYgBql9qM

وفي النهاية نتمنى مصنع قطر للألمنيوم ينافس في صناعة ألمنيوم مثل ذيه اللي في الرابط ما ينافس في خفة ورداءَة ورخص الألمنيوم.

http://www.youtube.com/watch?v=fyZJIM0ELTs

[نور الحور]

جزاك الله خير على التوضيح والتفصيل معماري .. تسلم والله ..

غزر البحر غزر :eek3:

[معماري قطري]

جزاك الله خير على التوضيح والتفصيل معماري .. تسلم والله ..

غزر البحر غزر :eek3:

ههههههه ليش ضعتي هشكل ما غزر البحر ولا شيء

أتذكر بيتكم للحين والواجهة القزاز الكبيرة المقاربة لذي .. وعرضت كل الحلول المناسبة تبقى المقارنة من حيث المواصفات والسعر .. ومن رايي واجهات بهالمساحة المفروض نستثمر في تركها بدون ستاير ونجملها بطريقة مناسبة وشرحت الحلول التجميلية وهي موجودة .. ممكن في أجزاء من القزاز نحط زجاج منقوش بألوان بسيطة يعطي شوية إضاءَة ملونه.

وانتوا ما شاء الله واجهة بيتكم مقابله شرق ومقابله مكان مفتوح بتكون وايد أحلى .. وأبسط حل للخصوصية في الليل والنهار هو وضع العازل " المخفي " ومعادلة الإضاءَة بليتات خارجية منعكسة على الزجاج .. أو الزجاج المعتم من الجهتين .. وإنتوا حاطين اضاءَة خارجية حاطين مب خسرانين شيء .. بس نبي صور لتنسينا .. متوقع بيتكم يطلع من أجمل البيوت وأرتبها الله يوفقكم ويهنيكم فيه وتسكنونه على خير.

[نور الحور]

آمين يارب .. جزاك الله خير معماري .. ومشكور على ذوقك ولطفك .. ما قصرت أبد والله

الله يسمع منك يارب ويسهل علينا وعلى كل اللي يبنون ..

حزتها إن شاء الله أبشروا بأحلى عشا ..

وبوزع شغف بعد بالمنتدى هههههه :shy:

[معماري قطري]

انا ابي شقف ما ابي شغف .. كباب شقف :nice:

[نور الحور]

انا ابي شقف ما ابي شغف .. كباب شقف :nice:



هههههه شقف وشغف وكل اللي تامر عليه بنسويه لك .. أنت تامر امر أخوي معماري ..

وحياك الله في البيت في أي وقت سواء اللحين ولا بعدين .. تنور والله :nice:

[معماري قطري]

تسلمين إختي .. المفروض نطالب ب " شئفة صور " مثل ما يقولون اللبنانيين .. انا بعيد وايد ولا مع هالأجواء الحلوة يبي لي آمر أشوف شصار من تطور .. الأهم لكل من يبني عظم يركز كل جهده وقت ما يخلص يبدأ بأول خطوة مهمة وهي عزل السقف عن مياه المطر .. والباقي يجي بالتدريج بس هذي أهم خطوة